ކޮވިޑް-19: ޑަބަލް އިންޓްރެސްޓް ނުނަގަން ބީއެމްއެލުން ނިންމައިފި

ފާތިމަތު ޝަނާ މުހައްމަދު، މިހާރު

29 މާޗް 2020 - 15:22

ފަސް ކުރާ ލޯނުތަކަށް ޑަބަލް އިންޓްރެސްޓް ނާރާ ގޮތް ހަމަޖައްސައިފައިވާ ކަމަށް ބޭންކް އޮފް މޯލްޑިވްސް (ބީއެމްއެލް) އިން ބުނެފި އެވެ.

ކޮރޯނާވައިރަސްއާ ގުޅިގެން ދިމާވެފައި އޮތް އިގުތިސާދީ ބޮޑު ހުއްޓުމާ ގުޅިގެން ސަރުކާރުގެ އިކޮނޮމިކް ޕެކޭޖުގެ ތެރެއިން ޕާސަނަލް، ހައުސިން އަދި ވިޔަފާރި ލޯނުތައް ދެއްކުން ހަ މަސް ދުވަހަށް ފަސްކޮށްދީފަ އެވެ.

ބޭންކުން ކުރިން ކަނޑައަޅާފައިވާ ގޮތުން ފަސް ކުރާ މުއްދަތުގައި ނަގާ އިންޓްރެސްޓް އެއް މަހުން އަނެއް މަހަށް ދާނީ ބޮޑުވަމުންނެވެ. އެހެން ނަމަވެސް މިހާރު ވަނީ ފަސް ކުރުމާ މުއްދަތުގައި އިންޓްރެސްޓަށް ފިކްސްޑް އަދަދެއް ކަނޑައަޅައިފަ އެވެ. އެހެންވެ އިންޓްރެސްޓްގެ މައްޗަށް އިންޓްރެސްޓް ނުވަތަ ކޮމްޕައުންޑް އިންްޓަރެސްޓް ދައްކާކަށް ނުޖެހޭނެ އެވެ. މި ބަދަލާ އެކު ވެސް އިންޓްރެސްޓްގެ ގޮތުގައި ވަކި އަދަދެއް ހަ މަސް ދުވަހު ދައްކަން ޖެހޭނެ އެވެ. އަދި އިންޓްރެސްޓްގެ ގޮތުގައި އަރާ ވަރު ބަހާލައިގެން ފަހުން ދައްކަން ޖެހޭނެ އެވެ.

ބޭންކުން ގެންނަ މިބަދަލާ ގުޅިގެން ފިނޭންސް މިނިސްޓަރު އިބްރާހިމް އަމީރު ވިދާޅުވީ، ބޭންކުން އަންނަނީ ކަސްޓަރަމުންނަށް ލުއިކޮށްދިނުމުގެ ގޮތުން އިންޓަނޭޝަނަލް ސްޓޭންޑާޑްތަކާ އެއްގޮތަށް ފިޔަވަޅުތައް އަޅަމުން ކަމަށެވެ.

The bank has been trying to do their utmost to help the customers and the country according to the best of its ability and as per the international standards that it must follow and adhere to, and will continue to monitor the situation as it unfolds.
— އިބްރާހިމް އަމީރު (@iameeru) March 29, 2020

އެގޮތުން ދެން ޖެހިގެން އަންނަ ހަ މަސް ދުވަހު، ކޮންމެ މަހަކު ދައްކަން ޖެހޭ މިންވަރުން 20 ޕަސެންޓް މަދުކޮށްދޭން ވެސް ބޭންކުން ވަނީ ނިންމައިފަ އެވެ. މިގޮތަށް ބޭންކް ލޯނު ފަސް ކުރުމުން، ފަސްކުރާ ލޯނުތަކުގެ މުއްދަތު އިތުރު ހަ މަހަށް އިތުރުވާނެ އެވެ.

