ރައީސް ޔާމީން ސައުދީ އަށް ކުރައްވަމުން ގެންދަވާ ރަސްމީ ދަތުރުފުޅުގައި، އެ ގައުމުގެ އެޑިއުކޭޝަން މިނިސްޓަރު ޑރ. އަހްމަދު އަލް-އިއްސާއާ ވާހަކަ ދައްކަވަނީ.-- ފޮޓޯ: ރައީސް އޮފީސް
04 އޮކްޓޯބަރ 2016 - 16:28
43 comments
ރާއްޖެ އަށް ސައޫދީ އަރަބިއްޔާ އިން ދެމުން އަންނަ ސްކޮލަޝިޕްގެ އަދަދު 300 އަށް އިތުރު ކުރުމަށް އެ ގައުމުން ނިންމައިފި އެވެ.
ތަފާތު އެކި ދާއިރާތަކުން މަތީ ތައުލީމް ހާސިލް ކުރުމަށް ސައުދީން މިހާރު ވެސް ރާއްޖެ އަށް 100 ސްކޮލަޝިޕް ދެ އެވެ.
ރާއްޖެ އަށް ސައޫދީން ދޭ ސްކޮލަޝިޕްގެ އަދަދު އިތުރުކުރިކަން އިއުލާން ކުރެއްވީ، ރަސްމީ ދަތުރުފުޅެއްގައި އެ ގައުމަށް މިހާރު ވަޑައިގެން އުޅުއްވާ ރާއްޖޭގެ ރައީސް އަބްދުﷲ ޔާމީންއާ އެކު، ސައުދީގެ އެޑިއުކޭޝަން މިނިސްޓަރު ޑރ. އަހުމަދު އަލް އިއްސާއާ ބޭއްވެވި ބައްދަލުވުމުގައި ކަމަށް ރައީސް އޮފީހުން ބުންޏެވެ.
ރައީސް ޔާމީން ސައުދީ އަށް ކުރައްވަމުން ގެންދަވާ ރަސްމީ ދަތުރުފުޅުގައި އެ ގައުމުގެ އެޑިއުކޭޝަން މިނިސްޓަރު ޑރ. އަހްމަދު އަލް-އިއްސާއާ މިއަދު ބައްދަލުކުރައްވަނީ.--- ފޮޓޯ: ރައީސް އޮފީސް
ރައީސް އޮފީހުގެ ވެބްސައިޓުގައި ބުނެފައިވާ ގޮތުގައި، މި ބައްދަލުވުމުގައި ރައީސް ޔާމީނާއި ސައޫދީގެ އެޑިއުކޭޝަން މިނިސްޓަރު ވަނީ ފަންނީ ދާއިރާތަކުން ތައުލީމް ހާސިލްކުރުމުގެ ފުރުސަތުތައް ފަހިކޮށްދިނުމާ ގުޅޭ ގޮތުން މަޝްވަރާ ކުރައްވައިފަ އެވެ. އަދި ރާއްޖޭގެ އިސްލާމިކް ޔުނިވާސިޓީއާ އެކު ސައުދީ އަރަބިއްޔާގެ ތައުލީމީ ދާއިރާއިން އިތުރަށް ގުޅުން ބަދަހިކުރުމާ ގުޅޭ ގޮތުން ވެސް މަޝްވަރާ ކުރެއްވި ކަމަށް ރައީސް އޮފީހުން ބުންޏެވެ.
ރާއްޖެ އަށް ސައޫދީން އިތުރުކޮށްދިން ސްކޮލަޝިޕްގެ ކަންތައްތައް އަވަސް މުސްތަގުބަލެއްގައި ހަމަޖެއްސުމަށް މަސައްކަތް ކުރައްވާނެ ކަމަށް އެ ގައުމުގެ އެޑިއުކޭޝަން މިނިސްޓަރު ވިދާޅުވި ކަމަށް ރައީސް އޮފީހުން ބުންޏެވެ.
