ފޮރިން މިނިސްޓަރު ޝާހިދު: ތުރުކީގެ އެހީއަށް ރާއްޖެއިން ވަނީ އެދިފައި -- ފޮޓޯ/މިހާރު
28 އެޕްރީލް 2020 - 13:29
23 comments
ކޮވިޑް-19 އާ ގުޅިގެން ކުރިމަތިިވާ ގޮންޖެހުންތަކުން އަރައިގަތުމަށް ތުރުކީގެ އެހީއަށް ވެސް ރާއްޖެ އިން އެދިއްޖެ އެވެ.
ރާއްޖެ އަށް ކޮރޯނާވައިރަސް ފެތުރި ހާލަތު ސީރިއަސް ވެފައިވާތީ، ދިވެހި ސަރުކާރުން މީގެ ކުރިން ވަނީ ދެކުނު ކޮރެއާ އާއި ރަޝިއާގެ އެހީއަށް ވެސް އެދިފަ އެވެ.
ކޮވިޑް-19 އަށް ރާއްޖެ އިން މިހާތަނަށް 228 މީހަކު ޕޮޒިޓިވް ވެފައިވާއިރު، ޓޫރިސްޓުން އައުން މަޑުޖެހުމުން އިގްތިސާދީ ގޮތުން ގިނަ ގޮންޖެހުންތަކެއް ދަނީ ކުރިމަތިވަމުންނެވެ. އެހެންވެ، އެކަންކަމުގެ އަރައިގަތުމަށް ރާއްޖެ އިން އަންނަނީ އެކި ގައުމުތަކުގެ އެހީ އަށް އެދެމުންނެވެ.
ފޮރިން މިނިސްޓްރީން ބުނީ ތުރުކީގެ ފޮރިން މިނިސްޓަރު މެވްލުޓް ކަވުސްލޫ އަށް ރާއްޖޭގެ ފޮރިން މިނިސްޓަރު އަބްދުﷲ ޝާހިދު އިއްޔެ ގުޅުއްވައި، ކުރެއްވި މަޝްވަރާތަކުގައި ކޮވިޑް-19 އާ ގުޅިގެން ރާއްޖެ އިން މިހާތަނަށް އަޅާފައިވާ ފިޔަވަޅުތަކާއި އިގްތިސާދީ ގޮތުންނާއި މާލީ ގޮތުން ކުރިމަތިވަމުންދާ ގޮންޖެހުންތަކާ ބެހޭ މައުލޫމާތު ދެއްވި ކަމަށެވެ. އަދި ކުރިއަށް އޮތް ތަނުގައި ދިމާވާނެ ގޮންޖެހުންތަކުން އަރައިގަތުމަށް ތުރުކީގެ އެހީއަށް ޝާހިދު އެދިވަޑައިގަތް ކަމަށް ފޮރިން މިނިސްޓްރީން ބުންޏެވެ.
މީގެ އިތުރުން ކޮވިޑް-19 އާ ގުޅިގެން ރާއްޖެއިން މިހާތަނަށް އަޅާފައިވާ ފިޔަވަޅުތަކަށް މެވްލުޓް ތައުރީފް ކުރެއްވި ކަމަށާއި އޭގެ ސަބަބުން ދުނިޔެ އަށް ކުރިމަތިވެފައިވާ ހާލަތުން އަރައިގަނެވޭނީ ހުރިހާ ގައުމުތަކުން ވެސް ގުޅިގެން މަސައްކަތް ކޮށްގެން ކަމަށް އެ ދެ ބޭފުޅުން ފާހަގަ ކުރެއްވި ކަމަށް ވެސް ފޮރިން މިނިސްޓްރީން ބުންޏެވެ.
ކޮވިޑް-19 އާ ގުޅިގެން މިހާތަނަށް ރާއްޖެއިން އެހީ ފޯރުކޮށް ދިނީ ޗައިނާ އާއި އިންޑިއާގެ އިތުރުން ބަންގްލަދޭޝް އިންނެވެ. އެގޮތުން މެޑިކަލް ސާމާނާއި ބައެއް ބޭހާއި ކާބޯތަކެތި ވެސް އެ ގައުމުތަކުން ހަދިޔާ ކޮށްފައިވެ އެވެ. އަދި ބޭރުގެ ބައެއް މާލީ އިދާރާތަކުން ވެސް ވަނީ ރާއްޖެއަށް ފައިސާގެ އެހީ ދޭން ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާއުނިމާ
28 April 2020
ސަލާންޖެހުން ނޫންކަ މެއްނެތް! ހާދަހާވާ ނިކަ މެތި ބަޔަކޭ ދިވެހިންނަކީ
މަޖިލިސް
28 April 2020
މިއަށްފަހު އެހީހޯދަން ގުރޫޕް ހަދާފަ ބޭރަަށް ދަތުރު ނުކުރާތި، ކުރިދަތުރު ތަކުން ވީހުސް ގެއްލުން.
