އެމްޑީޕީން ކުޅުދުއްފުށީގައި ބާއްވާ ކޮންފަރެންސްގައި އިކޮނޮމިކް މިނިސްޓަރު ފައްޔާޒް އިސްމާއީލް ބައިވެރިވެވަޑައިގަންނަަވަނީ.
15 ޖެނުއަރީ 2020 - 16:26
17 comments
ޓްރާންޝިޕްމަންޓް ބަނދަރަކުން ރާއްޖެއަށް އެންމެ ބޮޑު ފައިދާ ލިބުމުގެ ވަގުތު މިހާރު ފާއިތުވެފައި ވިޔަސް އެފަދަ ބަނދަރަކުން އަދިވެސް ބޮޑު ފައިދާއެއް ނެގިދާނެ ކަމަށް އިކޮނޮމިކް މިނިސްޓަރު ފައްޔާޒް އިސްމާއިލް މިއަދު، ކުޅުދުއްފުށީގައި، ވިދާޅުވެއްޖެ އެވެ.
"ތިލަދުންމަތީ އިރުވައި ކޮންފަރެންސް"ގެ ނަމުގައި އެމްޑީޕީން ފެށި ބައްދަލުވުމުގައި ފައްޔާޒު ވިދާޅުވީ ޓްރާންޝިޕްމަންޓް ބަނދަރެއް ރާއްޖޭގައި ނުހެދި ލަސްވި އިރު އަވަށްޓެރި ސްރީ ލަންކާ އާއި އިންޑިއާގައި އެފަދަ ބަނދަރުތައް މިހާރު ހަދާފައިވާ ކަމަށެވެ. އެހެންކަމުން އެފަދަ ބަނދަރަކުން ލިބެން އޮތް އެންމެ ބޮޑު ފައިދާ ނުލިބޭނެ ފަދަ ހާލަތެއް މިހާރު އުފެދިފައިވާ ކަމަށް އޭނާ ވިދާޅުވި އެވެ.
އެކަމަކު "އަޅުގަނޑުމެން ބަލާ ބެލުމުގައި އެންމެ ސީދާ ރޫޓަކަށް އަދިވެސް އޮތީ ދިވެހިރާއްޖެ. އެހެން ދިމަދިމާލަށް ދަންޏާ ކުޑަކޮށް ރޫޓް ބަދަލުކޮށްްލައިގެން މި ދެވެނީ. އެހެންވީމާ އެ އެޑްވާންޓޭޖް އަޅުގަނޑުމެންނަށް އެބަ އޮތް،" ފައްޔާޒު ވިދާޅުވި އެވެ.
"މީގެ ދިރާސާތައް އިރާދަކުރެއްވިއްޔާ ފެބްރުއަރީ މަސް ނިމޭ ހިސާބަށް އަޅުގަނޑުމެންނަށް ލިބޭނެ."
އޭނާ ވިދާޅުވީ ޓްރާންޝިޕްމެންޓް ބަނދަރުގެ މަޝްރޫއު ކާމިޔާބު ވެއްޖެ ނަމަ ދުރު ރާސްތާގައި އެއީ ޓޫރިޒަމް އިންޑަސްޓްރީއަށް ވުރެ ވެސް ބޮޑު އިންޑަސްޓްރީއަކަށް ވުން އެކަށީގެންވާ ކަމަށެވެ.
ފައްޔާޒު ވިދާޅުވި ގޮތުގައި ތިލަދުންމަތީގައި ޓްރާންޝިޕްމެންޓް ބަނދަރެއް ހަނދަން އިންވެސްޓްކުރާނެ ބަޔަކު ހޯދަން އެކި ގައުމުތަކާ އެކު ސަރުކާރުން އަންނަނީ ވާހަކަދައްކަމުންނެވެ.
"އިންވެސްޓްމެންޓްތަައް ހޯދުމަށްޓަކައި އަޅުގަނޑުމެން މިހާރު ވެސް މިދަނީ އަޅުގަނޑުމެންނާ ގުޅުން ހުރި ގައުމުތަކާ ވެސް ވާހަކަ ދައްކަމުން. އޭގެ ތެރޭގައި ސައުދީ އެރެބިއާ، ޔުނައިޓެޑް އެރެބް އެމިރޭޓްސް [ޔޫއޭއީ]، އިންޑިއާ، އެމެރިކާ އަދި މިފަދަ ތަންތަނުގެ އިންވެސްޓަރުންނާ ވެސް ވާހަކަ ދައްކަމުން މިދަނީ،" ފައްޔާޒް ވިދާޅުވި އެވެ.