ގައުމީ ބޭންކުން ވަނީ މި މަހުގެ 1 އިން އަންނަ ސެޕްޓެމްބަރު މަހުގެ ނިޔަލަށް ލޯނުތައް ފަސްކޮށްދޭން ނިންމައިފަ އެވެ. ލޯނު ފަސްކޮށްދިނުމަށް އޮތް ހަމައެކަނި ޝަރުތަކީ ލޯނު ދައްކަން ޖެހި އެކަމަކު ނުދައްކާ އެއްވެސް ފައިސާއެއް ނެތުމެވެ. އޭގެ މާނައަކީ ލޯނު ފަސްކުރުމުގެ ފުރުސަތަށް އެދުމުގެ ކުރިން އެއްވެސް ޕޭމަންޓެއް ނުދައްކާ އޮތް ނަމަ، އެބައި ހަލާސްކުރުމެވެ.

ބީއެމްއެލުން ބުނީ ލޯނު ފަސްކުރަން ކޮންމެ ކަސްޓަމަރަކަށް ވެސް ވަކިވަކިން ލޯނާ ގުޅޭ މައުލޫމާތު ފޯރުކޮށްދީ، އެކަމަށް ފަސޭހައިން އެދެވޭނެ އިންތިޒާމް ވެސް ހަމަޖައްސައިދޭނެ ކަމަށެވެ. އޭގެ ބައެއްގެ ގޮތުން އޮންލައިންކޮށް ފޯމު ހުށަހެޅޭނެ ގޮތް އަންނަ ހަފްތާގައި ހަމަޖައްސާނެ ކަމަށް ވެސް ބޭންކުން ބުނެ އެވެ.

ބީއެމްއެލް ބޭންކް ލޯން އިބްރާހިމް އަމީރު، ކުރީގެ ފިނޭންސް މިނިސްޓަރު ދިވެހި ސަރުކާރު

23 ކޮމެންޓް, 36 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގެދޮރު ނެތް މާލޭމީހާ

30 March 2020

ބޭންކް ލޯން ނެގުމަކީ އަހުވައެއް. އެކަމަކު އެ ނުނަގާ ވާނެ އެއްގޮތެއްވެސް ނިކަމެތިންނަކަށް ނެތް. ކޮންޕައުންޑް އިންޓަރެސްޓެއް ނުނަގަމޭ ބުނެފަ އެ އޮތީނު ސިމްޕަލް އިންޓަރެސްޓެކޭ ނަގާނީ. ފެން ދީފަ ކަތިލާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯޑޭ

30 March 2020

އިންޓަރެސްޓަކީ ބެންކަށް ވާ ފައިދާ. އެކަނޑާ ނުލާނެ އެމީހުން ހަމަ ހޭގަ ތިބެގެން ޑަބަލު ނުނެގީއާ ޓުރިފުލު ވެސް ނަގާނެ. އޭރުންތާ އަހަރީ ބޯނަހާ ލަގުޒަރީ އެފާޓްމަންޓްތައް ބެންކުފަންޑުން ގަނެވޭނި އަތުން މާ ބޮނޑް އެއްޗެއް ނުގޮސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަކަރޭ

29 March 2020

ލޯން އިންޓްރެސްޓަކީ ރިބާއެއް ނޫންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފީކަޅަ

29 March 2020

ޚަބރުގަ ލިޔެފަ އޮތްއެއްޗަކާއި ބީ.އެމް.އެލް ގެ ބަޔާނުގައި އޮތްއެއްޗެއް ދިމައެއްނުވޭ. 6 މަސްދުވަހަށް އަރާވަރު ފަހުން ބަހާލައިގެން ދައްކާވާހަކައެއް ނޫން ބަޔާނުގައި އޮތީ. 6 މަސްދުވަހަށް އަރާ އިންޓަރެސްޓް ލޯންގެ ބާކީއަށް އެއްކުރާނެވާހަކަ އޮތީ. އޭގެ މާނައަކީ 6 މަސްދުވަސް ފަހުން ލޯން ދައްކަންފަށާއިރު ލޯނުގެ އަދަދު ބޮޑުވެފަ އޮންނާނީ. އަދި އެދުވަހުން ފެށިގެން އިންޓަރެސްޓްގެ މައްޗައް އިންޓަރެސްޓް ވެސް އަރާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

