ކައިބާން އޭނާގެ މަންމައާ އެކު.--ފޮޓޯ/އޭބީސީ ނިއުސް
23 ޖެނުއަރީ 2020 - 15:10
7 comments
ސިއްހީ މައްސަލަތަކެއް ހުރުމުން، އޮސްޓްރޭލިއާ އިން ފޮނުވައިލަން ނިންމި ދިވެހި ފިރިހެންކުއްޖާ އަށް އެ ގައުމުން ވިސާ ހަމަޖައްސައިދީފި ކަމަށް ރާއްޖޭގެ ފޮރިން މިނިސްޓަރު އަބްދުﷲ ޝާހިދު މިއަދު ވިދާޅުވެއްޖެ އެވެ.
ދިވެހި ދެމަފިރިއަކަށް ލިބިފައިވާ ދެ އަހަރުގެ ކައިބާން ޖަމްޝާދަށް ވިސާ ހަމަޖެހުނުކަން ހާމަކުރައްވަމުން މިނިސްޓަރު ޝާހިދު ކުރެއްވި ޓުވީޓެއްގައި ވިދާޅުވީ، އޮސްޓްރޭލިއާ ގައި އެ ކުއްޖާ އަށް ބޭނުންވޭ އަޅައިލުމާއި އެހީތެރިކަން ލިބޭނެ ކަމަށް އުންމީދު ކުރައްވާ ކަމަށެވެ.
"ކައިބާން ޖަމްޝީދަށް ވިސާ ހަމަޖައްސަވައި ދެއްވީތީ ފޮރިން މިނިސްޓަރު މަރީސް ޕޭން އާއި އޮސްޓްރޭލިއާ ސަރުކާރަށް ޝުކުރު ދަންނަވަން. ކައިބާން އާއި އާއިލާ އަށް ހެޔޮ އެދުންތައް ފޮނުވަން އަދި އޮސްޓްރޭލިއާ އިން ކައިބާން އަށް ބޭނުންވާ ފަރުވާ ލިބޭނެ ކަމަށް އުންމީދު ކުރަން،" ޝާހިދުގެ ޓްވީޓްގައި ވެ އެވެ.
އޮސްޓްރޭލިއާގައި އުފަން ވި، ކައިބާން އަކީ ހިމޮފީލިއާގެ އިތުރުން އުފެދުމުގައި ވެސް ސިކުނޑި އަށް ގެއްލުންތައް ލިބިފައިވާ ކުއްޖެކެވެ.
އޮސްޓްރޭލިއާގެ އިމިގްރޭޝަން ގާނޫނުތައް އޮންނަ ގޮތުން ސިއްހީ ބޮޑު މައްސަލައެއް ހުންނަ މީހުންނަށް ވިސާ ނުދިނުމާއި އެ ގައުމުގެ ރައްޔިތުކަން ނުދީ ހިފެހެއްޓެ އެވެ.
އޮސްޓްރޭލިއާގެ އޭބީސީ ނިއުސް އިން ބުނެފައި ވަނީ އެކަންކަމަށް ކޮންމެ ހަފުތާއަކު ވެސް ފަރުވާ ހޯދަން ޖެހޭ ކަމަށެވެ. އެހެންވެ އެ ކައިބާން އަށް ވެސް ވިސާ ނުދޭން އޮސްޓްރޭލިއާގެ ހޯމް އެފެއާޒް ޑިޕާޓްމެންޓުން ނިންމައިފައިވާ ކަމަށް އޭބީސީން ބުނެފައި ވެ އެވެ.
ކައިބާން އަށް ވިސާ ހޯދައި ދިނުމަށް މިނިސްޓަރު ޝާހިދު މީގެ ކުރިން ވަނީ ފޮރިން އެފެއާޒް ޑިޕާޓްމަންޓުގައި ވެސް މީގެ ކުރިން އެދިވަޑައިގެންފަ އެވެ.
އޮސްޓްރޭލިއާގެ ޑިޕާޓްމެންޓް އޮފް ފޮރިން އެފެއާޒް އެންޑް ޓްރޭޑްގެ ޑެޕިއުޓީ ސެކްރެޓަރީ ރިޗަޑް މޯޑްއާ މިދިޔަ އަހަރުގެ ސެޕްޓެމްބަރު މަހު ބައްދަލު ކުރެއްވުމަށް ފަހު، ޝާހިދު ކުރެއްވި ޓުވީޓެއްގައި ވިދާޅުވެފައި ވަނީ އިންސާނިއްޔަތަށްޓަކައި އެ ކުއްޖާ އަށް ވިސާ ދިނުމަށް އެ ބައްދަލުވުމުގައި އެދިވަޑައިގެންނެވި ކަމަށެވެ.
