15 މެއި 2020 - 16:28
11 comments
ކޮވިޑް-19 އަށް މި މަހުގެ ފުރަތަމަ ދުވަހު ނ. މަނަދޫން ޕޮޒިޓިވްވި އަންހެންމީހާއާ ކޮންޓެކްޓްވި، އެ ރަށުގެ އިތުރު ނުވަ މީހަކު އެ ބައްޔަށް ޕޮޒިޓިވްވިކަން އެޗްޕީއޭ އިން މިއަދު އަންގާފައިވާ ކަމަށް މަނަދޫ ކައުންސިލުން ބުނެފި އެވެ.
މަނަދޫން ފުރަތަމަ އެ ބައްޔަށް ޕޮޒިޓިވްވީ ބަނޑުގައި ރިއްސާތީ މަނަދޫ ހޮސްޕިޓަލުން ފަރުވާ ދިނުމަށް ފަހު، ވެސް ހާލު ބޮޑުވެގެން މާލެ ގެނައި މެދު އުމުރުގެ އަންހެނެކެވެ. އޭނާގެ ދެވަނަ ޓެސްޓް ނެގެޓިވްވުމުން ހެދި ތިން ވަނަ ޓެސްޓް އަނެއްކާ ވެސް ވަނީ ޕޮޒިޓިވް ވެފަ އެވެ.
މަނަދޫ ކައުންސިލްގެ ރައީސް މުހައްމަދު އުމަރު "މިހާރު" މިއަދު އަށް ވިދާޅުވީ، އެ އަންހެންމީހާއާ ކޮންޓެކްޓްވި މީހުންގެ ތެރެއިން ޓެސްޓް ކުރި ނުވަ މީހަކު ޕޮޒިޓިވް ވެފައިވާކަން އެޗްޕީއޭ އިން މިއަދު އަންގާފައިވާ ކަމަށެވެ. ޕޮޒިޓިވްވި ނުވަ މީހުން އަދި ތިބީ އެ ރަށުގަ އެވެ.
"އެ ޕޮޒިޓިވްވި މީހުންނަކީ ހޯމް އައިސޮލޭޝަންގައި ތިބި ބައެއް. އަދި ވަކިވަކި މީހުންގެ ތަފްސީލެއް އަޅުގަނޑުމެންނަކަށް ވެސް ނުލިބޭ،" ކައުންސިލްގެ ރައީސް ވިދާޅުވި އެވެ.
މަނަދޫން ފުރަތަމަ އެ ބައްޔަށް މީހަކު ޕޮޒިޓިވްވުމާ ގުޅިގެން އެ ރަށުން ވަނީ 15 ސިއްހީ އެހީތެރިއަކު އައިސޮލޭޓްކޮށްފަ އެވެ. ޕޮޒިޓިވްވި މީހުންގެ ތެރޭގައި ސިއްހީ އެހީތެރިއަކު ހިމެނޭ ކަމެއް އަދި ނޫން ކަމެއް އަދި ނޭނގެ އެވެ.
މި މަހުގެ ފުރަތަމަ ދުވަހުން ފެށިގެން މަނަދޫ އޮތީ މޮނީޓަރިންގެ ހާލަތުގަ އެވެ. އެހެންވެ، އެ ރަށަށް އަރައި ފޭބުމާއި ޒަރޫރީ ބޭނުމަކަށް ނޫނީ ގެއިން ނުކުތުމަކީ މަނާ ކަމެކެވެ.
ކޮވިޑް-19 އަށް ރާއްޖޭން ޕޮޒިޓިވްވި މީހުންގެ އަދަދު ހާހަކަށް މިއަދު އަރާފައިވާއިރު، މާލެ ފިޔަވައި މި ބަލީގެ މީހުން ފެނިފައިވަނީ މަނަދޫގެ އިތުރުން ހއ. އުލިގަމާއި އެ އަތޮޅު ތަކަންދު އާއި ށ. ނަރުދޫ އާއި ކ. ތުލުސްދޫންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަރީދާ
16 May 2020
ނަޝީދުގެ ބަދު ދުއާ ހެން ހީވަނީ ބޮޑަށް. މަގޭ ދުއާއަކީ އަދިވެސް ﷲގެ ހެޔޮ ރަހްމަތުން މަނަދޫ ބާކީ ތިބި ރައްޔިތުންވެސް މިކަމުން ސަލާމަތްވުން.
