ޔުނިވާސަލް އެންޓަޕްރައިޒަސް އިން ހިންގާ ބަރޮސް މޯލްޑިވްސް ގެ ލައިމް ރެސްޓޯރަންޓް . އެކުންފުނީގެ ރިސޯޓްތައް ބަންދުކުރާ އިރު މުވައްޒަފުންގެ މުސާރައަށް ބޮޑެތި ބަދަލުތަކެއް ގެންނަން ވަނީ ނންމާފައި| ފޮޓޯ: ލައިމް ރެސްޓޯރަންޓް
20 މާޗް 2020 - 19:47
75 comments
ކޮވިޑް-19 ފެތުރޭތީ ރާއްޖޭގެ ޓޫރިޒަމް ގާތްގަނޑަކަށް ހުއްޓުމަކަށް އައިސް، ޔުނިވާސަލް އެންޓަޕްރައިޒަސްގެ ރިސޯޓްތައް ވެސް ބަންދު ކުރަން ނިންމުމާ އެކު އެ ކުންފުނީގެ މުސާރަ އަށް ބަަދަލުތަކެއް ގެންނަން ނިންމައި އެކަން މުވައްޒަފުންނަށް އަންގައިފި އެވެ. ޔުނިވާސަލުން ބުނީ އެހެން ހަދަނީ މުވައްޒަފުން ދެމެހެއްޓުމަށާއި މުވައްޒަފުންނަށް ލިބިދާނެ ދާއިމީ ގެއްލުމަކުން ސަލާމަތް ކުރުމުގެ ބޭނުމުގައި ކަމަށެވެ.
ޔުނިވާސަލްގެ ޗެއާމަން މުހައްމަދު އުމަރު މަނިކު ސޮއިކުރައްވައި ރިސޯޓްތަކަށް ފޮނުއްވާފައިވާ ޕޮލިސީ ގައިޑްލައިންގައިވާ ގޮތުން އެ ކުންފުނީގެ ރިސޯޓްތައް އަންނަ މަހު އެކަކުން ފެށިގެން ޖޫން މަހުގެ 30 އާ ހަމައަށް ބަންދުކުރާނެ އެވެ.
އެ ގައިޑްލައިންގައި ބުނެފައިވާ އެންމެ މުހިންމު ވާހަކައަކީ 380 ޑޮލަރަށް ވުރެ އެއްވެސް މުވައްޒަފެއްގެ މުސާރަ ދަށް ނުވާނެ ވާހަކަ އެވެ. އެކަމަކު އެންމެ މަތީގެ މުސާރައެއްގެ ގޮތުގައި ބަލާފައި ވަނީ 1600 ޑޮލަރެވެ. މީގެ އިތުރުން ގައިޑްލައިންގައި ބުނެފައިވާ ގޮތުން 380 ޑޮލަރުން މަތީގެ މުވައްޒަފުންގެ މުސާރައިން 50 ޕަސެންޓް ކެނޑިޔަސް، އެ އަދަދު 380 ޑޮލަރަށް ވުރެ ދަށެއް ނުވާނެ އެވެ.
ގައިޑްލައިންގަައިވާ ގޮތުން ޔުނިވާސަލްގެ ރިސޯޓްތަކުގެ މުވައްޒަފުންނަށް މާޗްމަހު ދޭނީ ފުރިހަމަ މުސާރަ އެވެ. އަދި މުސްލިމް މުވައްޒަފުންނަށް، އާއްމު އުސޫލުން ރޯދަ އިނާޔަތް ވެސް ދޭނެ އެވެ. މީގެ އިތުރުން ދަތުރުފަތުރު ވަނީ ހިލޭ ހަމަޖެހިފަ އެވެ.