ކައިބާނަށް ވިސާ ނުލިބިދާނެ ކަމުގެ ބިރު އޮތުމުން، "ސޭވް ކައިބާން" ނަމުގައި އޮންލައިންކޮށް ޕެޓިޝަނެއްގައި ސޮއި ކުރުމުގެ މަސައްކަތް ވެސް ދާދި ފަހުން ފެށި އެވެ. އެ ޕެޓިޝަންގައި ވަރަށް ގިނަ ބަޔަކު ސޮއިކޮށްފައި ވެ އެވެ.
އޭބީސީން ބުނެފައިވާ ގޮތުން، ކައިބާން ވިސާ އޭރު ނުދިނަސް، އާއިލާގެ އެހެން މެމްބަރުންގެ ވިސާގެ ކަންކަން އޮތީ ހަމަޖެހިފަ އެވެ. އެ ކުއްޖާގެ މަންމަ އޮސްޓްރޭލިޔާގައި މަސައްކަތް ކުރަނީ ސޯޝަލް ވޯކަރެއްގެ ގޮތުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާއުނިމާ
23 January 2020
އަލްޙަމްދުލިﷲ
ރަދީފް
23 January 2020
މަރުހަބާ ކައިބާން.އުފާވެރި ހަބަރެއް.ތިޔަ އޮސްޓްރޭލިއާ އެއީ ގައުމުގެ އަސްލު ވަޒަންވެރިން އެކަހެރިކޮށްފަ އެމީހުންގެ ހައްގުތަކަށް އަރައިގަނެގެން ތިބި ގޮތްކުޑަ ބައެއް.އިންސާނީ ހައްގޭ ކޮމާންޑޭ ކިޔައިގެން ބައިނަލްއަގްވާމީ ފޯރަމްތަކުގަ ވާހަކަދައްކާއިރު ލަދު ކޮބާ؟؟ ވ.ވެދުން
ގޮތްކުދަ
23 January 2020
މިބޭފުޅާ މީ އިންސާނީ ހައްޤުން ފުރިގެން ވާ އަދި އެހާމެ ގޮތް ހުރި ބޭފުޅެ ކަމަށް ކޮމެންޓުން ވަރަށްސާފު.
ނެޑް
23 January 2020
ވީސާ ދިނީމައި އަދިވެސް ބަވަނީ. ރަދީފަކީ މުޅިން އެހެން އެޖެންޑާއެއް ގެންގުޅޭ މީހެއް. މިދުވަސްކޮޅު ޕުރެޝަރުގައި ހުންނަނީ ކީއްވެކަން އިނގޭނެ އޭނާ ކުރާ ކޮމެންޓުން.
ކޮސްގޮވާ
23 January 2020
ހާދަ ހީވާގި ފޮރިންމިނިސްޓަރެއް. ޝުކުރިއްޔާ އިބޫ އެންޑް ޝާހިދު.
ފިހި
23 January 2020
ބޮޑެތި މީހުން އަތްއަޅަލަ ދީގެންވާނި ތިކަހަލަކަންކަން ރަނގަޡޅު ނިންމުމެއް
އޮނަރަބްލް އަފީފު ދީދީ
23 January 2020
އުފާވެރި އެހާމެ ހިތް ހަމަޖެހުން ލިބުނު ޙަބަރެއް. އާއިލާއިން ދަރިފުޅުގެ ޙައްޤުގައި ކުރި މަސައްކަތް ކާމިޔާބަށް ވާސިލް ވުމުގައި އޭބީސީއާއި ސޯޝަލް މީޑިޔާ ބޮޑުދައުރެއް އަދާކުރި. # އަމިއްލަ ޤައުމުގައި "ރާއްޖޭގެ ރިސޯޓްތަކުގައި ބިކަކޮށްފައިވާ ދިވެހި މުވައްޒަފުންނާއި އެމީހުންނަށް ޙައްޤުވާ ސޭވިސްޗާޖުން ކުރާ ވައްކަން ހުއްޓުވަން" ވެސް މިފަދަ ގޮތަކަށް މަސައްކަތް ކޮށްފިނަމަ ނުހަނު ފަސޭހައިން ނަތީޖާއާއި ހަމައަށް ވާސިލް ވެވޭނެ.