ހޯމް މިނިސްޓަރު އިމްރާނާއި ސީޕީ ހަމީދު، ނިއުސް ބްރީފިންއެއްގެ ތެރެއިން މަޝްވަރާ ކުރައްވަނީ.---ފޮޓޯ: މިހާރު
08 ފެބުރުއަރީ 2020 - 23:24
58 comments
ކ. މާފުށީ މަގުމަތީގައި ބިކިނީގައި ހުރި ޓޫރިސްޓު ހައްޔަރުކުރުމުގައި ފުލުހުންނަށް ފާޑުކިޔުންތައް އަމާޒުވެފައި ވިޔަސް، ސަލާމަތީ ނަޒަރުން ބަލާއިރު އެ ފަދަ ހާލަތެއްގައި ފުލުހުން އަމަލުކުރީ ވަރަށް ގޯސްކޮށް ކަމަށް ދެންނެވެން ނެތް ކަމަށް ހޯމް މިނިސްޓަރު އިމްރާން އަބްދުﷲ މިރޭ ވިދާޅުވެއްޖެ އެވެ.
އިއްޔެ ހަވީރު މަގުމަތީގައި އުޅުނު ޓޫރިސްޓު އަންހެންމީހާ ހިފެހެއްޓުމުގައި ފުލުހުން އަމަލުކުރި ގޮތާ މެދު ބައެއް މީހުން ވަރަށް ބޮޑަށް ފާޑުކިޔާފައި ވެ އެވެ. އެންމެ ބޮޑު ކަންބޮޑުވުމަކަށްވީ، އެއްވެސް އަންހެން ފުލުހަކު، ނެތި މުޅިން ވެސް ފިރިހެން ފުލުހުންތަކެއް ވެގެން، އިހާނެތި ގޮތަކަށް ޓޫރިސްޓު އަންހެންމީހާ ހައްޔަރު ކުރަން އުޅުމެވެ. އިނގިރޭސި ވިލާތުގެ އެ އަންހެންމީހާ ހައްޔަރު ކުރުމުގެ ކުރިން، އެ މީހާ އަށް ނަސޭހަތްދީ ހުއްޓުވަން އުޅުނު ނަމަ، މަންޒަރު އެއަށް ވުރެ ރީތި ވާނެ ކަމަށް އެ މީހުން ބުންޏެވެ.
ސޯޝަލް މީޑިއާގައި ފުލުހުންނަށް ކުރިމަތިވި ބޮޑެތި ފާޑުކިޔުންތަކާ އެކު، ޕޮލިސް ކޮމިޝަނަރު މުހައްމަދު ހަމީދު ވަގުތުން މާފަށް އެދިވަޑައިގެން، ފުލުހުންގެ އަމަލު ގޯސްކުރެއްވި އެވެ. އަދި ކަން ހިނގި ގޮތް ތަހުގީގު ކުރަން ފަށާފައިވާކަން އިއުލާން ކުރެއްވި އެވެ.
ނަމަވެސް، އެކަން ހިނގައިދިޔަ ގޮތް ފެންނަ އެހެން ވީޑިއޯއެއް އިއްޔެ އާއްމުވުމާ އެކު، އެކަމާ ގުޅޭގޮތުން ބައެއް މީހުންގެ ހިޔާލު ތަފާތުވި އެވެ. އެ ވީޑިއޯ އިން ފެންނަނީ، އަންހެން މީހާ އަތުގައި ބިޑިއެޅުވުމުގެ ކުރިން، ބިކިނީގައި މަގުމަތީގައި ނޫޅެވޭނެ ކަމަށް ބުނެ ފުލުހުން ނަސޭހަތްދޭ މަންޒަރެވެ. އެކަމަކު އަންހެން މީހާ އެކަމާ ދެކޮޅު ހެދި އެވެ. އަދި ފަހުން ފުލުހުން ހައްޔަރުކުރަން އުޅުމުން ވަރަށް ބޮޑަށް ގަދަ ދެއްކި އެވެ.
Incident in Maafushi in which our officers restrained a female tourist seems to be badly handled. I apologise to the tourist & the public for this. The challenge I have taken up is to professionalise the police service & we are working on that. This matter is being investigated.