ކޮރޯނާވައިރަސް ރާއްޖެ އިން ވެސް ފެނި، ބުކިންތައް ކެންސަލް ވުމާ ގުޅިގެން ޔުނިވާސަލް އެންޓަޕްރައިސަސްގެ ހުރިހާ ރިސޯޓުތައް ބަންދުކުރަން ނިންމީ އިއްޔެ އެވެ. އެ ކުންފުނިން ރާއްޖޭގައި އަށް ރިސޯޓު ހިންގަ އެވެ. އަދި އެ ކުންފުނީގައި 3،200 އަށް ވުރެ ގިނަ މުވައްޒަފުން އެބަތިއްބެވެ.
ރިސޯޓްތައް ބަންދުުކުރާކަން އިއުލާނު ކުރި އިރު ޔުނިވާސަލް އިން ބުނީ އެ ފިޔަވަޅުތަކާ އެކު، މުވައްޒަފުންނަށް ޚާއްސަ ޕެކޭޖުތަކެއް ހަމަޖެހި، މުސާރަ ލިބޭ ގޮތަށް ތިން މަސް ދުވަހުގެ ޗުއްޓީއެއް ލިބޭނެ ކަމަށެވެ.
ކޮވިޑް-19 އާ ގުޅިގެން ރާއްޖޭގެ ޓޫރިޒަމަށް ވަރަށް ބޮޑު އަސަރެއް ކުރާނެ އެވެ. ކުރިއަށް އޮތް ތަނުގައި މި ހާލަތު ދިގުދެމިގެންދާ ނަމަ އެހެން ރިސޯޓުތަކުން ވެސް މިފަދަ ފިޔަވަޅުތައް އެޅުން އެކަށީގެންވާ ކަމަށް ރިސޯޓުތަކުގެ އިސްވެރިން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔނވސލ
22 March 2020
މަށަކީ ޔުނިވާސަލް ސުޓާފެއް . 5 އަހަރު ވޭޓަރެކައް އުޅޭތާ ވެއްޖެ . މަގޭ މުސާރަ 225. އަދިވެސް . މި ވަނީ މިހެނެއް . ދިވެއްސެއް ވީ މާ ދޯ
ހަބީބު
21 March 2020
ކޮބާ ރިސޯޓުހިއްސާ ޔާމިނަކައް ނުވި ކޮބާ 10.000 އިބޫއަކައް ނުދެވުނު އެކަމަކު ރާއްޖޭގެ މައިތަނބު ރިސޯޓު މަސަތްކަތް ތެރިން ކޮންމެފަހަރަކު ވޯޓު ހޯދަންވީމަ މޮޅުވާހަކަ ދައްކާނެ
އިބްރާހިމްކިލެގެފާނު މާލްދީފީ
22 March 2020
މަނިކުފާނުބުނެބަލަ ބަޔަކުމީހުން ކުއްޔަށް ނަގައިގެން ބޮޑުލޯނެއް ނަގައިގެން ހަދާ ރިސޯރޓެއްގެ ހިއްސާ އެ ރިސޯރޓެއްގައި މަސައްކަތްކުރަން އަންނަ ސްޓާފުންނަށް ދޭނެ ގޮތެއް. ބަޔަކު ކެމްޕޭނަށް ދައްކާ ބޯގޯސް ވާހަކަތަށް ގަބޫލުކޮށްގެން ތިބެންޔާ އަބަދުވެސް ތިބިން ޖެހޭނީ ކޮބާހޭ ކޮބާހޭ ކިޔާލަ ކިޔާލަ.