އިކޯ ކެމް
28 April 2020
ބޭރުގެ އެހީކުރިން ލިބުނީ ތިގޮތަށް ސުނާމީ ކާރިސާއާއިގުޅިގެން ، ފަހުން އެދަދުވެސް ނޭގުނު. މިފަހަރު ވަކި އެކައުންޓެއް އެމްއެމްއޭ ގައި ހުޅަވާ ތި އެކައުންޓަށް ސަލާމް ޖަހައިގެން ލިބޭ ފައިސާ ދެފުތްފެއްނަގޮތައް ހަދާދެއްޗޭވެ.
Ageelanbaa
28 April 2020
ކޮބާ އަފީފު ޕީ،ޕީ.އީ ގެންނަންށާ ވެންޓިލޭޓަރ ކޮންޓްރެކްޓް ލިބުނީ މަ އަނގަ ބަންދުވީ
ޢާދު
28 April 2020
މިފަދަ ނާޒުކު ދަނޑިވަޅުގައިވެސް މިބަލަނީ ނަފްރަތު އުފެއްދޭތޯ. ދެރަވަރު..
އިސްފަސް
28 April 2020
ހާދަ ލާރިއެކޭ. އެވަރުން ވެސް އަދި މީޑީޔާގަ ވެސް އަނގަ ފުޅާ ކުރަންޖެހޭ ރައީސުލް ޖުމްހޫރިއްޔާ އަށް ތުރެ.
ޖަހޯބަރާ
28 April 2020
ނާށިގަނޑު ހިފައިގެންދުވޭ ކަނޑުގުރުވަ ލިބޭތޯ.. ރާއްޖެއަށް ބޭނުންވަނީ ދެއަހަރު ބަޖެޓަަަަަށްވާފައިސާ. އޭރުން މިކާރިސާއިން އަރައިގަނެވިފަ އޮންނާނީ. ޗައިނާފަދަ ގައު މަކަށް މީ މެޓައެއް. އެހެންނަ މަވެސް ފެށުނީއްސުރެ ސިއާސީ އައުގުރނ ގޮވަ މުންދުވީ. ލޯނޭ އިންޓަރެސްޓޭ އިންޑިއާކަނޑޭ އަޅުވެތިވެއްޖޭ. އަދިނުވިތާކަށް ޓުވީޓުކޮށް ބަހުގެ ހަ މަލާތަަށްް ފޮނުވާ ސައްހަނޫން ދޮގުހަބަރު ބޭރުގެ މީޑިއާއިތަކާއިި ހިއްސާކޮށް މޯދީ އުފާކުރެވޭތޯބެލީ. ދެންވެސް ގޮތްދޫނުކުރާތި
ބުރާންްތި
28 April 2020
ކޮބާތަ އެއް އަހަރު ކުރިން ފާސްކުރި 36ބިލިޔަން ރުފިޔާގެ ބަޖެޓް؟ގައިމު ތަރައްގީ އޭ ކިޔާފައި ނެތް އުއްޑުން އޮތް ނާށި ބަންޑުން ވެސް ޖަހާލޭފައި،ކޮންތާކަށް އެއެއްޗެހި އަޅާ ހުސް ކުރީ؟ސަރުކާރަށް އެއްވެސް ތާއީދެއް ނެތްކަން އަމިއްލަ އަށް މިހާރު ގަބޫލު ކުރެވޭނެ،3 އިރު ކާން ޖެހޭ ބޭހެއްހެން ސަލާން ޖަހަމުން ތި ދަނީ ރައްޔިތުން ހޫނު ފެނަށް ވެއްޓޭނެކަން އެނގޭތީ ދޯ!ޕަލެޓް ފޮރުވައި ގެން ގިނަދުވަހަކު ނުހުރެވޭނެ އިނގޭ، ތިބެމާ އިތުރަށް އަތަށް ގޮވާތަން ބަލަން،ހެހެހެެހެ
ޚިޔާލު
28 April 2020
ފޮރިން މިނިސްޓްރީގައި ސިޔާސީ ވަޒީފާތަކުގައި މަސައްކަތްކުރާ 86 ފަރާތަކަށް އަހަރަކަށް 130 މިލިއަން ރުފިޔާ ޚަރަދުވުމަކީ ވަރަށްބޮޑު ޚަރަދެއް. ޚަރަދު ކުޑަކުރުމުގެ ގޮތުން ކޮންމެހެން ރާއްޖެއަށް ބޭނުންވާ އެމްބަސީތަކާއި ހައިކޮމިޝަންތައް ފިޔަވާ ދެންހުރި އެމްބަސީ، ހައިކޮމިޝަން، ކޮންސިއުލޭޓްތައް ބަންދުކުރަން އެބަޖެހޭ. ބޭކާރު އެތައް ގައުމެއްގައި އެމްބަސީއާއި ކޮންސިއުލޭޓްތައް ވަނީ ހުޅުވާފައި
Ageelanbaa
28 April 2020
ޗައިނާއިން އެހީއަަށް ގުޅާބަލަ