ކޮމަންވެލްތުން ރާއްޖެ ވަކިވާން ނިންމިކަން ފޮރިން މިނިސްޓަރު އާސިމް (ވ) އަދި ބަންޑާރަ ނައިބު އަނިލް މިއަދު އިއުލާން ކުރައްވަނީ.---ފޮޓޯ: ނިޝާން އަލީ/މިހާރު
13 އޮކްޓޯބަރ 2016 - 15:21
216 comments
ކޮމަންވެލްތުން ވަކިވުމަށް ސަރުކާރުން މިއަދު ނިންމައިފި އެވެ.
ކޮމަންވެލްތުން ވަކިވުމަށް ކެބިނެޓުން މިއަދު ވަނީ ރައީސް އަބްދުﷲ ޔާމީނަށް ލަފާއަރުވައި އަދި އެގޮތަށް އެކަން ނިންމައިފަ އެވެ.
ކޮމަންވެލްތުން ރާއްޖެ ވަކިވާން ކެބިނެޓުން ނިންމިިއިރު، ކޮމަންވެލްތު މިނިސްޓީރިއަލް އެކްޝަން ގުރޫޕް (ސީމެގް) ގެ ރަސްމީ އެޖެންޑާގައި މިދިޔަ މަހުގެ 23 ގައި ރާއްޖެ ހިމަނައި، ދެން އިސްލާހު ނުވެއްޖެ ނަމަ ކޮމަންވެލްތުން ރާއްޖެ ސަސްޕެންޑް ކުރުމަށް ވިސްނާނެ ކަމުގެ އިންޒާރު ވަނީ ދީފަ އެވެ. ސީމެގުން ރާއްޖެއަށް ހުށަހެޅި ކަންކަން އިސްލާހު ނުކޮށްފި ނަމަ، ކޮމަންވެލްތުން ރާއްޖެ ވަކިކުރުމާ މެދު ވިސްނަން ނިންމާފައި ވަނީ މާޗް 2017 ގައި ބާއްވާ ސީމެގްގެ ބައްދަލުވުމުގަ އެވެ.
ރާއްޖެ ކޮމަންވެލްތުގެ މެމްބަރަކަށް ވީ 1982ގަ އެވެ.
މިހާރު ކުރިއަށްދާ ނޫސްވެރިންގެ ބައްދަލުވުމެއްގައި ފޮރިން މިނިސްޓަރު މުހައްމަދު އާސިމް ވިދާޅުވީ ކޮމަންވެލްތުން ވަކިވާން ނިންމުމަކީ ވަރަށް އުނދަގޫ ނިންމުމެއް ކަމަށެވެ. އަދި މިހާތަނަށް ވެސް ރާއްޖެއިން އައީ ކޮމަންވެލްތަށް އެއްބާރުލުން ދެމުން ކަމަށް މިނިސްޓަރު ވިދާޅުވި އެވެ. ނަމަވެސް ޑިމޮކްރަސީ ހަރުދަނާ ކުރުމަށް ރާއްޖެއިން ކުރާ މަސައްކަތް ކޮމަންވެލްތުން ބަލައިގެންފައި ނުވާ ކަމަށް އާސިމް ވިދާޅުވި އެވެ.
"ކޮމަންވެލްތުން އަންނަނީ ރާއްޖޭގެ ދާޚިލީ ކަންކަމަށް ނުފޫޒު ފޯރުވަން މަސައްކަތް ކުރަމުން" ކަމަށް މިިނިސްޓަރު ވިދާޅުވި އެވެ.
ކޮމަންވެލްތުން ރާއްޖެ ވަކިވި ކަމުގައި ވިޔަސް، ރާއްޖޭގެ މިނިވަންކަމަށް އިހްތިރާމްކޮށް އެކަން ގަބޫލުކުރާ ޖަމިއްޔާތަކާ ގުޅިގެން ރާއްޖެ މަސައްކަތް ކުރާނެ ކަމަށް މިނިސްޓަރު ވިދާޅުވި އެވެ. އަދި ވިދާޅުވީ ރާއްޖެއާ މެދު ކޮމަންވެލްތުން ފިޔަވަޅު އަޅަމުން ދަނީ އިންސާފުން ނޫން ކަމަށެވެ.
