ކޮވިޑް-19: އައްޑޫގެ ވިޔަފާރި އާއި އެއްގަމު ދަތުރުތަކަށް ލުއިތަކެއް ދީފި

އަހުމަދު އަދްޝަން، މިހާރު

14 މެއި 2020 - 17:10

ކޮވިޑް-19 ގެ ފެތުރުނަ ނުދިނުމަށް އައްޑޫގައި އަޅާފައިވާ ފިޔަވަޅުތަކުގެ ތެރެއިން، ވިޔަފާރި އާއި އެއްގަމު ދަތުރުފަތުރުތަކަށް އައްޑޫ ސިޓީ ކައުންސިލުން ހާއްސަ އުސޫލުތަކަކާ އެކު މިއަދު ލުއިތަކެއް ދޭން ނިންމައިފި އެވެ.

އައްޑޫގެ ސޯޝަލް ސަޕޯޓް ޑެސްކް (އެސްއެސްޑީ) ތަކުން ހުއްދަ ދޫކުރާ ފިހާރަތައް ވަކި ވަކި ވަގުތުތަކެއްގައި ހުޅުވައިލުމުގެ ހުއްދަ ދޭން މިހާރު ވަނީ ނިންމައިފަ އެވެ. އެގޮތުން، ފިހާރަތައް ހުޅުވައިގެން ހިދުމަތް ދެވޭނީ ހުކުރު ދުވަސް ފިޔަވައި ކޮންމެ ދުވަހެއްގެ ހެނދުނު 8:00 ން މެންދުރު ފަހު 3:00 އަށް، ހުކުރު ދުވަހު ހެނދުނު 08:00-11:00 އަށް، އަދި މެންދުރުފަހު 1:30 އިން 3:00 އަށެވެ.

މި ވަގުތުތައް ފިޔަވައި އެހެން ވަގުތުތަކުގައި، އެ އަވަށެއްގެ އެސްއެސްޑީީގައި ރަޖިސްޓަރީ ކޮށްފައިވާ ވިޔަފާރިތަކަށް ޑެލިވަރީގެ ހިދުމަތް ވެސް ދެވޭނެ އެވެ.

ކޮވިޑް 19 އާއި ގުޅިގެން އައްޑޫގެ ވިޔަފާރިކުރާ ފިހާރަތަކަށް އަޅާފައިވާ ފިޔަވަޅުތަކަށް ލުއިދޭން ކައުންސިލުން ނިންމަވައިފިhttps://t.co/7wAI99gHQL
— Addu City Council (@AdduCityCouncil) May 14, 2020

ފިހާރަތައް ހުޅުވައިގެން ހުއްދަ ދިނުމުގައި ބަލާނީ ކައުންސިލުން ކަނޑައަޅާފައިވާ ގައިޑްލައިންތަކަށް ވިޔަފާރިތަކުން އަމަލުކުރަންޖެހޭ ކަންތައްތައް ފުރިހަމަ ކޮށްފައި ވޭތޯ ކަމަށާއި އެކަން ކަމަށް އަމަލުކުރަން ޖެހޭނެ ކަމަށް ވެސް ސިޓީ ކައުންސިލުން ބުންޏެވެ. އޭގެ ތެރޭގައި ހިމެނެނީ ގިނަވެގެން ކޮންމެ ފަހަރަކު ހަތަރު ކަސްޓަމަރަކު ވައްދައިގެން ހިދުމަތް ދިނުމާއި ކަސްޓަމަރުންނާއި ފިހާރައިގެ ކޭޝިޔަރުންނާ ދެމެދު ތިން ފޫޓަށް ވުރެ ދުރުގައި ތިބެ މުޢާމަލާތް ކުރުން ފަދަ ކަންކަމެވެ.

އައްޑޫގެ ވިޔަފާރި މި ވަގުތު ބަރޯސާވެފައި އޮތީ ޑެލިވަރީއަށެވެ.

