ކޮވިޑް-19: ގިނަ މައްސަލަތަކެއް އެޗްއާރުސީއެމުން ބަލަނީ

މާލެ ޖަލު.

ޝުރުފާ މުހައްމަދު، މިހާރު

11 އެޕްރީލް 2020 - 16:37

ކޮވިޑް-19 ފެތުރުން ކޮންޓްރޯލް ކުރުމަށް ސަރުކާރުގެ އެކި ދާއިރާތަކުން އަޅާފައިވާ ފިޔަވަޅުތަކާ ހެދި ބައެއް މީސްމީހުންގެ ހައްގުތައް ގެއްލޭތީ ގިނަ ޝަކުވާތަކެއް ލިބުމުން އެ ކަންކަން ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރުސީއެމް) އިން ބަލަން ފަށައިފި އެވެ.

އެ ކޮމިޝަނުން ބުނީ، ކޮވިޑް-19އާ ގުޅިގެން ގެންނަމުންދާ ބަދަލުތަކުގެ ސަބަބުން އާންމުންގެ ބައެއް ހައްގުތައް ގެއްލި، އެ ކަމުގެ ގިނަ ޝަކުވާތަކެއް ލިބިފައިވާ ކަމަށެވެ. އޭގެ ތެރޭގައި ވަޒީފާއާ ބެހޭ ޝަކުވާތަކާއި ޖަލުތަކުގެ އެކި މައްސަލަތައް ވެސް ހިމެނެ އެވެ.

އެޗްއާރުސީއެމުން ބުނީ ރިސޯޓްތަކުގެ މުވައްޒަފުން ވަކި މުއްދަތެއް ނެތް ގޮތަށް މުސާރަ ނުދީ ގޭގައި މަޑުކުރުމަށް އަންގާ މައްސަލަތަކާއި ވަޒީފާގެ ގާނޫނާ ހިލާފަށް ޗުއްޓީ ނެގުމަށް މަޖުބޫރު ކުރުވާ މައްސަލަތައް އެ ކޮމިޝަނަށް އެކި މީސްމީހުން ހުށަހަޅާފައިވާ ކަމަށެވެ. އަދި އަމިއްލަ ބައެއް ބޮޑެތި ކުންފުނިތަކުން މުވައްޒަފުން ވަކިކުރަމުންދާ ކަމަށާއި މުސާރަ ނުލިބޭ ގޮތަށް ގޭގައި މަޑުކުރުމަށް އަންގާ ކަމުގެ މައުލޫމާތު ވެސް ކޮމިޝަނަށް ލިބިފައިވާ ކަމަށް ބުންޏެވެ.

އެހެންވެ، އެ ކުންފުނިތަކުން މައުލޫމާތު ހޯދައި، އެކަން ލޭބާ ރިލޭޝަން އޮތޯރިޓީ އާއި ޓޫރިޒަމް މިނިސްޓްރީ އާއި އިކޮނޮމިކް މިނިސްޓްރީގެ ސަމާލުކަމަށް ގެނެސް އެ މައްސަލަތަށް ބެލުމަށް އެދިފައި ވާނެ ކަމަށް އެޗްއާރުސީއެމުން ބުނެ އެވެ.

ކޮވިޑް-19އާ ގުޅިގެން، ކަރެކްޝަނަލް ސާވިސް އިން ގެނައި ބައެއް ބަދަލުތަކުގެ ސަބަބުން، މާފުށީ ޖަލުގައި ތިބި ބައެއް ގައިދީން ނުރުހުން ފާޅުކުރަމުންދާ ކަމަށް ވެސް އެޗްއާރުސީއެމުން ބުންޏެވެ. މިކަމުގެ ސަބަބުން ކަރެކްޝަނަލް ސާވިސްގެ އޮފިސަރުންނާއި ބަންދު މީހުންނާ ދެމެދު ހިނގި ހަމަނުޖެހުމެއްގައި ބަންދު މީހުންނަށް އަނިޔާ ލިބިފައިވާ ކަމުގެ ޝަކުވާ ލިބިފައިވާ ކަމަށް އެޗްއާރުސީއެމުން ބުންޏެވެ.

