މާޔާފުށި ރިސޯޓު މަތިން ނަގާފައިވާ ފޮޓޯއެއް.-- ފޮޓޯ: އަގޯޑާ
15 ފެބުރުއަރީ 2020 - 22:47
6 comments
އއ. މާޔާފުށި ރިސޯޓު ކައިރި އަށް ސްނޯކްލިން އަށް ދިޔަ މީހަކު މިރޭ މަރުވެއްޖެ އެވެ.
ފުލުހުންގެ މީޑިއާ އޮފިޝަލަކު ވިދާޅުވީ ރިސޯޓު ކައިރީގައި އޮތް ސަފާރީއަކުން ސްނޯކްލިން އަށް ދިޔަ މީހަކު މަރުވެގެން 9:40 ހާއިރު ރިޕޯޓުކޮށްފައިވާ ކަމަށެވެ. އެ ހާދިސާގައި މަރުވެފައިވަނީ 40 އަހަރުގެ ދިވެހި ފިރިހެނެކެވެ.
"މި ހާދިސާއާ ގުޅިގެން ފުލުހުން ބަލަންޖެހޭ ކަންކަން ދަނީ ބަލަމުން،" ފުލުހުންގެ މީޑިއާ އޮފިޝަލް ވިދާޅުވި އެވެ.
އެ އަތޮޅު މަޑިވަރު ކައިރިއަށް ޓޫރިސްޓުންތަކަކާއެކު ސްނޯކްލިން އަށް ގޮސް އުޅުނު ޒުވާނެއް ވެސް އިއްޔެ ހަވީރު ވަނީ މަރުވެފަ އެވެ. އެ ހާދިސާގައި މަރުވީ ރަސްދޫ ޑައިވް ސެންޓަރުގައި މަސައްކަތްކުރާ، ރ. މީދޫ ދެރަހަ، އަބްދުﷲ އަޒްވާން 22، އެވެ. އަޒްވާން، ކަނޑުގެ 23 މީޓަރު އަޑިން ނަގައިގެން އއ. ރަސްދޫ ހޮސްޕިޓަލަށް ގެންދިޔައިރު ވެސް މަރުވެފައިވާ ކަމަށް އެނގިފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަބަރު
16 February 2020
ކަންބޮޑުވާވަރުގެ ކަމެއް.
ޢަލީބެ
16 February 2020
މީ މި ހާރު އާމު ކަމެއް....
ޖަޕާން މަސް
16 February 2020
ރޭގަނޑު ކޯޗެއް ބަލަން ސޮނޯކެލިން އަށް ދިޔައީ؟ ސުވާލު އުފެދޭ
އަހަންމަދާ
16 February 2020
ގެސްޓުން ގޮވައިގެން އެއީ ސްނޯކްލިންގ ގައިޑެއް.
ބަލަބަލާ
15 February 2020
ފުލުހުން ތީގެ ހާދިސާތައް ދުވަހަކު ބަލައި ނުނިމުނެއްނުން! އަޅެ އެއް ފަހަރު ތަހުޤީޤުކޮށް ނިންމާފަ އަހަރުމެން ކައިރީ ބުނެދީބަލަ ކީއްވެގެންތޯ ސްނޯކުލިންގ އަށް ދާ މީހުން މަރުވަނީ. ނުލަފާ އޮޔެއް ހުރެގެންތޯ ނުވަތަ އަކުނިވަޔަށް ދަމައިގެންތޯ. މިއޮށްފަދަ ޒަމާނުގައި އަދިވެސް މީހުން ހޭލުންތެރިކުރަން މަސައްކަތް ކުރާކަށް ނުވޭތަ؟ މާދަމާވެސް މީހެއްގެ ފުރާނަ ސަލާމަތްވެދާނެ ރަނގަޅު މައުލޫމާތު ލިބިއްޖެނަމަ.
މީހުންގެ ބައްޕަ
16 February 2020
ހޭލުންތެރި ކުރުވިދާނެ، އެކަމަކު ދާ ބަޔަކު ދާނެ. ބާރަށް ދުއްވައިގެން ކިތައް މީހުން މަރުވަނީ، އެވަރުންވެސް ބާރަށް ދުއްވާ މީހުން ވަނީ ގިނަ.