ރައީސް ޔާމީން ސައޫދީއަށް ކުރައްވާ ދަތުރުފުޅުގައި އެ ގައުމުގެ ރަސްގެފާނާއި ސީނިއާ މިނިސްޓަރުންނާ ބައްދަލުކުރައްވާނެ އެވެ. މިއަދު ވެސް ރައީސް ޔާމީން ވަނީ ބައެއް މިނިސްޓަރުންނާ ބައްދަލުކުރައްވާފައި ކަމަށް ރައީސް އޮފީހުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަސަން
06 October 2016
ތީ ކީއްކުރާ ސްކޯލަޝިޕްތަކެއް. 2013 ވަނަ އަހަރު 150 ސްކޯލަޝިޕް ދިނޯ. އެކަމަކު އެންމެ ކުއްޖަކަށްވެސް ފުރޭ ގޮތެއްނުވި. ތިޔަ ކޯހުގައި ކިޔަވަދޭ އެންމެ މުހިންމު އެއްބަޔަކީ ބަޕަ ސައުދު ގެ ނުފޫޒުން ނެރުވި ފަތުވާ ތަކެއް ބައެއްގެ ބޮލަށް އަޅާ ދިނުން.
މަތީން
05 October 2016
މިރައީސް ކޮންއިރަކުން އޭނަގެ ރައްޔިތުންގެ ހާލުބަލާލަން އެމީހުން ކައިރިއަށް ނުކުންނާނީ؟ ބަހެއްވެސް ބުނެލަނީކީ ނޫން
ބުއްދިގޯސް
05 October 2016
ރާއްޖޭގެ ތާރީޚްގައިވެސް ސަޢުދީން އެހާ ގިނަ ސްކޮލަރޝިޕެއްނުދޭ. އޭރުވެސް މިހާރުވެސް ހަމަ މުސްލިމް ދިވެހިން މިތާތިބީ. އެހެންވީމާ ރާއްޖޭގެ ތާރީޚްގައި ވެސް ފ. އަތޮޅު ވިއްކާލިއޭ ކިޔާއަޑެއް ނާހަން. މިހާރު އިވޭ. މިވަނީ ކިހިނެއް.
ހޭ ބުއްދި
05 October 2016
ތިގޮތަށް އެބަކިޔާ ބްރިޖްގެ މަސައްކަތްވެސް އޮތީ ހުއްޓިފައޭ. ރާޢްޖޭގެ ތާރީހްގައިވެސް ބްރިޖެއްގެ މަސައްކަތް ހުއްޓުނޭ މީހަކު ބުނާ އަޑެއް ނާހަން. އެކަމަކު ތަނބުތައް ފެންނަނމުން އެދަނީ.
ފ. އަތޮޅު
05 October 2016
ބަދަލުގަ އަހަރުމެން ދޭންޖެހެނީ ފ އަތޮޅު ތަ؟
ރާގު
05 October 2016
ޖަނގިޔަލަށް އެނގޭނީ ޖެއްސުމާ ފުރައްސާރަ ކުރަން. ދެން ނޭނގެންޏާ ރަޖާލައިގެން ކޮޓަރީގަ އޮވެބަލަ. ދަންނަންތަ ޑރ. ޢަބްދުލްމުޙްސިން. އޭނާ ކިޔެވީ ސަޢޫދީން. އޭނަގާތު އަހާބަލަ އޭނާ އުޅޭނީ އެޑިޔުކޭޝަނުގަ. ދޭބަލަ. ކީއްކުރާނީ. ނޭނގުމަކީވެސް ބައްޔެއް.
ދޮން އާމިރު
05 October 2016
ސައުދީއަށް ދިޔައީ ސިވިލްސާވިސް މުއައްޡަފުންގެ މުސާރަކޮޅު ދެވޭނެ ގޮތެއް ހޯދަން ސަލާންޖަހަން..
