ކޮވިޑު ވެކްސިން ގަންނަން އިންޑިއާގެ ސީރަމް އިންސްޓިޓިއުޓާއެކު ސޮއިކުރަނީ

ރާއްޖޭގައި ބޭނުންކުރާ ކޮވިޝީލްޑް ވެކްސިން-- ފޮޓޯ: ނިޝާން އަލީ/ މިހާރު

އާސިމާ ނިޒާރު، މިހާރު

11 މާޗް 2021 - 20:40

ކޮވިޑު-19 އިން ދިފާއުވުމަށް ބޭނުންވާ ވެކްސިން ގަންނަން އިންޑިއާގެ ސީރަމް އިންސްޓިޓިއުޓާއެކު ސޮއިކުރަން ދިވެހި ސަރުކާރުން ނިންމައިފި އެވެ.

ފިނޭންސް މިނިސްޓަރު އިބްރާހިމް އަމީރު މިރޭ ނެރުއްވި ގަރާރެއްގައި ވިދާޅުވީ، ކޮވިޑުގެ ބަލިމަޑުކަމުން އަރައިގަތުމަށްޓަކައި ބޭނުންވާ ވެކްސިން ހޯދަން ސީރަމް އިންސްޓިޓިއުޓު އޮފް އިންޑިއާ އަދި ސީރަމް އިންސްޓިޓިއުޓު އޮފް ލައިފް ސައިންސަސް ކުންފުންޏާއެކު ސޮއިކުރަން ނިންމާފައިވާ ކަމަށެވެ. ނަމަވެސް އެކަމާ ގުޅޭ އިތުރު އެއްވެސް ތަފްސީލެއް ނުދެއްވަ އެވެ.

ވެކްސިންގެ 700،000 ޑޯޒު ހޯދަން ރާއްޖެ އިން މީގެ ކުރިން ވަނީ އެސްޓްރާޒެނެކާ ސިންގަޕޯ ޕީޓީއީ، އެލްޓީޑީއީއާއެކު ވެސް ސޮއިކޮށްފަ އެވެ. އެކަމަކު، އެ އެއްބަސްވުމުގެ ދަށުން މިހާތަނަށް އެއްވެސް ވެކްސިނެއް އަދި ނުލިބެ އެވެ. ވިޔަފާރި ހިމާޔަތް ކުރުމަށް ކަމަށް ބުނެ އެއްބަސްވުމާ ގުޅޭ ތަފުސީލު ދިނުމަށް ހެލްތު މިނިސްޓްރީން ވަނީ ދެކޮޅު ހަދައިފަ އެވެ.

ކޮވިޝީލްޑް ވެކްސިން ޑޯޒެއްގެ އަގު އިންޑިއާގައި އުޅެނީ 2-3 ޑޮލަރުގަ އެވެ. ސިރަމް އިންސްޓިޓިއުޓުން އިންޑިއާގެ ހޮސްޕިޓަލްތަކަށް ވެކްސިން ޑޯޒެއް ވިއްކަނީ ދެ ޑޮލަރަށެވެ. އެ ގައުމުގެ އަމިއްލަ ހޮސްޕިޓަލްތަކުން ވެކްސިން ޑޯޒެއް ޖަހައިދެނީ ތިން ޑޮލަރު ނުވަތަ 250 ރުޕީސް އަށެވެ.

ނަމަވެސް އިންޑިއާގެ ސީރަމް އިންސްޓިޓިއުޓުން ރާއްޖެ އަށް ވެކްސިން ދިން އަގެއް ހާމައެއް ނުކުޔެ އެވެ.

ރާއްޖޭގެ އާބާދީގެ އެންމެންނަށް ވާ ވަރަށް ވެކްސިން ގަންނަން ސިންގަޕޫރުގެ ކުންފުންޏަކާއެކު ސޮއިކޮށްފައިވަނިކޮށް، އިންޑިއާގެ ސީރަމް އިންސްޓިޓިއުޓާއެކު ސޮއިކުރި ސަބަބެއް ނޭނގެ އެވެ. އެގޮތަށް ނިންމި ސަބަބެއް އަދި ނޭނގެ އެވެ.