ކޮވިޑް-19އާ ދިމާކޮށް އައްޑޫގެ އެއް އަވަށުން އަނެއް އަވަށަށް ދަތުރުކުރުން މަނާކޮށް، އެ ކަމަށް ފުލުހުންގެ ހުއްދައެއް ހޯދަން ޖެހޭ ގޮތަށް ހަމަޖައްސާފައި އޮތް ނަމަވެސް އެއްގަމު ދަތުރުފަތުރަށް މިހާރު ވަނީ ލުޔެއް ދީފަ އެވެ. އެގޮތުން. ހިތަދޫގައި ދިރިއުޅޭ މީހުންނަށް ކޮންމެ ހަފުތާއެއްގެ ހޮނިހިރު، ހޯމަ އަދި ބުރާސްފަތި ދުވަހުގެ ހެނދުނު 9:00 ން މެންދުރު ފަހު 3:00 އަށް ގުޅިފައިވާ އެހެން އަވަށްތަކަށް ދަތުރުކުރެވޭނެ އެވެ.

މަރަދޫ، މަރަދޫފޭދޫ، ފޭދޫގައި ދިރިއުޅޭ މީހުން އެހެން އަވަށްތަކަށް އާދީއްތަ، އަންގާރަ އަދި ބުދަ ދުވަހުގެ ހަމަ އެ ގަޑިތަކުގައި ދަތުރުކުރެވޭނެ އެވެ. އެކަމަކު ދަތުރުކުރެވޭނީ ފުލުހުންގެ ހުއްދަ ހޯދައިގެންނެވެ.

ކައުންސިލުން ބުނިގޮތުގައި، އަލަށް އަލަށް އެކުލަވާލައި އާންމުކުރި ގައިޑްލައިންތަކަށް އަމަލުކުރަން ފަށާނީ މާދަމާ އިން ފެށިގެންނެވެ.

ސ. ފޭދޫ ސ. ހިތަދޫ އައްޑޫ ސ. މަރަދޫ ދަތުރުފަތުރު އައްޑޫ ސިޓީ ކައުންސިލް ސ. ހުޅުދޫ ސ. މީދޫ ސ. މަރަދޫ ފޭދޫ ސަލާމަތީ ފިޔަވަޅުތައް ސިއްހަތާއި ރައްކާތެރިކަން

7 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

15 May 2020

ރައްކާތެރިކަމުގެ ފިޔަވަޅުތަކާއިއެކު ހަމައެކަނި ސްކޫލް ބަހާއި އާއިލާގެ އަމިއްލަކާރުގައި ދަތުރުކުރުމަށް ޝަރުތުކޮށް އައްޑޫގެ ސްކޫލްތައްހުޅުވާލަންޖެހޭ. # ކްލާސްރޫމް ތަކުން ޤުދުރަތީ ވައި ފުރިހަމައަށްދައުރުވާނެގޮތްހަދާ ކުދިންނާއި ޓީޗަރުން މާސްކްއަޅުވައި އެކަށީގެންވާ ދުރުމިންބަހައްޓައި ކިޔަވާދޭންފައްޓާންވީ. # އަދި ކައުންސިލުން އިންތިޒާމްތަކެއް ހަމަޖައްސާ މާލެފަދަ ރާއްޖެތެރޭގެ ރަށްރަށުންއައިސް އައްޑޫގައި ތިބިކުދިންނަށްވެސް ބައިވެރިވެވޭނެގޮތް ހަމަޖައްސަވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

