ވިޔަފާރި / ރައީސް އިބްރާހިމް މުހައްމަދު ސޯލިހް

ރާއްޖޭގައި، 7.5 ޕަސެންޓަކީ އަވިން އުފައްދާ ކަރަންޓު: ރައީސް

ސްޓެލްކޯއަށް 70 އަހަރު ފުރުން ފާހަގަކުރުމަށް ބޭއްވި ރަސްމިއްޔަތުގައި ރައީސް އިބްރާހިމް މުހައްމަދު ސޯލިހު، ފިނޭންސް މިނިސްޓަރު އިބްރާހިމް އަމީރާއި ސްޓެލްކޯގެ މެނޭޖިން ޑިރެކްޓަރު ހަސަން މުގުނީއާ އެކު-- ފޮޓޯ: ރައީސް އޮފީސް

ފާތިމަތު ޝަނާ މުހައްމަދު، މިހާރު

04 މާޗް 2020 - 02:00

23 comments

ރާއްޖޭގައި، 7.5 ޕަސެންޓަކީ އަވިން އުފައްދާ ކަރަންޓު ކަމަށް ރައީސް އިބްރާހިމް މުހައްމަދު ސޯލިހު މިރޭ ވިދާޅުވެއްޖެ އެވެ.

ރާއްޖޭގައި ކަރަންޓުގެ ޚިދުމަތް ފޯރުކޮށްދޭ މައި ކުންފުނި، ސްޓެލްކޯ އަށް 70 އަހަރު ފުރުން ފާހަގަކުރުމަށް ބޭއްވި ރަސްމިއްޔާތުގައި ރައީސް ވިދާޅުވީ، މި ސަރުކާރުން ކަރަންޓުގެ ހިދުމަތް ދޭން ބޭނުން ވަނީ ވީހާ ވެސް ބޮޑަށް ތިމާވެއްޓަށް ލިބޭ ގެއްލުން ކުޑަކޮށްގެން، ދެމެހެއްޓެނިވި ގޮތަކަށް ކަމަށެވެ.

އެގޮތުން، މިދިޔަ އަހަރު ވެސް އަވިން ކަރަންޓު އުފެއްދުމުގެ ގިނަ މަސައްކަތްތަކެއް ކޮށްފައިވާ ކަމަށް އެ މަނިކުފާނު ވިދާޅުވި އެވެ.

ރާއްޖޭގައި މިދިޔަ އަހަރު އެކަނި ވެސް 5.2 މެގަވޮޓުގެ ކަރަންޓު އަވިން އުފައްދާފައި ވެ އެވެ. މިއާ އެކު، މިހާރު ރާއްޖޭގައި ބޭނުންކުރާ ކަރަންޓުގެ 21.5 މެގަވޮޓު އުފައްދަނީ އަވިންނެވެ.

"އިތުރު 51 މެގަވޮޓުގެ ކަރަންޓު އުފެއްދުމަށް އިތުރު ރަށްރަށުގައި މި އަހަރުގެ ތެރޭގައި ސޯލާ ޕެނަލް ހަރުކުރެވޭނެ،" ރައީސް އިބްރާހިމް މުހައްމަދު ސޯލިހު ވިދާޅުވި އެވެ.

ސްޓެލްކޯ އިން ހިންގާ 35 އިންޖީނުގެ އަށް އަހަރެއްގެ ތެރޭގައި 12 މިިލިއަން ލީޓަރުގެ ޑީސަލް ބޭނުން ވެ އެވެ. އަދި ހޫނު މޫސުމާ ދިމާކޮށް، ޑީސަލް ބޭނުންކުރާ މިންވަރު ކޮންމެ އަހަރަކު ވެސް ނުވަ ޕަސެންޓް އިތުރުވެ އެވެ.

ސްޓެލްކޯ އިން ހިންގާ ހުރިހާ ރަށެއް ހިމެނޭ ގޮތަށް 180 މެގަވޮޓުގެ ކަރަންޓް އުފައްދާ އިރު އޭގެ ތެރެއިން 3.14 މެގަވޮޓަކީ އިޔާދަކުރަނިވި ހަކަތަ އިން އުފައްދާ ކަރަންޓެވެ.

