ލޯކަލް މާރުކޭޓުގެ ގޮޅިއަކުން މީހަކުއެއްޗެހި ގަންނަނީ---ފޮޓޯ: ނިޝާން އަލީ/ މިހާރު
18 އެޕްރީލް 2020 - 21:13
20 comments
މިދިޔަ ބުދަ ދުވަހުން ފެށިގެން މާލެ ލޮކްޑައުން ކޮށްފައިވާތީ، ލޯކަލް މާރުކޭޓުގައި ހުރި ތަކެތި ހަލާކުވާން ފެށުމުން އެ މާރުކޭޓު ހުސްކުރަން ފަށައިފި އެވެ.
މޭޔަރު ޝިފާ މުހައްމަދު މިއަދު ވިދާޅުވީ، މާލެ ލޮކްޑައުން ކުރުމުން، ލޯކަލް މާރުކޭޓާއި ދަތުރުވެރިންގެ މާރުކޭޓުގެ ގޮޅިތަކުގައި ހުރި ތަކެތި ނަގަން އެންގީ އެ ތަކެތި ހަލާކުވެދާނެތީ ކަމަށެވެ. އެގޮތުން އިއްޔެ އިން ފެށިގެން މާރުކޭޓު ގޮޅިތަކުން އަންނަނީ ތަކެތީ ހުސް ކުރަމުންނެވެ.
"މިހާރު ގާތްގަނޑަކަށް ދެބައިކުޅަ އެއްބައި ގޮޅިން ތަކެތި ވަނީ ހުސް ކުރެވިފައި،" އޭނާ ވިދާޅުވި އެެވެ.
ލޯކަލް މާރުކޭޓާއި ދަތުރުވެރިންގެ މާރުކޭޓުގައި އާންމު ގޮތެއްގައި ވިއްކަނީ، މޭވާ އާއި ތަރުކާރީ އެވެ. މިއީ ވަރަށް އަވަހަށް ހަލާކުވާ ބާވަތްތަކެވެ.
ޝިފާ ވިދާޅުވީ، ތަކެތި ވިއްކަން އުޅެނީ ވިޔަފަރިވެރިންނާ ގުޅުން އޮންނަ މީހުން ކަމުން، ބައެއް ކުދި ފިހާރަތަކަށް ވެސް ގޮޅީގައި ހުރި ތަކެތި ބަދަލު ކުރަމުން އަންނަ ކަމަށެވެ.
އަންނަ މަހުގެ 1 އާ ހަމައަށް މާލެ ލޮކްޑައުންގެ ހާލަތުގައި އޮއްވައި، ގޮޅިތައް ހުޅުވޭނެ ގޮތެއް ނެތުމުން، މިހާރު ހުރި ތަކެތި ހަލާކުވިޔަ ނުދީ ވިއްކޭނެ ގޮތްތައް ފަހި ކުރުމަށްޓަކައި އެ ތަކެތި ލޯކަލް މާރުކޭޓުގެ ގޮޅިތަކުން ނެރުމަށް ސިޓީ ކައުންސިލުން ވަނީ ވިޔަފާރިވެރިންނަށް ފުރުސަތު ދީފަ އެވެ.
މާރުކޭޓު ބަންދު ކުރި ނަމަވެސް ރާއްޖޭގެ ދަނޑުވެރިން ވިއްކާ ތަކެތި އެސްޓީއޯ މެދުވެރިކޮށް ވިއްކޭނެ އިންތިޒާމުތައް ވަނީ ހަމަޖެހިފަ އެވެ. މިހާރު ރާއްޖެ އަށް ކުރިމަތިވެފައިވާ ހާލަތާ ގުޅިގެން ރަށްރަށުގައި ދަނޑުވެރިކަން ކުރުން ވަނީ އިތުރުކޮށްފަ އެވެ.
ލޯކަލް މާރުކޭޓުގައި ހުރި ތަކެތި ހުސްކުރަން ފުރުސަތު ދިން އިރު، އަންނަ ހުކުރު ދުވަހު ފަށާ ރޯދަ މަހަށް މާރުކޭޓު ގޮޅިތަކުގެ ގިނަ ވިޔަފާރިތަކުން ދިޔައީ ތައްޔާރު ވަމުންނެވެ. އާންމު މަސްމަހަށް ވުރެ ތިން ހަތަރު ގުނައަށް ވިޔަފާރި އިތުރުވާ ރޯދަ މަހު، މި ފަހަރު މާލެ ލޮކްޑައުން ކޮށްފައި އޮތުމުން ގޮޅިތައް ހިންގާ ވިޔަފާރިވެރިންނަށް ބޮޑު ގެއްލުމެއް ލިބޭނެ ކަަމަށް ބެލެވެ އެވެ.
