ކަސްޓަމްސް އިން އަންހެނުންގެ ދުވަސް ފާހަގަކުރަން ބޭއްވި ހަފުލާގައި މުވައްޒަފުން ބައިވެރިވަނީ. -- ފޮޓޯ: ކަސްޓަމްސް
08 މާޗް 2020 - 23:18
8 comments
ކޮމާޝަލް ބަނދަރުތަކުގައި މުދައި ބަލައި ފާސްކުރުމާއި މުދާ ދޫކުރުމުގައި ކަސްޓަމްސްގެ އަންހެން މުވައްޒަފުން މިއަދުން ފެށިގެން ހަރަކާތްތެރިވާން ފަށައިފި އެވެ.
ކަސްޓަމްސްގެ މުވައްޒަފުންގެ ތެރެއިން ކޮމާޝަލް ބަނދަރުތަކުގައި މީގެ ކުރިން މަސައްކަތް ކުރަމުން ދިޔައީ އެތަނުގެ ފިރިހެން މުވައްޒަފުން އެކަންޏެވެ. މި ތަފާތު ނައްތާލައި އެކަން އިއުލާނުކުރީ މިއަދު ފާހަގަކުރަމުން އަންނަ ބައިނަލްއަގްވާމީ އަންހެނުންގެ ދުވަހާ ގުޅިގެން ކަސްޓަމްސްގައި ބޭއްވި ރަސްމިއްޔާތެއްގައި، ޖެންޑާ މިނސްޓަރު އާއިޝަތު މުހައްމަދު ދީދީ އެވެ.
Chief Guest of today's #IWD2020 ceremony praised @CustomsMv's efforts to achieve gender equality in the work environment.#EachforEqual #GenerationEquality #HamahamaJeelu #womenincustoms#customsforequality @WCO_OMD pic.twitter.com/sKNznf2nbM
— Maldives Customs (@CustomsMv) March 8, 2020
ކަސްޓަމްސް އިން ކުރި ޓްވީޓެއް
ކަސްޓަމްސް އިން ބުނި ގޮތުގައި "ޖީލުގެ ހަމަހަމަކަމަށް އަހަރެން؛ އަންހެނުންގެ ހައްގުތައް ދެނެގަތުން،" ޝިއާރުގެ ދަށުން މިއަދު ފާހަގަކުރި އަންހެނުންގެ ދުވަހުގެ ހަފްލާފައި ޖެންޑާ މިނިސްޓަރު އާއިޝަތު މުހައްމަދު ދީދީ ވަނީ މި ގެނައި ބަދަލަކީ ކަސްޓަމްސްގެ މުވައްޒަފުންގެ މެދުގައި އޮންނަ ޖިންސުގެ ތަފާތުކުރުން ނައްތާލަން އެޅި މުހިއްމު ފިޔަވަޅެއް ކަމަށް ވިދާޅުވެފަ އެވެ.
އެ ސިޔާސަތު ދަމަހައްޓަން އެ ކުންފުނީގެ ހުރިހާ މުވައްޒަފުން މަސައްކަތް ކުރުމަށް މިނިސްޓަރު ބާރުއެޅުއްވި ކަމަށް ވެސް ކަސްޓަމްސް އިން ބުންޏެވެ. އަދި ކަސްޓަމްސް ނަމޫނާއަކަށް ބަލައި، އެހެން އިދާރާތައް ވެސް މިންތީގެ ހަމަހަމަކަން ގާއިމުކުރަން މަސައްކަތްކުރާނެ ކަމަށް އުންމީދުކުރައްވާ ކަމަށް ވެސް ވިދާޅުވި އެވެ.