ރައީސް ވިދާޅުވި ގޮތުގައި، އަވިން އުފައްދާ ކަރަންޓުގެ 3.3 ކިލޯވޮޓުން ޑީސަލް ލީޓަރެއް ސަލާމަތް ކުރެވެ އެވެ. މިއާ އެކު، ދުވާލެއްގެ މައްޗަށް ސްޓެލްކޯ އިން މިހާރު ވެސް 3،500 ޑީސަލް ލީޓަރު ސަލާމަތް ކުރެވޭ ކަމަށް އެ މަނިކުފާނު ވިދާޅުވި އެވެ. އޭގެ ނަތީޖާ އަކީ މަހެއްގެ މައްޗަށް 1.2 މިލިއަން ރުފިޔާ ސަލާމަތް ކުރެވުމެވެ.

އިޔާދަކުރަނިވި ހަކަތަ އުފެއްދުމުގެ ހަމައެކަނި ވަސީލަތަކީ އަވި ނޫން ކަން ފާހަގަކުރައްވައި، ރައީސް ވިދާޅުވީ، ވައިންނާއި އޮއިވަރުން ކަރަންޓު އުފެއްދުމަށްޓަކައި ރާއްޖޭގައި އެކަމާ ގުޅޭ ދިރާސާތައް ކުރެވެން ޖެހޭ ކަމަށެވެ.

ކަރަންޓު އުފެއްދުމަށް ބޭނުންކުރާ ޑީސަލް މަދުކޮށް، އިޔާދަކުރަނިިވި ހަކަތަ އިތުރު ކުރުމަށްޓަކައި ފަސް އަހަރުގެ ހާއްސަ ޕްލޭނެއް ސްޓެލްކޯ އިން މިހާރު ވަނީ އެކުލަވާލައިފަ އެވެ.

"މި ޕްލޭނާ އެކު ކަރަންޓު އުފެއްދުމަށް ޑީސަލް ބޭނުން ކުރާ މިންވަރު ވަރަށް ބޮޑަށް ކުޑަކުރެވޭނެ. އޭރުން ތަރައްގީގެ އެހެން މަޝްރޫއުތަކަށް ބޭނުން ކުރާނެ ފައިސާ ވެސް އިތުރު ވެގެންދާނެ،" ރައީސް ވިދާޅުވި އެވެ.

ކަރަންޓު ސްޓެލްކޯ ރައީސް އިބްރާހިމް މުހައްމަދު ސޯލިހް އިއާދަކުރަނިވި ހަކަތަ

23 ކޮމެންޓް, 24 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސޭފު ކަރަންޓުގެ

04 March 2020

ސްޓެލްކޯއިން ދާދި ފަހަކާ ޖެހެންދެން ކިޔަމުން ދިޔަ ސޯލާއިން ވަނީ ގެއްލުމޭ. ސްޓެލްކޯގެ ރަށެއްގައި ސޯލާ ޖެހިޔަ ނުދީވެސް ހިފެއްޓިން. ފައިދާ ނުވަނީ ކީއްވެ ކަމެއް ނޭގޭ ބުނާކަށް. ހަމަ އެއް ވެރިންތަކެއް، ސަރުކާރާއި އެކު ހިޔާލު ބަދަލުވެފަ. ޢަދި ވެސް ތެލުންނާއި ޖަނަރޭޓަރު ތަކުން ޖީބަށްވާ ފައިދާ މާ ބޮޑު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު1

04 March 2020

ޝުރުރިއްޔާ ރައީސް ޔާމީން ؟!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފް ހ

04 March 2020

އެކަމަކު ރޯދަމަސް ކައިރި ވާ ވަރަކަށް ކަރަންޓް ބިލް ހައްތަހާ ވަނީ ބޮޑު! އެ ހެޔޮ ކެނޑި ނޭޅި ވާރެ ވެހި ވެހި އޮތަސް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބުރުލް ސަލީމް

04 March 2020

ކޮންތާކު ތިޔަ އުފައްދަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަހުމަދު އަލީ

