މިއަދުގެ މީޑިއާ ބްރީފިންގައި ފިނޭންސް މިނިސްޓަރު އަމީރު އޮންލައިންކޮށް ނޫސްވެރިންނާ ވާހަކަ ދައްކަވަނީ.
07 މެއި 2020 - 16:23
56 comments
ސަރުކާރުގެ މުވައްޒަފުންގެ ތެރެއިން ސިވިލް ސާވިސްގެ އާންމު މުވައްޒަފުން ފިޔަވައި އެހެން މީހުންނާއި ދައުލަތުގެ ކުންފުނިތަކުގައި ވެސް ބޮޑެތި މުސާރަތައް ލިބޭ މީހުންގެ މުސާރަތައް މި ވަގުތު ކުޑަކުރަން ނިންމާފައިވާ ކަމަށް ފިނޭންސް މިނިސްޓަރު އިބްރާހިމް އަމީރު މިއަދު ވިދާޅުވެއްޖެ އެވެ. ސަރުކާރުން ނިންމި ގޮތުން ކުޑަވާނީ އަސާސީ މުސާރައިގެ ގޮތުގައި 20،000ރ. އަށް މަތިން ލިބޭ މުވައްޒަފުންގެ އެވެ. އަދި އެ ކެޓަގަރީން ސިއްހީ ދާއިރާގެ މުވައްޒަފުން ވެސް އިސްތިސްނާ ވެ އެވެ.
ނޭޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) ން ބޭއްވި މީޑިއާ ބްރީފިންގައި އަމީރު ވިދާޅުވީ، ސަރުކާރުގެ މުވައްޒަފުންގެ ތެރެއިން އަސާސީ މުސާރައިގެ ގޮތުގައި 20،000ރ އާއި 25،000ރ. އާ ދެމެދުގެ އަދަދެއް ލިބޭ މީހުންގެ މުސާރަ އިން ކަނޑާނީ 20 ޕަސެންޓު ކަމަށެވެ. އަދި 25،000ރ-60،000.ރ އާ ދެމެދުގެ އަދަދު ތަކުން އަސާސީ މުސާރަ ލިބޭ މީހުންގެ މުސާރަ އިން 30 ޕަސެންޓް ކަނޑާނެ ކަމަށް އޭނާ ވިދާޅުވި އެވެ. އެ އަށް ވުރެ މަތިން މުސާރަ ލިބޭ މީހުންގެ މުސާރައިން ކަނޑާނީ މިނިސްޓަރު ވިދާޅުވި ގޮތުގައި 35 ޕަސެންޓެވެ.
"އޭގެ އިތުރުން ދައުލަތުގެ އެންމެހައި މުވައްޒަފުން ގެ އަށް ގެންދަން ލިބޭ މުސާރަ އަޅުގަނޑުމެން ކެޕް ކުރަން ވާނީ ނިންމާފައި. އޭގެ މާނަ އަކީ އަސާސީ މުސާރަ 20،000ރ އަށް ވުރެ ދަށް ވެއްޖެއްޔާ އެ މީހަކަށް ގެ އަށް ގެންދަން ލިބޭނެ އެންމެ މަތީ ސެލަރީއަކަށް ވާނީ 25،000ރ އޭ އެހެނިހެން އެލަވަންސްތަކާ ހުރިހާ އެއްޗެއް ލައިގެން ވެސް،" އަމީރު ވިދާޅުވި އެވެ.
އޭނާ ވިދާޅުވި ގޮތުގައި 20،000ރ. އިން މަތިީގެ މުސާރަތައް ލިބޭ މީހުންގެ މުސާރަ ކުޑަކުރަން ނިންމުން އޮފީސްތަކުގެ ޕާމަނެންޓް ސެކްރެޓަރީންނާއި ކޮންޓްރެކްޓް ސްޓާފުން އޭގެ ތެރެއަށް ވަންނާނެ އެވެ. ކުރިން ކަނޑައަޅާފައި އޮތް އުސޫލްގައި މުސާރަ ކުޑަކުރަން ނިންމާފައި އޮތީ ޑެޕިއުޓީ މިނިސްޓަރުން ފެށިގެން މަތީ މަގާމުތަކުން އެކަންޏެވެ.
ސަރުކާރުގެ އޮފީސްތަކުގައި މަސައްކަތް ކުރާ ކޮންޓްރެކްޓް ސްޓާފުންގެ މުސާރަ އުޅެނީ 20،000ރ. އަށް ވުރެ މަތީގަ އެވެ. މިނިސްޓްރީތަކުގައި ހުންނަވާ ސިވިލް ސާވިސްގެ އެންމެ އިސް ވަޒީފާ ޕާމަނަންޓް ސެކްރެޓަރީއެއްގެ މުސާރަ 35،000ރ. އަށް އަރަ އެވެ.
ދައުލަތުގެ ކުންފުނިތަކުގެ މެނޭޖިން ޑައިރެކްޓަރުންނާއި ޑެޕިއުޓީ މެނޭޖިން ޑިރެކްޓަރުންގެ މުސާރައިން ވެސް ކުރިން ކަނޑަން ނިންމާފައި އޮތީ 20 ޕަސެންޓެވެ. އެކަމަކު މި ފަހަރުގެ އުސޫލުގައިވާ ގޮތުން، އެ މަގާމުތަކުގެ މުސާރައިން 22 ޕަސެންޓް ކެނޑުމަށް ފަހު ބޯޑު އެލަވަންސްގެ ގޮތުގައި ލިބޭ 11،500ރ ވެސް ކަނޑާލާފައިވާ ކަމަށް އަމީރު ވިދާޅުވި އެވެ.