ޙުދު ޖަންގިޔާ
04 October 2016
ސައުދީއިން މަސައްކަތުގެ ފަންނެއް ދަސްކުރިމީހަކު މިގައުމުގައި އެބައުޅޭބާ.
މީނާ
04 October 2016
ޢޮޅުވާލުމެއްމީ. މިސްކޯލަސިޕް މީ ދުވާލަކު 300 ސްކޯލަޝިޕް ތަ ނޫނީ 300 އަހަރުން 300 ސްކޯލަޝިޕްތަ.
ފިލުވާލާތި
04 October 2016
މިފެންނަނީ އަދި ރައީސް ސައުދީ އަށް ކުރެއްވި ފުރަމާނަ ދަތުރު ފުޅުގެ ފުރަތަމަ ދުވަހުގެ ކާމިޔާބީ އެވެ. އަދި އޮތީ ކުރިއަށް. މާދަމާ މިއޮތީ ހެޕީ ނިއުސް އިވިގެން ދާނެ ދުވަސް އިނގޭ. މާދަމާ އަޑު އިވިގެން ދާނެ ސައުދީން މާލެ ސަރަހައްދުން މާލޭގެ ދެކުނުން އޮތް އެނބޫދޫ ފަޅު ގޮސް ގުޅި އާއި ޖެހެން ދެން ހިއްކާ އެތަނާއި މާލެ އާއި ދެމެދު ބްރިޖް އަޅާ އެތަނުން ބިން ތައް ދިވެހިންނަށް 100 އަހަރު ދުވަހުގެ މުއްދަތަށް އަކަފޫޓަކަށް މަހަކު 1 ރުފިޔާ ސަރުކާރަށް ދައްކާގޮތަށް ބިން ތައް ކުއްޔަށް ދޭން ނިންމާ އުފާވެރި ޚަބަރުވެސް. އެއިރަށް ހުންނާނެ ރަންރީނދޫ ކުދިންނަށް އަލާފިލާފައި.
ޜރރ
04 October 2016
ޜަސްގެފާނުކައިރީ ކަދުރުގެ ވާހަކަވެސް ބުނައްޗޭ. ސައުދީން އެބަހާ ހަޑި ކާން ކަމުނުދާ ކަދުރު އިތުރުކޮއްދެއްޗޭ ބުނައްޗޭ.
މުގާބޭ
04 October 2016
މަ ދުވަހަކުވެސް ނުދެކެން ސައުދީ ސަރުކާރުން 100 ސްކޯލަޝިޕުދޭ މަންޒަރެއް. ވެދާނެ އެއީ 100 އަހަރަށް ބަހާލައިގެން ދިން އެއްޗެހިތަކެއްކަމަށްވެސް. ދެން އެހެން ބަލައިފިއްޔާ އެއޮތީ 100 ސްކޯލު ހަމަ ދީފާ ދެއްތޯ.
ކުރާތި
04 October 2016
ތަމެންނަށް ނުފެނުނަސް މަމެންނަށް ފެނޭ ސައުދީން ދޭ 100 ސްކޮލަރޝިޕް ގައި ކުދިން ކިޔަވަން ދާ ތަން ވެސް. ދެން ކޮންމެ އަހަރަކު ހެން ތަމެންނަށް ފެންނަ ވަރަށް ސައުދީން ދޭ 300 ސްކޮލަރޝިޕްސްގެ ކަންކަން ކުރިއަށް ގެންދާނަމެވެ. ދެން ސައުދީން ދޭ ސްކޮލަރޝިޕްސް ގައި ކިޔަވަން ފޮނުވަންވީ މުޅި ޅަވިޔަނި އަތޮޅު މަދަރުސާ އިން ގްރޭޑް ދިހައެއް ނިމޭ ހުރިހާ ކުދިންނެވެ. އެއިރުން ހުންނާނީ ރަނގަޅަށެވެ.