ރައީސް އިބްރާހިމް މުހައްމަދު ސޯލިހް (މ) އާއި ކުރީގެ އުއްތަމަ ފަނޑިޔާރު ޑރ. އަހުމަދު އަބްދުﷲ ދީދީ (ވ) ސުޕްރީމް ކޯޓުގެ ހަފުލާއެއްގައި ބައިވެރިވެ ވަޑައިގަންނަވަނީ. -- މިހާރު ފައިލް ފޮޓޯ
19 ފެބުރުއަރީ 2020 - 21:00
45 comments
ސަރުކާރުން ސިސްޓަމެޓިކްކޮށް ޖުޑިޝަރީގެ މިނިވަަންކަން ނަގާލާފައިވާ ކަމަށް ވިދާޅުވެ، ކުރީގެ އުއްތަމަ ފަނޑިޔާރު ޑރ. އަހުމަދު އަބްދުﷲ ދީދީ ރައީސް އިބްރާހީމް މުހައްމަދު ސޯލިހަށް މިއަދު ފާޑުވިދާޅުވެއްޖެ އެވެެ.
ޝަރުއީ ދާއިރާ އިސްލާހުކުރަނީ އިޅުލާސްތެރިކަމާ އެކުގައި ކަަމަށާއި އެދާއިރާއަށް ނުފޫޒެއް ނޯންނާނެ ކަމަށް ރައީސް ވިދާޅުވި ޚަބަރު ޓްވީޓް ކުރައްވަމުން ޑރ. ޑީޑީ ވިދާޅުވީ ރައީސް އެ ވިދާޅުވީ ތާކުންތާކު ނުޖެހޭ ވާހަފުޅެއް ކަމަށެވެ. އޭނާ މިހެން ވިދާޅުވީ ރައީސަށް ސީދާ ގޮތެއްގައި މުހާތަބުކުރައްވާކަން ދޭހަވާ އިބާރާތަކުންނެވެ.
"މިސްޓަ ޕްރެޒިޑެންޓް، މިއީ ތާކުންތާކުނުޖެހޭ ވާހަކަފުޅެއް. ދިވެހިރާއްޖޭގެ ޝަރުއީ ނިޒާމުގެ މިނިވަންކަން މަނިކުފާނުގެ ސަރުކާރުން ސިސްޓަމެޓިކްކޮށް ނަގާލާފައިވާކަން މަނިކުފާނަށް ރަނގަޅަށް އެނގިވަޑައިގަންނަވާނެ،" ޑީޑީގެ ޓްވީޓްގައި ލިއުއްވި އެވެ.
This is ridiculous Mr. President . You know well, that Judicial Independence in the Maldives has been systematically undermined by your regime . https://t.co/qAsI8iaAFS
— Dr. Ahmed Abdulla Didi (@AABDULLADIDI) February 19, 2020
ކުރީގެ އުއްތަމަ ފަަނޑިޔާރު ޑރ. އަހުމަދު އަބްދުﷲ ދީދީގެ ޓްވީޓް
ޖުޑީޝަލް އަހަރު ފެށުމަށް ރޭ ދަރުބާރުގޭގައި ބޭއްވި ރަސްމިއްޔާތު ޝަރަފްވެރިކޮށް ދެއްވަމުން ރައީސް ވިދާޅުވީ، އެއްވެސް ނުފޫޒެއް ނުފޯރުވޭ ގޮތަށް ފަނޑިޔާރުންނަށް ގާނޫނުއަސާސީން ޚާއްސަ އިމްތިޔާޒްތަކެއް ދީފައި ވަނީ ރައްޔިތުންގެ މެދުގައި ތަފާތު ކުރުމެއް ނެތި އިންސާފު ގާއިމް ކުރަން ކަމަށެވެ. އަދި ދައުލަތް ހިންގުމުގެ ނިޒާމަށް ގެނައި ބަދަލާ އެކު، ޝަރުއީ ދާއިރާ އިސްލާހު ކުރުމުގެ މަސައްކަތް ކުރަނީ އިޚުލާސްތެރި ނިޔަތެއްގައި ކަމަށާއި އެއީ ރައްޔިތުންގެ ކިތަންމެ ކުޑަ ހައްގެއް ނިގުޅައިގަތަސް، އެ ހައްގެއް ކޯޓުތަކުން އަނބުރާ ހޯދައިދޭނެ ކަމުގެ ޔަގީންކަން ހޯދައި ދިނުމަށް ކަމަށް އެމަނިކުފާނު ވިދާޅުވި އެވެ.
ރައީސް އިބްރާހިމް މުހައްމަދު ސޯލިހު ވިދާޅުވި ގޮތުގައި، ސަރުކާރުގެ އެއްވެސް ނުފޫޒެއް ޝަރުއީ ދާއިރާއަކަށް ނޯންނާނެ އެވެ.
