ކާޑުގެ އަގު ބޮޑުކުރި މައްސަލާގައި ގިނަ ރަށްތަކެއްގައި މުޒާހަރާކޮށްފި

ކާޑުގެ އަގު ބޮޑުުކުރުމާ ދެކޮޅަށް ސ. ހުޅުމީދޫގައި ކުރި މުޒާހަރާ.

ފަޒީނާ އަހުމަދު، މިހާރު

07 އޮކްޓޯބަރ 2016 - 20:27

ސަބްސިޑީ ހަމައެކަނި ފަގީރުންނަށް ދޭ ގޮތަށް ހަމަޖައްސައި ކާޑުގެ އަގު 100 ޕަސެންޓް ކުރުމުން ރުޅިގަދަވެ ގިނަ ރަށްތަކެއްގައި އެއްފަހަރާ މިއަދު މުޒާހަރާކޮށްފި އެވެ.

ކާޑުގެ އަގު ހެޔޮކުރަން ގޮވާލައި އެތައް ރަށަކުން ގިނަ އަދަދެއްގެ ރައްޔިތުން މަގުތަކަށް ނިކުތީ، ނުރުހުންފާޅުކުރުމުގެ ޝުއޫރުތައް ލިއެފައިވާ ބޯޑުތަކާ އެކުގަ އެވެ. ބޯޑުތަކުގައި ލިއެފައިވާ ގޮތުގައި ކާޑުގެ އަަގަށް މި ގެނައި ބަދަލަކީ ރައްޔިތުން "ބަނޑަށް ޖައްސަން" ސަރުކާރުން ކުރި ކަމެއް ކަމަށެވެ.

މި ބަދަލުގެ ސަބަބުން ނިކަމެތި އެތައް ރައްޔިތުންގެ ދިރިއުޅުމުގެ ހާލަތު ދަށްވެ ތަކުލީފް އުފުލަން ޖެހިފައިވާ ކަމަށް ވެސް ލިއެފައިވެ އެވެ. ކާޑުގެ އަގުބޮޑުކުރީ ތަރައްގީގެ މަޝްރޫއުތަކާ ގުޅިގެން ކަމަށް ބުންޏަސް އެއީ ގަބޫލުކުރެވޭނެ ވާހަކަތަކެއް ނޫން ކަމަށް ބައެއް ރަށްތަކުން މުޒާހަރާގައި ގޮވަމުން ދިޔަ އެވެ.

މި މުޒާހަރާތަކުގައި ސަރުކާރަށް ފާޑުކިޔައި ޝުއޫރުފާޅުކޮށްފައިވާ ބޯޑުތައް ގިނަ އެވެ. ކަރަންޓާއި ކާޑުގެ ބާވަތްތަކުގެ އަގު އަތްނުފޯރާ ފަށުގައި ހުރިއިރު މާދަމާ އަގުބޮޑުކުރާނީ ކޮން ހިދުމަތަކުންތޯ ވެސް ސުވާލު އުފައްދާފައިވެ އެވެ.

ކާޑުގެ އަގަށް ގެނައި ބަދަލުން ރައްޔިތުންނަށް ނިކަމެތިކަން ލިބިފައިވާ ކަމަށް ބުނެ ގއ. ވިލިނގިލީގައި މުޒާހަރާކުރަނީ.

ގިނަ ރަށްތަކެއްގައި މިއަދު މުޒާހަރާކުރިއިރު ކާޑުގެ އަގަށް މި މަހު އެކަކުން ފެށިގެން ގެނައި ބަދަލާއެކު ސިލްސިލާކޮށް ދަނީ މުޒާހަރާ ކުރަމުންނެވެ. މި ،މައްސަލާގައި އިދިކޮޅު ފަރާތްތަކުން މިރޭ މާލޭގައި ވެސް ބޮޑު މުޒާހަރާއެއްކުރާ ގޮތަށް ވަނީ ހަމަޖައްސައިފަ އެވެ.

ކާޑުގެ އަގު ބޮޑުކުރި މައްސަލާގައި ބޯޑުތައް ހިފައިގެން ބަޔަކު މުޒާހަރާކުރަނީ.

