ރައްޔިތުންގެ މަޖިލީހުގައި މިއަދު ބޭއްވި ޕްރެސް ކޮންފަރެންސެއްގައި ނަޝީދު ވާހަކަ ދައްކަަވަނީ. --ފޮޓޯ/މަޖިލިސް
02 އެޕްރީލް 2020 - 15:49
124 comments
ކޮވިޑް-19އާ އެކު، ރާއްޖޭގެ އިގްތިސާދަށް ކުރިމަތިވެފައިވާ ބޮޑެތި މައްސަލަތަކުން އަރައިގަތުމަށްޓަކައި ރައްޔިތުންގެ މަޖިލީހުން ސަރުކާރަށް ދޭނީ ރާއްޖޭގެ އިގްތިސާދީ މިސްރާބު ބަދަލުކޮށްލުމުގެ ލަފައެއް ކަމަށް މަޖިލީހުގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގެ އިދާރާގައި ބޭއްވި ޕްރެސް ބްރީިފިންއެއްގައި ނޫސްވެރިއަކު ކުރި ސުވާލަކަަށް ޖަވާބު ދެއްވަމުން ނަޝީދު ވިދާޅުވީ ރާއްޖެ އަށާއި އެހެން ގައުމުތަކަށް ވެސް މިހާރު ކުރިމަތިވެފައި އޮތް ހާލަތުގައި ކުރެވޭނެ އެހެން ކިތަންމެ މަސަައްކަތެއްގެ ވިސްނުން، މަޖިލީހުގެ މެމްބަރުންގެ އެބަހުރި ކަމަށެވެ.
އެފަދަ ބައެއް މަސައްކަތްތައް ވެސް އެމަނިކުފާނު ވިދާޅުވި އެވެ. ސަރުކާތުން ތައާރަފްކޮށްފައިވާ ސްޓިމިއުލަސް ޕެކޭޖް ތެެރެއިން މާލީ އެހީ ދޭންވީ އެފަދަ މަސައްކަތްތައް ކުރުމަށް ކަަމަށާއި ފައިސާ ދޭންވީ މަސައްކަތް ނުކޮށް ގޭގައި ތިބުމަށްް ނޫން ކަމަށް ނަޝީދު ވިދާޅުވި އެވެ.
"އިއްޒަތްތެރި މެންބަރުން މަޝްވަރާ އެބަކުރައްވާ، އެބަ ވިސްނަވާ ދިވެހިރާއްޖެ އަނބުރައިލަން. އަޅުގަނޑު ދެކޭ ގޮތުގައި ރީޑައިރެކްޓް އަޅުގަނޑުމެނަށް ކުރެވެން ޖެހޭނެ. އެއީ މަޖިލިސް މެމްބަރުން ލަފައެއް އުފެއްދުމަށް މި [މަސައްކަތް ކުރަމުންދާ ކަމަކީ] ތައްްޔާރުކުރަމުން ގެންދާ ލަފަޔަކީ، ނަޝީދު ވިދާޅުވި އެވެ
ރާއްޖޭގައި މިވަގުތު ކުރެވިދާނެ ބައެއް މަސައްކަތްތަކުގެ ގޮތުގައި އެ މަނިކުފާނު ވިދާޅުވީ މަހުން އުފައްދާ ތަފާތު ބާވަތްތަކާއި ދަނޑުވެރިކަމާއި ފަރުނީޗަރު އުފެއްދުމެވެ.
"އެހެން މަސަައްކަތެއް ކުރުމަށް، އަދި އެއީ ގަހެއް އިންދިޔަސް އަދި ދާންޏެއް އިންދިޔަސް، ދިޔަ ދޮތްވެއް ތެޅިޔަސް، ގޮނޑިއެއް ޖެއްސަސް. އަޅުގަނޑުމެން ދެކެނީ، މަޖިލީހުގެެ އިތްޒަތްތެރި މެމްބަރުން ދެކެނީ ފަރުނީޗަރު އިމްޕޯޓް ކުރުން ހުއްޓާލަންޖެހޭ ކަމަށް،" ނަޝީދު
ކޮވިޑް-19 ފެތުރުން ހުއްޓުވުމަށް އެހެން ގައުމުތަކުންނާއި ރާއްޖޭން އެޅި ފިޔަވަޅުތަކުގެ ސަބަބުން ޓޫރިޒަމް ހުއްޓުމަކަށް އައިސް، ގިނަ އަދަދެއްގެ މީހުންގެ ވަޒީފާ ވަނީ ގެއްލިފަ އެވެ. ނަޝީދު ވިދާޅުވީ އެ ގޮތުން ވަޒީފާ ގެއްލޭ މީހުންނަށް ވެސް ފައިސާ ދޭންވީ އެހެން މަސަައްކަތެއް ކުރުމަށް ކަމަށެވެ.
