އޭޑީކޭ ހޮސްޕިޓަލް: އެ ހޮސްޕިޓަލްގެ 12 މުވައްޒަފަކު ވަ -- މިހާރު ފައިލް ފޮޓޯ
11 މެއި 2020 - 00:15
22 comments
އޭޑީކޭ ހޮސްޕިޓަލްގެ 12 މުވައްޒަފަކު ކޮވިޑް-19 އަށް އިއްޔެ ޕޮޒިޓިވްވެއްޖެ އެވެ.
އެ ހޮސްޕިޓަލްގެ މެނޭޖިން ޑިރެކްޓަރު އަހުމަދު އަފްއާލް މިރޭ ވިދާޅުވީ، ކޮވިޑް-19 އަށް ޕޮޒިޓިވްވެފައި ވަނީ މުޅިން ވެސް ސަޕޯޓް ސްޓާފުން ކަމަށެވެ. އެއީ ބަންގްލަދޭޝް އަދި ނޭޕާލަށް ނިސްބަތްވާ ފިރިހެނުންތަކެކެވެ.
ޕޮޒިޓިވްވި މީހުންގެ ތެރެއިން ބަލީގެ އަލާމާތްތައް ފުރަތަމަ ފެނުނީ ފަސް މީހުންގެ ފަރާތުންނެވެ. ނަމަވެސް ރެންޑަމްކޮށް އިތުރު 10 މީހެއްގެ ސާމްޕަލް ނެގިއިރު ބައެއް މީހުން ޕޮޒިޓިވްވެފައިވާ ކަމަށް އޭނާ ވިދާޅުވި އެވެ.
ކޮވިޑް-19 އަށް ޕޮޒިޓިވްވި މީހުން ދިރިއުޅެނީ ހުޅުމާލޭގަ އެވެ. އެ މީހުންގެ އެކޮމޮޑޭޝަން ހަމަޖައްސާފައި ވަނީ ވެސް އެ ހޮސްޕިޓަލުންނެވެ. އެތަނުގައި އޭޑީކޭގެ 47 މުވައްޒަފަކު ދިރިއުޅެ އެވެ.
އެ މީހުން ދިރިއުޅޭތަން މޮނިޓަރިންގެ ހާލަތަށް ބަދަލުކޮށް، ޕޮޒިޓިވްވި މީހުން ވަނީ ކަރަންޓީން ފެސިލިޓީ އަށް ގެންގޮސްފަ އެވެ. އެ އެންމެންގެ ހާލު ވެސް ރަނގަޅެވެ.
"ހޮސްޕިޓަލުން މި އަންނަނީ އެސްއޯޕީއަށް ފޮލޯކުރަމުން. މުވައްޒަފުން ވެސް ތިބޭނީ އެކަމަށް ވަރަށް ބޮޑަށް ރައްކާތެރިވެގެން. ބޮޑަށް ގަބޫލު ކުރެވެނީ އެ މީހުން އުޅޭ ތަނުން ކަމަށް ޕޮޒިޓިވްވީ،" އަފްއާލް ވިދާޅުވި އެވެ.
އޭނާ ވިދާޅުވީ ރޯގާގެ ކުޑަ ވެސް އަލާމާތެއް ހުރި ނަމަ މުވައްޒަފުން ގޭގައި މަޑުކުރުވާނެ ކަމަށެވެ. އެގޮތުން މި މުވައްޒަފުން ޓެސްޓުކުރީ ބަލީގެ އަލާމާތްތައް ފެނިގެން އެކަން ހެލްތު ޕްރޮޓެކްޝަން އެޖެންސީ (އެޗްޕީއޭ) އަށް އެންގުމުންނެވެ.
ރާއްޖެ އިން މިހާތަނަށް ކޮވިޑް-19 ޖެހުނު މީހުންގެ އަދަދު 835 އަށް އެރިއިރު އޭގެ ތެރެއިން ތިން މީހަކު ވަނީ މަރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނުރާދު
11 May 2020
ރާއްޖޭގައި ހިންގާ ބޮޑުއަގު ނަގާ ބޮޑެތިި ހޮސްޕިޓަލު ތައް މި އޭޑީކޭ އާއި ޓުރީޓޮޕް އަކީ. އެކަމަކު ކޮވިޑަށް ޓެސްޓު ކުރާ ޕީސީއާރު މެޝިން ގަޑެއް ވެސް ނެތޭ. މި ހޮސްޕިޓަލް ތަކަށް މަޖުބޫރު ކުރަން އެބަޖެހޭ މެޝިން ގެންނަން.