މާލޭގައި ކުރިން 3.98ރ. އަށް ލިބުނު ހަނޑޫ ކިލޯއެއް މިހާރު ގަންނަން ލިބޭނީ 7.96ރ. އަށެވެ. ކުރިން ހަތަރު ރުފިޔާ އަށް ވިއްކި ހަކުރު ކިލޯގެ އަގު ދެ ގުނަވެ އަށް ރުފިޔާ އަށް ވަނީ އަރައިފަ އެވެ. ފުށް ކިލޯއެއްގެ އަގު ވަނީ 2.96ރ. އިން 5.96ރ. އަށް ބޮޑުވެފަ އެވެ. މި އަގުތަކަށް ވުރެ ރާއްޖޭގެ އެހެން ސަރަހައްދުތަކުގައި ކާޑުގެ ބާވަތްތަކުގެ އަގު ބޮޑުވާނެ އެވެ. ސަރުކާރުގެ އާ ކޮންޓްރޯލް އަގު އެކޮނޮމިކް މިނިސްޓްރީން ހުކުރުދުވަހު ވަނީ އާންމުކޮށްފަ އެވެ.

ކާޑުގެ އަގު ބޮޑުކުރުމުން ހދ. ކުޅުދުއްފުށީގައި މުޒާހަރާކުރަނީ.

ކާޑުގެ ސަބްސިޑީ ކަނޑާލަން ޖެހުނީ ސަރުކާރުން ބުނެފައިވާ ގޮތުގައި، ރާއްޖެ އަށް ބޭރުގެ ފަރާތްތަކުން މާލީ އެހީ ހޯދަން އުނދަގޫވެފައި ވާތީ އެވެ. ކާޑުގެ އަގުބޮޑު ކުރި މައްސަލަ ރައްޔިތުންގެ މަޖިލީހަށް ވެސް ވަނީ ހުށަހަޅައިފަ އެވެ.

ދިވެހި ސަރުކާރު ކާޑުގެ ބާވަތްތައް ކާޑުގެ އަގު ކޮންޓްރޯލްކުރުން މުޒާހަރާ ރެލީ

21 ކޮމެންޓް, 59 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނޫރާ

09 October 2016

200 ރަށް ރާއްޖޭގައި އޮވޭ މީގެން 10 ރަށުގަ މުޒާހަރާކުރީމަ އެއީ ހުރިހާ ރަށެއްގައި ކުރެވުން. މިއީ މަމެން ހިސާބު ޖަހާގޮތް އެމްއޯޔޫ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެސް.އެޗް.އެން

08 October 2016

އޯ "ގިނަ" ރަށްތަކެއްގައި ތޯ؟؟ ރަށްތަކުގެ ލިސްޓް ލިޔެލަ ދެއްވާ ޕްލީސް....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޭލަމާ

08 October 2016

މީހުން ޢަތުގައި ގަޑި އެޅީމަ ގަޑިން ޢަގު ބޮޑު ކުރޭ .ގަޑި އަޅާތީ ހަނޑޫ . ފޯނު ގަންނާތީ ހަކުރު. ޖިންސު ލާތީ ފުށް . ކީއްވެ އެތަކެތިން އަގު ބޮޑު ކުރިނަމަ ދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާ ޔޫ ފޮ ރައަލް؟

08 October 2016

"ކާޑުގެ އަގު ބޮޑުކުރި މައްސަލާގައި "ގިނަ" ރަށްތަކެއްގައި މުޒާހަރާކޮށްފި" "ކާޑުގެ އަގު ހެޔޮކުރަން ގޮވާލައި "އެތައް" ރަށަކުން "ގިނަ" އަދަދެއްގެ ރައްޔިތުން މަގުތަކަށް" ގިނަ މަދު އެތައް މިތައް. މިހާރު ޕްލީޒް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮލް

07 October 2016

މިކަމުގެ އަޅުގަަނޑަށް ހަޖަމު ނުކުރެވޭ ބައެއް ކަންކަން އެބަ ހުރި. ހަނާވަނީކަމަށް ބުނެ ނުކުމެ ތިބި އެއްބައި މީހުން އެތިބީ ޑެނިމް ޖިންސު ލަައިގެން. ގިނަ ބަޔަކު އަވި އައިނު އަޅައިގެން. އެއްބަޔަކު ސްކިނީ ޖިންސުގަ. އެކަކު އެބަހުރި ފެންވަރުގެ ބޫޓަކަށް އަރައިގެންވެސް. ދެތިން މީހަކު ޕޯލޯ ޓީޝާޓު ލައިގެން. އެންމެން ހެން 1ރ 2ރ ގެ އޭ3، އޭ4 ކަރުދާސް ހިފައިގެން. ތިތާ ތިތިބަ ބައެއް މީހުންގެ ގަމީހުގެ އަގު އުޅޭނީ 500ރ ގަ. އަނެއް ބައެއްގެ ބުރުގާގެ އަގުވެސް އުޅޭނީ އެހައިކަންހައި ވަރުގަ. ގިނަ މީހުންގެ ފައިވާާންތައްވެސް. ދެން ޖެހޭނީ ތިމީސްމީހުންގެ އަތްކުރިއާއި ޖީބުތައް ބަލައިލަން. އަތުކުރީގައި އަޅަނީ ކިހާ ފެންވަރެއްގެ އަތުކުރި ގަޑިއެއްތޯ އާއި ގެންގުޅެނީ ކޮން ބްރޭންޑެއްގެ ފޯނެއްތޯ ބަލައިލަން. ނޫނީ އިނގިލިތަކުގަ އަޅާފަ ހުރީ ކިހާ އަގުބޮޑު އަނގޮޓިތަކެއްތޯ ބަލައިލަން. ދެން ރޮޒޭގެ ވާހަކަ ދެއްތޯ؟ ރައްޔިތުންގެ ކަންބޮޑުވުން ހާމަކުރަން މަޖިލިސް މެމްބަރުން ނުކުތުމަކީ އެންމެ ރަނގަޅު ކަމެއް. އެކަމަކު، މުސާރައިގެ ގޮތުގައި ލިބޭ 82500ރ އިން ދިރިއުޅުމުގެ އަސާސީ ޚަރަދުތަކަށް 15،000ރ ވަރު ބަހައްޓާފަ، ބާކީ 67500ރ ދާއިރާގެ ރައްޔިތުންނަށް ލިބޭނޭހެން ފަންޑެއް ފަދަ އެއްޗެއް ހުޅުވިއްޔާ ކީއްތޯ ވާނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަނު

08 October 2016

ސަރުކާރުން ޖަހާހާ ބެރަކަށް ރައްޔިތުން ނުޖެހޭ ނަށާކަށް. ސަރުކާރުން ހަރަދުކުރަނީ ރައްޔިތުންގެ ލާރި. ރައްޔިތުން މިބުނަނީ ތިލާރިން ކާޑު ސަބުސިޑީ ކުރާށޭ. ރައްޔިތުން ޑެނިމް ޖިންސްލާފަ އަތުކުރީ ގަޑިއަޅާފަތިބުން އެއީ ސަރުކާރާ ބެހޭކަމެއްނޫން. ހަޖަމްވެއްޖެތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަބޭސް

08 October 2016

ތި ސުވާލު މާރަގަޅުވާނެ ސަރުކާރާ ކުރިއްޔާ! ރައްޔިތުންނަށް ދެމުންގެންދިޔަ ސަބުސިޑީ ކަނޑާލަން ޖެހުނުއިރު މާލެ މަލަމަތި ނަލަކުރުމުގެ އެތައް މަޝްރޫއެއް ހުއްޓާނުލާ، ކޮރަޕްޝަނުން ކާލި އެތައް ބިލިޔަން ރުފިޔާއެއް ނުހޯދާ ކީއްކުރަންހޭ އަސާސީ ސަބުސިޑީއެއް ކަނޑާލަން ޖެހެނީ.؟؟؟؟؟؟ ލޮލް!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީޝާކިރު

07 October 2016

ހުރިހާ ބޮނޑިޔެއް ލިބިގެން މިދަނީ ނަޝީދު ނުހައްގުން ހައްޔަރުކޮއް ބައިނަލްއަގުވާމީ ގާނޫނައް ދިވެހިސަރުކާރުން އަމަލު ނުކުރާތީ މިނިވަން އަދުލުވެރިކަމެއް ނެތުމުން ކޮމަންވެލްތުން ދަތިކުރުމުގެ ފިޔަވަޅު އެޅުމާއެކު ޔޫރަޕްގެ ފަތުރުވެރިން ބަސްގަބޫލު ނުކުރާ ދައުލަތަކައް އިތުބާރެއް ނުކުރާނެ ވީމާ ދައުލަތައް ފައިސާހޯދަން މިޖެހެނީ އިންތިހާޔައް ރައްޔިތުންގެ ގޮހޮރައް އަތްބާނަން ޑޮލަރުގެ އަގުދަނީ އިންތިހާ އަގުބޮޑުވަމުން ވީއެއްވެސް ވައުދެއް ބުނިތާރީހައް ނިމިފަކާނުވޭ ތިޖޫރީވަނީ ވަގައްނަގާފަ ހުރިހާފަޅެއްވަނީ ނުހައްގުން ބަހާލާފަ މޑޕ ސަރުކާރުން ޓެކްސްގެ ނިޒާމެއް ގާއިމުކޮއް ބަލިމީހާޔައް ބޭސްކުރެވޭނެ ނިޒާމެއް ގާއިމު ނުކުރިނަމަ މިޔަދު ރައްޔިތުން ތިބޭނީ ސޯމާލިޔާގެ ރައްޔިތުންނާ އެއްފެންވަރައް ގޮސްފަ އެބޭނުމުގަ އުޅޭހެން ވަރައްހީވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުއިދުއް

07 October 2016

ތީ ސިޔާސީ މުޒާހަރާތަކެއް. ތަންދޮރުވިސްނޭ އެކަކުވެސް ތިއެއްވުންތަކުގަ ނުހުންނާނެ. އަނެއްކާ ހެއްވާކަމަކީ މުޒާހަރާއިން ފެންނަ ގިނަމީހުންގެ ގޭގޭގައި ކާންބޭނުންކުރަނީ ސަބްސިޑީނުލިބޭ ހަނޑޫކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޒުމް

08 October 2016

ތީ އަމިއްލަ އެދުން އިންތިހާއަށް ބޮޑު މީހުންނަށް ވިސްނޭގޮތް. ބަޔަކަށް ގެއްލުމެއްވަންޏާ ދެކޮޅަށް ނިކުންނާނެ ހެޔޮއެދޭ މީހުން.. ހަމައެކަނި ގެއްލުންވާ މީހުންނެއްނޫން. ތަންދޮރު ވިސްނިއްޖެތަ މިހާރު؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހަށްދޭ

07 October 2016

ނިކަމެތިން މަގޫފަތާއި ދިމާލަށް ކަމަށް ބޯރޑްތަކުގައި ހުޅުދޫ މީދޫ މީހުން ލިޔެގެން ނެރުނު ބޯރޑް ގައި އަމިއްލަ މާދަރީ ބަހުން ލިޔެފައިވާ އަތު ލިޔުން އެއީ ވާލު ބުޅި އަޅުވާފައި ތޯ އެހެރީ. އެއީ ތޯ ތަމެން ދިވެހި ބަހުން ލިޔަން ދަންނަ ފެންވަރަކީ. ފުރަތަމަ ތަމެން ކިޔެވުމަށް މަކަރާއި ހީލަތް ނަހަދާ ދިވެހި މާދަރީ ބަސް ފުރަތަމަ ވެސް ލިޔަން ކިޔަން ރަނގަޅަށް ދަސް ކުރާނެ ކަމަށް ވައުދު ވެބަލަ މަމެން ކައިރީގައި. ތަމެން އަމިއްލަ އެދުމާއި ގެން ފޯވެފައި ތިއްބަސް އަދި ކަމަކު ނުދާނެއެވެ. އަމިއްލަ ގައުމުގެ ބަސް އަތު ލިޔުމުން ލިޔާއިރު އޭގައި ކޮންމެވެސް ކޮލިޓީ އެއް ހުންނާން ވާނެއެވެ. ފޯއްމުލަކު މީހުންނަށް އަމިއްލަ ބަހުން ރީއްޗަށް އަތުން ލިޔަން ނޭގޭތީވެ އެމީހުން ކޮމްޕިއުޓަރުން ޓައިޕް ކޮށްގެން ބޯރޑް ތައް ނެރުނީ ދޯ. ތަމެންނަށް އެވަރުވެސް ނުވިދޯ. ތަމެން މަހަށް ދާންވީ އެއް ނޫންދޯ ދެން.