ކުޑަކުދިންނަށް "ހެރީ ޕޮޓާ" ހަދިޔާއެއް

ޖޭކޭ ރޯލިން.

އަހުމަދު އަދްޝަން، މިހާރު

03 އެޕްރީލް 2020 - 08:38

"ހެރީ ޕޮޓާ" ގެ ވާހަކަތައް ލިޔެގެން މަހުޖަނަކަށްވި އިނގިރޭސި ލިޔުންތެރިޔާ ޖޭކޭ ރޯލިން، ކޮރޯނާވައިރަހާ ހެދި ކުޑަކުދިން ގޭގައި ތިބެންޖެހޭތީ ފޫހިފިލުވައިދޭން އޮންލައިން ހަދިޔާއެއް ދީފި އެވެ.

ހެރީ ޕޮޓާއާ ގުޅުން ހުރި އެކި ކަންކަން އެކުލެވޭ ގޮތަށް ރޯލިން އާންމުކުރީ އޮންލައިން ޕޯޓަލްއެކެވެ. harrypotterathome.com ގެ ނަމުގައި އާންމުކުރި ޕޯޓަލްގައި ހެރީގެ ޕޮޓާގެ ބައެއް ވާހަކަތަކުގެ ހިލޭ އޯޑިއޯ ބުކާއި ވާހަކަތަކާ ގުޅޭ އެކި ކަހަލަ އަރަތްތަކާއި ވީޑިއޯތަކާއި އަދި އެ ނޫން ވެސް ވަރަށް ގިނަ މެޓީރިއަލްތައް ހިމަނާފައިވެ އެވެ.

Parents, teachers and carers working to keep children amused and interested while we’re on lockdown might need a bit of magic, so I’m delighted to launch https://t.co/cPg0dZpexB pic.twitter.com/i0ZjTplVoU
— J.K. Rowling (@jk_rowling) April 1, 2020

މިކަން ޓްވިޓާގައި ހިއްސާކުރަމުން ރޯލިން ބުނީ ލޮކްޑައުންގެ މި ހާލަތުގައި މީގެ ބޭނުން ބެލެނިވެރިންނާއި ޓީޗަރުން ކުދިންނަށް ހިފައިދޭން މަސައްކަތްކުރުން ރަނގަޅު ކަމަށެވެ.

ކުޑަކުދިންނާއި ބޮޑެތި މީހުންގެ މެދުގައި ވަރަށް ވެސް ވަރަށް ބޮޑު މަގުބޫލުކަމެއް ހޯދި "ހެރީ ޕޮޓާ" ސީރީޒްގެ ހަތް ވާހަކައެއް 1997-2007 އާ ހަމައަށް ގެނެސްދީފައިވެ އެވެ. އަދި މި ވާހަކަތަކަށް ބިނާކޮށް ވަނީ ވަރަށް ކާމިޔާބު ފިލްމުތަކެއް ވެސް ހަދައިފަ އެވެ.