ކޮވިޑް-19 އަކީ ދުނިޔެ އަށް މިހާރު އޮތް އެންމެ ބޮޑު ބިރު.
18 އެޕްރީލް 2020 - 09:40
1 comments
ކޮރޯނާވައިރަސް ފެތުރެން ފެށުމާ އެކު އެކަމާ ބެހޭ ގޮތުން ކޮންމެ ދުވަހަކު، ޖީމެއިލް މެދުވެރިކޮށް ސައްހަ ނޫން މައުލޫމާތު ހިމެނޭ 18 މިލިއަން އީމެއިލް ދައުރުކުރާތީ އެފަދަ އީމެއިލުތައް ބްލޮކްކުރަމުން އަންނަ ކަމަށް ގޫގުލް އިން ބުނެފި އެވެ.
އެ ކުންފުނިން ބުނީ ސްކޭމަރުން އިސްކޮށް ތިބެގެން މިކަން ކުރަނީ މީސްމީހުންގެ ޒާތީ މައުލޫމާތު ހޯދުމުގެ ބޭނުމުގައި ކަމަށްވާތީ އެފަދަ ކޮވިޑް-19އާ ގުޅުވައިގެން ލިބޭ އީމެއިލްތަކަށް ފަރުވާތެރިވުމަށް ވެސް ގޫގުލް އިލްތިމާސްކޮށްފައިވެ އެވެ. އަދި އެފަދަ މެއިލްތައް ފޮނުވަނީ ދުނިޔޭގެ ސިއްހަތު ޖަމިއްޔާ ޑަބްލިއުއެޗްއޯ އާއި އެމެރިކާގެ ސެންޓަ ފޮ ޑިޒީޒް ކޮންޓޯލް (ސީޑީސީ) ފަދަ ގިނަ ބަޔަކު އިތުބާރުކުރާ ތަންތަނުގެ ނަމުގަ އެވެ.
ގޫގުލް އިން ބުނީ ކޮވިޑް-19 ފެތެރުން ފެށި ފަހުން މިހާތަނަށް އެ ބައްޔާ ބެހޭ ގޮތުން ދައުރުކުރި 100 މިލިއަނަށް ވުރެ ގިނަ އީމެއިލް ކޮންމެ ދުވަހަކު ކަހަލަ ގޮތަކަށް ބްލޮކްކުރަން ޖެހެ އެވެ.
"އަހަރެމެންނަށް ފާހަގަކުރުނު ކަމަކީ ކޮވިޑަކީ މިހާރު އެންމެ ހޫނު މައުލޫ އަށް ވުމާ އެކު މި ދަނޑިވަޅުގެ ނާޖާއީޒު ފައިދާ ނަގައިގެން އެތައް ބައެއްގެ ޒާތީ މައުލޫމާތު ހޯދަން ސްކޭމަރުން ހުއްޓުމެއް ނެތި މަސައްކަތްކުރަމުންދާކަން." ގޫގުލް އިން ބުންޏެވެ.
ގޫގުލް ޖީމެއިލަކީ 1.5 ބިލިއަން މީހުން ބޭނުންކުރާ ވަސީލަތެކެވެ.
ކޮވިޑް-19އާ ގުޅިވައިގެން ދޮގު މައުލޫމާތު ފަތުރާތީ މީގެ ކުރިން ވެސް ބައެއް އެހެން ޕްލެޓްފޯމްތަކުން ވެސް ވަނީ ރައްކާތެރިކަމުގެ ހާއްސަ ފިޔަވަޅުތަކެއް އަޅައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސުޕް
18 April 2020
އަދި ތި މެއިލް ވީޑީއޯ ތަކުގަ ހުންނަ އެއްޗެހި ބަލާ އެހުމުން މީހަކު ހޭބަލިވެދާނެ. މަށަށްވެސް ލިބޭ މަދު އެތި ކޮޅު ކިޔާ ބަލާފަ މަހުންނަނީ ބަސް ހުއްޓިފަ. ހައިރާންވާ އަނެއްކަމަކީ މި ލިބުމުން ޝެއާރކުރާތީ. މިކަމުގައި މުސްލިމުންވެސް މަދެއްނޫން.