އުއްތަމަ ފަނޑިޔާރުކަމުން ޑީޑީ ވަކިކުރަން ރައްޔިތުންގެ މަޖިލީހުން ފާސްކޮށް، އޭނާ މަގާމުން ދުރުކުރީ މިދިޔަ އަހަރުގެ ނޮވެމްބަރު މަހު އެވެ. އޭނާ މަގާމުން ދުރުކުރަން ޖުޑިޝަލް ސާވިސް ކޮމިޝަނުން މަޖިލީހަށް ފޮނުވީ 15 ތުހުމަތެއް ކުރުމަށް ފަހުގަ އެވެ. ކުރެއްވި އެންމެ ބޮޑު އެއް ތުހުމަތަކީ ސުޕްރީމް ކޯޓަށް ލިބިފައިވާ ބާރުގެ ބޭރުން އަމަލު ކުރެއްވުމާއި މަޖިލީހާއި ޖެއެސްސީ އަށް ލިބިފައިވާ ބާރުތަކެއް ސުޕްރީމް ކޯޓުން ހަނިކޮށް އެ މުއައްސަސާތަކަށް ހުރަސްއެޅުމެވެ.
އެ ތުހުމަތުތަކަށް ޖަވާބު ދާރީވުމުގެ ބަދަލުގައި ޑީޑީ އޭރު ވިދާޅުވީ ޖޭއެސްސީގެ ރިޕޯޓަށް ޖަވާބުދާރީވާން ޖެހޭ އަސާސެއް ނެތް ކަމަށެވެ
ޑީޑީ އާއި ސުޕްރީމް ކޯޓުގެ އެހެން ފަނޑިޔާރުން މަގާމުން ވަކިކުރީ އެ ބޭފުޅުންގެ މައްޗަށް ތުހުމަތުކުރެވުނު ސީރިއަސް މައްސަލަތައް ބެލުމަށް ފަހުގަ މި ވެރިކަމުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަމީހާ
20 February 2020
މަޤާމު ގެއްލުނިމާ ހަޖަމުކުރަން ދަތިވަނީ މަޤާމުދޫކޮށް ދާންޖެހުނީ ތިބާގެ އިހުމާލުންކަމުގައި ޤަބޫލުކުރަން ބޭނުންނުވަނީ ތިޔައީ އާކަމެއްނޫން
އަހުމަދުބޭ
20 February 2020
ޑީ ޑީ މާތާހިރެއްނޫން ތިޔަވާހަކަ ދައްކާކަށް، އިއްޔެ ވަޒީފައިން ވަކިވުމުން އަލްހާން ފަހުމީގެ ފޫބުޑުން ސީސާބޮމުން ތިޔަދުވަނީ އުއްތަފަޑިޔާރުކަން ކުރިމީހެއްކަން ހަދާން ނެތިގެންތޯ؟ ރައްޔިތުން ކުރިމަތީގައި ކަންކަން ކުރަމުން ތިޔަދަނީ ދެން މާދަމާ ވެރިކަން ބަދަލްވުމުން ދަމާފަގެންގޮސް ފަޑިޔާރުކަން ދިނީމަ ޑީޑީވެސް ބުނާނީ ސަރިޔަތް މިކުރަމުން މިދަނީ އިންސާފާ ހަމައިންނޭދޯ؟ މިކަމުގައި ސިޔަސީ އެއްވެސް ކަމެއް ނޯންނާނޭ
ޢަހްމަ
20 February 2020
ކޮންވާހަކައެއްދައްކާކަށް؟ މިހާރު ޖެހިގެން މިއުޅޭ ކަންތައް ޖެހިގެން މިއުޅެނީ ތީނަ އެ ނަޗީދުގެ ހުކުމް ފޮރުޅާލި ހިސާބުން، އެހެންނޫންނަމަކަ އޭނައަށް މަޖިލިސް ހިސާރައެއްނުކުރެވުނީހެއްނު،
ސަމީހާ
20 February 2020
ތެދެއް އަދި ރައީސް ނަޝީދު އާއި ރައްޔިތުން ވެރިކަން ހަވާލުކޮށްފައި ހުއްޓާ ގަދަބާރުން ނިކުމެ ޤާނޫނީ ވެރިކަމެއްވައްޓާލީމާ އެފަރާތްތައް ތަޙްޤީޤް ކޮށް އެއީ ބަލަންޖެހޭ މައްސަލާއެއް
އަހްމަދުކަލޯ
20 February 2020
ދެއިރު ދެދަޅައަށް ހިތުހުރި ގޮތަކަށް ހުކުންތަށް ނެރެ އަދި އެގުންތަށް ވެސް އަމިއްލެއަށް ގޯސްވެ ބާތިލްކޮށް މަޖިލީހުން ފާސްކުރާ ބިލްތަށް ބާތިލް ކޮށް އުޅުނުއިރު ތިބޭޅާގެ ފެންވަރު އަހަރުންނަށް އިނގިފަހުރީ
ޖައިސާމް
20 February 2020
އެމްޑީޕީ ރަނގަޅީކީ ނޫން. އެކަމު އަބްދުﷲ ސައީދުގެ ސްޕްރީން ކޯޓު މާ ގޯސް.
