ނޭޕާލަށް ދާއިރު، ކޮވިޑް-19 އަށް ނެތްކަމުގެ ލިޔުމެއް އޮންނަން ޖެހޭ

ކޮވިޑް-19 އަށް ޓެސްޓުކުރަނީ: އޮން އަރައިވަލް ވީސާ ދޫކުރުން ނޭޕާލް އިން ވަނީ ހުއްޓާލާފައި

ލަމްޔާ އަބްދުﷲ، މިހާރު

15 މާޗް 2020 - 18:14

ކޮވިޑް-19 ފެތުރުމާ ދެކޮޅަށް ނޭޕާލް އިން އަޅަމުން އަންނަ ފިޔަވަޅުތަކުގެ ތެރޭގައި، އެ ގައުމަށް އެތެރެ ވެވޭނީ އެ ބަލި ނެތްކަމަށް ދައްކާ މެޑިކަލް ސެޓްފިކެޓެއް އޮތް މީހުންނަށް އެކަނި ކަމަށް އެ ގައުމުން އިއްޔެ ނިންމައިފި އެވެ.

ފޮރިން މިނިސްޓްރީން ކުރި އިއުލާނެއްގައި ބުނެފައި ވަނީ އިއްޔެ އިން ފެށިގެން އަންނަ މަހުގެ ނިޔަލަށް އެ ގައުމަށް ދަތުރުކުރެވޭނީ ކޮވިޑް-19 އަށް ނެގަޓިވް މީހުންނަށް އެކަނި ކަމަށެވެ. އަދި އެ ޓެސްޓަކީ އެ ގައުމަށް އެތެރެވުމުގެ ހަތް ދުވަސްކުރިން ހަދާފައިވާ ޓެސްޓަކަށް ވާން ޖެހޭނެ ކަމަށް ބުނެފައި ވެ އެވެ.

އެ ގައުމުން ދެމުން އައި އޮން-އެރައިވަލް ވިސާ ދިނުމުގެ ހިދުމަތް ވެސް އަންނަ މަހުގެ ނިޔަލަށް ވަނީ މެދުކަނޑާލާފައި ކަމަށް ފޮރިން މިނިސްޓްރީން ބުންޏެވެ. އެހެންކަމުން އެ މުއްދަތުގައި ދިވެހިންނަށް ވެސް ވީސާއާ ނުލާ ނޭޕާލަށް ދަތުރެއް ނުކުރެވޭނެ އެވެ.

ނޭޕާލަށް ދާ ޓޫރިސްޓުން، އެ ގައުމަށް ދިއުމަށް ފަހު 14 ދުވަހަށް އަމިއްލައަށް ކަރަންޓީން ވާން ޖެހޭނެ ކަމަށް އެ ގައުމު ވަނީ ކަނޑައަޅާފައި ކަމަށް ވެސް ފޮރިން މިނިސްޓްރީން ބުންޏެވެ. ނޭޕާލްގައި އުޅޭ ދިވެހިން، ކޮންމެހެން ކުރަންޖެހޭ ދަތުރެއް ނޫނީ ނުކުރަން އެ ގައުމުން ވަނީ އިލްތިމާސްކޮށްފަ އެވެ.

އެ ގައުމަށް މި ދުވަސްވަރު ދަތުރުކުރާ ނަމަ މިނިސްޓްރީގައި ރަޖިސްޓްރީކޮށްފައި ދަތުރުކުރަން ފޮރިން މިނިސްޓްރީން ވަނީ އެދިފަ އެވެ. އަދި ދަތުރު ކުރުމުގެ ކުރިން ޓްރެވަލް އިންޝުއަރަންސް ހޯދަން ވެސް މިނިސްޓްރީން އެދިފައި ވެ އެވެ.

މިދިޔަ ހަފްތާގެ ހޮނިހިރު ދުވަހު ރާއްޖެ އިން ވެސް ވަނީ ކޮވިޑް-19 ފެނިފަ އެވެ. އެއަށް ފަހު މިދިޔަ ބުރާސްފަތި ދުވަހު ސިއްހީ ކުއްލި ނުރައްކަލެއްގެ ހާލަތު ރާއްޖެއަށް ވަނީ ގެނެސްފަ އެވެ. ކޮވިޑް-19 ފެތުރުމާ ދެކޮޅަށް އަޅަމުން އަންނަ ފިޔަވަޅުތަކުގެ ތެރޭގައި ޗައިނާ އާއި އިޓަލީ އާއި ބަންގްލަދޭޝް އާއި އިރާން އަދި ސްޕެއިން އިން މީހުން ރާއްޖެ އެތެރެވުން ވަނީ މަނާކޮށްފަ އެވެ. ދެކުނު ކޮރެއާ އާއި ފްރާންސް އަދި ޖަރުމަނުގެ ބައެއް ސަރަހައްދުތަކުން މީހުން އެތެރެވުން ވެސް މިހާރު ވަނީ މަނާ ކޮށްފަ އެވެ.

ޓޫރިސްޓުން ނޭޕާލް ފޮރިން މިނިސްޓްރީ އޮން އެރައިވަލް ވިސާ

8 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަރުކާނު

15 March 2020

ކޮބާހޭ އިންޑިއާ؟ ޢަޖައިބެއްނު؟ މިކޮލުންދާ މީހުންވެސް އެކޮޅުން އަންނަމީހުންވެސް 7 ދުވަސްނުވާ ޓެސްޓެއް ހަދައިގެން އަންނަން އަންގަންވީނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޭޕާލް

15 March 2020

މެޑިކަލް ސެޓްފިކެޓްގެ ޞައްޙަކަން ކަށަވަރު ކުރާނީ ކިހހިނެއް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙައްހައްހާ

15 March 2020

އަނެއްކާ ޓެސްޓު ހަދާފަހުން ވައިރަސް އަރާފިއްޔާޔޯ؟ އެއަރޕޯޓުން އަރަފިއްޔާއޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެލޯޯ

15 March 2020

ކިހާ ބަރާބަރު ފިޔަވަޅެއް އެއެޅީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފުގެދަރި ކުމާރު

15 March 2020

މިގައުމަށް ވަގަށް ބަންގާޅީން ވަނުން ނުހުއްޓުވިގެން މިއުޅޭނީ. އެމީހުން ގެންނަޑޮކިއުމެންޓުތައް ހަމަ މޮޅީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީފާ

15 March 2020

ކޮވިޑް އަށް ޓެސްޓް ކޮށްދޭން ބުންޏަސް ނުކޮށްދޭނެ..ކޮންމެހެން ކުރަން ޖެހޭ މީހުން ފިޔަވައި ބޭނުންހާ މީހަކު ޓެސްޓް ކުރާނީ ކިހިނެއް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަވް

15 March 2020

ޔޭސް ގައުމަކައް ލިބެނީ މަދު ކިޓު ކޮޅެއް ޓެސްޓުކުރަންވެސް. އެހެންކޮއްދޭން ވެއްޖެ ނަމަ ކުރަންޖެހޭ ބަލިމީހާ ނުކުރެވި ވެށީގެމީހުން އަށް ބިރުބޮޑުވެގެންދާނެ.