މޯލްޑިވްސް މަނިޓަރީ އޮތޯރިޓީގެ ގަވަރުނަރު އަލީ ހާޝިމް ނޫސްވެރިންގެ ބައްދަލުވުމުގައި ވާހަކަދައްކަވަނީ-- ފޮޓޯ: އަހުމަދު އަވްޝަމް އިލްޔާސް/މިހާރު
26 މާޗް 2020 - 13:08
35 comments
ވިޔަފާރިތަކާއި އާންމުން ނަގާފައިވާ ލޯނުތައް، ކޮވިޑް-19 އާ ގުޅިގެން، ހަ މަހަށް ފަސްކުރަން ރާއްޖޭގެ ހުރިހާ ބޭންކަކުން ވެސް އެއްބާރުލުން ދޭން އެއްބަސްވެފައިވާ ކަމަށް މޯލްޑިވްސް މަނިޓަރީ އޮތޯރިޓީގެ ގަވަރުނަރު އަލީ ހާޝިމް މިއަދު ވިދާޅުވެއްޖެ އެވެ.
އެކަމަކު ލޯނުތައް ފަސްކުރިކަން މިހާތަނަށް އިއުލާނުކޮށްފައިވަނީ ގައުމީ ބޭންކް، ބޭންކް އޮފް މޯލްޑިވްސް (ބީއެމްއެލް) އިން އެކަންޏެވެ.
އެ ބޭންކުން ބުނީ ލޯނު ފައިސާ ދެއްކުން ހަ މަސް ދުވަހަށް ފަސްކުރަނީ އިންޓަރެސްޓްގެ ބައި ވެސް އެ މުއްދަތުގައި ދައްކަން ނުޖެހޭ ގޮތަށް ކަމަށެވެ. އެކަމަކު ހަ މަހަށް ފަހު ލޯނު އަނބުރާ ދައްކަން ފަށާއިރު ހަ މަހުގެ އިންޓަރެސް، ލޯނަށް އިތުރުވާނެ އެވެ.
ލޯނުތައް ދެއްކުން ހަ މަހަށް ފަސްކުރުމުގެ އިތުރުން ދެން އަންނަ ހަ މަހު ދައްކަން ޖެހޭ އަދަދުން 20 ޕަސެންޓް މަދުކޮށްދޭން ވެސް ބީއެމްއެލުން ވަނީ ނިންމައިފަ އެވެ. އެކަމަކު އެ މަދުކުރާ ބައި ވެސް ލޯނުގެ ތެރެއަށް އިތުރުވާނެ އެވެ.
ރާއްޖޭގައި މިވަގުތު އަށް ބޭންކަކުން ހިދުމަތް ދެ އެވެ. ބީއެމްއެލްގެ އިތުރުން ރާއްޖޭގެ މާލީ ބާޒާރުގައި ހިންގަމުން އަންނަނީ ސްޓޭޓް ބޭންކް އޮފް އިންޑިޔާ (އެސްބީއައި) އާއި ހަބީބް ބޭންކް ލިމިޑެޓް (އެޗްބީއެލް) އާއި ބޭންކް އޮފް ސިލޯން (ބީއޯސީ) އާއި ހޮންކޮންގް ޝަންހާއީ ބޭންކިން ކޯޕަރޭޝަން (އެޗްއެސްބީސީ) އާއި މޮރީޝަސް ކޮމާޝަން ބޭންކް (އެމްސީބީ) އާއި މޯލްޑިވްސް އިސްލާމިކް ބޭންކް (އެމްއައިބީ) އަދި ކޮމާޝަލް ބޭންކް އޮފް މޯލްޑިވްސް (ސީބީއެމް) އެވެ.
"މިހާރު"ން ދެންނެވި ސުވާލުތަކަށް ޖަވާބު ދެއްވަމުން ގަވަރުނަރު ހާޝިމް ވިދާޅުވީ ރާއްޖޭގައި ގިނައިން ހިންގަނީ އެހެން ގައުމުތަކުގެ ބޭންކްތަކުގެ ބްރާންޗްތައް ކަމުން ލޯނުތައް ފަސްކުރަން ހެޑް އޮފީހަށް އަންގަން ޖެހޭތީ އެކަމަށް ދުވަސްކޮޅެއް ނަގާނެ ކަމަށެވެ. ނަމަވެސް އެ ބޭންކްތަކުން ލޯނު ނަގާފައިވާ ފަރާތްތަކަށް ވެސް ލޯނު އަނބުރާ ދެއްކުން ފަސްކޮށްދިނުމަށް އެދެވޭނެ ކަމަށް ވިދާޅުވި އެވެ.