މި ޝަކުވާތައް ލިބުމާ ގުޅިގެން އެޗްއާރުސީއެމުން އަންނަނީ މާފުށީ ޖަލާއި މާލެ ޖަލަށް ޒިޔާރަތްކޮށް އެ މައްސަލަތައް ވެސް ބަލަމުންނެވެ.

އެޗްއާރުސީއެމުން ބުނިގޮތުގައި، ދައުލަތުގެ ބެލުމުގެ ދަށުގައި ބަންދުކޮށްފައިވާ މީހުންނަކީ މި ހާލަތުގައި އިތުރު ނުރައްކަލަށް ހުށަހެޅޭނެ މީހުން ކަމަށެވެ. އެހެންވެ ރާއްޖޭގައި އެ ގޮތަށް މީހުން ބައިތިއްބާފައިވާ ތަންތަނުގައި މި ހާލަތަށް ހާއްސަ އުސޫލުތައް ހަމަޖައްސާފައިވޭތޯ ބަލާފައިވާ ކަމަށް އެ ކޮމިޝަނުން ބުންޏެވެ.

ކަރެކްޝަނަލް ސާވިސް އެޗްއާރުސީއެމް ޖަލުތައް ހިއުމަން ރައިޓްސް ހިއުމަން ރައިޓްސް ކޮމިޝަން

4 ކޮމެންޓް, 20 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހުމަދުބޭ

12 April 2020

މިއީ މިދުނިޔޭގެ ސަރުކާރުތަކަށް ދިމާވެފައިވާ އެންމެ ވިޔާނުދާ މުއައްސަސާއެވެ، އެޗްއާރުސީއެމް ގެ ހަމައެކަނި މެންޑޭޓަކީ ކުއްވެރިން ހިމާޔަތް ކުރުމެވެ، އެމީހުން ތިބެނީ ކައިގެންތޯއާއި ނުކައިތޯ ފެންވަރާތޯ އާއި ރަގަނޅަށް ނިދާތޯއެވެ، މި މުއައްސަސާގެ ސަބަބުން ކުއްވެރިން ގިނަވެ ކުށަށް އިންސާނުން އަރާގަންނަލެއް ދަނީ ގިނަވަމުންނެވެ، ކުށަކަށް އަރާގަންނަން ޖެހިލުމެއް ނުވެއެވެ، މިމުއައްސަސާ ޑިއެކްޓްޓިވޭޓް ކޮއްފައިވާ ގައުމުތަކުގައި ކުއްކުރުމުގެ ފަސެންޓް މަދެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެހެންތަ

11 April 2020

ކުށްވެރިންގެ ދިފާއުގައި އެޗުއާރުސީއެމް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާނުވާކޮމިޝަން

11 April 2020

ވިޔަފާރިވެރިންގެ ހިއުމަން ރައިޓްސް ވެސް ގެއްލިއްޖެ. އެމީހުންގެ ކުށަކާނުލައި ކުއްލިއަކަށް އެމީހުން ކުރަމުން އައި ވިޔަފާރި ހުއްޓުމަކަށް އަޢީ ސަރުކާރުން ނެގި ޑިސިޝަންތަކުގެ ސަބަބުން. މިކުންފުނިތަކުގެ އާއްމުދަނީ އިޔާދަ ނުކުރެވި އެމީހުން ޒިންމާވާ ބައިވަރު މުއައްޒިފުންގެ މުސާރަ ހަމަޖައްސައި ދެވޭކަށް ނެތް. ފުރަތަމަ އާއްމުދަނީ ހޯދުމުގެ ހައްގުން މަހުރޫމުވެފައިވާ މީހުންގެ ހައްގު ހިމާޔަތް ކޮށް ދެއްވާ. އޭރުން މުއައްޒިފުންގެ މުސާރަ ކަންތަށް އޮޓޯ އިން ހަމަޖެހޭނެ.