އިހަވަންދިއްޕޮޅުގައި ޓްރާންޝިޕްމެންޓް ބަނދަރެއް ހެދުމަކީ، ކުރީގެ ރައީސް މައުމޫން އަބްދުލްގައްޔޫމްގެ ވެރިކަމުގެ ފަހު ދައުރުން ފެށިގެން އެކި ސަރުކާރުތަކުން ދައްކަމުން އައި ވާހަކައެކެވެ. އެގޮތުން ކުރީގެ ރައީސް އަބްދުﷲ ޔާމީންގެ ވެރިކަމުގައި އެ މަޝްރޫއަށް "އައިހަވަން"ގެ ނަން ދީގެން، އިންވެސްޓަރުން ހޯދަން މަސައްކަތްކުރި އެވެ.
ރައީސް އިބްރާހިމް މުހައްމަދު ސޯލިހު ވަނީ ރިޔާސީ އިންތިހާބުގެ ކެމްޕޭންގެ ވައުދެއްގެ ގޮތުގައި ވެސް އެ ވާހަކަ ދައްކަވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޫހި
16 January 2020
ހެޔޮނުވާނެ އެމެރިކާ އިންޑިޔާއަށް ނުދޭތި.
ޔުސްރާއ
16 January 2020
ބަލަ ރަނގަޅު ބަނދަރެއް ހަނދަންޏާ ހަދަންވީ ތިލަފުށީގަ ފުރަތަމައިނުންވެސް މާލޭގަ މިއޮތް ބަނދަރަކީ ރާއްޖެއަށް ގެންނަހާ މުދާ ނުކތާކުޑަ ހަކޮށި ތަނެއް އޭގެ އިތުރުން ހުޅުމާލޭގަޔާ ގުލީފަޅުގަ މީހުން އާބާދުވާން ފުރުޞަތުދީފަ ރަނގަޅު ބަނދަރެއް ތިލަފުސީގަ ނެތި ދެން ކޮން ބަނދަރެއްތޯ ހަދަންވީ ޕްލޭން އެކޮޅުކޮޅުންދޯ
ވާނުވާ.
16 January 2020
ކޮއްކޯ ވާނުވާ އެނގިގެން ފުރަތަމަ ކޮމެންޓު ކޮށްބަލަ.. ޓުރާންސްޝިޕްމަންޓު ޕޯޓާ ކޮމާޝިއަލް ޕޯޓުއެއީ މުޅިން ދެ ކޮންސެޕްޓެއްގެ ތަފާތު ދެ ބަނދަރެއް.. ޓުރާންސްޝިޕްމަންޓް ޕޯޓަކީ ކޮންމެ ކޮންމެ ލޮކޭޝަނެއްގަ ހެދޭނެ އެއްޗެއްނޫން.. އިހަވަންދިއްޕޮޅުކަހަލަ ބޯޓުފަހަރު ދަތުރުކުރާ ބޭރު ކަނޑަށް ވާގޮތަށް އޮންނަ މައި ޗެނަލެއްގެ އަނގަމަތީގަ ނޫނީ އޭގެ ޕޯޓެއް ގާއިމެއް ނުކުރެވޭނެ.. މުދާ ގެންނަ ކޮމާޝިއަލް ޕޯޓު ތިލަދުށީގަ އަޅަން ނިންމާފަ އެއޮތީ މި ކިޔަނީ އެވާހަކައެއް ނޫން
ހޮޓްކިންގ
16 January 2020
އިންޑިއާ ތިތަނަށް ބާނައިގެން ކެވޭނެ ދޮންކޭލެއް ނެތް. ދެންވެސް ތިކަން ކުރެވޭނީ ޗައިނާއަށް. އެމީހުންގެ އެ ކެޕޭސިޓީ އެބަހުރި. ތަރައްގީ ހޯދަން ބޭނުންވާނަމަ ޗައިނާއާއި ވާހަކަ ނުދައްކާ ކުރެވޭނެ ކަމެއް ނޯންނާނެ.
ކައްކާ
16 January 2020
އުތުރުމީހުނަށް އަވާމެންދުރު ދައްކަދައްކާފަ ތިޔަބުނާ ބަނދަރު މާލޭމީހުން އެހަދަނީ ތިލަފުށީގަ. މައްސަލައަކީ އުތުރުމީހުނަށް އެވަރު ނޭނގޭކަން. މިދިޔަ 5 އަހަރު އުތުރުގަ ކުރިކަމަކީ ދޮޅަހަކަށް ފުޓްސެލްދަނޑު އެޅީ، އެއީ ހައެއްކަ މިލިއަން ރުފިޔާ، ހުޅުމާލޭގަ އިން ކުޑަވަރެއްގެ ފަސްފުންޏެއް ނަގަން އެކަނި 15 މިލިއަން ދިޔަ، އެކަމަކު މުޅި 5 އަހަރު ދެއްކީ ފުޓްސެލްދަނޑުގެ މަޝްރޫއުގެ ވާހަކަ. ހެހެހެހެ.
