ފިހާރަ ތެރޭގައި ކުއްޖަކަށް ޖިންސީގޯނާކުރި މައްސަލައިގައި މީހަކު ހައްޔަރުކޮށްފި

ކުއްޖަކަށް ޖިންސީ ގޯނާކުރި މައްސަލައިގައި ތުހުމަތުކުރެވޭ މީހަކު ފުލުހުންގެ ބެލުމުގެ ދަށުގައި: ފިހާރައެއްގައި އިން 16 އަހަރުގެ ކުއްޖަކަށް ޖިންސީގޯނާކުރި މައްސަލައެއް ފުލުހުން އަންނަނީ ތަހުގީގު ކުރަމުން.

ފަޒީނާ އަހުމަދު، މިހާރު

02 ފެބުރުއަރީ 2020 - 23:01

10 comments

ފިހާރައެއްގެ ސޭޓަކަށް އިން 16 އަހަރުގެ އަންހެން ކުއްޖަކަށް ޖިންސީގޯނާކުރި ކަމަށް ތުހުމަތުކުރާ މައްސަލައިގައި 60 އަހަރުގެ މީހަކު މިއަދު ހައްޔަރުކޮށްފި އެވެ.

ފުލުހުންގެ މީޑިއާ އޮފިޝަލް މިރޭ ވިދާޅުވީ ނ، ރ، ބ، ޅ. ހިމެނޭ ސަރަހައްދުގެ ރަށެއްގައި ކުއްޖަކަށް ޖިންސީގޯނާކުރި މައްސަލައިގައި ތުހުމަތުކުރެވޭ އުމުރުން ދުވަސްވީ މީހަކު ހައްޔަރުކުރީ ކޯޓު އަމުރެއްގެ ދަށުން ކަމަށެވެ. އެ މައްސަލަ ހުށަހަޅާފައި ވަނީ، އެ ފިހާރައަށް ވަން މީހަކު، އެތަނުގައި ވަޒީފާ އަދާކުރާ ކުއްޖަކަށް ޖިންސީގޯނާކުރި މައްސަލައިގެ ގޮތުގައި ކަމަށް ފުލުހުން ބުންޏެވެ.

މި މައްސަލައިގެ ތަހުގީގުގައި ފުރިހަމަކުރަން ޖެހޭ ކަންކަން ފުލުހުން އަންނަނީ ކުރަމުންނެވެ.

ކުޑަކުދިންނަށް ޖިންސީގޯނާކުރުމުގެ މައްސަލަތައް ކޮންމެ ދުވަހަކު ވެސް ރާއްޖޭގެ އެކި ހިސާބުތަކުން ފެންމަތިވެ އެވެ. ރަސްމީ އިދާރާތަކުގެ ތަފާސްހިސާބުތަކުން ފެންނަ ގޮތުގައި، މި ތުހުމަތާ އެކު ހުށަހަޅާ ގިނަ މައްސަލަތަކުގައި ނިޒާމްގެ ތެރެއިން އިންސާފު ގާއިމްވުން އިންތިހާ އަށް ލަހެވެ.

ނަތީޖާއަކީ ޖިންސީ ކުށްތަކަށް އަރައިގަންނަ މީހުން މިނިވަންވެފައި ތިބުމާ އެކު އިތުރު ކުށްތަކަށް އަރައިގަތުމުގެ ފުރުސަތު ލިބުމެވެ. އެއާއެކު ނިޒާމުގެ ތެރެއިން މިފަދަ މައްސަލަތަކުގައި އެކަށީގެންވާ ފިޔަވަޅު ނޭޅޭކަން ފެންނަން އޮތުމަކީ މިފަދަ ކުށްތަކަށް އަރައިގަތުމަށް ދެވޭ އިތުރު ބާރަކަށް ވާކަން ކުޑަކުދިންނަށް ޖިންސީގޯނާކުރާ މައްސަލަތަކުގެ އަދަދުން އޮތީ ފެންނާށެވެ.

ކުށްކުރުން ފުލުހުން ކުޑަކުދިންނަށް އަނިޔާކުރުން ރޭޕް

10 ކޮމެންޓް, 31 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަކީމް

03 February 2020

" ފިހާރައެއްގެ ސޭޓަކަށް އިން 16 އަހަރުގެ އަންހެން ކުއްޖަކަށް " - ފިހަރައިގެ ވެރިފަރާތްވެސް މިއޮތީ ކުއްވެރިވެފަ. ފުލުހުންނަކަށް. ކުޑަކުދިންގެ ހައްޤުތަށް ހިމާޔަތް ކުރާފަރާތްތަކަށް މިތަނެއް ނުފެނޭ. އުމުރުން ދުވަސްވީ ވަލު ޖަނަވާރުން އުޅޭ ޤައުމެއްގައި މިނިކަވަގު އަބަދުވެސް ބަލާނީ ކުދި ޝިކާރައަކަށް. ޤާނޫނުތަސް ހެދިފައި ހުންނަނީ ވަކި ކަމަކު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޯރަބޭ

03 February 2020

ފިހާރަތަކުގަ ތިބޭ އަންހެންކުދިންނަށް އެތަންތާގަ ގެންގުޅޭ ބިދޭސީން ޖިންސީގޯނާ ކުރާ މަންސަލަ ފުލުހުން ކީއްވެތަ ނުބަލަނި? މިހާރުވެސް ސޯސަލުމީޑިޔާގަ ދައުރުވޭ ކޭސިޔަރަކަށް އިން ކުޖަކަށް ބިދޭސީޔަކު އެކުންޖާ ލަދުވެތި ގުނަވަނެއްގަ އަތްލާ މަންޒަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިލްސިލާ

03 February 2020

ތިގޮތަށް ވަރަށް ގިނައިން ފެނޭ ގައިގޯޅިވާން އުޅޭތަންވެސް. އަދި ފެރީ ބަސް ފަދަ އެއްޗެހީގަ ދަތުރުކުރާއިރު މީހަކު ކައިރީ ނެތިއްޔާ އެމީހުންގެ ލަދުވެތިގުނަވަން ނެރިގެން ދައްކާ މީހުންވެސް އުޅޭ. ދިވެހިންވެސް އުޅޭ މިކަން ކުރާ މީހުން އެކަމަކު ބިދޭސީންތެރޭ ވަރަށް ގިނަކަން ފާހަގަ ކުރެވޭ. އަދި މަގުމަތިން ހިނގާފަ އަންނަމުންވެސް ގައިގަ ޖެހިގަންނާނެ. މަށަށް މިހެން ދިމާވެފަ ހުރީ ހުސް ބިދޭސީން.