ާއަކޫ
23 March 2020
ރަގަޅަށް ބަލާ އެމް ޑީ ޕީ ގެ އެންމެ ދަށް އުޖޫރަ ފަތުރުވެރި ކަމުގެ ދާއިރާ ގެ އެންމެ ދަން އުޖޫރަ އަކަށް 60000 ކަމަށް
އޯނަރު
21 March 2020
ޜިސޯޓުގެ ކުލި ކަނޑާ ނުދޭނަމަ ހެދޭނެ މާބޮޑު ގޮތެއް ނޯއްނާނެ... އެއްވެސް އިންކަމްއެއް ނުލިބި މިލިއަނުން ކުލި ދައްކަންޖެހުނީމަ ކިހިނެއްތަ ފުލް ސެލެރީ ދޭނީ.... ދިވެހިން ގުނބޯ ހައްދާ ސަރުކާރެއް!!! މާރިޗުން ފެށިގެން ޖޫންގެ ނިޔަލަށް 50% ކަރަންޓް ބިލުން އުނިކުރާއިރު މި ދުވަސްވަރު ސްޓެލްކޯއިން ބިލް ބޮޑުކުރޭ 200%... ރަށްޔިތުމީހާއަށް ލުޔެއް ނުލިބޭނެ.... ރިސޯޓް ތަކުގެ ރެންޓް ކަނޑާލާފަ މުވައްޒަފުންނަށް ފުލް މުސާރަ ދިނުން މާ ބުއްދިވެރިވާނެ...
ތެރަސް ބަގުޑި
21 March 2020
ކޭ ދޯހުންނަނީ ސްޓެލުކޯ މީޓަރތައް އަބުރަން
ހަކީމް
21 March 2020
ކޮބާ އޯނަރަށް މިވީ އަހަރުތަކުގެ ލިބުނު މިލަޔަން ޑޮލަރުގެ ފައިދާ. ކުޑަ ދުވަސް ކޮޅަކަށް ބަނދު ބޯޑު އަޅުވަން ޖެހުނީމަ ތިދައްކަނީ ކުލީގެ ވާހަކަ. މައުމޫނު ގެ 30 އަހަރު ނިމެންދެން އުޅުނީ ހަމައެކަނި 6 ޑޮލަރުގެ ބެޑް ޓެކުސް ދައްކާލައިގެން. ލަދުގެ ކަންފުޅެއްވެސް ނެތެއްނު.
އެކްޓިވިސްޓް
22 March 2020
މިޤައުމުގައި ދިރިއުޅެނީ މުޅިންވެސް ރިސޯރޓް ބޯއިންތަ؟ ޙަމަ ތި ރިސޯރޓް ބޯއިންތައް ދޯ ބުނަމުންއައީ ތި ރިސޯރޓްތަކުގެ %70 އާއި %90 އާއި ދެމެދު މަސައްކަތް ކުރަނީ ބޭރުމީހުންނޭ. އެހެންވީމަ ތިބުނާގޮތަށް ހަދާފިއްޔާ ބޮޑަށްފައިދާކުރާނީ ބިދޭސީންނަށް ނުންބާ. އެއަށްވުރެ މާރަނގަޅެއްނޫން މުސަަރައިން އުނިކުރާބައި އެލަވަންސް އެއްގެ ގޮތުގައި ރިސޯރޓްތަކުގެ ކުލިން ލިބޭ އެއްޗަކުން ތިމަން ދިވެހިންނަށްލިބޭގޮތަށް ހަމަޖައްސަ ދޭންގޮވާނަގާނަމަ
އޮނަރަބްލް އަފީފު ދީދީ
21 March 2020
ދިވެހި ޕައިނީއަރުންގެ ރިސޯޓް ތަކުގެ ތެރެއިން ޑީން އަދި ޤާސިމްގެ ރިސޯޓްތައްނޫން ހުރިހާ ރިސޯޓް ތަކެއްގެ ވަޒީފާގައި ގިނަވާނީ ބިދޭސިން. # ވަކިން ޙާއްސަކޮށް ޔޫނިވާރސަލް ރިސޯޓް ތަކަކީ ލަންކާ، އިންޑިޔާ، ޕިލިޕިންސްއާއި ނޭޕާލް މީހުނަށް ޙާއްސަ ތަންތަން ކަމުގައިވެސް ބުނެވިދާނެ. # ސައްޙަ ލިޔެކިއުމުން މިހާރުވެސް ހާމަވާނެ އެއްކަމަކީ މިކުންފުނީގެ ވޭޖަސްގެ %85 އަކީ ބިދޭސިންނަށް ލިބޭ އެއްޗެއްކަން. މީނައަކަށް ނުކެރޭނެ މިކަން ދޮގު ކުރާކަށް.