29 March 2020

އެހެންވީމަ ބޭންކުން އަމިއްލައަށް އެއްބަސް މިވީ ކުރިން އުޅުނީ ޑަބަލް އަދި ކޮމްޕައުންޑު އިންޓަރެސްޓް ނަގާ ރައްޔިތުން ރަގަޅަށް ފެލާލަން. އަދި މިހާރު ތިނަގާ އިންޓރެސްޓްވެސް ނެގިގެން ނުވާނެ. 6 މަހަށް ފަސްކުރަންޏާ އިންޓަރެސްޓާއެކީ ފަސްކުރާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑިނގާ

29 March 2020

ތީ ގައުމީ ބޭންކުގެ ލަގަބު ހައްގު ބަޔެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސޭން

29 March 2020

ވާންޖެހޭ ގޮތް އަދިވެސް ސާފެއް ނުވޭ، ތަންކޮޅެއް ތިލަކޮށް ކިިޔާލަދީ.. މިސާލަކަށް މީހަކު 2018 ވަނަ އަހަރު ބޭންކް އިން މިނެގީ 3 ލައްކަ ރުފިޔާގެ ލޯނެއް %12 އިންޓަރެސްޓަށް 5 އަހަރު ދުވަހުގެ މުއްދަތަށް، އޭނާ ބޭންކަށް ދައްކަންޖެހެނީ މަހަކު -/6673ރ ގެ 60 އިންސްޓޯލްމެންޓ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޯނު

30 March 2020

ޖެނުއަރީ 2018 ގައި ލޯނު ނެގި ކަމުގައި ވާނަމަ، މިމަހު ރީޕޭމެންޓް ދެއްކުމުން 194،258.73 ރުފިޔާ ގެ އައުޓްސްޓޭންޑިންގ ނުވަތަ ބާކީ އިންނާނެ. މިހާރެކޭ އެއްގޮތަށް ދައްކާނަމަ ޖުމްލަ 60 މަހަށް އަރާނީ 406،365.84 ރުފިޔާ. އެހެން ނަމަވެސް އޭޕްރީލުން ފެށިގެން އެއްވެސް ވަރަކަށް ރީޕޭމެންޓް އެއް ނުދައްކައިފި ނަމަ އެ ހަމަހަށް ވާ ޖުމްލަ 40،038 ރުފިޔާ ލޯނުގެ ބާކީ ތެރެއަށް އެއްކުރެވި ބާކީ މަސްތަކަށް ބަހާލުމުން ޖުމްލަ 420،855.26 ރުފިޔާ ދައްކަންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްޑިޕީ ސޮރު

29 March 2020

ދިވެހިންގެ ބޭންކު އެންމެންގެ ބޭންކު. ރައްޔިތުން ފެލާ ބޭންކު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްސާ222

29 March 2020

މިއަންނަ ހަފުތާއަށް މަޑު މިކުރަނީ މިހިނގާ މަހުގެ ޕޭމަންޓް ކަސްޓަމަރުންގެ އެކައުންޓުން ކަނޑަންވެގެން ކަން ޔަގީން. ނަމުން އަހަރެންގެ ބޭންކް. ކަމުން އަހަރެމެން ފެލާލާ ބޭންކް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯޑް

29 March 2020

ރައީސް މީހާ ދަށްކާ ވާހަކަ އާއި އަމީރު ބުނާ އެއްޗަކާއި ބެންކުން މި ބުނާއެއްޗެއް ދިމަލެއް ނުވޭ. ބެންކުން އަދިވެސް އެބުނަނި ފައިސާ ނުދަށްކާ 6 މަހު އިންޓަރރެސްޓް ނެގޭނޭ. ރަށްއިތުންނަށް ސާފްވާ ގޮތަށް ކިޔާދީބަލަ