މާލިއްޔަތު ކޮމިޓީން މަންޓާއާ ވެސް ބައްދަލުކުރަނީ

ރައްޔިތުންގެ މަޖިލީހުގެ މާލިއްޔަތު ކޮމިޓީގެ މެމްބަރުން ބައްދަލުވުމެއްގައި. މަންޓާއާ ބައްދަލުކުރަން މާދަމާއަށް ވަނީ ތާވަލްކޮށްފައި.

މުހައްމަދު ނަސީމް، މިހާރު

16 ފެބުރުއަރީ 2020 - 20:48

6 comments

އާ ސީޕްލޭން ޓާމިނަލްގެ މައްސަލާގައި މަންޓާ އެއާ އާ ވެސް ބައްދަލުކުރަން ރައްޔިތުންގެ މަޖިލީހުގެ މާލިއްޔަތު ކޮމިޓީން ތާވަލްކޮށްފި އެވެ.

މާލިއްޔަތު ކޮމިޓީން މަންޓާގެ މަންދޫބުންނާ ބައްދަލުކުރަން ތާވަލްކޮށްފައި ވަނީ މާދަމާ ހެނދުނު 11:00 އަށެވެ.

ސީޕްލޭން ޓާމިނަލް ކުއްޔަށް ދިނުމުގެ މައްސަލައިގައި މަންޓާ އިން ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ފޮނުވި ސިޓީގައި ބުނީ، އެމްއޭސީލް އިން ބޮޑު ހޭދައެއް ކޮށްގެން ހަދާ އާ ޓާމިނަލް ކުއްޔަށް ދޫކުރުމުގައި ފިނޭންސް މިނިސްޓްރީން އާއްމުކުރީ ވާދަވެރި މާހައުލެއްގެ ތެރެއިން އޮޕަރޭޝަންތައް ހިންގޭނެ ހައްލެެއް ކަމަށް އެ ކުންފުނިން ގަބޫލުކުރާ ކަމަށެވެ. އެ ހައްލު ގަބޫލުނުކޮށް، މުޅި ޓާމިނަލްގެ ކޮންޓްރޯލް ނަގަން ޓީއެމްއޭ އިން ކުރާ މަސައްކަތާ މަންްޓާ ދެކޮޅު ކަމަށް ސިޓީގައިވެ އެވެ.

އެ ކުންފުނިން ސުވާލު އުފައްދަނީ، ޓާމިނަލުން ބޮޑު އާމްދަނީއެއް ނުލިބޭ ކަމަށް ޓީއެމްއޭ އިން ބުނުމަށް ފަހު، މުޅި ޓާމިނަލްގެ ކޮންޓްރޯލް ހޯދަން ސަރުކާރުގެ މުއަައްސަސާތަކުގައި ލޮބީކުރަމުންދާ މައްސަލައިގަ އެވެ.

ސިޓީގައި މަންޓާއިން އެދިފައި ވަނީ އެ ކުންފުނީގެ ކަންބޮޑުވުންތައް މަޖިލީހުގެ މާލިއްޔަތު ކޮމިޓީގައި ހިއްސާކުރުމުގެ ފުރުސަތުތަކަށެވެ.

އާ ސީ ޕްލޭން ޓާމިނަލުން ލައުންޖް ހަދަން ޖާގަ ކުއްޔަށް ދޫކުރަން އޮޕަރޭޓަރުންނާ އެކު އެމްއޭސީއެލް އިން މަޝްވަރާކުރަމުން އަންނަނީ މިހާރު ޖާގަ ދޫކޮށްފައިވާ އަގުތަކަށް ބަލާއިރު ވަރަށް ކުޑަ އަގެއްގައި ކަމަށާއި އަކަ މީޓަރަކަށް މަހަކު 10.35 ޑޮލަރުގެ ރޭޓުން ދީފި ނަމަ އަހަރަކު 55 މިލިއަން ޑޮލަރުގެ ގެއްލުމެއް ދައުލަތަށް ވާނެ ކަމަށް އޭސީސީން ވަނީ ބުނެފަ އެވެ.

މި މައްސަލައިގައި ގިނަ ކަންކަން އިސްލާހުކުރަން އެމްއޭސީއެލް އަށް އަންގާފައިވާ ކަަމަށް އޭސީސީން ބުނެ އެވެ. އަދި ވަކި ސީޕްލޭން އޮޕަރޭޓަރަކަށް ނުވަތަ އޮޕަރޭޓަރުންތަކަކަށް ނާޖާއިޒު ފައިދާ ހޯދައިދޭން މަސައްކަތް ކޮށްފައިވާ ކަމަށާއި އެ މައްސަލައިގައި ޖިނާއީ ތަހުގީގެއް ކުރަމުން އަންނަ ކަަމަށް ވެސް އޭސީސީން ބުންޏެވެ.

