އިންތިޚާބަށް ކުރިމަތިލި ސިވިލް ސާވެންޓުންގެ ސަސްޕެންޝަންގެ މައްސަލަ ހައި ކޯޓަށް

ހައި ކޯޓް: -- ފޮޓޯ: ހުސެއިން ވަހީދު/ މިހާރު

އާސިމާ ނިޒާރު، މިހާރު

21 އެޕްރީލް 2020 - 20:43

ލޯކަލް ކައުންސިލް އިންތިހާބަށް ކުރިމަތިލި ސިވިލް ސާވެންޓުންގެ ސަސްޕެންޝަން އުވާނުލެވި ދިގުލައިގެންދާ މައްސަލައަށް ހައްލެއް ހޯދަން ހައި ކޯޓަށް މިއަދު ހުށަހަޅައިފި އެވެ.

މި މަހުގެ ހަތަރު ވަަނަ ދުވަހު ބާއްވަން ހަމަޖެއްސި ލޯކަލް ކައުންސިލް އިންތިހާބު ވަނީ ކޮވިޑް-19 އާ ގުޅިގެން ވަކި މުއްދަތެއް ނެތް ގޮތަށް ފަސްކޮށްފަ އެވެ. ނަމަވެސް އިންތިހާބުގައި ވާދަކުރާތީ ސަސްޕެންޑުކުރި ސިވިލް ސާވެންޓުންގެ ސަސްޕެންޝަން އަދި ވެސް އުވާނުލާތީ އެކަމާ ގުޅިގެން ދަނީ ކަންބޮޑުވުން ފާޅުކުރަމުންނެވެ.

ސިވިލް ސާވިސް ކޮމިޝަން (ސީއެސްސީ) އިން މިއަދު ނެރުނު ބަޔާނެއްގައި ބުނީ ސަސްޕެންޑުކޮށްފައިވާ ސިވިލް ސާވެންޓުންނަށް ޝަރުއީ ނިޒާމުގެ ތެރެއިން ހައްލެއް ހޯދައިދިނުމަށް އެދި އެ މައްސަލަ ހައި ކޯޓަށް ހުށަހަޅާފައިވާ ކަމަށެވެ. މުވައްޒަފުން ސަސްޕެންޑުކޮށްފައިވާ މައްސަލައަށް އަވަސް ހައްލެއް ހޯދޭނެ ގޮތަކާ ގުޅޭގޮތުން އިލެކްޝަންސް ކޮމިޝަން (އީސީ) އާ އެކު ވެސް އިއްޔެ މަޝްވަރާކޮށްފައިވާ ކަމަށް ބުންޏެވެ.

Inthihaab ah kurimathili Fenaka muvazzafun ge suspension uvaalaifi

The most trusted news source in the Maldives

Mihaaru

މުވައްޒަފުން ސަސްޕެންޝަނުގައި ހުންނަ މުއްދަތުގައި މުސާރަ އާއި އެއްވެސް އިނާޔަތެއް ނުލިބުމާއި ވަކި މުއްދަތެއް ނެތް ގޮތަށް، ދިގު މުއްދަތަކަށް އެ މުވައްޒަފުންނާ ހަވާލުކޮށްފައިވާ މަސައްކަތްތަކުން އެކަހެރިކޮށްފައިވުމުން ރައްޔިތުންނަށް ހިދުމަތް ފޯރުކޮށްދިނުމަށް ސިވިލް ސާވިސް އަށް ހުރަސް އެޅިފައިވާ ކަމަށް ބުންޏެވެ. އެހެންވެ އިންތިހާބު ބާއްވާނެ ކަމަށް ކުރިން އިއުލާނުކުރި ތާރީހުން ފެށިގެން އެ އިންތިހާބު އަލުން ބާއްވާނެ ތާރީހު އިއުލާނުކުރުމާ ހަމައަށް ސަސްޕެންޑުކޮށްފައިވާ މުވައްޒަފުންގެ ސަސްޕެންޝަނާ މެދު ގޮތެއް ނިންމުމަށް ވަނީ އެދިފަ އެވެ.

ކައުންސިލް އިންތިހާބުގައި ވާދަކުރާ ފެނަކަ މުވައްޒަފުންގެ ސަސްޕެންޝަން އެ ކުންފުނިން ވަނީ އުވާލައިފަ އެވެ.