ކަސްޓަމްސްގެ ޑެޕިއުޓީ ކޮމިޝަނާ އަބްދުﷲ ޝަރީފް މި ރަސްމިއްޔާތުގައި ވިދާޅުވީ، ކޮމާޝަލް ބަނދަރުތަކުގައި އަންހެނުން މަސައްކަތްކުރަން ފެށުމުން، ކުރިން އަންހެން މުވައްޒަފުންނަށް ނުލިބި ހުރި ގިނަ ފުރުސަތުތަކެއް ލިބެން ފަށާނެ ކަމަށެވެ. އޭގެ ތެރޭގައި ރާއްޖޭން ބޭރުގައި ހިންގާ ތަމްރީން ޕްރޮގްރާމްތަކުގައި ބައިވެރިވުމުގެ ފުރުސަތު ލިބުމާއި އިސް މަގާމުތަކަށް ދެވުމުގެ ފުރުސަތު ހުޅުވުން ހިމެނޭ ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓަމްޓަމް
09 March 2020
ދެން އަންހެން ކަނބަލުންވެސް "އެޑިޝަނަލް ޗާޖެއް" ނުނަންގަވާނެ ކަމުގައި އުންމީދުކުރަން. ހުއްދަ ނޫންކަމެއް ކިތަންމެ، ގިނަ ބަޔަކު ކުރިޔަސް، އަދި އޮފީހުގެ ވެރިން ނުހުއްޓުވިޔަސް، ހުއްދައެއް ނުވާނެ. ދަރިންނަށް ކާންދެނީ ޙަލާލު އެއްޗިހިކަން ޔަޤީންކުރުމުގެ މުހިންމުކަން ކިޔާދިން، ހުކުރަށް ދިޔަ ފިރިހެންވެރިންނަށާ، ރޭޑިއޯއިން ޚުތުބާ އަޑުއެހި އަންހެންވެރިންނަށްވެސް
ގިއޮލޮޖި
09 March 2020
ރާއްޖޭގައި އަންހެނުންނަށް އަދާނުކުރެވޭނެ ވަޒީފާއެއް، ނުކުރެވޭނެ ކަމެެއް ނޯންނާނެ! އަންހެނުން ނަކީ ފިސާރި ކެރޭ ބައެއް !!
ދޮން ކަނބުލޮ
09 March 2020
ކަސްޓަމަކީ ގަދަ އަވީގަ މަސައްކަތް ކުރަންޖެހޭ ތަނެއް. ފިރިހެނުންނާއި އެއްފަދަ ބަޔަކަށް އަންހެނުންނަކަށް ނުވެވޭނެ. އެފަދަ ވިސްނުމެއް ހުރިނަމަ އެއީ ނަފުސުގެ ބަލިކަށި ކަމެއް، ވީމާ އަންހެނުންނަށް އިހުތިރާމް ކުރައްވާ އެކަބަލުން ގަދަ އަތްވަށް ނެރުއްވަން ތިޔަކުރާމަ ސައްކަތް ހުއްޓާލައްވާ.
މުހައްމަދު ފުޅު
09 March 2020
މޯލްޑިވްސް ފުޑް އެންޑް ޑްރަގް އޮތޯރިޓީ ގެ އަންހެން ކުދިން ސަރަހައްދަށް ދިނުމެ މުދާ ޗެކް ކުރުމުގަ އުޅޭތާ 10 ވަރަކަށް އަހަރު ވެދާނެ.ތީ އާ ކަމެއް ނޫން
ޙަބީބު
09 March 2020
ދެންފިޝަރީޒްމިނިސްޓްރީން އަންހެނުން ކީއްވެ މަހައްނުފޮނުވީ މަހައްވެސް ފޮނުވާ އެން ދަމާ މަސްކިރަން އޭރުން އަހަރެން ހުންނާނަން މަސްކައްކަން ގޭގަ އެހެން އަންހެނަކައްނުފެނި
އައިސް
09 March 2020
ޤާނޫނެއް ފާސް ކުރަން އެބަޖެހޭ މަސްދޯނީގަވެސް %50 އަންހެނުން ތިބެގެން ނޫނީ މަސްވެރިކަމަށް ނުފުރޭ ގޮތަށް. މޮނިޓަރ ކުރުމުގެ ޒިންމާ އަންހެނުންގެ ކޮމެޓީ އަށް.
މުލޭ
09 March 2020
ހަމަހަމަ ކުރުމަށްޓަކައި މަޖޫރީންގެ %50 އަކީ އަންހެނުން ކަމުގައި ހަދަން ޖެހޭ. ޓީޗަރުންގެ %50 އަކީ ފިރިހެނުން ކަމުގައިވެސް ހަދަންޖެހޭ. ފިރިހެނަކު 2 މީހުންނާ އިންނަގޮތަށް އަންނުންނަށްވެސް މި "ހައްގު" ހޯދައިދޭންް އުޅޭ. ހަމައެކަނި ކައުންސިލްތަކަށް އެކަނި ކޯޓާ ކަނޑައަޅައިގެން ތިކަމެއް ނުވާނެ.
ކަސްޓަމްސް
09 March 2020
ކަސްޓަމްސް އަކީ ކުންފުންޏެއް ނޫނެވެ.