ސްރީ ލަންކާގައި ފިލައިގެން އުޅެނިކޮށް އަބްދުﷲ ލުތުފީ މާލެ ގެނެސް އެއާޕޯޓުން ފުލުހުންގެ ބެލުމުގެ ދަށުގައި ގެންދަނީ. -- ފައިމް ފޮޓޯ: މިހާރު
02 މާޗް 2020 - 20:17
15 comments
ނޮވެމްބަރު، 3 1988 ގައި ރާއްޖެ އަށް ދިން އުދުވާނީ ހަމަލާގައި އިސްކޮށް ހަރަކާތްތެރިވި އަބްދުﷲ ލުތުފީ ފިލައިގެން ރާއްޖެ އިން ބޭރުގައި އުޅުނު މައްސަލާގައި އޭނާގެ މައްޗަށް ކުރީ މީހުން ބަންދުކުރާ މަރުކަޒަކުން ފިލުމުގެ ކުށުގެ ދައުވާ ކަމަށް ޕްރޮސިކިއުޓާ ޖެނެރަލްގެ އޮފީހުން މިއަދު ބުނެފި އެވެ.
ގާނޫނުލް އުގޫބާތުގެ 537 ވަނަ މާއްދާގެ ދަށުން މި ދައުވާކޮށް ކްރިމިނަލް ކޯޓަށް ހުށަހެޅީ އުމުރު ދުވަހުގެ ޖަލު ހުކުމެއް ތަންފީޒުކުރަމުން ދަނިކޮށް ބޭސްފަރުވާ އަށް 2010 ވަނަ އަހަރު ރާއްޖޭން ބޭރަށް ފޮނުވުމުން ފިލި މައްސަލައިގަ އެވެ.
މި ކުށުގެ އަދަބަކަށް ގާނޫނުލް އުގޫބާތުގައި ކަނޑައަޅާފައިވާ އެންމެ ބޮޑު އަދަބަކީ ހަތަރު އަހަރަށް ޖަލަށް ލުމެވެ. އެންމެ ކުޑަކޮށް ދެވޭނީ 4 މަހާއި 24 ދުވަހަށް ޖަލަށް ލުމެވެ.
ލުތުފީ ފިލައިގެން އުޅުނީ ސްރީ ލަންކާގަ އެވެ. އެކަމަކު ލަންކާގައި ހުންނަ ރާއްޖޭގެ އެމްބަސީ އަށް މިދިޔަ އަހަރު ލުތުފީ ގޮސް ހިމާޔަތް ހޯދުމުން އޭނާ ރާއްޖެ ގެނެސް، ވަނީ އަނބުރާ ޖަލަށް ގެންގޮސްފަ އެވެ.
ލަންކާގެ ޕްލޯޓް ޖަމާއަތާ ގުޅިގެން ރާއްޖެއަށް ދިން އުދުވާނީ ހަމަލާގައި 19 ދިވެއްސަކު ޝަހީދުކޮށްލައި، ހިނގި އެ ހާދިސާގައި ލުތުފީ އާއި އިތުރު ބަޔަކު މަރަން ހުކުމްކުރި އެވެ. އެކަމަކު އޭރުގެ ރައީސް މައުމޫން އަބްދުލްގައްޔޫމް ފަހުން ވަނީ ހުރިހާ އެންމެންގެ މަރުގެ އަދަބު އުމުރު ދުވަހުގެ ޖަލު ހުކުމަކަށް ބަދަލުކޮށް ދެއްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހާމަ333
03 March 2020
ބޮޑުބާއީ...މީނާ އުމުރުދުވަހު ޖަލުގަ ބަހައްޓާ....މީދޫކޮށްލެވިގެންވާނެ މީހެއް ނޫން... ދިވެހިން ދުވަހަކު މިކަލޭގެއަށް މާފެއްނުކުރާނެ
ރަދުން
03 March 2020
ޖޫރިމަނާއެއްކޮށްލިނަމަ ރަނގަޅު.ބޭކާރު ހުކުމެއް.