"އެހެން މަސަައްކަތެއް ކުރުމަށް. އަދި އެއީ ގަހެއް އިންދިޔަސް އަދި ދާންޏެއް އިންދިޔަސް، ދިޔަ ދޮތްވެއް ތެޅިޔަސް، ގޮނޑިއެއް ޖެއްސަސް، އަޅުގަނޑުމެން ދެކެނ، މަޖިލީހުގެެ އިތްޒަތްތެރި މެމްބަރުން ދެކެނީ ފަރުނީޗަރު އިމްޕޯޓް ކުރުން ހުއްޓައިލަން ޖެހޭ ކަމަށް،" ނަޝީދު ވިދާޅުވި އެވެ.
އެ މަނިކުފާނު ވިދާޅުވި ގޮތުގައި، ރާއްޖޭގެ ރިސޯޓްތަކުގައި މިހާރު ވެސް ދަނޑުވެރިކަން ކުރެ އެވެ. އެ ތަންތަނަކީ މަހުން އުފައްދާ ބާވަތްތަކުގެ އުފެއްދުންތައް ތައްޔާރުކުރުން ކަހަލަ އެހެން މަސައްކަތެއް ކުރުމަށް ވެސް ވަރަށް ރަނގަޅު އިންތިޒާމްތަކެއް ހުރި ރަށްތައް ކަމަށް ވިދާޅުވި އެވެ.
ކޮވިޑް-19 ގެ ބަލިމަޑުކަން ގޯސްވެއްޖެ ނަމަ، ރިސޯޓްތައް ބަންދުވެފައި އޮންނާނީ އަހަރެއްހާ ދުވަހަަށް ކަމަށް ބެލެވޭ އިރު އެއީ ރިސޯޓްރަށްތަކުގައި އެހެން މަސައްކަތެއް ކުރެވޭނެ މުއްދަތެއް ކަމަށް ނަޝީދު ވިދާޅުވި އެވެ.
"މަޖިލިސްގެ އިއްޒަތްތެރި މެމްބަރުންގެ ވިސްނުމަކީ އެ ސެޓް، އެ ހަރުމުދާ އެހެން އުފެއްދުމަކަށް ނެރެވެން ޖެހޭނެއޭ،" ނަޝީދު ވިދާޅުވި އެވެ.
އެ މަަނިކުފާނު ވިދާޅުވީ އެގޮތުން ކުރެވެން ހުރި މަސަައްކަތްތައް މަޖިލީހުގެ ކޮމިޓީތަކުން ދިރާސާކޮށް ބަލާނެ ކަމަށައި ލުއި ލިބޭނީ އެހެން އުފެއްދުމަކަށް ފަށައިގަންނަން މަސަައްކަތް ކުރާ ބަޔަަކަަށް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަހޭބެ
04 April 2020
އަންނި ކަލޭ މޮޔަވީތަ؟ މަޑުން ހުރެބަލަ އިބޫ ނޫޅެއޭ ކަލޭގެ ލަފާހޯދާކަށް... ސޮރީ
އައްޔުބޭ
04 April 2020
މީނަ އާއި ހެދިގެން މި ނުތަނަވަސް ވަގުތުގަވެސް ބޮޑު އުނދަގުލަކަށް ވެއްޖެ، އޭ މަޑުން ހުރެ ބަލަ، މިޤައުމު އަންނިގެ ޕޮލިޓިކްސް އިން ސަލާމަތްވާން އެބަޖެހޭ. އަހަރެން ހަނދާނަށް އަންނަނީ އެންމެން އޮޅުވާލާފަ މަޖްލިސް ގޮނޑި ދަމައިގަތް ވަގުތު މަތިން.
އެސް
04 April 2020
ބަލަ އަންނިއެއް ނޫންތަ ޑޮލަރުގެ ދަޅަދައްކައިގެން ދަނޑުވެރިކަމުން ރަގަޅު އާމްދަނީއެއް ލިބެމުންދިޔަ ރަށްތަކުގަވެސް އެބިންތަކުގައި ގެސްޓުހައުސް އަޅުވާ ، ދަނޑުވެރިކަން ވީރާނާ ކުރީ ، މިހާރު ބޮޑެތި ލޯނުތައް ނަގައިގެން އެޅިި ގެސްޓުހައުސްތައް އެހެރީ ފަޅަށް. ދަނޑު ހައްދާނެ ޖާގަ ކުޑަވެއްޖެ ، މުޅި އިގްތިސާދު ފަތުރުވެރިކަމަށް ބަރޯސާ ވުމުގެ ހިތި ނަތީޖާ މި ފެންނަނީ
ކުމުންދޫއަލީ
03 April 2020
ދިވެހިން ހަމަޖެހިލައިގެން ދެ ޖީބައް އަތްޖަހައިގެން ނުތިބެ މަސައްކަތުގެ ބާޒާރަށް ނިކުންނަވާށޭ އެވިދާޅުވީ. ނޫނީ ހުރިހާ ބުރައެއް އުފުލަންޖެހޭނީ ސަރުކާރަށޭ. މާލީ ހާލަތު ހުރި ގޮތުން އެ ބުރަ ބަދަލުވެގެން ދާނީ ލޯނުތަކަށް، އެއީ ގައުމުގެ ދަރަނި އިތުރުވުން. ވީމާ ފަރުދީ ޒިއްމާ އަދާ ކުރެއްވުމަށް ކޮންމެވެސް މަސައްކަތެއް ކޮށް ގައުމު ދެފައި މައްޗަށް ތެދުވެވޭ ވަރު ކުރާށޭ އެ ވިދާޅުވީ. ދީން ބަދަލު ކުރާކަށް ވިދާޅެއް ނުވޭ
އެމެރިކާ
03 April 2020
އިސްތިއުފާދީ މަޖުލީހުގެ ރައިސް ކަމުން.