އެޓާނީ ޖެނެރަލް މުހައްމަދު އަނިލް މި ނޫސް ކޮންފަރެންސްގައި ވިދާޅުވީ ކޮމަންވެލްތުގެ ޗާޓަރުގައި ވެސް އޮންނަނީ ކޮންމެ ގައުމެއްގެ ދާޚިލީ ކަންކަމާ ނުބެހި ސިޔާދަތަށް ބުރޫ ނާރާ ގޮތަށް މަސައްކަތް ކުރުން ކަމަށެވެ.
ބަންޑާރަ ނައިބު ވިދާޅުވީ ރާއްޖޭގެ ކޯޓުތަކުގެ ނިންމުންތަކަށް ނުފޫޒު ފޯރުވަން ވެސް ކޮމަންވެލްތުން މަސައްކަތް ކޮށްފައިވާ ކަމަށެވެ. އަދި ކޮމަންވެލްތުން ސިޔާސީ ކުށްވެރިން ކަމަށް ގަބޫލުކުރާ ވަކި ބަޔަކު މިނިވަންކުރުމަށް ކޮމަންވެލްތުން މަސައްކަތްކުރަމުން އަންނަ ކަމަށް ވެސް ވިދާޅުވި އެވެ.
ކޮމަންވެލްތުން ރާއްޖެ ވަކިވިކަން އިއުލާން ކުރުމަށް މިއަދު ރައީސް އޮފީހުގައި ބޭއްވި ނިއުސް ކޮންފަރެންސްގައި ބަންޑާރަ ނައިބު އަނިލް ވާހަކަ ދައްކަވަނީ.---ފޮޓޯ: ނިޝާން އަލީ/މިހާރު
"ކޮމަންވެލްތުން ރާއްޖޭގެ ކަންކަން ރަނގަޅުކުރުމަށް ޓެކްނިކަލް އެސިސްޓެންސް ދޭނެ ކަމަށް ބުނި ނަމަވެސް ސަރުކާރުން އިސްވެ އެކަމަށް އެދުމުން ވެސް އެކަން ވަނީ ވަރަށް ބޮޑަށް ފަސްކުރެވިފައި،" އަނިލް ވިދާޅުވި އެވެ.
ޑިިމޮކްރަސީގެ ހަމަތައް ހަރުދަނާކުރުމަށް ކޮމަންވެލްތުން ބުނާއިރު ކޯޓުތަކުގެ ނިންމުންތަކާ ސަރުކާރުން ބެހުމަށް ކޮމަންވެލްތުން އެދޭ ކަމަށާއި އެެއީ ސަރުކާރަށް ކުރެވޭނެ ކަމެއް ނޫން ކަމަށް ބަންޑާރަ ނައިބު ވިދާޅުވި އެވެ. އަނިލް ވިދާޅުވި ގޮތުގައި ޑިމޮކްރަސީ ހަރުދަނާކުރުމަށް ރާއްޖެ އިން ދަނީ ބަޔަކު ނުބުންޏަސް މަސައްކަތް ކުރަމުންނެވެ.
ކޮމަންވެލްތުގެ ވަރަށް ގިނަ ގައުމުތަކާ އަޅާބަލާއިރު ރާއްޖޭގެ ހާލަތު "އިންތިހާ އަށް ރަނގަޅު" ކަމަށާއި ރާއްޖެއާ މެދު އަމަލުކުރަމުން އަންނަނީ އިންސާފުން ނޫން ކަމަށް ބަންޑާރަ ނައިބު ވިދާޅުވި އެވެ. އަދި ކޮމަންވެލްތުން ވަކިވުމުގެ މަސައްކަތް ފަށައި އެކަން ކޮމަންވެލްތައް އެންގުމުގެ މަސައްކަތް ކުރިއަށްދާ ކަމަށް ވިދާޅުވި އެވެ.
ފޮރިން މިނިސްޓަރު ވިދާޅުވި ގޮތުގައި ކޮމަންވެލްތުން ވަކިވި ކަމުގައި ވިޔަސް އދ. އާއި އެހެން ޖަމިއްޔާތަކާ އެކު، ބައިނަލްއަގުވާމީ މައިދާނުގައި ރާއްޖެ ދާނީ މަސައްކަތް ކުރަމުންނެވެ.