— Mohamed Hameed (@M_Hameedh) February 6, 2020
ފުލުހުންގެ އަމަލު ގޯސްކޮށް ކަމަށް ވިދާޅުވެ، ސީޕީ ހަމީދު ކުރެއްވި ޓުވީޓު
ފަހުގެ ވީޑިއޯއާ އެކު، ސީޕީ ހަމީދު ފުލުހުން ގޯސް ކުރައްވައި ކުރެއްވި ޓުވީޓާ މެދު ވެސް އެތައް ބަޔަކު މިހާރު ދަނީ ނުރުހުން ފާޅުކުރަމުންނެވެ.
ޕީއެސްއެމް ނިއުސްގެ "ރާއްޖެ މިއަދު" ޕްރޮގްރާމްގައި ވާހަކަ ދައްކަވަމުން އިމްރާން ވިދާޅުވީ އެ އަށް ވުރެ ރަނގަޅަށް އެ ހާލަތް ކޮންޓްރޯލް ކުރެވިދާނެ ކަމަށާއި އެހެން އެކަން ނުވީތީ އެކަމާ ހިތާމަ ކުރައްވާ ކަމަށެވެ. އެކަމަކު ސަލާމަތީ ނަޒަރުން ބަލާއިރު ފުލުހުން އަމަލު ކުރީ ވަރަށް ގޯސްކޮށް ކަމަށް ނުދެންނެވޭނެ ކަމަށް ވިދާޅުވި އެވެ.
"އަޅުގަނޑުމެންނަކީ ޓޫރިސްޓުންނަށް ސެކިއުރިޓީ ކަށަވަރު ކޮށްދޭން ޖެހޭ ބައެއް. އަދި އެކަން ޕްރޮމޯޓް ކޮށްދެން ޖެހޭ މުއައްސާސެއްގެ ގޮތުން ދެރަވަން މިހެން ކަންތައްތައް ވީތީ،" އިމްރާން ވިދާޅުވި އެވެ.
އިމްރާން ފާހަގަ ކުރެއްވި ގޮތުގައި ކޮމިޝަނަރު އެހެން ދެކެވަޑައިގަތުމަކީ، އެ ފަދަ ކަންކަމުގައި ފުލުހުން "އޯވާ ޑިފެންޑް" ނުވަތަ މާބޮޑަށް ދިފާއު ކުރައްވަން ނޫޅުއްވާކަން އެނގިވަޑައިގަންނަވާ ކަމެކެވެ. އަދި ފުލުހުންގެ މުއައްސަސާ، މިހާރަށް ވުރެ ރަނގަޅުކޮށް ހަރުދަނާ ކުރުމަށް ދެ ބޭފުޅުން އެކުގައި މަސައްކަތް ކުރައްވަމުން އަންނަ ކަމަށް ވިދާޅުވި އެވެ.
"ވޭތުވެ ދިޔަ ތަނުގައި [ފުލުހުންގެ ފަރާތުން] ވަރަށް ހިތާމަވެރި ކަންކަން ހިނގާފައި އެބަހުރި. ބޮޑެތި އަނިޔާތަކާއި ގެއްލުންތައް ދީފައި އެބަހުރި. އެކަމަކު މިއަދު، މިހާ ކުޑަކުޑަ ކަމަކާ ފާޑުކިޔަން ޖެހުމަކީ ލިބުނު ކުރިއެރުމެއް ކަމަށް އަޅުގަނޑު ދެކެނީ،" މިދިޔަ ސަރުކާރުގައި ޓެރަރިޒަމްގެ ކުށް ސާބިތުވެ، ޖަލުގައި ދުވަސްތަކެއް ހޭދަ ކުރައްވާފައިވާ މިނިސްޓަރު ވިދާޅުވި އެވެ.
އިމްރާން ވިދާޅުވިގޮތުގައި މާފުށީގައި ހިނގި ހާދިސާ އަދިވެސް އަންނަނީ ތަހުގީގު ކުރަމުންނެވެ. އެއިން އަތް ދޫކޮށް ނުލާ ކަމަށް ވިދާޅުވި އެވެ.
