ރަށެއްގެ މަގުމަތީގައި ހުރި އަށްޓެއްގައި ކުޑަކުދިންތަކެއް އިށީންދެލައިގެން.-- ފޮޓޯ: ނިޝާން އަލީ/ މިހާރު
01 މާޗް 2020 - 17:49
10 comments
ކުޑަކުދިން ރައްކާތެރިކުރުމާ ބެހޭ އޮތޯރިޓީއެއް، ރައީސް އިބްރާހިމް މުހައްމަދު ސޯލިހު މިއަދު އުފައްދަވައިފި އެވެ.
މިއީ މިިދިޔަ މަހުގެ 20 ވަނަ ދުވަހުން ފެށިގެން އަމަލުކުރަން ފެށި ކުޑަކުދިންގެ ހައްގުތައް ރައްކާތެރިކުރުމާ ބެހޭ ގާނޫނުގެ ދަށުން އުފެއްދި އޮތޯރިޓީއެކެވެ. އެ ގާނޫނަށް އަމަލުކުރަން ފަށާތާ 30 ދުވަހުގެ ތެރޭގައި "ޗައިލްޑް އެންޑް ފެމިލީ ޕްރޮޓެކްޝަން ސާވިސް" އުފައްދަންޖެހެ އެވެ.
ރައީސް އޮފީހުން ބުނީ ކުޑަކުދިންގެ ހައްގުތައް ހިމާޔަތްކޮށް އާ އޮތޯރިޓީއެއް އުފައްދައި، އެ ތަނަކީ ޖެންޑާ މިނިސްޓްރީގެ ދަށުން ހިންގާ ތަނެއްގެ ގޮތުގައި ހަމަޖައްސާފައިވާ ކަމަށެވެ.
އެ އޮތޯރިޓީއާއެކު ޖެންޑާ މިނިސްޓްރީގެ ބައެއް މަސައްކަތްތަކަށް ބަދަލު ގެނެސްފައި ވެ އެވެ. މީގެ ކުރިން އެ މިނިސްޓްރީގެ މެންޑޭޓުގެ ތެރޭގައި ހިމެނުނު ކުޑަކުދިންގެ ހައްގުތައް ރައްކާތެރިކުރުމާއި ނުކުޅެދުންތެރިކަން ހުންނަ ކުދިންގެ މަސްލަހަތު ހިމާޔަތްކުރުމަށްޓަކައި ކުރަންޖެހޭ އެންމެހައި ކަންކަން، އަލަށް އުފެއްދި އިދާރާއިން ކުރާގޮތަށް ވަނީ ބަދަލުކޮށްފަ އެވެ.
ރައްޔިތުންގެ މަޖިލީހުން މިދިޔަ ނޮވެމްބަރު މަހުގެ ތެރޭގައި ފާސްކުރި ގާނޫނުން ވަރަށް ފުޅާ ދާއިރާއެއްގައި ކުޑަކުދިންގެ ހައްގުތައް ކަށަވަރުވެގެންދެ އެވެ. އެ ގާނޫނާއެކު، އުމުރުން 18 ނުފުރޭ ކުދިންނާ ކައިވެނިކުރުން ކުށަކަށް ހަދައި ވެކްސިން މަޖުބޫރުކޮށްފައި ވެ އެވެ.
ކުޑަކުދިންގެ ހައްގުތައް ރައްކާތެރިކުރުމުގެ ގާނޫނުގެ ދަށުން، ކުޑަކުދިންގެ ހައްގުތައް ރައްކާތެރިކުރުމާ ބެހޭ ކައުންސިލެއް ވެސް އުފައްދަން ޖެހެ އެވެ. އެ ގާނޫނަށް އަމަލުކުރާތާ 60 ދުވަހުގެ ތެރޭގައި އުފައްދާ ކައުންސިލަށް މެމްބަރުން އައްޔަންކުރުމުގެ ބާރު އޮތީ ރައީސަށެވެ. ޖެންޑާ މިނިސްޓްރީން އިދާރީ ކަންކަން ބަލަހައްޓާ މި ކައުންސިލް ޖަވާބުދާރީވާން ޖެހެނީ މިނިސްޓަރަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާވެރިބެ
02 March 2020
ހަށިގަނޑަށް އުނދަގުލެއް ވީމާ ޕެނެޑޯލް ކާހެން މިގައުމަށް ދިމާވާ ކޮންމެ ކަމަކަށް ކޮނމެވެސް ކޮމިޓީއެއް ނުވަތަ މުއައްސަސާއެއް ހެދީމާ ގައުމު ހިންގުނީއެވެ.