ސިމްޕަލް
20 February 2020
ފެންނަނީ ވަޒީފާ ގެއްލުމުން އައި ރުޅިގަނޑު ރައީސަށް ބާލަނީހެން. އުއްތަމަ ފަޑިޔާރަކަށް ހުރި މީހަކު ރައީސަށް ފާޑުވިދާޅުވުމުން ފަޑިޔާރުގެ ވިސްނުން ސިޔާސީ ވެފައި ހުރިވަރު އެބަ ވަޒަން ކުރެވޭ. ރިޔާސީ ކެމްޕޭންގައި މިހާރުގެ ރައީސް ހަރު އަޑުން ވިދާޅުވަމުން ދިޔައީ ވެރިކަން ލިބިއްޖެނަމަ ފަޑިޔާރުގެ އިސްލާހް ކުރާނަމޭ. އެކަން ކުރުމަށް ރައްޔިތުން ބޭނުންވާތީ ރައީސް ސާލިހް ވެރިކަމަށް އިންތިޚާބް ކުރީ.
މުޙުއްމާ
20 February 2020
ކުރީގެ އުއްތަމަ ފަޑިޔާރު ތި ވާހަކަ ދައްކަން މާރީއްޗެއްނުން. ދެއިރު ދެދަޅަޔަށް ދެގޮތަށް ޙުކުމް ކުރި ބޭފުޅުންގެތެރޭ މަނިކުފާނުވެސް ހިމެނޭ. ސަރުކާރުގެ ނުފޫޒް ޖުޑިޝަރީއަށް ނެތަސް މަޖްލިސްގެ ނުފޫޒް ވަރަށް ބޮޑަށް އެބައޮތް. އަދި ޖޭ.އެސް.ސީ. އިން މިހާރު ކުރާ ކަމަކީ ޖުޑިޝަރީ އިސްލާހް ކުރުމަށްވުރެ ބޮޑަށް ނަޝީދުގެ ފަރާތުން ބަދަލުހިފުމުގެ ކަންތައް. ޖޭ.އެސް.ސީ. ގެ ކޮމްޕޮޒިޝަން މުޅިން ބަދަލުވެގެން ނޫނީ ޖުޑިޝަރީ އިސްލާޙެއް ނުވާނެ. އެވިސްނުން ނަޝީދުމެންގެ ނެތް.
ފިނރުޓޭ
20 February 2020
މރ ޑީޑީ އޭ ތި ބޭޅާ އަށް މުތްސިމް އަދުނާނުމެން ގާތު ފަތިގަނޑުވެސް ފިރުކާ ނުލެވޭނެ އޭ މި ބުނަނީ ހެޔޮ ހިތުންނޭ!
ނަޖްވާ
20 February 2020
ކޮންތާކުން ކިޔަވައިގެން ލިބޭ ޑޮކްޓަރު ކަމެއްތަ މީ؟ ތާކުންތާކު ޖެހޭ ވާހަކަ ދައްކާ މީހެއް ނޫން މީކީ!
ހިސާނު
20 February 2020
އެކްސް އުއްތަމަ ފަޑިޔާރާ ރައީސް މޮޔަފުޅުވީތޯ؟ ސަރުކާރަކުން އެއްވެސް ކަމެއް ނުކުރޭ އަދުލު އިންސާފުގެ ނިޒާމަކަށް. ނުމެސް ކުރެވޭނެ. ކުރި ކަމެއް ކުރީ ރައްޔިތުން ވޯޓުލައިގެން ހޮވާތަ ތިބި މެންބަރުންގެ އަގުލަބިއްޔަތުން ހޮވި ޖުޑިޝަލް ސަރވިސް ކޮމިޝަނުން. އެއީ ރައްޔިތުން ބޭނުންވާގޮތް. ރައީސް ކްރެޑިކް ކާލަން އުޅުނަސް ތީ ބޮޑުވަރު. އެކްސް އުއްތަމަ ފަޑިޔާރު ސަރުކާރުގެ އަގު ވައްޓާލަން އުޅުނަސް ތީ ބޮޑުވަރު.