މޯލްޑިވިއަންގެ މަތިންދާބޯޓެއް ވެލާނާ އިންޓަނޭޝަނަލް އެއާޕޯޓުގެ ރަންވޭމަތީގައި: މިރޭ އެ އެއާލައިނުން ވަނީ 100 ދިވެހިން ރާއްޖެއަށް ގެނެސްފައި-- ފޮޓޯ: ހުސައިން ވަހީދު/މިހާރު
05 އެޕްރީލް 2020 - 23:03
27 comments
ކޮވިޑް-19 ކޮންޓްރޯލް ކުރުމަށް ސްރީ ލަންކާގައި އަޅާފައިވާ ވަރުގަދަ ފިޔަވަޅުތަކާ ގުޅިގެން، އެ ގައުމުގައި ތާށިވެފއި ތިބި ބައެއް ދިވެހިން މޯލްޑިވިއަންގެ މަތިންދާބޯޓެއްގައި މިރޭ ރާއްޖެ ގެނެސްފި އެވެ.
މިރޭ 9:45 ގައި ރާއްޖެ އައި މަތިންދާބޯޓުގައި 100 ދިވެހިން ދަތުރުކުރި ކަމަށް މޯލްޑިވިއަންގެ ޕަބްލިކް ރިލޭޝަންސް މެނޭޖަރު މޫސާ ވަސީމް ވިދާޅުވި އެވެ. ކޮލަމްބޯގައި ތާށިވެފައި ތިބި ދިވެހިން ގެންނަން ކުރިން މިއަދު ދެ ފްލައިޓް އަޅަން ނިންމާފައި ވިޔަސް ބޭއްވީ އެއް ފްލައިޓެވެ. އެއީ 4،626ރ އަށް ޓިކެޓެއް ވިއްކައިގެން ބޭއްވި މަތިންދާބޯޓެކެވެ.
ކޮރޯނާވައިރަހާ ގުޅިގެން، ހެލްތު ޕްރޮޓެކްޝަން އޭޖެންސީ (އެޗްޕީއޭ) ތައްޔާރުކޮށްފައިވާ އެސްއޯޕީގައިވާ ގޮތުން ،ރާއްޖެ އަށް އަންނަ ޓޫރިސްޓުން ފިޔަވައި އެންމެން ވެސް 14 ދުވަހަށް ކަރަންޓީން ފެސިލިޓީއެއްގައި ތިބެން ޖެހޭނެ އެވެ. އެހެންވެ، ލަންކާ އިން މިރޭ އައި އެންމެން ވެސް ގެންދާނީ ކަރަންޓީން އަށެވެ.
ކަރަންޓީންގެ 14 ދުވަސް ހަމަވުމުން އެ މީހުން ދޫކޮށްލާނީ ކޮރޯނާވައިރަހަށް ޓެސްޓްކޮށް، ނަތީޖާ ނެގެޓިވް ނަމަ އެވެ. ކަރަންޓީންގެ 14 ދުވަސް ގުނާނީ ކަރަންޓީން ފެސިލިޓީ އަށް ގެންދާ ދުވަހުގެ ފަހު ދުވަހުން ފެށިގެންނެވެ.
ލަންކާގައި ތިބި ދިވެހިންގެ ތެރެއިން 100 މީހަކު ރާއްޖެ ގެނައިއިރު، މިއީ ކޮވިޑް-19 ފެތުރުމުގެ ސަބަބުން އެކި ގައުުތަކުގެ ވައިގެ ދަތުރުތައް ހުއްޓާލުމަށް ފަހު ރާއްޖެ އަށް ދިވެހިން ގެނައުމަށް ގައުމީ އެއާލައިން މޯލްޑިވިއަން އިން ކުރި ފުރަތަމަ ދަތުރެވެ. އިންޑިއާގެ ކޮޗިންގައި ތާށިވެފައި ތިބި ދިވެހިން ރާއްޖެ ގެނައުމަށް މޯލްޑިވިއަން މާދަމާ އެ ސިޓީ އަށް އުދުހޭނެ އެވެ. އެ މަތިންދާބޯޓުގެ އެއްކޮޅު ޓިކެޓެއްގެ އަގަކީ 4،086ރ. އެވެ.
ދިވެހި ސަރުކާރުން ބުނެފައި ވަނީ އިންޑިއާ އާއި ލަންކާގެ އިތުރުން އެހެން ގައުމުތަކުގައި ތާށިވެފައި ތިބި ދިވެހިން ގެންނަން ވެސް މަސައްކަތް ކުރަމުން އަންނަ ކަމަށެވެ.
ނެޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) ން ރޭ ބޭއްވި މީޑިއާ ބްރީފިންގައި، އެ ސެންޓަރުގެ ތަރުޖަމާނު މުހައްމަދު މަބްރޫކް އަޒީޒް ވިދާޅުވީ، އެކި ގައުމުތަކުގައި ހާލުގައި ޖެހިފައި ތިބި ހުރިހާ ދިވެހިން ވެސް ރާއްޖެއަށް ގެންނާނެ ކަމަށެވެ. އަދި އެއްވެސް މީހަކު ބިރުވެރިކަމުގައި ދިރިއުޅުމުގެ ފުރުސަތު ނުދޭނެ ކަމަށް ވެސް އޭނާ ވިދާޅުވި އެވެ.
"ބާކީ ހުރި ގައުމުތަކުުން ވެސް އަދި މި ގައުމުތަކުގައި[ލަންކާ އާއި އިންޑިއާގައި] އިތުރަށް ތިބި މީހުން ވެސް ހަމަ އަޅުގަނޑުމެންނަށް ޖާގަ ލިބޭ ވަރަކުން ގެނައުމުގެ މަސަައްކަތް ކުރަމުން ދާނަން،" މަބްރޫކް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ަލައިޔާމު
06 April 2020
އެންމެރަގަޅު ތީގެތެރެއިން މީހެއްގެދަރިއެއް ނުވަތަ އެހެންމީހެއްހުރިނަ މިހާލަތުގެ ކަންކުރާނީ ކިހިނެއްތޯ. އެކޮޅުގަބަހައްޓާނީތޮ ނުވަތަ މިކޮޅަގެނަން މިގޮތައާދޭސްކުރާނީތޯ..
ޔަހްޔާ
06 April 2020
ބައެއްމީހުންބުނަނީ ފަސޭހަވެގެން ގޮސްތިބެނީއޭ އައްޑުއައްސަވާ މިކިޔާދެނީ އަހުރެންދަންޖެހުނުގޮ 1. މާލޭގެކުއްޔަހިފާގެންހުރިތަން ކުލިބޮޑުވެގެން 2. މިކޮޅުން 3ކުދީންގެ ބޭސްފަރުވާ ނުވެގެން ތެރަޕީކަހަލުގެ އެކިކަންކަން.ބައެއްމީހުންބުނާނެ އަސަންދައޭ ލިބުނަސް އެޕޮއިންޓުމެންޓް ނުލިބޭ މިހެހެންކިޔާނެ ކަމެއްނެއް އިގޭނީމިކަހަލަންތަ ކުރިމަތިފަތިބޭމީހުންނަ އަނެއްބާމީހުންނަ ގަބޫލްކުރަންދަތިވާނެ .3ލިބޭއާމުންދަނީ ދެކޮޅުނުޖެއްސޭ 25000ރ ލިބޭއިރުވެސް.ބޭސްފަރުވާބޭރަދާނެޖެހޭ
ދޮން މަނިކު
06 April 2020
ކޮން މެ ޤައު މަކުން މީހުގެންނަން ޖެހުނަސް ފުރަތަ މަ ގެންނަން ވާނީ ބޭސް ފަރުވާއށް ގޮސްތިބި ދިވެހި ޕާސްޕޯޓު އޮތް ދިވެހި ރައްޔިތުން... ބޮޑުންގެ އާއިލީ މީހުނެއް ނޫން
ަފާތުމަ
06 April 2020
މި ގޭގަ އެބަތިބި ބޭސްފަރުވާ އަށް އައިސް ނުދެވިފަ ތިބި ބަޔަކު. ޢެކަމު ޖާގަ އެއްނުލިބުނު.
ައޮހެއި
06 April 2020
ބަލަކަލޭމެންނަ ނުފޭތަ ދުނިޔޭގައެހެގައުމު ތަކުންވެސް އެގައުމުގެމީހުން ޗާޓާފުލައިޓު ފޮނުވާއިގެންދިޔަތަން ..ހަމައެގޮތަ ރާއްޖެއްއިންވެސް ނުވާވީކީއްވެ...ކަލޭމެންތިކިޔަނީބަލިނުގެންނާށޭ ދެންކޮޮބައެއް އެމީހުންނާ އަޅާލާނި ތިކަހަލަ ވަހަކަދައްކައިރު ހެއްދެއްވިފަރާތް މަތިހަދާނުވަނީތޯ ކޮކަލޭމެންގެއީމާންތެރިކަމަކީ....
އިސް ސަރުދާރު
06 April 2020
މިހާރު އެ ގެންނަނީ ބަލި ދެން މި ކިޔަނީ ގޭތެރޭގައި އޮންނާށޭ..
