ޚަބަރު / ދިވެހި ގައުމީ ޔުނިވަސިޓީ

އެމްއެންޔޫގެ ދަނާލުތަކުގެ ފީ މާފުކޮށްދީފި

މާލޭގައި ހުންނަ ގައުމީ ޔުނިވާސިޓީގެ މައި ކެމްޕަސް-- ފޮޓޯ: ހުސެއިން ވަހީދު/ މިހާރު

އާސިމާ ނިޒާރު، މިހާރު

01 އެޕްރީލް 2020 - 14:12

2 comments

މޯލްޑިވްސް ނޭޝަނަލް ޔުނިވާސިޓީ (އެމްއެންޔޫ)ގެ ދަނާލުތަކުގައި ތިބި ދަރިވަރުންގެ ފީ މާފުކޮށްދޭން ނިންމައިފި އެވެ.

އެ ޔުނިވާސިޓީގެ ވައިސް ޗާންސެލާ ޑރ. މުހައްމަދު ޝަރީފު މިއަދު ވިދާޅުވީ ހދ. ކުޅުދުއްފުއްޓާއި މާލެ އާއި ގދ. ތިނަދޫ އަދި ސ. ހިތަދޫގައި ހުންނަ ދަނާލުގައި އުޅޭ ދަރިވަރުންގެ މި މަހާއި އަންނަ މަހުގެ ފީ މާފުކޮށްދޭން ނިންމާފައިވާ ކަމަށެވެ.

އެ ދަނާލުތަކުގައި މި ވަގުތު 168 ދަރިވަރުން އެބަތިއްބެވެ.

ރަށްރަށުގެ ދަނާލުތަކުން ދަރިވަރެއްގެ އަތުން ނަގަނީ މަހެއްގެ މައްޗަށް 500ރ. އެވެ. މާލޭ ދަނާލުގައި، އެއް ދަރިވަރަށް ވުރެ ގިނައިން ތިބޭ ކޮޓަރިތަކުން ކުއްޖެއްގެ އަތުން ކޮންމެ މަހަކު 900ރ. އަދި އެކަނި ހުންނަ ކޮޓަރިއަކަށް 1،200ރ. އެވެ.

ދުނިޔޭގައި ފެތުރެމުންދާ ބަލިމަޑުކަމެއްގެ ގޮތުގައި ކަނޑައަޅާފައިވާ ކޮވިޑް-19 ގެ ސަބަބުން ދިމާވެފައިވާ މާލީ ދަތިތަކަށް ހައްލެއް ހޯދައިދޭން ގިނަ ކުންފުނިތަކާއި އާއްމުން އަންނަނީ ލުއިތަކެއް ދެމުންނެވެ. އެގޮތުން ބައެއް ތަންތަނުގެ ކުލި ހެޔޮކޮށްދީ ފެނާއި ކަރަންޓުގެ އަގު ވެސް ސަރުކާރުން ވަނީ ހެޔޮކޮށްފަ އެވެ.

ދިވެހި ގައުމީ ޔުނިވަސިޓީ މަތީ ތައުލީމު

2 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސްކިޕަރ

01 April 2020

ރަގަޅު ނިންމުމެއް. އެހެންނަމަވެސް ދަނާލުތަކުގައި ދިރިއުޅެނީ ދަރިވަރުންގެތެރެއިން ވަރަށް، ވަރަށް މަދު ބައެއް. ގިނަ ދަރިވަރުން ދިރިއުޅެނީ ލިބޭ އާމްދަނީއާއި އަޅާކިޔާއިރު ދިރިއުޅުމުގެ ޚަރަދުތައް އެންމެ ބޮޑު އެއް ރަށުގައި. އެހެންކަމުން މި ދަނޑިވަޅުގައި ޔުނިވާސިޓީ، ކޮލެޖްތަކުގެ ފީ އިން ކުޑަ މިންވަރެއްނަމަވެސް މާފުކުރުމަކީ އެންމެ އަދުލުވެރި، އަދި އެންމެ ރަގަޅުގޮތް ކަމުގައި ދެކެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލު ހަގީގަތް

01 April 2020

ވަރަށް ރަނގަޅު ވާހަކައެއް. މިދުވަސްވަރު އޮންލައިންކޮށް ކިޔަވައިދެމުން ދާއިރު އަމިއްލަޔަށް އިންޓަނެޓްގެ ޕެކޭޖްތައް މިހަދަނީ. އެހެންވީމަ ކޯސް ފީއިން ކޮންމެވެސް މިންވަރެއް ކުޑަކޮށްދިނުން ރަނގަޅު. އަސްލު ފިޒިކަލް ކްލާސްރޫމްގައި ކިޔަވައިދިނުމަށްދާ ޚަރަދަށްވުރެ އޮންލައިންކޮށް ކިޔަވައިދޭން ދާ ޚަރަދު ކުޑަވާނެ. އެހެންވީމަ ޕްރައިވެޓް ކޮލެޖްތަކުން އެބަޖެހޭ ކޯސްފީ އިން ކޮންމެވެސް މިންވަރެއް މަޢާފްކޮށްދޭން. އަހަރެން ކޮންމެ ދުވަހަކު 1 ޖީބީ ޚަރަދުކުރަން.