ޒަކް
16 January 2020
މާލޭގަ ހަދަނީ ކޮމާޝިއަލް ޕޯޓެއް.. ޓުރާންސްޝިޕްމަންޓް ޕޯޓަކީ މުދާގެނެސް މުދާ ބާލާ ޕޯޓެއް ނޫން އެއީ ބަންކަރިން ސަރވިސްއާ ރިޕެއަރ ޑްރައިޑޮކިން ފަދަ ޚިދުމަތްތައްދޭ ބަނދަރަށް ކިޔާ ނަމެއް.. ވާނުވާ ނޭނގުނަސް ފިތުނައެއް ހަދާލަން އަނގަކޮށްޕާލާތި ކޮންމެތާކަށް
ހޯރަފުށީ ޗާލުނަޔާ
15 January 2020
ރައީސް މައުމޫނު ދައުރުންސުރެ ކޮންމެ އިންތިހާބަކާ ދިމާކޮށް ތި ބަދަރު ހަދާ ހަދާ މިހާރު އިހަވަންދިންފޮޅުގަ ނެތް ފައިޖަންސާލާނެ ތަންކޮޅެއްވެސް.
އެންދެރި
15 January 2020
ޓޫރިޒަމުން ރައްޔިތުންނަށް ފައިސާ ބަހާ ވަރަށް ފައިސާ ލިބެއެވެ. އެފައިސާ ބަހާލީމަ ރަނގަޅު ވާނެ އެވެ. ރާއްޖެ އަށް ޓޫރިޒަމުން ލިބޭ ބޭރު ފައިސާ ގެ އަދަދު މަނިޓަރީ އަށް ވެސް ނޭނގެ އެވެ. އެފައިސާ ތައް ރާއްޖެ އެތެރެ ވެފަ މަނިޓަރީ ނޫނީ ބޭންކް އަށް ނުވަދެ ބޭރުވަނީއެވެ. އެއީ އެތައް ސަތޭކަ ބިލިއަން ޑޮލަރެކެވެ.
900 ޑިގުރީ
15 January 2020
ލޯކަލް ކައުންސިލް އިންތިހާބަށް ހަދާ ބަނދަރެއްތީ ރާޅު އަރާފަށުގައި ދޮންވެލިން ހަދާގޭގެ މިސާލު ތިބަނދަރުގެ މިސާލަކީ
ހައްގުބަސް
15 January 2020
ރައިސް ޔަމިނަ ނެހެދުނީކީނުން. އިންޑިޔާ މިކަމުގެ ތެރެޔައްވަދެ ނަޝީދުމެން ހޭވީ ހަޑި. މިކަންތަށް ހުޢްޓުވީ އެމްޑީޕީން. ރައިސް ޔާމިން އަބަދުވެސް ބުނަނެ މިނިވަން އިގްތިސޯދެށް ނެތީޔާ ގާއުމުގެ މިނިވަންކަމެށް ނެތޭ. ތި ޜޫޑަކީ ރާއްޖޭގެ މުސްތަގްބޮލް ހެޔޯނުވާނެ އިންޑިޔާއަ ނުދީ ތިތަން.
ރަންނަ
16 January 2020
ވައްކަންކުރަންވީމަ ކުރެވޭ. ކަމެއް ނުކުރެވުނީމަ ނާޝީދު ހުއްޓުވީ
މަންޑޭލާ
15 January 2020
ކަލޭމެން ވަނީ ސިއްރު ޑީލްތަކެ ހަދަފަ އިންޑިޔައާ އެކީ. އިންޑިޔައައް ދީފީއްޔާ ލިބޭނީ ގެއްލުން. މުޅިންވެސް ތިބޭނީ އިންޑިޔާ ރައްްއިތުން ފަޒީފާގަ. ތިތަން ސިންގަޕޫރައް ދީބަލަ.
ޝޮކްތެރަޕީ
15 January 2020
ރައިސް ޔާމިން ހަދަން އުޅެނިކޯއް. އިންޑިޔާ މިކަމުގެ ތެރެޔައް ވަދެ ހުއްޓުވީ. އިންޑިޔާ ބޭނުންވަނީ އިންޑިޔާއަށް ބަދަރު ދޭން. ރައިސް ޔާމިން ބޭނުން ވަނީ މިނިވަން އިގްތިސޯދެ ބިނާކުރަން. އިންޑިޔާގެ އަސްކަރީ ޕްލޭނެ ރާއްޖެގަ އޮތީ. މިކަމުން ރައްޖެއަ ލިބެނެ ފައިދާއެއް ނެއް. މިސަރުކާރު ވަނީ އިންޑިޔާއާ ޑީލްތަކެށް ހަދާފަ. މި ބަދަރުވެސް ދޭން އިންޑިޔާާށް ވަނީ ނިމްމާފަ. މިނިސްޓަރު ފައްޔާސް މޮޅުވާހަކަ ނުދާއްކާ.