މޯދީ އަށް އިންޒާރުދީފައިވާ ނޯޓެއް ހިމެނޭ ކޮތަރެއް އިންޑިއާ ސިފައިންގެ ބެލުމުގެ ދަށަށް

ޕާކިސްތާނުން ޖާސޫސް ކުރަން ފޮނުވާފައިވާ ކަމަށް ބެލެވޭ ކޮތަރުތައް އިންޑިއާ ސިފައިން މީގެ ކުރިން ވެސް ވަނީ ހިފާފައި.

ހަސަން އާމިރު، މިހާރު

04 އޮކްޓޯބަރ 2016 - 11:38

ސްރީނަގަރު (އޮކްޓޯބަރު 4) - އިންޑިއާގެ ބޮޑު ވަޒީރު ނަރެންދުރަ މޯދީ އަށް އިންޒާރުދީފައިވާ ނޯޓެއް ހަރުކޮށްފައިވާ ކޮތަރެއް އިންޑިއާ ސިފައިން ހިފާ ހައްޔަރުކޮށްފި އެވެ.

މި ކޮތަރު ހިފައިފައި ވަނީ ކަޝްމީރުގައި ޕާކިސްތާނުގެ ސަރަހައްދީ ރޮނގާ ކައިރިން އުތުރުގެ ޕަންޖާބު ސްޓޭޓުގެ ޕަތަންކޮޓް އިންނެވެ. ޕަތަންކޮޓްގައި ހަނގުރާމަވެރިން ވަނީ ޖެނުއަރީ މަހު އިންޑިއާ ސިފައިންގެ މަރުކަޒަކަށް ހަމަލާދީފަ އެވެ.

ޕަތަންކޮޓުގެ ފުލުހުންގެ ވެރިޔާ ރާކޭޝް ކުމާރު އޭއެފްޕީ އަށް ފޯނުން ވިދާޅުވީ ބޯޑަރު ބަލަހައްޓާ ސިފައިން (ބީއެސްއެފް) އަށް ކޮތަރު ފެނުމާ އެކު މިހާރު ވަނީ އެ ކޮތަރު ބަންދުކޮށްފައި ކަމަށެވެ.

"މޯދީ، އަހަރެމެންނަކީ 1971 ގައި އުޅުނު ފަދަ މީހުންނެއް ނޫން. އަހަރެމެންގެ ކޮންމެ ކުޑަ ކުއްޖަކު ވެސް މިހާރު މި ތިބީ އިންޑިއާއާ ހަނގުރާމަ ކުރަން ތައްޔާރަށް،" ކޮތަރުގައި ހަރުކޮށްފައިވާ އުރުދޫ ބަހުން ލިޔެފައިވާ ލިޔުމުގައިވެ އެވެ.

އިންޑިއާ އާއި ޕާކިސްތާނުން 1971 ވަނަ އަހަރު ވަނީ ދެ ގައުމުގެ އެންމެ ފަހުގެ ހަނގުރާމަ ކޮށްފަ އެވެ.

ކުމާރު ވިދާޅުވީ ކޮތަރުގައި ހަރުކޮށްފައިވާ ލިޔުމުގައި ސޮއިކޮށްފައި ވަނީ ޕާކިސްތާނުގެ ހަނގުރާމަވެރި ޖަމާއަތެއް ކަމަށްވާ ލަޝްކަރީ ތައިބާ އިން ކަމަށް ބެލެވޭ ކަމަށާއި އެހެންވެ އެ މައްސަލަ ވަރަށް ސީރިއަސްކޮށް ބަލަމުންދާ ކަމަށެވެ.

އިންޑިއާ އާއި ޕާކިސްތާނުގެ ވާދަވެރިކަމުގައި ކޮތަރުފަދަ ތަކެތި ބޭނުންކޮށްގެން އިންޒާރުދިން މިއީ ފުރަތަމަ ފަހަރެއް ނޫނެވެ. މީގެ ކުޑަ ދުވަސްކޮޅެއް ކުރިން ވެސް ވަނީ އިންޒާރުގެ މެސެޖެއް ލިޔެފައިވާ ކޮތަރެއް އިންޑިއާ އިން ހިފައިފަ އެވެ. މީގެ އިތުރުން މޯދީ އަށް އިންޒާރުދީ މެސެޖެއް ލިޔެފައިވާ ދެ ފުއްޕާހަން ޕަންޖާބުން ވަނީ ފެނިފަ އެވެ. ޕާކިސްތާނުން ޖާސޫސް ކުރަން ފޮނުވާފައިވާ ކަމަށް ބެލެވޭ ކޮތަރެއް އިންޑިއާ ސިފައިން މިދިޔަ އަހަރު ވަނީ ހިފައިފަ އެވެ. އަދި އެ ކޮތަރުގައި ކެމެރާއެއް ނުވަތަ ޓްރާންސްމިޓަރެއް ހަރުކޮށްފައިވޭތޯ ބެލުމަށް ވަނީ ކޮތަރުގެ އެކްސްރޭ ވެސް ނަގައިފަ އެވެ.