މާލެ ލޮކްޑައުން ކުރީ ކޮވިޑް-19 އަށް ޕޮޒިޓިވްވި މީހަކު މާލެއިން ފެނުމުންނެވެ. މިދިޔަ ބުދަ ދުވަހުން ފެށިގެން މިހާތަނަށް މާލެއިން 14 މީހަކު މިބައްޔަށް ޕޮޒިޓިވްވެފައިވާ އިރު ރާއްޖެއިން މިބަލި ޖެހިފައިވާ މީހުންގެ އަދަދު ވަނީ 34 އަށް އަރައިފަ އެވެ. މާލެ އިން ޕޮޒިޓިވްވި ވި 14 މީހުންގެ ތެރެއިން އެކަކީ ރާއްޖޭގައި މަސައްކަތް ކުރާ ބަންގްލަދޭޝްގެ މީހެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮވިޑް 19
19 April 2020
އަސްލުގާ ތި ކުރި ކަމަކީ ގޮޅި ތަށް އަތުލީ އެވެ. ރައްޔިތުން ދެން އަތް ޖަހާށެވެ.
ހަމަ ބުއްދި
19 April 2020
ކަންމަތީ ފިހާރަތަކަށް އެމުދާ ކޮޅު ކަމަނާ ވިއްކާ ދެއްވި ނަމަ..@
ކެރެފާ ޝިފާ
19 April 2020
އަސްލުގާ މި ގެއްލުން ގޮސް ނިމެނީ ދަނޑުވެރިން ނަށެވެ. ތި މާކެޓް ގައި ލޯކަލް ދަނޑުވެރިން އަގު ނުލިބޭ އެތަށް ބައިވަރު މުދަލެއް ވެއްޖެއެވެ. ދެން އެމުދާ ތަކުގެ އަގުގެ ޕަސަންޓެއް ވެސް ނުލިބޭނެ އެވެ. މޮޅު ކަމެއް ކުރުމުގެ ގޮތުން ތި ބަގުރޫޓް ކޮށްލީ ކިތައް އާއިލާ ތޯއެވެ.
ބީތާވެއްޖެ
19 April 2020
ތިހެން ހަދަން ހެޔޮ ނުވާނެއެވެ. އެމީހުންގެ އެތި ކޮޅަށް ކައުންސިލް އިން އަގެއް ދީފައި ނަގާފައި ހިލޭ ސާބަހަށް މަސައްކަތް ކުރާ މީހުނަށް ނުވަތަ ސަލާމަތީ ފަރާތް ތަކަށް ބަހާލި ބަމަ ކިހާ ރަގަޅު ވީސް ދޯއެވެ؟
ބޮލުން ކުޅޭ
19 April 2020
ދެން ތި ގޮޅި ތަކުގައި ތިބި މީހުނަށް ތި ގޮޅިތަށް އަބުރާ ލިބިއްޖެ ނަމަ ރަގަޅެވެ.
ޝޮކްތެރަޕީ
18 April 2020
ހުރިހާ ގޮތަކުންވެސް ސަރުކާރު ކަޑަ.
އެންދެރި
18 April 2020
ލޯކަލް.މާރުކޭޓް ތަކެތި ވިއްކަން 90 ޕަސެންޓް ހުންނަނީ ބަންގްލަދޭޝް މީހުންނެވެ. ދިވެހީންނަށް ލިބެނީ ހަނި ފުރުސަތެކެވެ. އެއީ ގަވާއިދާ ހިލާފައް ކައުންޓަރުގަ ހުންނަ މީހުންނެވެ.
ނަގުލުން ދާށި
18 April 2020
ޝިފާއަކީ ހިތަށް އެރި އެއްޗެއް ކިޔާ ކުޑަ ކުއްޖެއް ތޯއެވެ؟ ބަލަ ކަންމަތީ ފިހާރަ ތަކުގައި ހުރި މުދާ ނުވިކިގެން އެފިހާރަ ތަކުގެ އޯނަރުން ގޮތް ހުސްވެގެން އުޅޭ އިރު ގޮޅިތަކުން ނެރޭ މުދާ ކޮޅު އެފިހާރަ ތަކަށް ގަންނާނެ ތޯއެވެ؟ ތިއީ ހަމަ އަންނި ދައްކާ ޒާތުގެ ވާހަކައެވެ.