މިދިޔަ މަހުގެ 1 ވަނަ ދުވަހުން ފެށިގެން ރާއްޖޭގައި ބޭނުންކުރަމުން އަންނަ ކޮވިޝީލްޑަކީ އިންޑިއާގެ ސީރަމް އިންސްޓިޓިއުޓުން އުފައްދާ ވެކްސިނެވެ. އޮކްސްފޯޑް ޔުނިވާސިޓީ އާއި އެސްޓްރަޒެނެކާގެ ދިރާސާގެ މައްޗަށް އުފައްދާފައިވާ މި ވެކްސިނަށް އިމަޖެންސީ ހާލަތުގައި ބޭނުންކުރުމުގެ ހުއްދަ ދުނިޔޭގެ ސިއްހަތު ޖަމިއްޔާ ދީފައި ވެ އެވެ.

ގަރާރުގައި އަމީރު ވިދާޅުވީ، އެއީ ބަލިމަޑުކަމާ ގުޅިގެން މުޅި ދުނިޔެ އަށް ވެސް ބޭނުންޖެހިފައިވާ ވެކްސިނެއް ކަމަށެވެ. އެ ވެކްސިން މި ވަގުތު ލިބެން އޮތީ ވަކި ބައެއްގެ އަތުން ކަމަށް ވާތީ އެ އެއްބަސްވުމުގައި ސޮއިކުރުމަކީ ކޮންމެހެން ކުރަންޖެހޭ ކަމެއް ކަމަށް ސަރުކާރުގެ ކަމާބެހޭ އިދާރާތަކުން ނިންމާފައިވާކަން ފާހަގަކުރެއްވި އެވެ.

Covid vaccine hoadhan singapore ge kunfunyakaa eku soikuran nimmaifi

The most trusted news source in the Maldives

Mihaaru

އެއާއެކު، ދައުލަތުގެ މާލިއްޔަތު ގަވައިދުގެ 1-02-1 ވަނަ މާއްދާ އިން ލިބޭ ބާރުގެ ދަށުން، ސީރަމް އިންސްޓިޓިއުޓާއެކު ސޮއިކޮށް ތަންފީޒުކުރުމަށްޓަކައި ހަތަރު މާއްދާއަކަށް އަމަލުކުރަން ނުޖެހޭ ގޮތަށް ވަނީ ނިންމައިފަ އެވެ.

އެއީ މާލިއްޔަތު ގަވައިދުގެ 10.43 ވަނަ މާއްދާ އާއި 10.52 ވަނަ މާއްދާ އާއި 10.67 ވަނަ މާއްދާ އަދި 10.71 ވަނަ މާއްދާ އެވެ. މި މާއްދާތަކަށް އަމަލުކުރަން ނުޖެހޭ ގޮތަށް ނިންމީ ހަމައެކަނި ވެކްސިން ގަތުމަށްޓަކައި ސީރަމް އިންސްޓިޓިއުޓާއެކު ސޮއިކުރާ އެއްބަސްވުމުގެ މުއްދަތަށެވެ.

"އެ އެއްބަސްވުމުގެ މުއްދަތުގައި އެ ކަންކަމާ ގުޅޭ ގޮތުން އަމަލުކުރަންވާނީ އެ އެއްބަސްވުމުގައި ބަޔާންކޮށްފައިވާ ފަދައިން ކަމަށް ނިންމައި އެކަން އިއުލާނު ކުރަމެވެ،" ގަރާރުގައި ވިދާޅުވި އެވެ.