މީގެ އިތުރުން ވިޔަފާރިތަކަށް މާލީ ދަތިކަމުން އަރައިގަތުމަށްޓަކައި ވޯކިން ކެޕިޓަލްގެ ގޮތުގައި 2.5 ބިލިއަން ރުފިޔާގެ ލޯނު ބޭންކްތައް މެދުވެރިކޮށް ދޫކުރަން ވެސް ސަރުކާރުން ވަނީ ނިންމާފަ އެވެ.
އެ ލޯނުތައް ދޫކުރަނީ ހަ ޕަސެންޓް އިންޓަރެސްޓް ރޭޓެއްގައި ތިން އަހަރުން އަނބުރާ ދައްކާ ގޮތަށެވެ. އަދި ލޯނު ނެގުމަށް ފަހު ހަ މަސް ދުވަހުގެ ގްރޭސް ޕީރިއޭޑެއް ލިބެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތާވަޅު
27 March 2020
މޮޅުސްޓަންޓެއް ދިވެހި ޤައުމީ ބެންކަކުން ދިވެހިންނަށް ނުވަތަ ދިވެހި ރައްޔިންނަށް ހެޔޮފުޅުކަމުން ކޮއްދެވޭނީ މިވަރަކަށް ކަމެއް ވަރިހަމަތާ 5 އަހަރަށް ލަސްކުރިޔަސް ދެން ދައްކަންފަށާއިރު އެހުރިހާ އެއްޗެއް އެޑްވެގެން އެލޯނުން ސަލާމަތް ނުވެވިގެން އެންމެފަހުން ގެދޮރު އޮޑިދޯނިފަހަރު ވެސް ވިއްކާލަިގެންވެސް ލާހިކައެއްނުން ސަލާމަތްވާކަށް އަހަރަކު 3 ކްއާޓަރ ކޮންމެ ކްއާޓަރ އެއްގަ 800 900 މިލިއަން ރުފިޔާ ސާފް ފައިދާގެ ގޮތުގައި ލިބޭކަމުގެރިޕޯޓް ފިލުފުލުންނެރޭނެ
ޔެސް
26 March 2020
ކޮންމެވެސް ނޫސްވެރިއަކު މަބްރޫކާ ސުވާލެއް ކޮށްދީބަަލަ ޕްލީޒް. ސުވާލަކީ ސަރުކާރާއި ސަރުކާރު ހިއްސާވާ ކުންފުނިތަކުން ހިންގާ ޕްރޮޖެކްޓްތަކުގެ މަސައްކަތްތައް ކޮންޓެކްޓަށް ނަގައިގެންއުޅޭ މީހުންނަށް މިވަނީ ބޮޑެތި ދަތިތަކާއި ކުރިމަތިވެފައި. ޚާއްޞަކޮށް ދިވެހި މަސައްކަތްތެރިން ބޭނުމެއްނުވޭ މަސައްކަތަށް ނުކުންނަން. އެހެންކަމުން އެފަދަ ޕްރޮޖެކްޓް ތަކަށް މުއްދަތު އިިތުރުކުރެވޭނެ ގޮތެއް އޮތްތޯ އާއިި އެ ޕްރޮސީޖާ އޮތްގޮތެއް ސާފުކޮށްލަދެއްވުން އެދެން.
ފޮނިޓައްޕު ހަސަނު
26 March 2020
އުސޫލަކީ މޮޅުމީހުންނަށް މޮޅުގޮތް ދެރަމީހުންނަށް ދެރަގޮތް. ސަރުކާރުން ކުދި އަދި މެދުފަންތީގެ ވިިޔަފާރިތަކަށް ދޫކުރަން ތިއުޅޭ ލޯނުގެ އެޕްލިކޭޝަން ފޯމަށް ބަލައިލީމަ އެނގޭ އެ ލޯނު ދޭން ހަމަޖެހިފައިވަނީ ހަމަ އެކަނި ބޮޑެތި މަހުޖަނުން ހިންގާ ވިޔަފާރިތަކަށް ކަން. ކަންމަތީ ފިހާރަގަނޑު ނުވަތަ ގެސްޓްހައުސް ގަނޑު ހިންގާ މީހާ ކޮލިފައި ނުވާނެ ހުރިހައި މާއްދާތަކެއް ހިމަނާފައިވޭ.