އެސްކޮބާރ
18 April 2020
މާލޭ ސިޓީ ކައުންސިލްގެ މޭޔަރު ޝިފާއަކީ ކައުންސިލްގެ މުއްދަތު ޖޫންމަހު ހަމަވުމުން ދެން ގޮނޑީގައި ބައިންދަން ހެޔޮވާވަރު މީހެއްނޫން. މިކަން މަޖިލިސް މެންބަރުން ވިސްނަވާފައި ރަގަޅު ހައްލެއް ގެންނެވުން މުހިއްމު. މިހިގަމުންދާ ކާރިސާއިން ވެސް ފެނިގެންދަނީ ޝިފާގެ ދޯދިޔާކަމާއި ހިންގުންތެރިކަމެއްނެތް މިންވަރު.
އާދަމް ބާއީ
19 April 2020
ވަރަށް ތާއީދު.
ސުލޭމާން
19 April 2020
ޝިފާ ވަނީ މޭޔަރުކަމުގެ ޕްރައިމަރީގައި ފެއިލް ވެފަ. މިފަހަރު އެމްޑީޕީ އިން މޭޔަރުކަމަށް ވާދަކުރަނީ ސެކްރެޓަރީ ޖެނެރަލް އަނަސް އަބުދުއްސައްތާރު. ޢޭނައަކީ މިހާރުވެސް ބޮޑުތަނުން ފެއިލް ވެފަ ހުރި މީހެއް. ޢޭނަ މޭޔަރ ކަމަށް ހޮވިއްޖެނަމަ މިހާރު ޝިފާ އެކުރާ މަސައްކަތުގެ ބައިކުޅަ ބައިވެސް ނުކުރެވޭނެ. ޢަހަރެން އެމްޑީޕީ މީހަކަސް އަނަސް އަކަށް އަދި މުއީޒަކަށްވެސް ވޯޓު ނުދޭނަން. ވޯޓު ބާތިލް ވާނ ީ.
ހަވަރު
18 April 2020
ލޮކްޑައުން ކުރި ދުވަހުގެ ކުރީ ދުވަހު އަޅުގަޑު ގަތް 300 ކިލޯ ކަރާ 60 ކިލޯ މެލަމް 100 ކިލޯ ދޮން ކެޔޮ 40 ކިލޯ ބަށި އިއްޔެ ގޮޅިން ނެރެފީމެވެ. މިތަކެތީ އުކާލުން ނޫން އެހެން ގޮތެއް ނެތެވެ.ވަރަށް ދެރައެވެ.
ރަވަބޮލިލލލލ
19 April 2020
މީހަކަށް ދިނަސް ފާފަވެރިއެއް ނުވާނެ
މަޒް
19 April 2020
ގަންނާނެ ބަޔަކު ނެތި އުކާލަން ޖެހުނަސް މީހަކަށް ނުދޭނަމޭ ދޯ ތި ބުނީ.. ބަލަ ރައްޔިތުންނަށް ތި ތަކެތި ބަހާލާ ސަވާބެއް ހޯދިއްޔާވަނީ ކިހިނެއް؟ ބަލަ ހިލޭ ލިބެންޏާ ކާނެ ބައިވަރު މީހުން އެބަ އޮތް.. ކުރިއަށް މިއޮތީ ރޯދަމަސް.. ހެޔޮކަމެއް ކުރީއާ ކީއްވާނީ... ހާދަ ވިސްނުން ސަކަރާތޭ
ވާ ނުވާ
19 April 2020
ތަން ހުސްކޮށް މުދާ ކޮޅު އުކާލަން ޖެއްސި ފަރާތުން ކޮންމެވެސް އަގެއްގައި އެ މުދާ ކޮޅު ގަނެފައި ފަޤީރުނަށް ބަހާލުން މާރަގަޅު ނޫން ތޯއެވެ؟ ލޮކް ޑައުން ނާއި ގުޅިގެން ދިރިއުޅުމަށް ކުރާ މަސައްކަތް އެއްކޮށް ހުއްޓާލަން ޖެހުނު ބަޔަކީ ހަމައެކަނި ދަނޑުވެރި ހާއިލާ ތަކުން މުދާ ގަނެ ވިއްކާ މާރިކޭޓް މީހުން ނެވެ.