"އަޅުގަނޑުމެން ބައިނަލްއަގުވާމީ ދާއިރާގައި ކުރާ މަސައްކަތް ކުރިއެކޭ އެއްގޮތަށް ކުރިއަށް ގެންދާނެ،" އާސިމް ވިދާޅުވި އެވެ.
ބަންޑާރަ ނައިބު ވެސް އަދި ފޮރިން މިނިސްޓަރު ވެސް ވިދާޅުވީ މި ނިންމުމުގެ ސަބަބުން އިންވެސްޓްމަންޓަކަކާއި ބޭރުގެ އެހީ އަށް ބަދަލެއް ނާންނާނެ ކަމަށެވެ. އަނިލް ވިދާޅުވީ ސަރުކާރުގެ ކޮންމެ ނިންމުމަކީ ވެސް ގައުމާއި ރައްޔިތުންގެ ލާބަ އަށް ނިންމާ ނިންމުމެއް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުގާބެ
20 October 2016
މިދާވަރުން ދަންޏާ އދ.އ އާ އާ ސާކް ޖަމިއްޔާ ފަދަ ތަންތަނުންވެސް ރާއްޖެ ވަކިޥާނެކަމަށް ލަފާކުރެވޭ. އޭރުން މީގެ 100 ވަރަކަށް އަހަރުކުރިން ތިބިހެން ދިވެހިންނަށް ދިވެހިންގެ ގޮތުގަ ތިބެވިދާނެ. އެކަމަކު އޭގެ ކުރިން މިއުޅޭ ބަންގާޅީންތައް ރާއްޖޭން ބޭރުކޮށްދެއްވަން ސަރުކާރަށް އެބަޖެހޭ. އެހެންނޫނީ އެމީހުން ރައްޔިތުންގެ ރުއްގަހުން ވަގުރުކު އަޅާ ދަނޑުތައް ކައި ހުސްކުރާނެ.
އަލްޖިބްރާ
15 October 2016
ބައިވެރިވެފާވާ ދުނިޔޭގެ ހުރިހާ ޖަމިއްޔާ ތަކާ ވަކިވޭ ! ރިޔާޒް ރަޝީދާއި ނިހާނު އަންނާނެ ދިވެހިންގެ ހުރިހާކަމެއް ކޮށްދޭން ! އެހެންވީމަ ތިޔަބުނަނީ މިރާއްޖޭގަ މީގެ ކުރިން ވެރިކަން ކުރީ ވެރިކަމަށް ކުފޫ ހަމަވާ ބައެއް ނޫނޭ އެހެންނު ؟މިއީ މިރާއްޖޭގެ ވެރިކަން ކުރިމީހުންގެ ކަންކަށި މަތީ ތަފާލެއް ޖެހުން ( ރީތިބަހުން ) ކަހަލަ ކމެކެވެ.
ގާދިރު
14 October 2016
ރައްޓެއްސެއް މިއަދު ވެސް ބުނީ ތިމަންނަގެ ދަރިފުޅު އިގިރޭސިވިލާތުގަ ކިޔަވަނީ ކޮމަންވެލްތުން ދިން ސްކޮލަރޝިޕެއްގައޭ، ކޮންމެ މަހަކު އައްޑިހަހާސް ރުފިޔާވަރު ކޮމަންވެލްތުން އޭނަޔަށް ޚަރަދުކުރެޔޭ. ކިޔަވާ ނިމޭއިރު ހަތަރު މިލިޔަން ރުފިޔާއަށްވުރެ ގިނައިން ކޮމަންވެލްތުން ދައްކަންޖެހެޔޭ.... އެއީ ދެން ނުލިބޭނެއެއްޗެއް. މުއްސަނދިންގެ ދަރިން އަމިއްލަ ޚަރަދުގަ ބޭރު ގައުމުތަކުން ކިޔަވާދެވުނަސް އާދައިގެ މީހުން ކިހިނެއް ހަދާނީ. މީ ސަރުކާރުން ރައްޔިތުންނަށްދިން ވަރަށްބޮޑު ލަނޑެއް.
ޅކ
14 October 2016
ޔާމީނާ އޭނަގެ އައުވާނުންގެ ކިބައިން މިންޖުވަމާ!