ގާނޫނު އޮންނަ ގޮތުން ކައުންސިލް އިންތިޚާބަށް ކުރިމަތިލާ ސިވިލް ސާވިސް މުވައްޒަފުން އިންތިޚާބު ނިމެންދެން ތިބެން ޖެހޭނީ ސަސްޕެންޝަންގަ އެވެ. އެކަމަކު ކޮވިޑް-19 އާ ގުޅިގެން ކައުންސިލް އިންތިޚާބު ފަސްކުރަން ސަރުކާރުން ރައްޔިތުންގެ މަޖިލީހަށް މިހާރު ހުށަހަޅާފައިވާ ބިލް ފާސްވުމުން އެ މުވައްޒަފުންގެ ސަސްޕެންޝަން ނިމުމަކަށް އަންނާނެ އެވެ.

ސިވިލް ސާވިސް ކޮމިޝަން ހައި ކޯޓް އިލެކްޝަންސް ކޮމިޝަން ސިވިލް ސާވަންޓުން ލޯކަލް ކައުންސިލްތަކުގެ އިންތިޚާބު 2020

5 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޯ ކޮށްޕާ

22 April 2020

އިންތިޚާބީ ރޭހުން އެމީހުން ވަކި ވެފައި ވަޒީފާ އަށް ނިކުންނަން ވީއެވެ. އޭރުން މައްސަލަ ހައްލު ވީއެވެ. ހުރިހާ މޮޅެއް ނުވާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދުން ތަރި

21 April 2020

ތިޔަ މައްސަލަ ހުށަހަޅަންވީ މަޖިލިސްކޯޓަށް މަޖިލިސް ކޯޓުން ހުރިހާ ކަމެއްވެސް ނިންމާނީ މި ޤައމުގެ ޝަރުޢީ ނިޒާމު އޮތީ ރައްޔިތުންގެ މަޖިލީހޭ ކިޔާތަނުން ވާގި ދުއްވާލާފަ ހުރިހާ ބާރެއް އޮތީ މަޖިލީހުގަ ޙުކުމްތައްވެސް ކުރާނީ އެތަނުން އީސީންވެސް ހައިކޯޓަށް މައްސަލަ ހުށަހަޅާފަ އަދި ސްޕްރީމް ކޯޓަށް މައްސަލަ ހުށަހަޅާފަ މަޖިލީހުން އިންޒާރުދިނީމަ ގަންނާ ކުރެއްވި ބިރުން މައްސަލަ އަނބުރާނެގީ ތިޔަ މައްސަލަ ހުށަހެޅި ފަރާތަށް ކިހިނެއްވާނެބާ؟ ބިރު ދައްކާފަ އޮތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

21 April 2020

ޢާޅޭމިއީބޮޑުވެއްޖެކަމެއްނު. ބުއްދުއެއްހުރި މީހަކަށްވިއްޔާ އެނގޭނެ ވަކިމުއްދަތެއްނެތި އިންތިހާބު އޮތީ ކެންސަލްކޮށްފަކަން. ޢެހެންވީމާ އެހިސާބުން ސިވިލްސާރވިސް ކޮމިޝަނުން އިއުލާންމުރަންވީ އަލުން އިންތިހާބު އިއުލާންކުރަންދެން އެ މުވައްޒަފުންގެ ވަޒީފާ އިއާދަކޮށްފިކަމަށް. މިވަރު ނޭންގޭތަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާކަނި މަސް

22 April 2020

ސިވިލް ސާވެންޓުން ސިޔާސީ ކަންކަމުގެ ތެރެއަށް ވަންނަން ޖެހޭތަ؟ ހަމަ ރަގަޅަށް ތިޔާވީ ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުއްދިވެރި ފޫހި

22 April 2020

ޢާޅޭ ބުއްދި ހުރި މީހުން ތަންދޮރު ނުބަލާ ކޮމެންޓްކުރުން މިއީ ބޮޑުވެއްޖެކަމެއްނު. އިންތިޚާބު ކެންސަލް އެެއް ނުކުރޭ. އިންތިޚާބު ބާއްވާނެ ތާރީޚް މުއްދަތެއް ނެތްގޮތަށް ފަސްކުރިއިރު އިންތިޚާބަށް ކުރިމަތިލި ކެންޑިޑޭޓުންގެ ކެންޑިޑޭސީ ބާތިލް ނުކުރާހާ ހިނދަކު ކިހިނެތް ސަަސްޕެންޝަން އުވާލާނީ.