ސީރަމް އިންސްޓިޓިއުޓާއެކު ހަދާ އެއްބަސްވުމުގެ ދަށުން ކުރާ ހަރަދުތަކުގެ އިންޓާނަލް އޮޑިޓެއް ފިނޭންސް މިނިސްޓްރީން ކުރިއަށް ގެންދާނެ އެވެ. އެ ހަރަދުތައް ހެލްތު މިނިސްޓްރީގެ މާލީ ޒިންމާދާރުވެރިޔާ ހާއްސަ ސަމާލުކަމެއް ދީގެން ބަލަން އަންގާފައިވެ އެވެ.

ފިނޭންސް މިނިސްޓްރީ ކޮވިޑް ވެކްސިން ހެލްތު މިނިސްޓްރީ އިބްރާހިމް އަމީރު، ކުރީގެ ފިނޭންސް މިނިސްޓަރު ރާއްޖެ-އިންޑިއާ އިންޑިއާ ސިއްހަތު ބަލިތައް ދިވެހި ސަރުކާރު ފިނޭންސް މިނިސްޓަރު

33 ކޮމެންޓް, 38 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮޑުމީހާ

12 March 2021

އިންޑިއާއިން ހިލޭ 2 ލައްކަ ޗައިނާއިންހިލޭ 2 ލައްކަ ޑަބްލިޔުއެޗްއޯއާއި އެހެނިހެން ތަންތަނުން އެތައް ވެކްސިނެއްއެބަ ލިބޭ ހިލޭ. އެވަރުންވެސް 7 ލައްކަ ޑޯޒް ގަންނަން ސިންގަޕޫރަށް، އަނެއްކާ އެތައް ޑޯޒެއް ގަންނަން އިންޑިއާއަށް. މި ޕެންޑަމިކަކީ މި ބައިގަޑަށް ހަޒާނާ ލޫޓުވަން ލިބުނު އީދެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާލި

12 March 2021

ސިންގަޕޫރުގެ ކުންފުންޏާއެކު ސޮއި ކުރިއަސް އަލުން އިންޑިއާއާއި އެކު ސޮއިކުރުމަކީ މައްސަލައެއް ނޫނޭ. މައި ސަރުކާރުން އެންގީމައި ޖެހޭނީ ކުރާށޭ! ސިންގަޕޫރު ކުންފުންޏަށް ގެއްލުމުގެ ބަދަލުގެ ގޮތުގައި ހައެއްްކަ މިލިއަން ޑޮލަރު ދިނީމައި ނިމުނީ!. ލެޕްޓޮޕަކުން ގައުމު ހިންގާ ޕާޓީ ވެރިކަމުގައި އޮތީ. ލަގަން އޮތީ މައި ސަރުކާރު އަތުގައި! ބޯޓުގަނޑު ވެސް މައުލޫމާތު ނަގާފައި ދޫކޮށްލީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޔަ ބޮޑޭ

12 March 2021

ކޯއްޗެއް ތިހަދަނީ ދުނިޔޭގެ ވެކްސިން އުފައްދާ ގައުމެއް އޮތިއްޔާ އޮތްގައުމަކުން ލައްކަ އިން މިލިއަނުން ވެކްސިން ގަންނަން ސޮއިކުރަމުން ތިދަނީ! އަނެއްކާ ވެންޓިލޭޓަރައް ވީހެން ވެކްސިން ތަކައްވެސް ވީބާ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީލީ

12 March 2021

ސިންގަޕޫރު ކުންފުންޏާއެކު ސޮއިކުރުމުގެ ބަދަލުގަ އެންމެފުރަތަމަވެސް ސީރަމްއާއެކު ސޮއިކުރިނަމަ މާރަނގަޅުވީސް އެތަކެތިއަގުތައް ހޯދުމައް މާފަސޭހަވީސް މިވަގުތު ގުޅުންތައް ހުރިގޮތުން އެމީހުންގެ އަތް އަނބުރާލަންމާފަސޭހަވާނެ. ސިްނގަޕޫރިކުންފުނިންވެސް ރަނގަޅައްވެއްޖިއްޔާ ރާއްޖެއައްވިއްކާނީ ސީރަމްއިންގަނެގެން އެއައްފައިދާއެއްލާފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނައު77