ހައުލާ ގޫލީ
26 March 2020
މި ކާރިސާ އިން ވެސް ވިޔަފާރި ފައިދާ ނަގަނީ. ޔޫއެސް ގަ އިންޓަރެސްޓް 0 އަށް އެތާ ސަރުކާރުން ޓްރަމްޕު ހަދައިފި. އިބޫ ބަލަނީ ހަމަހުގެ އިންޓަރެސްޓު ކާލަން ފުރުސަތެއްގޮތުގަ. މާލޭ ފެނުގަ ކާރިސާގަ ބޯ ފެނަށް ޖެހުން އިރު ޔާމީނު އަށް ވެސް އޮތް މިގޮތައް ވިޔަފާރި ފައިދާ ނެގުމުގު ފުރުސަތު އެކަމް ޔާނު އިސްކުރީ ރައްޔިތުން
ކަރަން
26 March 2020
މިތާ ކޮމެންޓު ކުރަނީ ލޯނު ނަގައިގެން ތިބި ބަޔަކާ ވައްތަރެއްނޫން. ލޯނުގައި ވާނެގޮތް ވާގޮތް އެގޭބަޔަކު މިކަހަލަ ކޮމެންޓު ނުކުރާނެ.
ރަދީފްއޮފިޝިއަލް
26 March 2020
''ލޯނު ފައިސާ ދެއްކުން ހަ މަސް ދުވަހަށް ފަސްކުރަނީ އިންޓަރެސްޓްގެ ބައި ވެސް އެ މުއްދަތުގައި ދައްކަން ނުޖެހޭ ގޮތަށް ކަމަށެވެ.'' ކިހާ ރީތި ވާހަކައެއް.ލަދު ކޮބާ؟ ވ.ވެދުން
ޟިނާއީ
26 March 2020
ނަސޭހަތެއް.. އަބުރާ ނުދެއްކެއްޔާ ލޯނުނުނަގާތި.. ކުރޯނާގެ ކުރިން ކުޑަކުޑަ ފައިދާއެއް ނޫނީ ގެއްލުމުގަ ވިޔަފާރި ކޮއްފަ ހުރިނަމަ.. މީ އެންމެ ރަގަޅު ވަގުތު ވިޔަފާރި ބަންދު ކޮއްފަ.. އެކަމުން ސަލާމެއްވާން...
ދޮގު
26 March 2020
ލޯނު ބަރާބަަށް ދައްކާ ފަރާތްތަކަށް އެކަނި ލުއި ލިބެނީ. ދަތިކޮށް އުޅޭ، ލޯނު ނުދެއްކި އުޅޭ މީހުންނަށް ކޮވިޑު19 ގެ ގެއްލުމެއް ނުވޭ. އެމީހުން ޖެހޭނީ ލޯނު ދައްކަން. - ބީ. އެމް. އެލް. ޕސ. މުޅި އިންސާނީ ނަސްލު ތަހައްމަލު މިކުރާ ސިއްޙީ އަދި އިޤްތިސާދީ މުސީބާތުގެ ގެއްލުން ލިބެނީ ވަކިބަޔަކަށް؟
ހުސްދޮގު
26 March 2020
ކުރޯނާ ނާންނައިރު ވެސް ނުދައްކާ، ދެނޯ!
މިހާފީ
26 March 2020
ތިޔަަކަން އެބަވޭ. ރަނގަޅު. ކައިވަތެއް ދީފިއްޔާ، ކެނބެއް ދަމައިގަންނާނެ! ތިޔަ ނިންމުންތައް ނިންމަނީ އެއްވެސް ދިރާސާއެއް ކޮށްގެންބާ؟ މިސާލަކަށް ލޯނު ދައްކާމީހާގެ އާމްދަނީއަށް އަންނާނެ ބަދަލު ދެނެގަނެވޭބާ؟ މިސާލަކަށް ޑައިވް ސެންޓަރެއް އަޅަން ލޯނެއް ނެގިމީހަކާއި، ގެއެއް އިމާރާތް ކުރަން ލޯނު ނެގިމީހަކާއި ތަފާތު.
ބަޑީ
26 March 2020
ތީ ލޯނު ނަގާމީހާ ކުރަން ޖެހޭކަމެންނު..
ބޮޑުމީހާ
26 March 2020
ތިއިން އެއްވެސް ލޯނެއް ފަސްކުރުމަކީ ދިވެހި ރައްޔިތުންނަށް ވެވޭ އެހީއެއްނޫން. ތި ބޭންކުތަކުން ކުރާ ވިޔަފާރިއެއް. ހާލުގަ ޖެހިފަ ތިބޭއިރުވެސް ނާޖާއިޒު ފައިދާއއް ނެގޭތޯ ތި ބަލަނީ