ޓީއެމްއޭ އެމްއޭސީއެލް މަންތާ އެއާ ސީޕްލޭން

6 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޝެލަރީ

17 February 2020

ޓީއެމްއޭ ގެ އަތްދަށުވެ ގޮތްހުސްވެފެތޯ މިއޮތް ބޮޑުސަރުކާރުވެސް އެކަހަލަ އެއްޗެއް ހީވާކަހަލަ ގޮތަކައް މައްސަލަ ދާތީ ބުނެލީ ހަމަ ޓޮލެރެންސް ދެއްތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯދީ

17 February 2020

ބޯޑުވަޒީރުގެ މަޖިލީހުން މައްސަލަބަލަންޖެހެނީ ސޯލިހުބޭގެ ކުދިންނަށް މިކަން ނުވާތީ އުތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

16 February 2020

ސޯލިޙަށާއި ނަޝީދަށް ކުރިއިތުބާރާއިއުއްމީދުތަށް ނެތިހިގައްޖެ. ރައްޔަތުމީހާގެޖީބަށް ޑޮލަރުވެއްދުމަށާއި ލާމަރުކަޒުކޮށްސަރަހައްދުތަކަށްބާރުވެރިކަންދީ ރާއްޖޭގެ 3 ސަރަހައްދެއް މާލެއަށްވުރެންބޮޑަށް ތަރައްޤީކުރާނެކަމަށްބުނިބުނުމަކީ "ހަޤީގަތުގައި އެކަންކުރުމުގެނިޔަތުގައި ދެއްކިވާހަކަތަކެއްނޫންކަން" ޤަބޫލު ކުރާހިސާބަށް ކަންކަން ގެންގޮސްފި. # އެމްޑީޕީ ވެރިކަމަށް ނުގެނެވުނުނަމަ ރަނގަޅޭ ހިތަށް އަރާވަރަށް ޕާޓީގެ ގިނަބައެއްގެ މޫނުމަތި ނުތަނަވަސް ކުރުވައިފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

16 February 2020

މިކަން ހުއްޓުވާ "އޭސީސީގެ ތަޙްޤީގު ވަކިގޮތަކަށް ނުނިމެނީސް" މައްސަލައިގަ ހިމެނޭ އެއްވެސް ފަރާތަކާއި މިމައްސަލައާއި ބެހޭގޮތުން ވާހަކަ ދައްކާ އެއްވެސް މުއާމަލާތެއް ނުހިންގަން ކޯޓްއަމުރެއް ނެރެދިނުމަށް އޭސީސީގެ ފަރާތުން ކޯޓްގައި އެދެންޖެހޭ. # އޭސީސީން ޖިނާއީ ތަޙްޤީގެއް ކުރަމުންދާ މައްސަލައަކަށް މަޖިލިސް ވަނުމެކޭ ސްޕީރިއާ ކޯޓްގައި ހިގާ މައްސަލައަކަށް މަތީ ކޯޓެއް ނުވަތަ ސްޕްރީމް ކޯޓް ވަނުމެކޭ ތަފާތެއްނެތް. މިއީ ވަރަށް ބޮޑު ގޯހެއް. މިކަން ހުއްޓުވާދީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

16 February 2020

މިވަގުތު ތިކަން ތިގޮތަށްކުރުމުގެ ޤާނޫނީ ބާރުވެރިކަން މަޖިލީހަށް ލިބިގެންވާކަމަކަށް ނުދެކެން. # ކުންފުނި ހިންގާންތިބިވެރިންގެއިހްމާލާއި މަސްލަހަތުއޮތްކަމަށްބުނެ ތަޙްޤީގުކުރުމުގެބާރުއޮތް "ދައުލަތުގެ އިދާރާއަކުން ޖިނާއީތަޙްޤީގެއް ހިންގަމުންދަނިކޮށް މިކަމުގެތެރެއަށް އެއްވެސް ޙައިސީއްޔަތަކުން މަޖިލިސްވަދެގަތުމަކީ އޭސީސީގެ ތަޙްޤީގަށް ހުރަސްއެޅިދާނެ ކަމެއްކަމުގައިވާތީ" މިކަން މިގޮތަށް ކޮށްގެން ނުވާނެ ކަމަށް ދެކެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

16 February 2020

ދައުލަތުގެ އެވިއޭޝަން ކުންފުނި މޯލްޑިވިއަންއަށް މައްސަލައިގެ ތެރެއަށް ނުވަދެވިގެން އުޅެނީ ޤައުމީ އެއަރލައިން ކުންފުނީގެ ޗެއަރމަން ކަމުގެ އިތުރަށް ބޯޑްގައި ތިބި މަހުޖަނުންގެ މަސްލަހަތު ހިމެނޭ ބައިވެރިންގެ ސަބަބުންތޯ؟ # މިކަމުގެ ތެރެއަށް މޯލްޑިވިއަން ނުވަަދެއްޖެނަމަ ކުންފުނީގެ އެމްޑީގެ މައްޗަށް ކުންފުންޏަށް ލިބެންޖެހޭ ޙައްޤެއް ދޫކޮށް ކުންފުންޏަށް މާލީ ގެއްލުންލިބޭގޮތަށް އަމަލުކޮށް އިހްމާލުވެފައިވާތީ ކޮންމެވެސް ދުވަހަކު ދައުވާ އުފުލޭނެ.