"ޖުމްލަކޮށް، އެމްޑީންނާއި ޑީއެމްޑީންގެ މުސާރައިން ގާތްގަނޑަކަށް 32 ޕަސެންޓް ކެނޑިގެން ދާނެ،" އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހައިޑްރޮކްލޮރޮކްސިޓްރަމްޕީން
08 May 2020
މިވަގުތު ދައުލަތުން މުސާރަދޭ އެއްވެސް މަޤާމެއްގައި 35،000ރ އަށްވުރެ ގިނައިން ނުލިބޭގޮތަށް ހަމަޖެއްސީމާ ނިމުނީ. އެ ހެޔޮ މޖްލިސް މެމްބަރަކަށް ވިޔަސް، މިނިސްޓަރެއް ނުވަތަ ފަނޑިޔާރެއް ވިޔަސް. ހަމައެކަނި މެޑިކަލް ދާއިރާގެ މުވައްޡަފުން އިސްތިސްނާކުރެވެން ވާނީ.
20202020
08 May 2020
ޕެންޝަން ފަންޑުގަވެސް މިހާރަކު ހީއެއްނުވޭ ބަދަލުދީ އެއްޗެއް އޮތްހެނެއް މުޅި ގައުމު ހަލާކު ކޮށްފި
ދޮގުނާށިގަނޑު
08 May 2020
އެޖެންޑާ19 ތަފާތުވާނެ ބާރަށް އަތްޖަހާ ކޮނޑުހުޅުން ނެއްޓެންދެން އަތްޖަހާ، މީ ރަށްޔިތުންގެ ޖީބުތަށް ފުރާލަދޭން ކިޔާފަ ހެއްދެވިހާ ދޮގެއްހަދާގެން ވެރިކަން ލިބުނީމަވެސް ހިންގަންނޭގި ރައްޔިތުން ބިކަހާލުގަމިޖެއްސީ އެހާއވަހަށް. އަދިވެސް ދިވެހިންނަކަށް ނުވިސްނޭނެ. ޔާނު ވަރެއްހަމަނެތް ހުރިހާ ރަށްޔިތުންވެސް ތިބީ އުފަލުގަ ޖީބު ފުރިފަ 2023 އެމްޑީޕީ އަށް ސަލާމް.
މިވެސް މީހެއް
08 May 2020
މަރުކަޒީ ބެންކުގަ ހުރި ހިސާބުތައް އެދައްކާ 13 ބިލިއަން ދިވެހި ރުފިޔާގެ ސްޓްރެންތެއްގަ މިގައުމު ރޯ ތަން ފެނި ބިރު ހީވޭ. ސަރުކަރަށް މިވަގުތަށް ކުރެވޭނެ ކަމަކީ ފައިސާ ޖެހުމަށް ފަހު އިގްތިސޯދަށް އެކި ރިލީފްގެ ގޮތުގަ ދޫކޮށް ޑޮލަރަށް ހަރުކަށި ކޮންޓްރޯލް ތަކެއް ގެނައުން. ދައުރުވާ ފައިސާ ގިނަކޮށް މަސްވެރިކަމާ ދަނޑުވެރިކަމުން ރައްޔިތުންގެ ސަލާމަތާ ގައުމުގެ ސަލާމަތް ކަށަވަރުކުރުން. ކާޑުގެ އެހީ ހޯދާ ސްޓޮކް ކުރުން. ޑޮލަރު އާމްދަނީން ރަން ގަނެ ގިނަކުރުން.
ޏިމުނީ ދެން
08 May 2020
މުސާރަ ނުކަނޑާނަމޭ ބުނީމަ ލޯނު ފަސްކުރަން ނުލަން. ކަލޭމެން ތިހަދާ ފޯކާސްޓަކައް ދެން އިތުބާރުކުރާކަށް ނެތިން. ނާންނާތި ވޯޓޭކިޔާފަ
ކަރުކެހި
08 May 2020
ބަޔާނުގާ ކުރި ހުރިހާ ހަރަދެއްގެ ހިސާބު ލިޔެކިއުމުން ދައްކަން ޖެހޭނެ އަދި ހަރަދައް ނުބެލުނުކަމުގައިވިޔަސް ރައްޔިތުންގެ ފައިސާއިން ރައްޔިތުންނައް ފައިދާހުރި ކަންކަމައް ހަރަދުކޮއް އޭގެ އެންމެ ތަފްސީލީ ރިޕޯތުވެސް ދައްކަންޖެހޭނެ މިވަރަކުން މި ބައިގަޑައް ސަލާމަތެއް ނުވެވޭނެ ކުރިޔައް އޮތްއިން ތިހާބުގާ
ޕޮކަޑި
07 May 2020
ދިވެހިރައްޔިތުންނަށް ނޫފުލޭބުރައެއް ސިޔާސީމީހުން ގެނެސްގެން ހެސްކިޔާފަ ބޮޑެތި ބިޔަމުސާރަތައް ނަގައިގެން ރައްޔިތުން ތިބީ ބަނޑަށް
މަންނާނު
07 May 2020
ތިއެއްޗެހި ތައްކައިލައިފި
ގުޑުގުޑާ
07 May 2020
ދައުލަތުގެރިޒާއުގައިހުރިލާރިކޮބޯ އެއައްވީގޮތްބެލުއްރަގަޅުވާނެ އެއިރުއް ލާރިލިބޭގޮތް ބުނެދިނުމައް ތައްޔާރު
އަސާސީ
07 May 2020
ދެރަވޭ މުސާރަ ކުޑަވާތީ، އެކަމަކު މިވަގުތު އެނޫން ގޮތެއްނެތް، ހުރިހާ އެންމެން ވެސް ހަރަދުތައް ކުޑަކޮށް ކެތްކޮށްލާ، ދުޢާ ކުރޭ މިކަމުން ސަލާމަތްވޭތޯ.