ލަސް ލަސް
15 May 2020
ބަލަ ދެހަފުތާތިނެތީ ޒެސްތު ގެ ނަތީޖާ ކައުންސިލް އާ ހަމަޔައް ފޯރުކޮއްދޭން ތިވަރު މާތިނަދުވަސް މިހާރު ޖެހޭނެ އަެއިސޮލެސަން ގަ ތިބި މާހުންނާ ކޮންޓެކުވި އެންމެން ވީއެންމެއަވަހަކައް ޓެސްޓު ކުރަން
ދޫނިރާއްޖެ1
15 May 2020
މަނަދޫ އެއްމެނަށް ކޮވިޑް ޖެހޭނެ.. ދޫނިރާއްޖެ ރައީސް.
ކިހާ ދެރަ
15 May 2020
ހާދަ ދުވަހެއް ފަހުން ތި ނަތީޖާ ލިބުނީ؟ ރަށެއް ހަލާކު ވީނު ތި ހާ ލަސް ކުރުމުން.
800 މިލިޔަން ބަކެޓް
15 May 2020
މި ވިއްސަރަ މޫސުމު ދެން ކިހިނެއް ހަދާނީ؟ އެމީހުން ގެންނާނީ ކިހިނެއް؟
ނަޖުމުއްދީން
15 May 2020
ނަޝީދު ބުނީމާ ގޯސްވީ.
އަނގަ ފޫޅު
15 May 2020
ނަޝީދަކީ މިހާރު މާޒީ އެވެ. ނަޝީދު ބުނެގެންތަ މީހުނަށް ބަލި ޖެހެނީ؟ އެއީ ކާކު؟
ކޯންމޭން ކ
15 May 2020
ހިއްދަތި ކަމެއް ﷲއިރާކުރަށްވާ ގޮތަށް ކަންތަށް ކުރަށްވާނެ އެބަޔަކު އަމިއްލަޔަށް ހޯދައި ގަތް ކަމެއް މެނުވީ އެބަޔަކަށް ﷲ ނުޖައްސަވާ
ސާފުވެއްޖެ
15 May 2020
ބަލިޖެހެނީ އެމީހަކު ކަންކުރާގޮތަކުން ބަލިން ރަނގަޅުވަނީ ﷲ ސިފާދެއްވުމުން
ޑޮން0
15 May 2020
ހާދަލަހަކުން ތިކަން ތި އެނގުނީ
މާމަދަރި
16 May 2020
ލަހެއް ނޫން. ފުރަތަމަ ކޭސް ޕޮސިޓިވް ވީމަ އައިސޮލޭޓު ކުރި މީހުން މީ. 14 ދުވަސްކޮށްފަ އެމީހުން ކަރަންޓީނުން ދޫކޮށްލަންވެގެން ނެގި ސާމްޕަލްތަކުން ޕޮސިޓިވް ވީ. އެހެންވީމަ ސާމްޕަލް ނެގިތާ 2 ދުވަސްފަހުން ނަތީޖާ އެލިބުނީ. މި ޕޮސިޓިވް ވީ މީހުން ތެރޭގަ އެބައުޅޭ 80 އަހަރުގެ މީހާ ޕޮސިޓިވް ވެގެން ޑައިރެކްޓު ކޮންޓެކްޓުގެ ގޮތުގަ ހިމެނިގެން އޭރު ޓެސްޓު ހަދާފަ ނަތީޖާ ނެގެޓިވް ވީ 3 މީހުންވެސް. އެމީހުންގެ ދެވަނަ ސާމްޕަލް މިފަހަރު ނެގީމަ ޕޮސިޓިވް ވީ.