ޕީޖީ ޝަމީމް: ސިއްރު ހެކިބަސް ނުނެގޭނެ ކަމަށް ކުރި ހުކުމުގެ މައްސަލަ ސުޕްރީމް ކޯޓުގައި އިސްތިއުނާފް ކުރަން ވަނީ ނިންމާފައި -- ފޮޓޯ/މިހާރު
28 ޖެނުއަރީ 2020 - 10:57
11 comments
ޖިނާއީ އިޖްރައާތުގެ ގާނޫނު މިހާރު އޮތް ގޮތުން ޖިނާއީ އެއްވެސް މައްސަލައެއްގައި ސިއްރު ހެކިބަސް ނުނެގޭނެ ކަމަށް ހައި ކޯޓުން އިއްޔެ ކަނޑައެޅުމާ އެކު، އެ މައްސަލަ ސުޕްރީމް ކޯޓުގައި އިސްތިއުނާފްކުރަން ދައުލަތުން ނިންމައިފި އެވެ.
ޖިނާއީ އިޖްރާއާތުގެ ގާނޫނުގެ 149 ވަނަ މާއްދާ ބުނާ ގޮތުން ޖިނާއީ މައްސަލަތަކުގައި ހެކިވެރިޔާ އަކީ ކާކުކަން ނޭނގޭ ގޮތަށް ސިއްރުން ހެކިބަސް ނެގޭނީ ހެއްކާ ބެހޭ ގާނޫނުގައި ބަޔާންކުރާ ގޮތުގެ މަތިން އަދި އެ ގާނޫނުގައި ބަޔާންކުރާ ހާލަތްތަކުގަ އެވެ. އެކަމަކު 1976 ވަނަ އަހަރުން ފެށިގެން އަމަލު ކުރަމުން އަންނަ ހެއްކާ ބެހޭ އެ ގާނޫނުގައި ސިއްރު ހެކީގެ އެއްވެސް ވާހަކައެއް ބަޔާން ކޮށްފައެއް ނުވެ އެވެ.
އެހެންވެ، ގާނޫނު އޮތްގޮތުން މިހާރު ޖިނާއީ މައްސަލަތަކުގައި ސިއްރުން ހެކިބަސް ނެގުމުގެ ބާރެއް ކޯޓުތަކަށް ނެތް ކަމަށް ހައި ކޯޓުން އިއްޔެ ކަނޑައެޅީ ކުރީގެ އުއްތަމަ ފަނޑިޔާރު އަބްދުﷲ ސައީދުގެ މައްޗަށް އިއްވި ދޮޅު އަހަރުގެ ޖަލު ހުކުމް ބާތިލްކުރި ހުކުމުގަ އެވެ.
ހައި ކޯޓުގެ ހުކުމުގައިވާ ގޮތުން ސިއްރުން ހެކިބަސް ނެގުމުގެ އިހްތިޔާރު ކޯޓުތަކަށް ލިބޭނީ ހެއްކާ ބެހޭ ގާނޫނުގައި ބަޔާންކުރާ ހާލަތްތަކުގައި ކަމަށް ޖިނާއީ އިޖްރާއާތުގެ ގާނޫނުގައި ބުނާއިރު ހެއްކާ ބެހޭ ގާނޫނުގައި އެފަދަ ވާހަކައެއް ނެތީސް ސިއްރުން ހެކިބަސް ނުނެގޭނެ ކަމަށެވެ.
އެކަމާ ގުޅިގެން ޕްރޮސެކިއުޓާ ޖެނެރަލް ހުސައިން ޝަމީމް ކުރެއްވި ޓްވީޓެއްގައި ވިދާޅުވީ ޖިނާއީ އިޖްރާއާތުގެ ގާނޫނުގެ 149 ވަނަ މާއްދާ އާއި 119 ވަނަ މާއްދާ އާއި 131 ވަނަ މާއްދާ އާއި 134 ވަނަ މާއްދާ ހިމެނޭ ގޮތަށް މުޅި ގާނޫނު އެއްކޮށް ކިޔާއިރު، ސިއްރު ހެކިބަހާ ގުޅޭގޮތުން ހައި ކޯޓުން ކަނޑައެޅި އުސޫލު ރަނގަޅު ކަމަށް ނުބެލެވޭ ކަމަށެވެ. އެހެންވެ، އެ ހުކުމުގެ އެ ބައި ސުޕްރީމް ކޯޓުގައި އިސްތިއުނާފް ކުރަން ނިންމާފައިވާ ކަމަށް އެ ޓްވީޓްގައިވެ އެވެ.