04 March 2020

އިސްތިއުފާ ސްޓެލްކޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންފާ

04 March 2020

ސްޓެލްކޯއިން ސޯލާ ވިޔަފާރިއަށް ވަދެ ކުދި އަދި މެދު ފަންތީގެ ޕވޓ ކުންފުނިތަކަށް ކުރާ ބުލީ ހުއްޓުވަން ޖެހޭ. ސްޓެލްކޯއިން އަމިއްލަ ބޭނުމުގައި ރައްޔަތުންނަށްޓަކައި ހިންގާ ޕްރޮޖެކްޓްތައް ހުއްޓާށެކޭ ނޫން. ނަމަވެސް މޮ ވިޔަފާރީގައި ތިބި ކޮމްޕެޓިޓަރުންގެ ހުއްދަތައް ހިފަހައްޓައި ކަރަންޓު ވިއުގައަށް ގުޅަން އަޅާ ހުރަސް ބަލައެއް ނުގަނެވޭނެ. ސަރުކާރުން ޖެހޭ ސްޓެލްކޯ އަދި ބައެއް އަމިއްލަ އިންޖީނުގެތައް ރެގިއުލޭޓް ކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާމާނު

04 March 2020

7.5% އަވިން އުފެއްދީ މިސަރުކާރުގަތޯ؟. ތިޔަ އުފެއްދިކަރަންޓުން ރައިއްޔަތު މީހާ އައް ވީފައިދާއެއްނެތް. މިހާރު ތިޔަކިޔަނީ ހޫނު މޫސުން އަންނަނީޔޭ ކަރަންޓު ބިލް ކުޑަކުރަން ބޭނު މިއްޔާ ކަރަންޓް ބޭނުންނުކުރާށޭ!!!. ތިވަރުއިނގޭ ނުބުންޏަސް ޕާޓީބޮޑުންނައް ބިލިއަނުން ބަދަލުދީފަ ރައިއްޔަތު މީހާއައް އެއްކަ މެއްވެސް މިސަރުކާރައް ނުކޮއްދެވޭނެކަން. އިންޓަރނެޓްވެސް އަގުހެޔޮނުކުރެވުނީ ސަރުކާރައްލިބޭ ޓެކްސްފައިސާ މަދުވާތީ. ލަދުގަންނަންނޭގޭ ސަރުކާރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑުރެކިއުލާ

04 March 2020

އަދަދުތައް އެފުށްމިފުށަށް ޖަހައިގެން ރައްޔިތުން ވާވެއްދުމަކީ އެއީ އަބަދުވެސް ސަރުކާރުން ކުރާކަމެކޭ. ނާފަހެ އެބުނަނީ ރާއްޖޭގައި އުފައްދާ ކަރަންޓުގެތެރެއިން 21 މެގަވޮޓު އުފައްދަނީ އަވިންނޭ. ބުނާއިރު ތިޔަ މެގަވޮޓެއް އެއީ ދުވާލަކު ދެތިން ގަޑިއިރު ލިބޭއެއްޗެކޭ. ނިކަން ކަރަންޓު ޔުނިޓުން ތިޔަ އަދަދުތައް ޖަހާފަ ކުރި ހަރަދު ކަވާ ވަނީ ކިތައް އަހަރުންތޯ ބުނެދީބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޭބަލިމިތުރު

04 March 2020

އެއީކީ ހަރަދުކަވަރުވޭތޯ ބަލައިގެންކުރާ ކަ މެއްނޫނޭ، ޕްރޮޖެކްޓް ލިބެނީ ޕާޓީބޮޑެއްގެ ސެއަރ ކޮ މްޕެނީއަކައް، ޕާޓީގެ ގިނަޕޮކެޓްތަކެއް ކަވަރުވާނެ. ރައިއްޔަތު މީހާގެ ކަރަންޓްބިލް ކުޑަކުރަން ބޭނުމިއްޔާ ކަރަންޓް ބޭނުން ނުކުރާށޯ!!!!.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

04 March 2020

އާދައިގެ މީހާ އަށް ފައިދާ ނުވެ އެވެ. ފައިދާ ވަނީ ސަރުކާރަށެވެ. ހަރު ކުރަނީ ސަރުކާރު އޮފީސް ތަކުގަ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާ

04 March 2020

ތިޔަ ސޯލާޕެނަލްތައް ބަަހައްޓަން ނިންމީ ފުލޯޓިންގ ގެގޮތުގައި މޫދުގައި!؟ ވަރަށް އަވަހަށް ލޮނުގެ އަސަރުކޮއް ސޯލާޕެނަލްތައް ހަލާކުވާނެ! 20 އަހަރުދުވަހުގެ ތަޖުރިބާއާއިއެކު މިބުނަނީ!