ޓޫރިސްޓުންގެ އަދަދު 1.9 ޕަސެންޓް އިތުރުވިއިރު ޗައިނާ މާކެޓް 11 ޕަސެންޓް ދަށްވެއްޖެ

ރާއްޖެ އައި ޓޫރިސްޓުންތަކެއް އެއާޕޯޓުގެ އެރައިވަލް ހޯލުން ނުކުންނަނީ: ޗައިނާއިން އަންނަ ޓޫރިސްޓުންގެ އަދަދު ދަށް-- ފޮޓޯ: ނިޝާން އަލީ/ މިހާރު

އަބްދުﷲ ޖަމީލު، މިހާރު

14 އޮކްޓޯބަރ 2016 - 11:50

7 comments

މިދިޔަ އޯގަސްޓް މަހު ރާއްޖެ އައި ޓޫރިސްޓުންގެ އަދަދު 1.9 ޕަސެންޓްގެ ކުރިއެރުމެއް ހޯދިއިރު، ރާއްޖޭގެ އެންމެ ބޮޑު މާކެޓް ކަމަށްވާ ޗައިނާއިން އައި ޓޫރިސްޓުންގެ އަދަދު 11 ޕަސެންޓް ދަށަށް ހިނގައްޖެ އެވެ.

މިދިޔަ އޯގަސްޓް މަހު ރާއްޖެ އައިސްފައި ވަނީ ޖުމްލަ 112،282 ޓޫރިސްޓުންނެވެ. މިދިޔަ އަހަރުގެ އެ މުއްދަތުގައި އައިސްފައި ވަނީ 110،144 ޓޫރިސްޓުންނެވެ.

ގާތްގަނޑަކަށް ދެ މަހެއްހާ ދުވަސްފަހުން ޓޫރިޒަމް މިނިސްޓްރީން އިއްޔެ އާއްމުކުރި އޯގަސްޓްމަހުގެ ތަފާސްހިސާބުތައް ދައްކާ ގޮތުން އެ މަހު ވެސް އެންމެ ގިނަ ޓޫރިސްޓުން އައިސްފައި ވަނީ ޗައިނާއިންނެވެ. އެ މަހު ވެސް ޗައިނާއިން 36،217 މީހުން ރާއްޖެ އަށް ޒިޔާރަތްކޮށްފައިވެ އެވެ. މިއީ މާކެޓް ޝެއާގެ 32 ޕަސެންޓެވެ. މިދިޔަ އަހަރުގެ އެ މުއްދަތުގައި ޗައިނާއިން 40،850 މީހުން ޒިޔާރަތްކޮށްފައިވެ އެވެ.

ތަފާސްހިސާބުތައް ދައްކާ ގޮތުން ޗައިނާ ފިޔަވައި ދެވަނަ އަށް އެންމެ ގިނަ ޓޫރިސްޓުން އޮގަސްޓު މަހު އައިސްފައި ވަނީ އިނގިރޭސިވިލާތުންނެވެ. އެ ގައުމުން 8،852 މީހުން އައިސްފައިވެ އެވެ. މިއީ މިދިޔަ އަހަރުގެ އެ މުއްދަތާ އަޅާބަލާއިރު 13 ޕަސެންޓް އިތުރު އަދަދެކެވެ. ތިން ވަނަ އަށް އެންމެ ގިނަ ޓޫރިސްޓުން އައިސްފައި ވަނީ ޖަރުމަނުންނެވެ. އެ ގަމުން 6،869 ޓޫރިސްޓުން އައިސްފައިވެ އެވެ. ނަމަވެސް މިދިޔަ އަހަރުގެ އޮގަސްޓް މަހާ އަޅާބަލާއިރު އެ ގައުމުން އައި ޓޫރިސްޓުންގެ އަދަދު ވަނީ ދިހަ ޕަސެންޓް ދަށްވެފަ އެވެ.

