ދިވެހިރާއްޖޭގެ ގައުމީ ޔުނިވާސިޓީން މިދިޔަ އަހަރު ބޭއްވި ދަސްވެނިވުމުގައި ބައިވެރިވި ބައެއް ދަރިވަރުން---ފޮޓޯ: ރައީސް އޮފީސް
25 މާޗް 2020 - 19:08
7 comments
މަތީ ތައުލީމް ހާސިލްކުރަން ސަރުކާރުން ދޫކޮށްފައިވާ ސްޓޫޑެންޓް ލޯނު ދެއްކުން ހަ މަހަށް ފަސްކޮށްފި އެވެ.
ކޮވިޑް-19 އާ ގުޅޭ ގޮތުން، ރައީސް އިބްރާހިމް މުހައްމަދު ސޯލިހު މިއަދު ބޭއްވެވި ހާއްސަ ނިއުސް ކޮންފަރެންސްގައި ވާހަކަފުޅުދައްކަވަމުން އެމަނިކުފާނު ވިދާޅުވީ ބޭންކް އޮފް މޯލްޑިވްސް (ބީއެމްއެލް) އިން ދޫކޮށްފައިވާ ސްޓޫޑެންޓް އަނބުރާ ދެއްކުމުގައި ވެސް ލުއި ގޮތްތަކެއް ހަމަޖައްސައިދޭން ނިންމާފައިވާ ކަމަށެވެ.
މަތީ ތައުލީމުގެ ލޯނު އަނބުރާ ދައްކަންޖެހޭ ދަރިވަރުންގެ އަދަދު 4،000 އަށްވުރެ ގިނަ ކަމަށް ރައީސް ވިދާޅުވި އެވެ.
"މަތީ ތައުލީމް ހާސިލްކުރަން ދޫކޮށްފައިވާ ސްޓޫޑެންޓް ލޯނު އަނބުރާ ދެއްކުމުގައި ވެސް މި ދަނޑިވަޅުގައި ލުއި ގޮތްތަކެއް ހަމަޖައްސައިދިނުމަށް މިހާރު ވަނީ ނިންމާފައި. މިހާރު ވެސް ސްޓޫޑެންޓް އަނބުރާ ދައްކަންޖެހިފައިވާ 4000 އަށްވުރެ ގިނަ ބޭފުޅުން އެބަތިއްބެވި. ސަރުކާރުން މިހާރު ނިންމާފައިވަނީ މި ދެންނެވި ސްޓޫޑެންޓް ލޯނު އަނބުރާ ދެއްކުން ހަ މަސް ދުވަހަށް ފަސްކޮށްދިނުމަށް. އަދި އޭގެ އިތުރުން މިހާރު ވެސް ސްޓޫޑެންޓް ލޯނު ސްކީމް ކަނޑައަޅާފައިވާ ގޮތަށް ކުރިއަށްދިއުން،" ދަރުބާރުގޭގައި ބޭއްވި ނިއުސް ކޮންފަރެންސްގައި ރައީސް ވިދާޅުވި އެވެ.
އެކަމާ ގުޅިގެން ހަޔަ އެޑިއުކޭޝަން މިނިސްޓަރު ޑރ. އިބްރާހިމް ހަސަން "މިހާރު" އަށް ވިދާޅުވީ ސްޓޫޑެންޓް ލޯން ދެއްކުން ފަސްކޮށްލަން ނިންމި ނިންމުމަކީ، އެ ލޯނުގެ އެހީގައި ކިޔަވައިގެން ތިބި މީހުންނަށް ކުރިމަތިވާނެ ގޮންޖެހުންތައް ސަރުކާރުން ގަބޫލުކުރާ ކަމުގެ ހެއްކެއް ކަމަށެވެ. މިއީ އެ މީހުންނަށް ލުއި ގޮތްތަކެއް ހޯދައިދިނުމުގެ ނިޔަތުގައި އެޅި ފިޔަވަޅެއް ކަމަށް ވިދާޅުވި އެވެ.
ސްޓޫޑެންޓް ލޯނުގެ އިތުރުން ސަރުކާރުން ވަނީ ގައުމީ ބޭންކުން ދޫކޮށްފައި ހުރި ލޯނުތައް އަނބުރާ ދެއްކުން ވެސް ހަ މަހަށް ލަސްކޮށްދީ، އެ އަނބުރާ ދެއްކުމުގެ މުއްދަތަށް ހަ މަސް ދުވަސް އިތުރުކޮށްދޭން ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަހުލަވާނު
26 March 2020
ކިޔެވުން ސަރުކާރުން ދޭ ލޯނުގެ ބައެއް ސަރުކާރުން ދައްކަދޭނީ ކޮން އިރަކުން ތޯ؟؟ ކިޔެވުމަށް ލޯނު ނެގި 4000 ދަރިވަރުން ކޮންމެ މީހަކަށް މިލިޔަނެއްހާ ރުފިޔާ ނަގާފައި ވާއިރު ކިޔަވައިގެން އައިސް ވަޒީފާ އޮތީ މާލޭގަ، އެކަމަކު މާލޭގަ ކުލި ބޮޑު ކަމުން އެ ދައްކާފަ ލޯނު ދައްކާފަ ނުކައި ނުބޮއެ ތިބެން މި ޖެހެނީ..
ދެރަ
25 March 2020
ރިސޯޓް ބޯއީސް ޤުރްބާން ކުރަނީ ވަރަށް އިހްސާންތެރި ވީމމމ މަ.ބަލަ އެއީވެސް ދިވެހި ރަށްޔިތުން .
ޙަސނަ
25 March 2020
ރާއްޖެގައި ހިންގާ އެހެނިހެން ބޭންކްތަކުން ކިޔެވުމަށް ނަގާފައިވާ ލޯނުތަކަށް ލުއި ލިބޭތޯ ވެސް ބައްލަވާތި
ބހހސ
25 March 2020
އަލްހަމްދުލިއްލާހި
ޝާމް
25 March 2020
މިދިވެހި ގައުމުގައި މިކަހަލަ ހެޔޮ އިހުސާންތެރި ވެރިޔަކު މިވަގުތު ހުރިކަމަށްޓަކައި މާތްﷲ އަށް ޝުކުރުވެރިވަން. ހިތައް ސިފަވަނީ އަދި މަޖިލިސްގެ ރައީސް މިގައުމުގައި ނެތްނަމަ ރައްޔިތުންނަށް ލިބޭނެ އުފާފާގަތިކަމާއި ކުރެވޭ ބޭކާރު ޒުވާބުތައް މަދުވާނެ މިންވަރު.
ޝާޑު
25 March 2020
ތިބުނާހެން އިބޫ ސަޅި. އެކަމަކު ތިބުނާ މީހާ އުޅޭނީ ހުރިހާކަމެއް ފަނިކޮށްލަން. އޭނާކިބައިން އަހަރެމެން މިންޖުވޭތޯ ދުޢާކުރަން އެބަޖެހޭ.
ރައްޔިތު4554
04 February 2021
ވެރިއެއް މިނާނީ އޭނާގެ މަޑުމައިތިރިކަމަކުން ނުވަތަ އެހެން ސިފައަކުން ނޫން. އޭނާ ރައްޔިތުުންނއް ކޮއްދޭ ކަންތައްތަކައްބަލައި ލީޑުކުރާ މިނަށްބަލައި.. ގިނަ ވާހަކަނުދައްކައި އަމަލުން ކަންތައްތައް ދައްކާވަރަށް.. އެއީ އިހްސާންތެރިވުމަކީ..