އަލީ ބެއްޔާ
21 March 2020
މިހާރު ޑީންގެ ރިޒޯރޓްގައިވެސް ގިނައީ ބިދޭސީއިން. ޗެކް ކޮށްލައްވާ.
ޔުނިވާސަލް ގެ ސުޓާފެއް
22 March 2020
ތީ ހަ މަ ތެދެއް . މަ ތާއީދު. 85% މީހުން ނަކީ ބޭރު މީ ހުން. ދިވެހިން ނައް ކުޑަ މުސާރަ. ކުންފުނީގެ މުސާރަ ސީޓް ބަލާލީ މާ . 95% ލާރި ދަނީ ގައު މުން ބޭރައް .
އޮނަރަބްލް އަފީފު ދީދީ
21 March 2020
މިކަންތައް ނިމުމާއިއެކު ސޯލިޙްގެ ސަރުކާރުން ޖެހޭ ލޭބަރ މިނިސްޓްރީއެއް ޤާއިމްކޮށް ރާއްޖޭގެ ވަޒީފާއާއި ބެހޭ ޤާނޫނު ފުރިހަމައަށް ތަންފީޒު ކުރުމާއިއެކު ދިވެހިންނާއި އެކްސްޕެޓްރިއޭޓުންގެ ފުރިހަމަ ރެކޯޑް ބެލެހެއްޓޭނެ ނިޒާމް ޤާއިމް ކުރަން. # އަދި އިމިޤްރޭޝަން ޤާނޫނު ވަރުގަދަކޮށް ހިއުމަންސް ޓްރެފިކިންގ އާއި އޮޅުވާލައިގެން ވަޒީފާތަކުގައި ބިދޭސިން ގެންގުޅޭމީހުނާއި މެދު ހަރުކަށި ފިޔަވަޅު އަޅާ އެފަދަ ފަރާތް ތަކަށް ކޯޓާ ދޫކުރުން ހުއްޓުވަން.
ނަސީމާ
21 March 2020
ނަސީބެއްނޫން ވީލާއިން ޕެކޭޖްތަކެކޭ ނުބުނެ އަސްލު ހާމަކުރިކަން. އޭރުން ރައްޔަތުންނަށް އޮޅުމެއްނާރާނެ ދޯ. ވިލާ ކުންފުނީގެ މުސާރަ ދަށްކުރަން ނިންމާފައިވާ ގޮތް: މުސާރައިގެ 4،999ރ. އިން ދަށުގެ ބައިން - 10 ޕަސެންޓު މުސާރައިގެ 5،000ރ. އިން 9،999ރ. ގެ ބައިން - 20 ޕަސެންޓު މުސާރައިގެ 10،000ރ. އިން 49،999ރ. ގެ ބައިން - 35 ޕަސެންޓު މުސާރައިގެ 50،000ރ. އިން މަތީގެ ބައިން - 50 ޕަސެންޓު
އޭނަ
21 March 2020
އެހެންވީމަ ގާސިމް މާ ރަނގަޅެއްނޫންތަ؟
ހަނުހުންނަ މީހާ1
21 March 2020
380 × 15.42 = 5859.6 ރ އަށްވުރެ އެކެއްގެ މުސާރަވެސް ދަށްނުވާނެޔޯ، ގާސިމް ބުނީ 4499.1 އަށް ނޫނީ އެއަށްވުރެ ބޮޑަށް ބައެއް މީހުންގެ މުސާރަ ދައްވާނެކަމަށް. ގާސިމްގެ ރަގަޅު ނުރަގަޅު ކިޔާދޭން މަށަކަށް ނޭންގެ.