ހައް ދުންމަތި
03 April 2020
އަހަރުން މިއުޅޭ ރިސޯޓުގަ ގަސްއިންދަންޖެހޭނީ މޫދުގަ މޫދުގަ ހޭދޭވައްތަރުގެ މުޑުވައް ހުރޭތޯ މިބުނީ އަބު ނޫނީ ކަރާ ތޮރާކަހަލަ ފަސޭހައިން ހެއްދޭ ބާވަތުގެ ގަސްކޮޅެއް ފޮނުވާ އަދި އެއާއެކު މާސްކު ފިންސް ބޭނުން
ކަކުނިބޯ
03 April 2020
އެސްޓީއޯ އިން ގަސްކާނާއާއި ދަނޑުގޮވާމަށް ބޭނުންވާތަކެތި ގެނެސް ފައިދާއެއްނެތްގޮތަށް ވިއްކަންވީ. ދެން މީގެކުރިން ވާނެ ކޮމެންޓެއް އެގޮތަށް ގެންދަންވީ. މަސްފެކްޓްރީ ތަކުން ވޭސްޓްއިން ގަސްކާނާއާއި ކުކުޅުކާނާ އުފައްދަންވީ އަދި ރާއްޖޭގެ 6 ދާއިރާއެއްގައި އިންކިޔުބޭޓަރ ބަހައްޓަ ފިޔޮއްއުފައްދާ ކޮންމެ ގޭބިޒީއަކަށް 10 ފިއޮށް ދޫކުރަންވީ ކޮށިއަޅައިގެން ގެންގުޅުމަށް ބިސްވިއްކުމަށްފަހު ކުކުޅުވެސް ވިއްކަވާ ދެން ކުކުޅު އިމްޕޯޓް މަނާކުރަންވީ މިސާލު ލަންކާ
ފަކުރު
03 April 2020
ރ ނަޝީދޫ...ހިތުން މާމޮޅު ވާހަކަ ދައްކަން އުޅުމުގެ ކުރިން ވިސްނާލަބަލަ. ބޭފުޅާ ކޮވިޑަށް ޓެސްޓު ހަދަން ސާމްޕަލް ނެގުމުގެ ކުރިން އެޅުވި މާސްކް މޭޒު މައްޗަށް އެއްލާލަފައޭ ތި ދުއްވައިގަތީ ސާމްޕަލް ނަގާ ނިމޭއިރަށް... ޗީޗީ..އެޗް.ޕީ.އޭ އިން މިއޮށް ދައްކާހާ ވާހަކާތަކާއި ފޮނުވާހާ މެސެޖުތައް ހަމަ ނުފެންނަނީތަ؟ އެވަރު ކަމެއް ކުރަން އޮންނަ ގޮތަށް ކުރަން ނޭނގުނު މީހަކަށް ކޮންލަފައެއް ދެވޭނީ އަހަރެމެންގެ އިބޫއަށް..ތީފައްކާ ސުރުހީދޮންބެ..އަންނި ބާބު އޮތީ ނިމިފަ
ސަލާހު
03 April 2020
އަބަދުވެސް ބުނާވާހަކަޔެއް އެންމެއް އެއްރަށަކައް ބަދަލު ނުކުރާށޭ އެތެރޭގެ އުފެއްދުންތައް ހުއްޓި މީހުންގެ ދިރިއުޅުން އިތުރައް ފަގީރުވާނޭ
ވަތަން އިސްކުރަންޖެހޭ
03 April 2020
ޔޫރަޕްގެ ތާއީދު ހޯދަން ވެގެން ރައްޖެގަ ދީނީ މިނިވަންކަމެއް ނެތޭ ކިޔައިގެން އެމީހުންގެ އެޖެންޓަކައް ވެގެން ތިއުޅުއްވަނީ. މިކަހަލަ މީހުންގެ ސަބަބުން ރާއްޖެއަ މިހަތަނަށް ގެއްލުން ވެފަ ހުރީ.