12 March 2021

700،000 ޑޯޒް ގަންނަ ލާރިވެސް ތި ކާލީ. މާދުރުގަ އޮތް ކަމާ ނުބެހޭ ބަޔަކަށް ވެކްސިން ގަންނަން ހަވާލް ކުރީމަވެސް އެނގިއްޖެ. ޢެންމެ ފަހު ވަގުތާ ހަމަ އައްވެސް ކީ ލިބޭނޭ. އެކަމު ވީ ހަމަ މަ ބުނި ގޮތައް. ހިލޭ ބަހާ އެއްޗެއް ފިޔަވާ އިތުރު އެއްވެސް އެއްޗެއް ނުގެނެ ވުނު. ލަދު ގަނޭތަ މި މީހުން. ލަދު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށަވިޔަނި

12 March 2021

އިންޑިއާއިން ގެނައި ހުރިހާ ވެކްސިނެއް ޖަހައި ހުސްކޮށްފި. އެހެންވީމަ އެއަދަދަށް ގަނެގެން ނަމަވެސް ވެކްސިން ގެންނަންޖެހޭ. ކުރިން ޖެހިމީހުނަށް ދެވަނަ ޑޯޒް ޖެހުމަށްޓަކައި. ސިންގަޕޫރު އޯޑަރު ގެ ޚަބަރެއް ނުވޭ. އިންޑިއާގެ ފުރަތަމަ ޝިޕްމެންޓަކީ ހިލޭ ދިން އެއްޗެހިކަމަށް އިންޑިއާގެ ޓީވީ ތަކުންވެސް ބުނި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުރާ

12 March 2021

ސިންގަޕޫރު ކުންފުންޏަށް ބަދަލުދޭން ނުޖެހިއްޖިއްޔާ ކިތަންމެހާ ވެސް ރަނގަޅު. ގައިމު ހިލެއޭ ކިޔާފައި 2 ގައުމަކުން 4 ލައްކަ ޑޯޒުގެ ވެކްސިން ލިބުނުކަމަށް ބުނި. އިތުރު 7 ލައްކަ. މިވާގޮތެއް އެނގޭ ކުއްޖަކު ލިޔެލަބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްތުނާ 1

12 March 2021

މިޒަމާނުގައި ވައްކަން ކުރަން ވީމަ ކޮންމެވެސް މާއްދާއެއް އުވާލުމުން އެނިމުނީ........ ދެން އެއޮތީ ވައްކަން ހަލާލު ކަމަކަށް ބަދަލުބެފައި.....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

12 March 2021

ގިނަ ގައުމު ތަކުން ވެކްސިން ގަންނަނީ އެކި ދިމާލުން، ޖުމްލަ ކޮށް ގައުމުގެ އާބަދިއަށް ބޭނުންވާ ވަރަށްވުރެ މާ ގިނައިން.. އެހެން ހަދަނީ އެއް ދިމލުން މަޅި އަރިއަސް ދެން ހުރި ދީމާތަކުން ލިބޭނެތީ.. މި ވަގުތު މުހިންމީ ލާރި ހަރަދުކޮށްގެން ވެސް އެންމެ އަވަހަށް ލިބުނު ތާކުން ވެކްސިން ގަތުން.. ްްްްްްްްްްްްްްްްްްްްްްްްްްްްްްްްްްްްްްްްްް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟފހ5

12 March 2021

"އެއީ މާލިއްޔަތު ގަވައިދުގެ 10.43 ވަނަ މާއްދާ އާއި 10.52 ވަނަ މާއްދާ އާއި 10.67 ވަނަ މާއްދާ އަދި 10.71 ވަނަ މާއްދާ އެވެ." މިއީ ކިހިނެއްވާ މާއްދާތަކެއްކަން ބުނެދިން ނަމަ ދޯ މި އާޓިކަލްގަެި