ނަސީމާ
21 March 2020
ފުރަތަމަ ޕެކޭޖްތަކެކޭ ކިޔާފަ އެދެއްކީ ކޮންހާވާހަކަެއް؟ ސިދާބުނިނަމަ ދޯ! ޔުނިވާސަލް ގެ ސްޓާފުންގެ ތެރެއިން ފުލްކޮށް މުސާރަ ލިބެނީ 5000 ރުފިޔާ އިން ދަށުގެ ސްޓާފުން ނަށް. 5000 ރުފިޔާ އާއި 24000 ރުފިޔާ އާއި ދެމެދުގެ ސްޓާފުންގެ މުސާރައިން 50 ޕަސެންޓް ކަނޑަނީ. އަދި 24 ރުފިޔާ އިން މަތީގެ ސްޓާފުން އެއްވެސް ލާރިއެއް ނުލިބޭނެ.
ހަސަނު
21 March 2020
ވަޒީފާއިން ވަކި ނުކޮށް ކުޑަ މުސާރައެއް ނަމަވެސް ލިބޭކަމައްޓަކާ ޝުކުރު ކުރަން.. މި ކަަހަލަ ކޮންމެ ކަމެއްގަވެސް އެންމެ ބޮޑު ގެއްލުން ލިބޭނީ އެންމެ ނިކަމެތިމީހާއަށް...
އަހުމަދުބޭ
21 March 2020
ހަސަނާ ވިސްނަބަލަ، އެންމެ ނިކަމެތިމީހައިއަށް ކުޑަނަމަވެސް މުސާރައެއް އެބަލިބޭ، އެކަމަކު އޯނަރަށް ލިބެނީ ކޯންއެއްޗެއްތޯ ރިސޯޓްބަންދުކުރަންޖެހި ޓޫރިސްޓަކު ނެތިއްޔާ، އަތުގަ ހުރިއެއްޗަކުން ދޯމިޚަރަދު ކުރަންޖެހެނީ މީގަ ރަގަނޅު ހަމަ އެއްގޮތްވެސް ނެތިއްޔޭދޯ، މިފަހަރު ހުރިހައި ރިސޯޓް އޯނަރުން ބަޑައްޖެހޭއެބަ އެކަމަކުވެސް އެވެރީން އެނިމަނީ މުވައްޒަފުންނަށް ދެރަގޮތެއް ނަހަދާވޭތޯ،
ނަސީދު
21 March 2020
ޔިނިވާސަލްއަތުން ރައްތައް ސަރުކާރުން އަތުލާން ފެނޭ މިކަހަލަ މީހުންނައް ރައްތައް ވަރުވާރޭޓުން މިއޮއްހުރިހާދުވަ ހިންގަން ދީގެން ޥެސް ލާރިއެއްނެތޯ ރައްއިތުން އެބަޖެހޭ މިކަމާވިސްނަން
މެރިއޮޓާ
21 March 2020
ދުނިޔޭގެ އެއްމެ ބޮޑު ހޮޓެލް މެނޭޖްމަންޓް ކޮމްޕެނީ، މެރިްޮޓުން ދެންމެ އެ އިނުލާންކުރީ ދުނިޔޭގެ ހުރިހާ ގައިމެއްގައި އެމީހުންގެ ހުރިހާ ސީނިއަރ މުއައްޒިފުންގެ 50% މުސާރަ ކަޑާލާނެ ވާހަކަ، އެމީހުން އެތައްސަތޭކަ އަހަރުވީ ފޯޒޫން 500 ކުންފުންޏެއް. 4000 އަށްވުރެ ގިން ހޮޓާ ހުރޭ، އެމީހުން އަތުގައިވެސް ހަމަ އެއްވެސް އެއްޗެއް ނެތީތޯ، މި ކޮމެންޓުކުރާ މީހުން ހީވަނީ މީ ހުރިހާ ކަމެއް އިގިގެން އުޅޭ ބައެއްހެން. ޔުނިވާސަލުންވެސް ކަންކުރާގޮތް ގޯހެއް ނޫން.