މޮޔަ
14 October 2016
މީހުން ގުނބޫ ހެއްދީ ދޯ. ޑިމޮކޮރަސީ ހަރުދަނާ ކޮށް އިސްލާހު ނުކޮށްފިނަމަ ކޮމަންވެލްތުން ވަކިކުރާނެ އިންޒާރު ގެ ޖަވާބު ނުރަސްމީކޮށް ނުކުރާނެ ކަން އެންގީ ދޯ. ކޮމަންވެލްތުން ފާއިދާ ނުލިބޭވާހަކަ ބުނީމާ ހީވަނީ އިސްލާހު ކުރެވޭނީ ފާއިދާއެއް ލިބިގެންހެން
އަހުމަދު އަޒީމު
14 October 2016
ހީނުކުރައްވާތި.. މިލިއުން މިކިޔާ ގިނަމީހުނަކީ ތިޔަ 2 މީހުނައް ތުރެން ގިނަ ތަޖުރިބާއާއި އުނގެނުމުގެ ފުރުސަތު ހާސިކޮށްފައިވާ ބަޔެއްކަމުން ކޮސް ވިދާޅުނުވާށެވެ. ކާކުތޯ ބުނަނީ ސަރުކާރުން ކޯޓުތަކައް އައްބާނާ ވާހަހަކަ، އަތެއްނޫނެއްނޫންތޯ ބާނަނީ... ދިވެހީންނަކީ ހަމަ ފައްކާ ކަނޑުކޮހުންތަކެއް....
ޙުސައިން ޞަލާޙުއްދީން
14 October 2016
ގައުމެއްނެތް ދަރިންނޭ! ވެރިމީހާ އިޞްލާޙެއްނުވާނެ! ވޯޓުު ދެންވެސް ނުވިއްކާ! ހަމަވިސްނުން ބޭނުންކުރޭ!
ޢަބްދުﷲނާފިޒު
14 October 2016
ތިހާ ފަސޭހައިން ކޮށްލެވެން އޮތްކަމެއް، ރ ޔާމީނު މަޖިލިހަށް ހުށަހަޅައިގެން މަޖިލިހުން ވަކި ގޮތެއް ނުނިންމައިގެން މިހާދުވަހު ގޮތެއް ނުނިންމާހުރެފަ ހަމަ ކުއްލިއަކަށް ކެބިނެޓުން މަޝްވަރާ އެރުވިއްޔޭ ކިޔާފަ ތިގޮތަށް ނިންމުމުން ތިކަން ޤަބޫލުކުރަން އަޅުގަނޑަކަށް އެހާ ފަސޭހައެއް ނޫން، އަދިވެސް މަޖިލިހަށް ހުށަހެޅި މައްސަލަ އޮތީ އޮތްގޮތަށް ޕާކުކޮށްފަ، އހ.
ފިލި
14 October 2016
މަޖިލީހައް ހުށަހެޅުމުން ކޮބައިތަ މައްސަލަ އަކީ؟ ކަމެއް ނިންމޭނެ އެންމެ ގޮތެއްތަ އޮންނަނީ؟ ކަލޭ ބޭނުން ގޮތަކަށްތަ ކަންކަން ނިންމަން ޖެހެނީ.
ހަސަނު
14 October 2016
މީ ނުލަފާ ނިންމުމެއް.. ރައްޔިތުންނަށް ކިތަންމެ ބޮޑު ގެއްލުމެއް ލިބުނަސް ވަރިހަމަ ކޮށް، ތިމާމެން ހަދައިގެން އުޅޭ ސަރުކާރާ ފަނޑިޔާރުގޭގެ ގޯސްވާހަކަ ހަގީގަތާ އެއްގޮތަށް ދައްކާ ދުނިޔެއަށް ހާމަކުރާތީ ކުރިކަމެއް... މީ އަމުއްލަ އެދުމާ އަމިއްލަ މަންފާއަށް ގައުމާ ރައްޔިތުން ގުރުބާންކުރަން ކުޅަ ކަމެއް..
ދޮންކަމަނަ
14 October 2016
ފޮރިން މިނިސްޓަރު ތިހެން ބުންޏަސް އަހަރެން ދެނެއް ޤަބޫލެއް ނުކުރާނަން. ކިހިނެތް އެނގެނީ މާދަމާ އ.ދ. އިން ރާއްޖޭގައި ކަންހިނގާގޮތާމެދު ބުނާއެއްޗެއް ކަމުނުގޮސްގެން އެތަނުންވެސް ވަކިނުވާނެކަމެއް.