ާމުުޫސާަ މަނިކު
03 March 2020
40 އަހަރު ވީިތަނާަ ޖަ ލަ ލީި..
އަލިބެއްޔަ
03 March 2020
ލުތުފީގެ މައްޗަށް ތިޔަ ދައުވާއެއް ނުކުރެވޭނެ. ކޯޓުން ބަލައިގަނެގެންވެސް ނުވާނެ. ލުތުފީ ފިލީ މީހުން ބަންދުކުރާ މަރުކަޒަކުންނޫން. ލަންކާއަށް ބޭހަށްގޮސްފިލީ. ފިލީ ލަންކާގައި ހުރީ މީހުންބަންދުކުރާ މަރުކަޒަކުންނޫން. އަދި ރާއްޖޭގައިހުރި މީހުން ބަންދުކުރާ މަރުކަޒަކުންނެއްވެސްނޫން. ދައުވާ ކުރަންވީ ލުތުފީ ފިލުވި މީހުންގެ މައްޗަށް.
އަބްދޫ
03 March 2020
މިއިީ ލުތުފީ ފިލުމުން ސަލާމަތް ކުރަން ރޭވިފައިވާ ދައުވާ އެއް އެއީ ލުތުފީ ފިލީކީ ނޫން ބޭސްފަރުވާގެ ނަމުގަ ފޮނުވާލީމަ އެބުރި ނައިސްހުރީ ބޭސްފަރުވާ ނުނިމޭތީ ދޯ
ާއުނިމާ
03 March 2020
މީނަ ބަޤާވާތް ކޮށްގެން ލިބުނު އަދަބު ނިމުނީތޯ؟ ތިޔަ ނުވޭނޫންތޯ ހުވަދަކަށްވެސް، 19 ދިވެހިން ޝަހީދު ވިނޫންތޯ!
ޔާގޫތު
03 March 2020
މިކަހަލަ ބޮޑެތި ކުށްތައްކުށްތަކަށް އަރާވަޑައިގެންފަ ތިއްބަވާ މާލޭބޭބޭފުޅުންނަށް ޖަލުގެ ގޮޅިފުޅުގަ ހުންނަނީ ޓީވީފަދަ ހިދުމަތްތައްވެސް ދީފަ މިފަހަކަށް އައިސް.
ރިޝް
03 March 2020
70 އަހަރުން މަތި އެކަމަކު ޒުވާނެއް ގޮތަށް ފެންނަނީ! ލުތުފީ ޖަލަށް 1989 ގަ ލީ އިރު ވެސް 45 އހަރުން މަތި އެކަމް މިހާރު ވެސް ހަމަ ޒުވާން! މި ވަނީ ކީއް؟
ޑަމީ
03 March 2020
އަދީބު އަކަށް އެ ދައުވާ ކުރެވޭކަށް ނެށް. ޢެހެން ހަދައި ފިށްޔާ އެށްކަލަ އަދީބު ބުނި ލިސްޓު އިއުލާނު ކޮށްލަ ފާނެ!
ތުއްފާޝަނާކިލެގެ
03 March 2020
މީނަގެ މައްޗަށް ކުރިން ސާބިތުވި ކުށަކީ ބަޣާވާތްކޮށް މީހުން މެރުން ކަމުގައިވާނަމަ އެކުށަކީ ޖުނަޙުގެ ކުށެއްކަމުގައި ބެލެވޭ، އެހެންވެއްޖެނަމަ މީނާގެ މައްޗަށް 10 އަހަރުގެ ޖަލު ޙުކުމެއް އަންނާނެ ކަމަށް ބެލެވޭ، އަދި މީނާގެ މައްޗަށް ކުރިން ޘާބިތުވި ކުށަކީ ޖުނަޙުގެ ކުށެއްނަމަ އަންނާނެ ކަމަށް ބެލެވެނީ 9 މަހާ 18 ދުވަހުގެ ޖަލު ޙުކުމެއް، ކޮންމެއަކަށް މީނައަކީ ކުޑަ އަދަބެއް ލިބުން ޙައްޤުމީހެއް ކަމުގައި ނުބެލެވޭ!