ކޮރޮނާވައިރަހުގައި ލަންކާ އިން މިހާތަނަށް މަރުވި ހަތް މީހުންގެ ހަށިގަނޑު ވެސް ވަނީ އަންދާފައި. --ފޮޓޯ:އަލްޖަޒީރާ
13 އެޕްރީލް 2020 - 11:34
7 comments
ކޮލަމްބޯ (އެޕްރީލް 13) - ކޮރޯނާވައިރަހަށް ޕޮޒިޓިވްވެ މަރުވާ މީހުން އެންދުން ސްރީ ލަންކާ ސަރުކާރުން މަޖްބޫރުކޮށްފި އެވެ.
ލަންކާ ސަރުކާރުން މި ގޮތަށް މަޖްބޫރުކުރި އިރު ކޮރޯނާވައިރަހުގައި މަރުވާ މުސްލިމުން އަންދާތީ ވަނީ ކަންބޮޑުވުން ފާޅުކޮށްފަ އެވެ. މުސްލިމުން ބުނަމުން ދަނީ މަރުވާ މުސްލިމުން އެންދުމަކީ އިސްލާމީ އުސޫލާ ޚިލާފު ކަމެއް ކަމަށެވެ.
ކޮރޯނާވައިރަހުގައި ލަންކާ އިން މިހާތަނަށް މަރުވި ހަތް މީހުންގެ ތެރޭގައި ހިމެނޭ ތިން މުސްލިމުންގެ ހަށިގަނޑު ވެސް ވަނީ، އާއިލާ އިން ނުރުހުން ފާޅުކުރަމުން ދަނިކޮށް، އަންދައިފަ އެވެ.
"ކޮރޯނާވައިރަހުގައި މަރުވާ އެންމެންގެ ހަށިގަނޑު ޖެހޭނީ އަންދަން،" ހެލްތު މިނިސްޓަރު ޕަވިތުރާ ވަންނިއަރައްޗީ އިއްޔެ ވިދާޅުވި އެވެ.
ލަންކާ ސަރުކާރުގެ މި ނިންމުމަށް އިންސާނީ ހައްގުތަކަށް މަސައްކަތް ކުރާ ޖަމާއަތްތަކުން ވެސް ވަނީ ނުރުހުން ފާޅުކޮށްފަ އެވެ.
"ހިތާމަވެރި މި ދަނޑިވަޅުގައި ކަމާބެހޭ ފަރާތްތަކުން މަސައްކަތް ކުރަން ޖެހޭނީ ބައިބައިވުން އުފެދޭ ކަންކަން ކުރުމުގެ ބަދަލުގައި އެންމެން އެކަތިގަނޑަކަށް ހެދުމަށް،" އެމްނެސްޓީގެ ސައުތު އޭޝިއާ ޑިރެކްޓަރު ބިރާޖް ޕަޓްނިކް މި މަހު ކުރީކޮޅު ވިދާޅުވި އެވެ.
މުސްލިމުން އަންދާ މައްސަލައިގައި ލަންކާގެ މުސްލިމް ކައުންސިލުން ވެސް ވަނީ ނުރުހުން ފާޅުކޮށްފަ އެވެ.
ޑަބްލިއުއެޗްއޯގެ ގައިޑްލައިނުގައި ބުނެފައި ވަނީ ކޮވިޑް-19 ގައި މަރުވާ މީހުން އެންދުން ނުވަތަ ވަޅުލުމަށް ކަމަށެވެ.
ލަންކާގެ 21 މިލިއަން މީހުންގެ އާބާދީގައި މުސްލިމުންގެ ނިސްބަތަކީ 10 ޕަސެންޓެވެ. ލަންކާ އިން ކޮރޯނާވައިރަހަށް 210 މީހުން ވަނީ ޕޮޒިޓިވްވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަކުނިބޯ
14 April 2020
ހަބަރުދާރު ދިވެއްސެއް އަންދައިގެން ނުވާނެ
ފޫހި
13 April 2020
ޢިރާދަކުރަެއްވިއްޔާ ދެން އެންމެ މުސްލިމެއްވެސް ތިޔަބަލީގައި މަރުނުވުން އެދި ﷲ އަށް ދުއާދަންނަވަން.
ޖުނައިދު
14 April 2020
ޔާ ﷲ، މި ބަލީގައި މުސްލިމުންގެ ފުރާނަ ނުގެންދަވައިފާނދޭވެ.
ައާމީން
14 April 2020
އާމީން،
ނަން
13 April 2020
ބައެއް ގައުމުތަކުން މިދަނޑިވަޅުގަވެސް މިކުޅެނީ ޕޮލިޓިކްސް. ވަކިން ހާއްސަކޮށް މިހާރު ދުނިޔޭގަ ގިނަވެފަމިވާ ރައިޓް ވިންގް ހަރުކަށި ފިކުރުގެ ސަރުކާރުތަކުން. އިންޑިޔާގަވެސް މި މުޅި އެތި މުސްލިމުންގެ ބޮލުގަ އަޅުވައިގެން މީޑިއާތަކުން ދަނީ ހުއްޓާނުލާ ނަފްރަތު އުފައްދަމުން. ލަންކާގަވެސް މި ބަލިން އެއްމެ މީހަކު މަރުވާއިރަށް މީހުން ވަޅުލާނެތަނެއްނެތޭ ކަށްވަޅުގަ ތިބޭ މީހުންގެ ސަބަބުންވެސް ބަލިފަތުރޭނެއޭ އަނެކައްޗެކޭ ކިޔާފަ މިފެށީ މުސްލިމުންނާ ދިމާކުރަން.
ރަދީފްއޮފިޝިއަލް
13 April 2020
ލަންކާގެ ބުޑިސްޓުން މިއަދު ކޮރޯނާ ނިވާފަތްގަނޑަކަށް ހަދައިގެން ޑަބްލިއުއެޗްއޯގެ ގައިޑްލައިނުން ބޭރުވެ ތިބެ މުސްލިމުންނާއި ދޭތެރޭ އަމަލުކުރާގޮތް ހަރުކަށި އިބާރާތުން ކުށްވެރިކުރަން.އަބަދުވެސް މުސްލިމުންނާއި މެދު އިހާނެތިކޮށް އަމަލުކުރަމުންދާ ބައިގިނަ ބުޑިސްޓް ހާމުދުރު ސަރުކާރުން މިއަދު މިވަނީ އެމީހުންނަށް އެންމެ ފަހުގެ އިހްތިރާމް އަދާކުރުންވެސް ޖަރީމާއަކަށް ބަދަލުކޮށްފަ.ދެރަކަމެއް.ހުރިހާ މުސްލިމުންނަށް ސުވަރުގޭގެ ނިއުމަތް މިންވަރުކުރައްވާށި.އާމީން
ބާދަގަނޑަށް
13 April 2020
ލަންކާގަ މިހާރު އޮތީ މުސްލިމުންގެ ތާއިދު އޮވެގެން އައިސަރުކާރެއްނޫން .ހާމުދުރުންގެ ތާއީދާއެކުއައިސަރުކާރެއް .މިހާރު މުސްލިމުންނަށް އެހަދާލަނީ ބޭނުން ގޮތެއް .އެހެންވެ މިފަދަބައިގަޑެއްގެ ހަލާކަށް އެދެވެނީ .