އެ ހާދިސާއަށް ބޭރުގެ މީޑިއާތަކުގެ ސަމާލުކަން ވެސް ލިބުނެވެ. އެކަމަކު އެ ޚަބަރުތަކަށް ކޮމެންޓް ކުރި ގިނަ މީހުން ދެކޭ ގޮތުގައި ރާއްޖެ އަންނަ ޓޫރިސްޓުން، ގައުމުގެ އާއްމު ގާނޫނާއި ގަވައިދުތަކަށް އިހްތިރާމް ކުރަން ޖެހޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮރިވަރު
09 February 2020
ބަލަގަ އޮރީޔާން ނުފެންނަނީ ކޮންތާކުންހޭ؟ ގޭއެތެރެ އާއި ބޭރުވެސް އޮރީޔާން. ނިކަން މައްޗަށް ބަލާލާފަ ތިރިއަށް ބަލާލިޔަސް ހުރީ ހުސް އޮރީ. ފޯނުގަ އެނޫން އެއްޗެއްނެތް. މަޖުލީހުގެ ޖަލްސާތަކުގައިވެސް އޮރިޔަނބު ބަރަހަނާ ސައިޑުތަކަށް ދާވާހަކަ. ކޮއްކޮމެންނޭ. ފަހުޒަމާނުގެ އަލާމަތްތައް. ހަކުރު އެންމެ ފުކެއް ކައިރިއަށް ހިނިތައް ޖަމާވުން އިތުރުވޭދޯ؟ އެކަމަކު އެތަނަށްއެއްވާ ހުރިހާ ހިންޏަކަށް އެހަކުރުފުށް ކިތަންމެ ފޮންޏަސް ރާހަތެއްނުކުރާނެދޯ؟
ބޭރު
09 February 2020
ހައްޔަރުކުރީ ގޯސްކޮށޭ ބުނެވޭކަށް ނެތް. އެއަށްފަހު އަމަލުކުރީ ގޯސް ކޮށް. އޭނާ މަސްތުގެ ހާލުގައި ހުރިކަމަށް ޝައްކު ކުރެވޭއިރު ކުޑަކަމުދާ ތަކެތި ނަގާ ޓެސްޓް ނުކުރުމުންނެވެ. އޭނާ މަސްތުގެ ހާލަތުގައި ހުރިކަމަށް ވާނަމަ މަސްތުވާތަކެތި (ބަނގުރާ ކަމަށްވިޔަސް) ލިބުނު ގޮތެކެވެ. މިކަމުގެ ފުރިހަމަ ތަހުގީގެއް ނުހިއްގުމަކީ މި ބާވަތުގެ ކަންކަމުން އަރައިގަތުމަށް އޮތް ހުރަހެކެވެ. އަދި ގާނޫނާ ގަވާއިދާ ހިލާފަށް އޭނާ އުޅުނީތީވެ އޭނާގެ މައްސަލަބަލާ ފިޔަވަޅުނޭޅީތިއެވެ
އަރުވާލި އާދަނުގެ ސިޔާސީހާސަރު
09 February 2020
އެހެންތާ ވާނީ އަބި ގޮއްޔެގެ 1000 ހިނިތުންވުމާ އެއްމެ ފަހަރަކު އެގޮތަށް ފެނިލުމާ ނުބައްދަލް ވީމާ ؟؟؟؟؟
އަލީރާޖާ
09 February 2020
ނޫން! އަންހެނަކު ހައްޔަރުކުރަން ފިރިހެން ފުލުހުންތަކެއް ހާލަތާ ނުބައްދަލު ބާރުގެ ބޭނުންކޮށްގެން އޭނާގެ ގަޔަށް އަރައިގަތުގައި އެއްގޮތަކަށްވެސް ރަގަޅު ކަމެއް ނޫން. އެކަން ކުރަންޖެހޭ ހާލަތެއްގައި ކުރަންޖެހޭ ނީ އަންހެން ފުލުހުންލައްވާ. މާލެ ކައިރީގައި އޮތް ރަށަކަށް އަންހެން ފުލުހުން ގެންދެވޭނެ.
ބަލީރާޖާ
09 February 2020
ކަންކަން މައްޗަށް ގޮސްގެން ބިކިނީ ބާލަންދެން ފިރިހެން ފުލުހުންނަށްވީތީ ހަމަ ބަލަންތިބެންވީތަ؟
ދޮށި
09 February 2020
އަންހެން ފުލުހުން ގެންދަންދެން އުޅޭނެ ގޮތަކަށް އުޅެން ދޫކޮށްލަންވީތޯއެވެ. ހަގީގަތުގައި މިހާރުވެސް އޭނާ ހުންނަން ޖެހޭނީ ހައްޔަރުގައެވެ. މިހާރުން މިހާރަށް ޑީޕޯޓް ކޮށްލަންޖެހެއެވެ.
އަލިފުތު
09 February 2020
އެއީ ޓެރަރިސްޓު ހަމަލާއެއް ދޭން އުޅުނު މީހެއްނަމަ އެންމެ ރަގަޅު ފިރިހެނުންތައް އަރައިގަނެ ވަގުތުން ހިފަން. ނަމަވެސް މިކަހަލަ ކަމެއްގައި އަންހެން ފުލުހުން ގެނެސްގެން މައްސަލަ ހައްލުކުރުން އެއީ ހަމަ ރަގަޅު ގޮތް.
