ކުރަމަތި ރިސޯޓުގައި ސްނޯކްލިން އަށް ދިޔަ ސްޕެއިންގެ ޓޫރިސްޓަކު ގެނބިގެން މިއަދު މަރުވެއްޖެ އެވެ.
ފުލުހުންގެ މީޑިއާ އޮފިޝަލަކު ވިދާޅުވީ 71 އަހަރުގެ ފިރިހެނަކު ގެނބިގެން މަރުވެފައިވާ ކަމަށް ހަވީރު 5:00 ހާއިރު ފުލުހުންނަށް ރިޕޯޓުކޮށްފައިވާ ކަމަށެވެ.
އެކަމާ ގުޅިގެން ބަލަންޖެހޭ ކަންކަން ބަލަމުން އަންނަކަމަށް ފުލުހުން ބުންޏެވެ.
މޫދަށް އެރި ސްނޯކްލް ކުރުމާއި ޑައިވް ކުރުމުގެ ތެރޭގައި ތެރޭގައި ޓޫރިސްޓުން ގެނބިގެން މަރުވުމަކީ އާއްމުކަމެކެވެ. ހަނީމޫނަށް ކ. ދިއްފުއްޓަށް ދިޔަ ފިލިޕީންސްގެ ދެމަފިރިއަކު ވެސް މިދިޔަ އަހަރު މަރުވި އެވެ.