ޓޫރިޒަމް މިނިސްޓްރީގެ ތަފާސްހިސާބުތައް ދައްކާ ގޮތުން އޮގަސްޓު މަހު އެންމެ ގިނަ ޓޫރިސްޓުން އައިސްފައި ވަނީ ޗައިނާ ހިމެނޭ އޭޝިއާ ޕެސިފިކް ސަރަހައްދުންނެވެ. އެ ސަރަހައްދުން އެކަނި 57،679 ޓޫރިސްޓުން އައިސްފައިވެ އެވެ. މިއީ ރާއްޖެ އައި ޖުމްލަ ޓޫރިސްޓުންގެ 51.4 ޕަސެންޓެވެ.

އެ ތަފާސްހިސާބުތައް ދައްކާ ގޮތުން މިއަހަރުގެ މިހާތަނަށް ރާއްޖެ އައިސްފައި ވަނީ 842،635 ޓޫރިސްޓުންނެވެ. މިއީ މިދިޔަ އަހަރުގެ އެ މުއްދަތާ އަޅާބަލާއިރު 2.3 ޕަސެންޓްގެ ކުރިއެރުމެކެވެ.

ޓޫރިސްޓުން ޓޫރިޒަމް ޓޫރިޒަމް މިނިސްޓްރީ ރާއްޖެ-ޗައިނާ ޗައިނާ

7 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

GAN Island

15 October 2016

މިހާރު ވެރިކަމުގައި ހުންނެވިމީހާ ސާފުބަހުން ވިދާޅުވެފައިވަނީ ''އޭނާގެ މިސްރާބު ހުންނެވީ އިރުމައްޗަށް'' ކަމަށް. މާނަ އަކީ ޔާމީން އަބުދުލް ޤައްޔޫމް ގެ ވެރިކަމުގެ ގިނަކަންކަން ރާވާފައިވަނީ ''ކޮމިއުނިސްޓް ޗައިނާއަށް'' ބަރޯސާވެ އެ ޤައުމުގެ ވިޔަފާރީގެ ބައިވެރިއެއް ކަމުގައި ވުމަށްކަން. ކޮމިއުނިސްޓް ޗައިނާއަކީ ދުނިޔޭގެ އާބާދީގެ 4 ބައިކުޅަ އެއްބަޔަށް ވުރެން ގިނަ ބައެއް ކަމުގައި ވިޔަސް ''ރޯނުފިލާތިބި ޗައިނާ މީހުންނަކީ އަހަރުމެންގެ ޤައުމުގައި މިއޮތް ނާޒުކު ޓްއަރިޒަމް ގެ ވިޔަފާރީގެ ފުރިހަމަ ބައިވެރިއެއްގެ ޖާގަ ދެއްވަން ޖެހޭ ބައެއްނޫން'' ކަން ވެރިކަމުގައި ހުންނެވި މީހާ އަކަށް ނޭގުނު. ވެރިކަމުގެ ފަރާތުން ''ކަންކުރައްވާ ގޮތާއި ބަސް މަގު ހުރިގޮތުން'' ޒަމާނުއްސުރެ އަހަރުމެންގެ އިޤްތިސޯދުގައި ބައިވެރިވި ޔޯރަޕް ރައްޔިތުން ވިސްނުން ބަދަލުކޮށް ރާއްޖެނޫން އެހެން މަންޒިލް ތައް އިޙްތިޔާރު ކުރާން ފެއްޓެވި. . . މި ސަރުކާރަކީ ''ރައްޔިތުންގެ މެދުގައި މަޤުބޫލު ސަރުކާރަކަށް ނުވުމުން'' ސަރުކާރާއި ކުރިމަތިވާ އުދަގޫ ތަކުން އަރައިގަންނާނެ ގޮތެއް ނޭގުމާއި އެކުވެރި ދައުލަތް ތަކާއި އެކު ''ރަހުމަތްރެރި ގުޅުމެއް ބާއްވަން ނޭގުމުން'' އެންމެ ފަހުން އެކަހެރިވަމުން ވަމުން ގޮސް 150 ހަށް ވުރެ ގިނަ ޤައުމު އެކުލެވޭ ޖަމާއަތް ވެސް ޔާމީން އަބުދުލް ޤައްޔޫމް ވަނީ ދޫކޮށް ''އެކަނިވެރިކަން'' އައްޔަން ކުރައްވާފައި. . މިކަންކަން ބަދަލު ކުރާން ބޭނުން ނަމަ ރިސޯޓް އޯނަރުންނާއި ޔާމީން އަބުދުލް ޤައްޔޫމް އަށް ވަފާތެރި މަޖިލީސް މެންބަރުންނާއި ފަނޑިޔާރުންގެ ވިސްނުން ބަދަލުކޮށް ދިވެހިންގެ ޤައުމު އަލުން ދިވެހިންނަށް ހޯދައިދޭންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްޖިބްރާ

15 October 2016

ބައިވެރިވެފާ ވާ ދުނިޔޭގެ ހުރިހާ ޖަމްއިއްޔާތަކުން ވަކިވޭ ! ރިޔާޒް ރަޝީދު އާއި ނިހާނު އަންނާނެ ހުރިހާކަމެއް ދިވެހިންނަށް ކޮށްދޭން ! ކޮމަންވެލްތު ޤައުމުތަކުން ޓޫރިސްޓުން ނަޔަސް ވެރިކަމެއް ނުގެއްލޭނެ !

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހަންމަދު

15 October 2016

ޗައެނާ މާކެޓު ދައް ވެއްޖިޔާ ޓުވަރެސްޓުން އިތުރެއް ނުވާނެ އޮޅުވާލަން ނޫޅޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަބީބު މީދޫ

14 October 2016

ކޮމަންވެލްތު ގައުމު ތަކުގެ ފަތުރުވެރިން މަދުވެއްޖެ ނަމަރައްޔިތުން ވަރައް ނިކަމެތިވާނެ ގައުމުތަކާ ގުޅުންކަނޑާލާ ބޮޑާހޭކުމަކީ ފިނޑިން ކަންކުރާގޮތް ޔާމިނައް ސަރުކާރު ހިހްގަން ހަވާލުކުރީ ރާއްޖޭގެ އަގުވައްޓާލާކައްނޫން ޔާމީނައް ފުރުސަތު ނުދިނުމައް ހުރިހާމީހުން އަޒުމު ކަނޑައަޅަންޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

14 October 2016

މީގެ 10 15 ވަރަކަށް އަހަރު ކުރިން ފެށިގެން ބަރާބަރަށް ކޮންމެ މަހެއް ނިމުމުން ފާއިތުވެދިޔަ މަހުގެ ޓޫރިޒަމް ސްޓެޓިސްޓިކްސް ލިބެމުން އައިސް މިއަހަރުގެ ފަހުކޮޅު ރިޕޯޓު ނުކުތުން މިވަނީ ތާށިވެފަ. ކޮބާބާ މައްސަލައަކީ؟ ޒަމީރުއަށް ކަންކަން ނުބެލެނީބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަބީދް އެންޑް ކަބީރް

14 October 2016

ތީ ރަގަނޅު ފާލެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔުއަރސް

14 October 2016

ޖުމްލަ ޓޫރިސްޓުން އިތުރުވެ ޗައިނާ މާރކެޓް ދަށަށް ދަނީ ރާއްޖޭގެ ރިސޯރޓް ތައް ވެސް އަގު ބޮޑީ އަދި ގެސްޓް ހައުސް ތައް ވެސް މާ ބޮޑަށް އަގު ބޮޑީ. އުސޫލެއްގެ ގޮތުން ރިސޯރޓް ތަކަށް ވުރެން ގެސްޓް ހައުސް އަގު ބޮޑެވެ. ބެޑް އެން ބްރެކްފާސްޓް އާދައިގެ ގެސްޓް ހައުސް އަކުން ދުވާލަކަށް 200 ޔޫއެސް ޑޮލަރު ވީމަ ބޮޑެވެ. ގެސްޓް ހައުސް ތަކުގެ ސާރވިސް ސުމެއް ރިސޯރޓް ތަކާއި އަޅާ ބަލާއިރު އަދި ގެސްޓް ހައުސް ތަކުގެ ކެއުމުގެ ފެންވަރު ދަށް ވެފައި ހަޖީނިކް މައްސަލަ ތައް ހުރޭ. އެއާއި ޚިލާފަށް ރިސޯރޓް ތަކުގެ ކެއުން ރަނގަޅު ވެފައި ސިއްޚީ ގޮތުން ވަރަށް ރައްކާތެރި އެވެ.