ކޮވިޑް-19: ޕޮޒިޓިވްވި ކެނެޑާގެ ބޮޑުވަޒީރުގެ އަނބިކަނބަލުން ރަނގަޅުވެއްޖެ

ކެނެޑާގެ ބޮޑު ވަޒީރު ޓްރޫޑޯގެ އަނބިކަނބަލުން ސޯފީ. --ފޮޓޯ:އޭއެފްޕީ

ހަސަން އާމިރު، މިހާރު

29 މާޗް 2020 - 17:14

އޮޓާވާ (މާޗް 29) - ކޮރޯނާވައިރަހަށް ޕޮޒިޓިވްވި ކެނެޑާގެ ބޮޑު ވަޒީރު ޖަސްޓިން ޓްރޫޑޯގެ އަނބިކަނބަލުން ސޯފީ ގްރެގުއާ ރަނގަޅުވެއްޖެ އެވެ.

"އަޅުގަނޑަށް މިހާރު ވަރަށް ލުއި އެބަ އިހްސާސް ކުރެވޭ. ކޮވިޑް-19 އިން އަޅުގަނޑު މުޅިން ރަނގަޅުވެފައިވާ ކަމަށް އަޅުގަނޑުގެ ޑޮކްޓަރާއި އޮޓާވާ ޕަބްލިކް ހެލްތުން ވަނީ އަންގާފައި،" ސޯފީގެ ފޭސްބުކްގައި ލިޔުއްވާފައިވެ އެވެ. "އަޅުގަނޑަށް ހެޔޮ އެދުމުގެ ބަސްތައް ފޮނުވި އެންމެންނަށް ހިތުގެ އަޑިން ޝުކުރު އަދާކުރަން."

ކޮރޯނާވައިރަހަށް ސޯފީ ޕޮޒިޓިވްވީ، އިނގިރޭސި ވިލާތުން އެނބުރި ވަޑައިގަތުމަށް ފަހު، މާޗް 12 ވަނަ ދުވަހު އެވެ. ރައްކާތެރިކަމުގެ ފިޔަވަޅެއްގެ ގޮތުން ބޮޑު ވަޒީރު ޓްރޫޑޯ ވަނީ ހޯމް އައިސޮލޭޝަނަށް ވަޑައިގެންފަ އެވެ. ޓްރޫޑޯ ވިދާޅުވީ 14 ދުވަހުގެ ކަރަންޓީން މުއްދަތު ހޮނިހިރު ދުވަހު ހަމަވި ނަމަވެސް އިތުރު މުއްދަތެއްގައި ގޭގައި މަޑު ކުރައްވަން ބޭނުންވާ ކަމަށެވެ.

"އަޅުގަނޑު އަމަލު ކުރާނީ ސިއްހީ ތަޖްރިބާކާރުންގެ ލަފަޔާ އެއްގޮތަށް. ކޮންމެހެން މުހިންމު ކަމެއް ނެތިއްޖާ ނޫނީ ބޭރަށް ނުގޮސް ގޭގައި މަޑުކުރުން އެންމެ ރަނގަޅީ،" ޓްރޫޑޯ ވިދާޅުވި އެވެ.

ސޯފީ ވިދާޅުވީ ހެލްތު ޕްރޮޓޮކޯލްތަކާ އެއްގޮތަށް އަމަލުކޮށް މި ވަގުތު ގޭގައި މަޑުކޮށްފި ނަމަ މި އުނދަގޫ ހާލަތުން އަރައިގަނެވޭނެ ކަމުގެ އުއްމީދު ބޮޑު ކަމަށެވެ.

ކޮރޯނާވައިރަހަށް ކެނެޑާ އިން ވަނީ 5،665 މީހުން ޕޮޒިޓިވްވެ 60 މީހުން މަރުވެފަ އެވެ.

ކެނެޑާ

3 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޓްރަ މްޕް

29 March 2020

ޢަލް ހަ މްދިއްﷲ ...އޭނާގެ ފިރި މީހާއަކީ މުސްލި މުން ނަށް ވަރަށް ހެޔޮ މީހެއް. ސީރިޔާގެ އެތައް މުސްލި މުންނަކަށް ހި މާޔަތް ދެ މުންދާ ފަރާތެއް. އެހެން ހުޅަނގު ގަ މުތަކުން ރެފުޔުގީން ގޮތުގައި ސީރިޔާ މީހުން ހު އްދަ ނުދިންއިރު އޭނާގެ ލޮބްވެތި ފިރި މީޙާވަނީ މުޅި އިންސާނިއްޔަތަށް މިސާލު ދައްކަވާފަ. މާތްﷲ އެދެ މަދިރިންނަށް އިސްލާދީންގެ ތެދު މަގު ދައްކަވާށ.