އިންޑިއާ ސިފައިން 2013 ވަނަ އަހަރު ހިފި ދޫންޏެއްގައި ވަނީ ކުޑަ ކެމެރާއެއް ހަރުކޮށްފަ އެވެ. އަދި 2010 ވަނަ އަހަރު ވަނީ ޖާސޫސް ކުރަން ފޮނުވާފައިވާ ކަމަށް ބެލެވޭ ކޮތަރެއް އިންޑިއާ ސިފައިން ހިފައިފަ އެވެ.

އިންޑިއާ ޕާކިސްތާން ނަރެންދުރާ މޯދީ

8 ކޮމެންޓް, 20 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މޫސަ

05 October 2016

ޑާޓީ ޕޮލިޓިކްސް!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުލަކު. މުހައްމަދު.

05 October 2016

ޒަބީބު! އިގެރޭސީން އިނޑިއާ ޕާކިސްތާން ކޮންމެ މަގޮސަދެއްގައި ހެދިކަމުގައި ވިއަސް، ތިޔަބުނާ ބޮޑުބާރަށް އިންޑިއާ ވާން ޒަބީހު އެދުނު ކަމުގައި ވިއަސް އަދި އިންއާވެސް ޒަބީހު ފަދައިން ތިޔަ ހުވަފެން ދެކުނު ކަމުގާ ވިއަސް މުސްލިމުން ގެރި ކަތިލީމާ ބަދަލުގަ އިންސާނުން ކަތިލާ ނާތަހޮޒީބު ސަގާފަތެއް ގެންގުޅޭ ބަޔަކަށް، ތިޔަފަދަ ބާރެއް ﷲ ނުދެއްވާނެތީ ނޫންތޯ ހިންދީން ފަދަ، މުސްލިމުންގެ ޢަދުއްވުން މެދުވެރިވެ އެތަނުން ބާރުގަދަ ޕާކިސްތާނެއް އުފެދުނީ .ވީމާ ޒަބީބު/އިންޑިއާ ގެ އުއްމީދު ﷲގެ އިރާދަ ފުޅާ މިންވަރު ފުޅުން ވަނީ ނެތިކުރައްވާފަ. ޒަބީބު/ސަލްމާން ރުޝްދީގެ އެދުން މާން ﷲ ދުވަހަކުވެސް އިންޑިއާއަށް އިޖާބަ ނުކުރައަވާށި އާމީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ިސިސީ

04 October 2016

އައިސިސް އަށް ހަގުރާމަ ސަޕްލައި ކޮށްދެނީ އިންޑިޔާއިން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ައަލީ

04 October 2016

މިހާރު ޕާކިސްތާނު މީހަކު ފޮޑިއެއް ޖެހިޔަސް އިންޑިއާ އަށް ހީވަނީ އެމީހުންނާއި ދިމާލަށް ޖެހި ފޮޑިއެކޭ އެއީ. އިންޑިއާގެ ހިންދީން އުޅެނީ ކަޝްމީރުގައި އެމީހުން މުސްލިމުންނާއި ދެކޮޅަށް ހިންގަމުން ގެންދާ ލާއިންސާނީ އަމަލުތަށް ފޮރުވަން ޕާކިސްތާން ބަހަނާ އަކަށް ހަދައިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒަބީބު

04 October 2016

ޕާކިސްތާނު މީހުނަކީ މުސްލިމުންނެވެ. އެހެންކަމުން އަހަރުމެން ހަމްދަރްދީވަނީ ޕާކިސްތާނަށެވެ. އެކަމަކު މިއީ ހަނގުރާމަކުރަންޖެހޭ ވަގުތެއްނޫނެވެ. ދެގައުމުންވެސް ޖެހެނީ މައިތިރިވާށެވެ. ވޭތުވެދިޔަ 40 އަކަށްއަހަރު ތެރޭ ކޮށްފައިވާ ހަނގުރާމަތަކަށް ބަލާށެވެ. ދުނިޔޭގެ ސުޕަރ ޕަވަރކަމަށް ދަޢުވާކުރާ ގައުމުތަކަށްވެސް އެދެވޭ ކާމިޔާބެއްލިބިފައިނެތެވެ. ދެގައުމުވެސް ފުނޑުފުނޑުވާނީއެވެ. އިޤްތިޞާދު ވެއްޓޭނީއެވެ. އިނގިރޭސިން ތިތަން ދެބަޔަށްހެދި މަގުސަދު އިތުރަށް ހާސިލުވާނީއެވެ. ތިދެގައުމު އެއްކޮށް އަދި ބަންގްލަދޭޝް އެއްކޮށް އޮތްނަމަ ތިއީ މި އޭޝިއާގެ އެންމެބާރުގަދަ މީހުނަށްވީހެވެ. ބައިބައި ކުރުމުން ދެގައުމުންވެސް ދިފާއީކަންތައްތަކަށް އެހާބޮޑަށް ހޭދައެބަކުރެއެވެ. ދެގައުމު އެއްކޮށް އޮތްނަމަ މިއީ ހަގީގަތުގައި ފަގީރުކަން ނައްތާލަން ކުރެވޭނެ ހޭދައެވެ. އަދި މުސްލިމުންގެ ބާރުވެސް ގަދަވާނެއެވެ. ބަސްބުނުމުގައި މުސްލިމުންގެ ދައުރު ބޮޑުވާނެއެވެ.