އިޖުރާތު ޤާނޫނުގެ 149 ވަނަ މާއްދާގެ (ހ) އާއިއެކު، ޤާނޫނުގެ 119، 131 އާއި 134 ހިމަނައި، މުޅި ޤާނޫނު އެކުގައި ކިޔާއިރު ހައިކޯޓުގެ މިއަދުގެ ޙުކުމުން ކަނޑައެޅި ސިއްރު ހެކިބަހުގެ އުސޫލު ރަނގަޅުކަމަށް ނުފެންނާތީ މިއަދުގެ ޙުކުމުގެ އެބައި ސުޕްރީމް ކޯޓަށް ހުށަހަޅަން ނިންމައިފިން.@PGO_MV
— Hussain Shameem (@HuShameem) January 27, 2020
ޝަމީމްގެ ޓްވީޓް
Aiy dhashun dhiya gothah sirru heki "gellijje"?
The most trusted news source in the Maldives
Mihaaru
ގާނޫނު އޮތްގޮތުން މިހާރު ސިއްރު ހެކިބަސް ނެގުމުގެ މައްސަލާގައި ކުރީގެ ލިޔުމެއް
ޖިނާއީ އިޖްރާއާތުގެ ގާނޫނު އޮތްގޮތުން ސިއްރުން ހެކިބަސް ނުނެގޭނެ ކަމަށް ބުނެ އެކަން މީގެ ކުރިން ވެސް އެކި މައްސަލަތަކުގައި ވަކީލުން ހައި ކޯޓުގައި ފާހަގަކުރި އެވެ. އޭރު އެކަމާ މެދު ސީދާ ވަކި އެއްޗެއް ބުނުމުގެ ބަދަލުގައި ހައި ކޯޓުން ނިންމާފައިވަނީ އެ ކޯޓުން ކުރިން ކަނޑައަޅާފައިވާ އުސޫލުތަކުގެ ދަށުން ސިއްރުން ހެކިބަސް ނެގިދާނެ ކަމަށެވެ. އެކަމަކު ގާނޫނުގެ އެ މާއްދާއާ ގުޅޭގޮތުން ވަކި އެއްޗެއް މީގެކުރިން އެ ކޯޓުން ބުނެފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
28 January 2020
މިމީހުން ނޫންތަ ސިއްރު ހެކިބަހާ ދެކޮޅަށް ވަކާލާތުކުރީ. މިހާރު ކޯޓުން އެހެން ނިންމީމަ އެކަން ގޯސް.
ނަޖުދާ
28 January 2020
ހައިކޯޓުގައި ޔާމީނުގެ ވެރިކަމުގައި ކޯޓަށް އައްޔަންކޮށްފައިވާ ސިޔާސީ ފަނޑިޔާރުންގެ ސަބަބުން އަދިވެސް ދައުލަތް ހިންގުމުގެ ނިޒާމަށް ބުރޫ އަރުވަން މަސައްކަތްކުރުން އެކަށީގެންވޭ، ޖޭއެސްސީ މެދުވެރިކޮށް މައްސަލަތަށް އަވަސްކުރަން ފެނޭ! އަދި ހައިކޯޓުގައި ތިބި ފެންވަރުނެތް ފަނޑިޔާރުން، ފަނޑިޔާރުކަމުން ދުރުކުރުމަށް ގޮވާލަން.
ޤާނޫނު
28 January 2020
ޤާނޫނު އިސްލާހުކޮށްލީމަ ނިމުނީނު.
ނަޝީދު.