އަހަނ
06 April 2020
އެބައޮތް ލިއެފަ ގެންނަ މީހުން ކަރަންޓީނުކުރާ ވާހަކަ. ބަލި ގެނަޔަސް އެބަ ޗެކްކުރޭ ބަލި ގެނޭތޯ. އެމީހުން ރާއްޖެ އަންނަ ހިސާބުން ދޫވާނަމަ އެއީ މައްސަލައަކީ.
މިބުނެލީ
06 April 2020
"އަޅުގަނޑުމިއީ އިންޑިއާގައި ހުރި މީހެއް. އަންނަން ވެގެން ދެކޮޅަށް ޓިކެޓް ނަގައިގެން އައިސް ނުދެވި މި ހުރީ، އެންމެ ފަހުން ދެކޮޅު ޓިކެޓް ނެގި އަގަށް ވުރެ އިތުރަށް 1300 ރުފިޔާ ދައްކައިގެން މި މާލެ ދެވެނީ. މިއީ ރަނގަޅު ގޮތެއް ނޫން. އަނެއްކާ ރާއްޖެ ގޮސް 14 ދުވަހުގެ ކަރަންޓީއަށް. އެހެންވީމަމިވަރުގެ އުނދަގޫ ހާލަތެއްގައި މިއަށްވުރެ ފަސޭހަ ގޮތްތަކެއް އޮންނަންވާނެ."އިންޑިއާއަށް ބޭހަށްގޮސް ހުރި މީހަކު ކިޔާދިނެވެ. މިކަހަލަ ވާހަކަމިހާރުގަނުޖަހާނެ.
ތިބުނެލީ
06 April 2020
އެއްވެސް ގޮތަކަށް ރާއްޖެ ނާދެވުންތަ ދެން އެންމެ ރަގަޅީ؟ މިކަހަލަ ހާލަތެއްގަ ހުރިހާ ކަމެއް އެންމެ ފުރިހަމަވާނެ ކަމަށް ހީނުކުރަމާ. ރާއްޖެ އާދެވޭތީ ޝުކުރުކޮށްލަމާ.
ނާނު
06 April 2020
ލާރިހުއްޓަސް ނާދެބިފަތިބީ ފްލައިޓުތައް ދަތުރުތައް ހުއްޓާލާފައިވާތީ ެހެންބީމަ އަމިއްލަ ޚަރަފުގަ ޓިކެޓްނެގިޔަސް ފްލައިޓެއް ހަމަޖައްސައިގެން ގެނައީ ކަމަށް ބުނެވޭނީ
ކުޑަ އަލި
06 April 2020
ހަމަ އެކަނި ސަރުކާރުގެ ބޮޑުން ގެ އާއިލާ މީހުން ކޮޅަށް ފުރުސަތު ލިބުނީ މުޅިން އޮޅުވާލާގެން ތިވާހަކަ ދައްކަނީ
ތަމީމް
06 April 2020
މޯލްޑިވިއަން އިން އެ ހޯދީ 462,600 ރުފިޔާ!
ހަކީމް
06 April 2020
ބޭފުޅާ އަށް އެނގޭތޯ މީގެ ފްލަޓެއް އަޅަންދާ ޙަރަދު. ކޮންމެ ކަމަކުންވެސް ފިތުނަ.
އެޖާބިރު
06 April 2020
ޔޫއެލް ޓިކެޓްތައް ބޭކާރު. އައިއޭއެސްގެ ނާގާބިލް އެމްޱީއާ، އަންގަހަޱިޱީއެމްޱީ އައް މުސާރަދޭން، ޔޫއެލްއައް މާލެއަންނަން ފުރުސަތު ނުދީ އައިއޭއެސް އިންއަގުބޮޱުޓިކެޓްވިއްކީ. ކިހާބޮޱުދެރައެއްމިއޮތް ދަތި ވަގުތު.އިބޫއައްސަލާމް.
އިސް ސަރުދާރު
06 April 2020
ތީގެ ތެރޭގައި ތޮބި ކުޅުންތެރިންނަކީ ސަރުކާރުގެ ޚަރަދުގަ 20 ދުވަސްވަންދެން 5 ސްޓަރ ހޮޓަލުގައި ބައިތިއްބައިވާ މީހުން .. އެމީހުން ހަމަ ނައީ ސްރީލަންކާއިން ދަތުރުތައް ތޮތް އިރުވެސް
ބޮޑުމީހާ
06 April 2020
އިސްލާމްދީން ބާރު އަޅަނީ ބަލިމަޑުކަމެއް ފެތުރިފަ އޮއްވާ އެއްރަށުން އަނެއް ރަށަށް ނުދިއުމަން.
ޢަލީ!
06 April 2020
އެމީހިން ނުގައިނަމަ ނުގެސްގެންވެސް ހަޅޭލަވާނެ. ގެނަޔަސްނޯވެ ސަލާމަތެއް!