އިބްރާހީމް ހާއިލް
02 March 2020
ބޭކާރު ތަންތަން.. ވާޖިބު އަދާކުރާ ރައްޔިތުންތަކެއް އުފައްދަންޖެހެނީ. ތަންފީޒީ އިދާރާތައް ހުރިގޮތަށް ހުއްޓާ ކޮމިޝަންތައް .. ޖެންޑާ މިނިސްޓްރީ ހުރިގޮތަށް ހުއްޓާ އަނެއްކާ އަނެއްތަނެއް.. ސަރުކާރުގެ ޚަރަދު ތައްހާދަބޮޑޭ މިހާރުވެސް.. ޕިސް ޕިސް.. ކުރީގަ ރައްރަށުގެ މަގުކަހަނީ ވެސް އަންހެންވެެރިން އުފަލުން ، އަމިއްލަ ކަމެއްކަމަށް ދެކިގެން . މިހާރު އެވެސް ފައިސާދީގެން ކުރާ ކަމެއް. ހަލާކުވެ ނިމިފަ އޮތްތަނެއްމީ.. ވަޠަނީ ދަރިން ތަކެއްެއުފައްދަބަލަ ހެޔޮނުވާނެ،
އަހުމަދުބޭ
02 March 2020
ކަންކަން މިނުވެގެން އުޅެނީކީ އިދާރާތަށް ނެތިގެން ނޫނެވެ، ކަންކަން ކުރަންއޮންނަގޮތް އަދި ޕުރޮސީޖާތަށް ގިނަވެގެން ކަންކަން ކުރަންތިބި މީހުން ކަންކަން ކުރަން ފޫހިވެގެންނެވެ، ތިޔަ އިދާރާއިން ކަމެއް ކުރަން މިހާރުވެސް މައްޗަށް ދިހަބާރަ ލޭޔަރ ތިޔަވަނީ ލެވިފައެވެ ދެން ކަމެއްކުރާނެ ގޮތެއް ބުނެދީބަލައިށެވެ، ގާނޫނު ހަދަމުންގޮސް ގާނޫނުހަދަން ތިބިމީހުންނަށް މިހާރު ގާނޫނު އަސާސީގައި އެމީހުންނަށް ލިޔެވުނު އެއްޗެއްނޭގޭވަރަށް ގާނޫނު އެބަހަދައެވެ
ދޮންމަނިކް
02 March 2020
ގްޑް ޖޮބް ......... ތިތަންތަނުގެ މަސައްކަތް އެއް ރެގިލޭޓު ކޮއް ދުވަހުން ދުވަހައް މަސައްކަތް ތައް ނިންމަންވީ ..............
ޙަސަން ރަޝީދު
02 March 2020
ކިތައް މުއައްސަސާ ތޯ ހަދަން ވީ. މިހާރު ހުރި މުއައްސަސާތައް ގުނަމާ ހިނގާ..1. އެފްސީ.ޕީޑީ ،2. ޖޭޖޭޔޫ. 3. ޢެފްޕީއޭ 4. ޖެންޑަރ މިނިސްޓްރީ މިއީ ހަމަ އެއްމަސައްކަތެއް ކުރާ ތަފާތު ބޯޑުތަކެއް ހަރުކޮށްފައި ހުންނަ ތަފާތު މުއައްސަސާތައް. .
ލާމުއޮންލައިން ޑޮޓްކޮމް
02 March 2020
ތިޔަތަންތަނުގައި ގިނައިންތިބީ މަސައްކަތާގުޅޭ ތަޢުލީމު ލިބިފައިނެތް ނާގާބިލު މުއައްޒަފުން، އަދި ރައްޓެހިންނަށް ކަންކަން ކޮށްދިނުމާ ރިޝްވަތުހިފުންފަދަ ޢަމަލުތައްވެސް ތިޔަތަންތަނުގެ މުއައްޒަފުންގެ މެދުގައި ހިނގަމުންދޭ!
ސފދސ
02 March 2020
ތި ތަން ބަލަހައްޓަން ރިޔާސީ ކޮމިޝަނެއް ނުވަތަ ކޮމެޓީއެއް އުފައްދަންޖެހޭ...
ގަރަހިތަ
01 March 2020
މިއީވެސް ބަޔަކަށް ވަޒީފާ ދޭންވެގެން އުފެއްދިތަނެއް. ކޮރޯނާ އާ އަޅުވާފަ ކީއްވެބާ މިކަހަލަ ކަންތައް ނުހުއްޓުވަނީ. މިހާރުވެސް ހުރި ތަންތަން ހަރުދަނާ ކުރީމާ ކަންކަން ރަނގަޅު ކުރެވޭނެ. އިތުރު ކޮމިޝަންތަކާއި މުވައްސަސާތައް ހެދުމަކުން ހައްލެއް ނުވާނެ.
ބެއްޔަގެ ބެއްޔާ
01 March 2020
ދެވަނަ މިނިސްޓަރު އިސްތިއުފާ ދޭން ނުޖެހެނިސް އަވަހަށް އެހެން ބަޔެއްގެ ބޮަލަށް ޖެހީ ދީ!
ކަކުނިބޯ
01 March 2020
އަދި މަދެއްނުންތޯ ކުޑަކުދިންގެ ވެކްސިނާބެހޭ އިދާރާޔަކާ ކުޑަކުދިންގެ ބޭހާބެހޭ އިދާރާޔަކާ ކުޑަކުދިންގެ ބެލެނެވެރިންނާއި ބެހޭއިދާރާޔަކާ ކުޑަކުދިންގެ ކެއުމާއި ބުއިމާބެހޭ އިދާރާޔަކާ ކުޑަކުދިންގެ ކުޅެދުމާއި ނުކުޅެދުމުމުގެ އިދާރާޔަކާ ކުޑަކުދިން ސުކޫލަށް އަދި ޓިޔުޝަނަށް ދިޔުމާބެހޭ އިދަރާޔަކަ ކުޑަކުދިން ނިދުމާއިބެހޭ އިދާރާޔަކާ ކުޑަކުދިންގެ ކުޅިވަރާބެހޭ އިދާރާޔަކާ ކުޑަކުދިންގެ ޕޮލިހާ ބެހޭ އިދާރާޔަކަ ކުޑުކުދިންގެ މިހެންގޮސް ބޮޑެތި މުސާދޭންވަނެ އިގޭ