14 May 2020

ކޮވިޑް 19 އަށް ވެކްސިނެއް ނުލިބޭނަމަ ބަލީގެ ނުރައްކާ އޭގެ ޒާތުގައި ދެމިއޮންނާނެ. # އަހަރުމެނަށް ދެން އޮތްގޮތަކީ ދުނިޔެ އަމަލުކުރަމުންދާގޮތަށް ކަންކަން ކުރުން. މާނައަކީ އަހަރުމެން ދިރިއުޅޭ ވެށީގައި "ކޮވިޑް ބަލިވެސް އެބައުޅޭކަން ދަނެ" އަހަރުމެން ދިރިއުޅުމަށް ނިކުތުން. # ރައްކާތެރިކަމުގެ ފިޔަވަޅުތަކާއިއެކު ﷲ އަށް ޝުކުރުކޮށް މަސައްކަތަށް ނިކުމެ ސްކޫލް، އޮފީސް އަދި ވިޔަފާރި ހުޅުވާލާ. މާލެއިން އައިސް ތިބި ކުދިންނަސްވެސް ބާކީކޮށްނުލާ ސްކޫލްތަކުން ފުރުސަތުދެއްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

14 May 2020

ފުރަތަމަ ބަލިމީހާ މާލެއިން ފެނުނު ދުވަހާއި މާލޭގެ ސްކޫލްތަކާއި ރިސޯޓްތައް ބަންދުކުރުމުން އަޅާން ޖެހުނު ފިޔަވަޅުއަޅާ ރާއްޖެތެރޭގައި ކުއްޔަށް އުޅުނުމީހުންނާއި ކިޔަވާކުދިން އަދި ބޭސްކުރަން ގޮސްތިބިމީހުން ވަގުތުން އަބުރާ ސިޓީއަށް ގެނައިނަމަ ރަނގަޅު ވީސް. # ރާއްޖެތެރެއިން (މާލެއިން) އަންނަމީހުން ކޮރަންޓީނުކޮށް މޮނިޓަރ ކުރެވޭނެ ވަސީލަތްޤާއިމްކޮށް އައްޑޫ ނިއުނޯރމަލްގަ ހުޅުވާލަންޖެހޭ. ޑިސްޓެންސް އަދި ފޭސްމާސްކާއިއެކު ސްކޫލް، އޮފީސް، ވިޔަފާރިތައްވެސް ހުޅުވާލަންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޮޗްޑޮގް

14 May 2020

ރޯދައަަށް ފަހު ރިސްކު ދަށް ރަށްރަށުގެ ސްކޫލްތައް ހުޅުވާލަން ޖެހޭ. ލޮކްޑައުންއެއްގައި ރަށްރަށް އަރާ ނުފޭބި މަސް ދުވަސް ވެއްޖެ. އަޅުގަނޑަކަށް ނުވިސްނޭ ރަށްރަށުގެ ސްކޫލްތައް ބަންދުކޮށްގެން ތިބެންޖެހޭ ސަބަބެއް. އަދި މި ވަގުތު މާލެއިން ރަށަށް ގޮސް ތިބި ކުދިން ވެސް ރަށު ސްކޫލަށް ގޮސް ކިޔެވޭނެ އިންތިޒާމް ވަގުތުން ހަމަޖައްސަންޖެހޭ. މާލޭގައި 4 ދަންފަޅި 6 ދަންފަޅި ހަދައިގެން ކިޔަވައިދިނަސް ވަރިހަމަ. ރަށްރަށު ކުދިން ނުކިޔަވާ ތިބޭންޖެހޭ ސަބަބެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫޗީ/މީދޫ

14 May 2020

އައްޑޫ ސިޓީ ކުރިއެރުވޭނީ ރަގަޅު ހިންގުތެރިބަޔެއް ސިޓީ ކައުސިލް ގައި ތިބެގެން.އަދި އައްޑޫގެ ހުރިހާކަމެއްގެ ހައްލުކުރެވޭނީ ރަގަޅު ލީޑަރޝިޕެއް އޮވެގެން. މިހާރު ފެއްނަނީ ކަންކަން ހައްލުހޯދަން ނޭގޭބަޔަކު ތިބެ އަތަޅު ގެ ކަންކަން ހަލާކުވަމުންދާ މަންޒަރު.