28 January 2020
ޝަހީމް އާ ހަވާލު ކުރިއިރުވެސް އިގޭ ތިކަހަލަ ރަގަޅު ބަދަލުތަކެއް ގެންނާނެކަން.
ޖުހާން
28 January 2020
ގާނޫނު ހަދާ އިރު ގާނޫނީ ވަކީލުންނަށް ވެސް އޮޅުންނުފިލާވަރަށް މޮޅަށް ލިޔެވުނީމާ ގާނޫނު ހެދުނުކަމަށްވާނީ. ބޮޑުމުސާރަނަގައިގެން ކުރަނީ ބޭކާރު ރައްޔިތުންނަށް އިތުރު ތަކުލީފުޖެހޭ މަސައްކަތް.
މުހައްމަދު.
28 January 2020
ޝަމީމުމެންނަށް ފައިދާވާގޮތަށް ނުވަންޏާ އެއީ ގާނޫނާ ޚިލާފު، އެކަމުން ފައިދާވާކަމަށް ވަންޏާ އެކަންވާނީ ގާނޫނާހަމައެއްގޮތަށްކަމަށް، އެހެޔޮ ލިޔެފަވާ މައްދާއާއި ސީދާ ދެކޮޅަށް ތަރުޖަމާކުރަންޖެހުން ކަމަށްވިޔަސް. އެމްޑީޕީއަށް ވޯޓްލީ ދިވެހިންނަށް އެކުރެވުނުކަމުގެ ދެރަވާނެ ދުވަސް ވަރަށްގާތްވެއްޖެ.
ވާނުވާއެއްނޭނގިފާ
28 January 2020
ނިސްބަތުން މިހާރު އެންމެލޯޔަރުން ގިނަ ގައުމުކަމަށްވިޔަސް ގާނޫނުގައި ބުނާއެއްޗެއް ސާފުކޮށް އޮޅުންފިލާގޮތް ނުވެގެން މިޖެހެނީ ކޯޓުތަކަށް ދުވަން. އެކިމީހުން އެކިގޮތަށް.
މަސްއުޅު
28 January 2020
ޖިނާ އީ އިޖްރާޢަތުގެ ޤާނޫނު ފާސްކުރީ ޔާމީނުގެ ސަރުކާރުގައި މަޖްލިސް މެޖޯރިޓީ ބޭނުން ކޮށްގެން ނިހާން އަދި އަދުރޭ މެން އިސްވެ ތިބެ....
ޅަބޭ
28 January 2020
ފާޑެއްގެ ޖަޒީރާ19 އެއް އައިސް މުޅި ރާއްޖޭގެ ޝަރުއީ ނިޒާމު ފުޑާލާފަ އޮތްތަން މިފެންނަނީ. ވެރިކަމައް ދޮޅު އަހަރު ވީއިރުވެސް ގައުމައް ކޮއްދެވުނު އެއްކަމެއްވެސް ނެތް. ހުރިހާބާރެއް އެމްޑީޕީގެ ގައުމީ މަޖުލިހައް. އެވަރުންވެސް 0.
ހަސަނުގެދަރި
28 January 2020
ނިޒާމު ފުނޑުނު ގޮތަކާ ކޮށްދެވުނު ކަންތަށް ނޭނގި0 ޖެހިފަ އޮތީ މީގެ ކުރީގެ ވެރިކަމާ އެއްގޮތް ނުވީމަތޯ؟އެވެރިކަން ސިފަވަނީ ވަރަށް ތަފާތު ގުރޫޕެއްގެ ގޮތުގައި. އެންމެ ކަމެއްވެސް ބައިނޭޅޭ ގޮތަށް ކޮއްފައި ނުވޭ.
އަލީ ޒާހިރު
28 January 2020
ހައިކޯޓު މިއީ ސިޔާސީ ބަޔަކު އައްޔަނުކޮށް ކިލަބު ކޮށްފައި އޮތް ތަނެއް. އަދިވެސް ގާނުނެއް ގަވައިދެއް ބުއްދިގެ ހަމައެއް ބެލުމެއް ނެތި ހުކުމް ކުރަމުން އެދަނީ!