ދުނިޔޭގަތޯ
11 May 2020
ކީކޭ؟ ޕީސީއާރު މެޝިން ގަންނަން މަޖުބޫރު ކުރަންށޭ؟ އަޅެފަހެ ތިއުޅެނީ ކޮން ދުނިޔެއަށްގަ؟ ސަރުކާރުން ވެސް އެއުޅެނީ ތިއިން މެޝިނެއް ގަންނަން ނުލިބިގެން. ދެން "މަޖުބޫރު" ކުރިޔޭ ކިޔާފަ ވަކި އެހެން ބަޔަކަށް ތިއިން މެޝިނެއް ލިބޭނެތަ؟ ކޮމެންޓު ކުރުމުގެ ކުރިން ތިމާގެ ސިކުނޑިން ކުޑަކޮށް ވެސް ވިސްނާލަބަލަ. ނޫނީ އެބައި މަސައްކަތް ނުކުރަނީތަ؟
ފްރޮމްވެއަރ
11 May 2020
އެންމެ ފުރަތަމަ ޕޮޒިޓިވްވީ މީހާގެ ޓްރޭސިންގއިން ދިމާވި މީހުންތައް ކަރަންޓީނަށް ގެންގޮސް ދެން ފެނުނު މީހުންތަކުގެ ޓްރޭސިންގގެ މީހުންތައްވެސް ކަރަންޓީނަށް ގެންގޮސް މިއެންމެންތައް ކަރަންޓީނުގައި ބައިތިއްބައިގެން އުޅޭއިރުވެސް ހުއްޓިނެތި ޕޮޒިޓިވްތައް ފެންނަމުން ދިއުމާމެދު ޑރން ބުނަނީ ކީކޭބާ؟
މަސްވެރިން
11 May 2020
އެމީހުން ވެދާނެ އެތަނުގެ އެހެން މުވައްޒަފުންނާއި އަދި އެތަނަށް ފަރުވާ ހޯދަން ދާ މީހުންނާއި ވެސް ކޮންޓެކްޓް ވެފައިވާ ބަޔަކަށް ވެސް ގެއްލުން ބޮޑު
ޙަކީމު
11 May 2020
ގިނަ ބިދޭސީންނަށް ވަރިހަމަ ކަހަލަގޮތަކަށް އެމީހުން އުޅެނީ. ބޮޑެތި ކުންފުނިތަކުން މުއަޒިފުން އުޅޭނުޅޭ ގޮތް ބަލައެއްނުލާ. ހޮސްޕިޓަލެއްގެ މުއަޒިފުން މިހެން ވީމަ ދެން އާދައިގެ ވިޔަފާރިތަކަށް ވާނީ ކިހެނެއް. ކޮންމެ ވިޔަފާރި ވެރިޔެއްވެސް ބަލަނީ މެކްސިމަމް ޕްރޮފިޓް. އެކަމު ޓްވީޓް ކުރާއިރު ވަރަށް ސޯޝަލް ޖަސްޓިސް ވެގެން ވަރަށް އެންވައިރަމަންޓް ވެގެން އުޅޭނީ.
ކަސަބު
11 May 2020
ބަލިޖެހިފައިވާ އެންމެނަށް އަވަސް ޝިފާދެއްވާށި. އަދި ހުރިހާ އެންމެން މުޅިދުނިޔޭގެ ހުރިހާ އެންމެން މި ބަލިން ރައްކާތެރި ކުައްވާށި. އާމީން
މޯޑޭ
11 May 2020
އޭޑީކޭގަވެސް ހާދަ ބިދޭސީންގިނައޭ. ނިދަށްވަނީ ވެސް ތި 50 މީހުން އެއްތާކު ދޯ.
ޙުސްދޮގު
11 May 2020
ތާހިރު ވެއްޖެނުން، މަގޭ އަންހެނުން ވިހައިގެން އިއްޔެ ނުކުތީ. ހެލްޕާ ނުލިބުނަސް ވީލް ޗެއާރ ލިބެނިކޮން އަންހެނުން ގެންގޮސްދާނަމޭ ބުނީމާވެސް ހަމަ އެމީހުން ލައްވާ ކަންތައްތަ އިންތިޒާމު ކުރުވީ. ދެން ބުނޭ ފަރުދީ ޒިންމާއޭ!
ގެދާނޯމޮސް
11 May 2020
އަމިއްލަ ނަފްސަށް ބޭއިންސާފުވާ ހާ ދުވަސް މިކަމުގަ ފާއިތު ވަމުންދާއިރު ފެންނާނެ ނަތީޖާ މިހާރު ފެނިގެން މިދަނީއެވެ. ކީއްތޯ ކުރާނީ އެއްބަޔަކު އަވަދިނެތި ރަނގަޅު ކުރުމުގައި އަނެއް ބަޔަކު ހިތުހުރިހާ ގޮތަކަށް އުޅެ ނަގަނީއެވެ. ވައިރަސް ހަމަވައިގަ ހަމަދުވެ ނަގަނީއެވެ. އެސޮރު ނެތި ދިއުން އޮތީ ގިނަބައެއްގެ ދިފާއީ ނިޒާމް ގަދަފަދަ ކޮށްބެހެއްޓޭ ދުވަހަކުން ނެވެ. އެއީ މުޅިދުނިޔޭގެ އެންމެން ރަނގަޅު ވިޓަމިންސް ބޭނުން ކުރުމަށް ހޭލުން ތެރިވާ ދުވަހަކުންނެވެ.
ޖާވީ
11 May 2020
ބަންގްލާދޭޝް މީހުންނަކީ ދިވެހިންނަށް ވުރެން ރުޅިގަދަ ހަރުކަށި މިޒާޖެއްގެ މީހުން
ފަރުދީ
11 May 2020
އޭޑީކޭގައި ކޮވިޑު ޓެސްޓު ކުރާމެޝިނެއް ނެތުމަކީ ލަދުވެތި ކަމެއް. އަދި އޭޑީކޭ މުވައްޒަފުން ޓެސްޓު ސާމްޕަލް ބަންޑާރަ ހޮސްޕީޓަލަށް ފުނުވައިގެން ތި ޓެސްޓުކުރީ.