ހަސަނު
09 February 2020
މަށަކަށް ނުވިސްނޭ ބިކިނީ ލައިގެން ހުރުމަކީ ގައުމުގެ ސަލާމަތާ އަމަންއަމާން ކަން ގެއްލޭނެ ކަމެއްކަމަކަށް.. ބިކިނީ ލައިގެން ހުރި މީހާގެ ސަބަބުން މުޖުތަމައަށް ނުރައްކަލެއް ނެތް.. އޭނާ ހުރީ ގަވާއިދާ ހިލާފުވެފާ ނަމަވެސް އެ އީ ކުޑަކުޑަ ހިލާފެއް.. ކުޑަކުޑަ ކަމެއް.. ފުލުހުންގެ އެހާ ވަރުގަދަ ކުރިމަތިލުމެއް އަންނަންޖެހޭ ވަރު ކަމެއް ނެތް..
ރޮޒައިނިޒަމް
09 February 2020
ތިޔަ އިނގިރޭސި ވިލާތު މަންޖެގެ ކޭހަކީ އަންނި އާއި ހާޑިންހަމް ކުޅުވައިގެން އުޅޭ ހީލަތްތެރި ގޭމެއް. މަގުސަދުތަކުގެ ތެރޭގައި : 1.ރާއްޖޭގައި މިފަދަ ގޮތްގޮތައް އުޅުމަކީ ހުއްދަ ކަމަކަށް ހެދުމަށް ޔޫކޭ އާއި އީޔޫން ޕްރެޝަރ ކުރުވުމަށް. އަލުން ރާއްޖެ ކޮމަންވެލްތާ ގުޅުނު ދުވަސްވަރާ މި ހާދިސާއާ ދިމާވީ އިއްތިފާގެއް ނޫން. ޢިނގިރޭސިންނާ އިންޑިއާ މީހުންނާ ދެންވެސް ކޮމަންވެލްތުގައި ހުރި ބޮޑެތި ގައުމުތަކުން ، ކޮމަންވެލްތު މެދުވެރިކޮށް ޕްރެޝަރ ކުރަން ފަށާނީ
ކުޑަކަތީބް
09 February 2020
ވާނުވާ ނޭގޭ މީހުންނާ މުއްއްސަސާތައް ހަވާލުކުރީމަ ވާނެގޮތް މިފެންނަނީ، ދެމީހުންވެސް ބޭރުކުރަންވީ
ބާގަނޑު
09 February 2020
މާފުއްޓަކީ ޖަލެއް ހުންނަ ރަށަކަށްވާއިރު މިސަރަހައްދުގައި އެންމެ ގިނަ ފަތުރުވެރިން އަންނަ ރަށަކީ އެރަށް ކަމަށްވާއިރު އަންހެން ފުލުހުންނާ އިތުރު ފުލުހުން އަބަދުމެ ތިބެންވާނެ. 15 ބުރީގެ ގެސްޓްހައުސްތައް އަޅާ ފަތުރުވެރިކަން ކޮންޓްރޯލުން ނެއްޓެމުންދާ ރަށެއްގައި ފަތުރުވެރިންނާ ރަށު މީހުންނަށް ހިމާޔަތްދޭން ބޭނުންނަމަ ސެކިއުރިޓީ މިހާރަށްވުރެ ހައި ކުރެވެންޖެހޭ. ގެސްޓްހައުސް ވިޔަފާރި ފުޅާވުމުން ދިމާވެދާނެ ކަންކަން ނުވިސްނޭތީ އިހަށް މާފަށް އެދެންވީ.
އިސްމާލި
09 February 2020
ސާބަހޭ އިމްރާން. ވަރަށް ޕްރޮފެޝަނަލް ތިޔަ ބަސްކޮޅު .ހާއްސަކޮށް ސީ.ޕީ އާއި މެދު.
ޝޮކްތެރަޕީ
09 February 2020
އިމްރާން ބުނި އެމްޑީޕިޔަ ތާއީދު ކުރުމަކީ ރާއްޖޭގެ ހަލާކޭ. މިހާރު އެމްޑީޕީ ނަޝީދު އުޅެނީ އިމްރާން ވަކިކުރަން. އަދާލަތު ޕަޓީޔަ ލިބުނުބޮޅެއްނެ.