19 މެއި 2020 - 23:23
17 comments
މާލޭގައި ކޮވިޑް-19 ފެތުރެން ފެށުމާ އެކު، ތޮއްޖެހިގެން އުޅޭ ބިދޭސީން ބައިތިއްބަން ހުޅުމާލޭގެ ދެވަނަ ފިޔަވަހީގައި ކަރަންޓީން ފެސިލިޓީއެއް ހަދައި ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އާ އިއްޔެ ހަވާލުކޮށްފި އެވެ.
ދިވެހި ސަރުކާރުގެ އެދުމަކަށް ޗައިނާގެ ސްޓޭޓް ކޮންސްޓްރަކްޝަން ކުންފުނީގެ މުވައްޒަފުންނާއި މަސައްކަތްކުރަން ބޭނުންވާ ސާމާނު ދީ، މިދިޔަ މަހުގެ ފަހުކޮޅު ހަދަން ފެށި ކަރަންޓީން ފެސިލިޓީ ވަނީ ޗައިނާ އިން އެތަން ނިންމާނެ ކަމަށް ބުނި ތާރީހު ކަމަށްވާ، މި މަހުގެ 18 އަށް އެއްކޮށް ނިންމައިފަ އެވެ.
ޗައިނާގެ ސަފީރު ޖާން ލިޖޯން ކުރިން ވިދާޅުވި ގޮތުގައި ފެސިލިޓީ ހެދުމުގައި ސްޓޭޓް ކޮންސްޓްރަކްޝަން ކުންފުނީގެ 200 މުވައްޒަފުން ބައިވެރިވި އެވެ. މުވައްޒަފުންނާއި ވަސީލަތާއި ސާމާނާ އެކު، އެ ކަމަށް 280،000 ޑޮލަރު (4.3 މިލިއަން ރުފިޔާ) ހޭދަކޮށްފައި ވާނެ ކަމަށް އަންޒާދާ ކުރެވޭ ކަމަށް އޭނާ ކުރިން ވިދާޅުވި އެވެ.
ކަރަންޓީން ފެސިލިޓީ އަށް އެޗްޑީސީ ވެސް ހަރަދު ކޮށްފައިވެ އެވެ. ނަމަވެސް ތަފްސީލެއް އަދި ނުލިބެ އެވެ.
ހަ ބްލޮކަކަށް ހަދާ ފެސިލިޓީ އަކީ 800 މީހުންގެ ޖާގައިގެ ތަނެކެވެ. އެ ތަނުގައި 175 މީހުންގެ ޖާގައިގެ ކާ ކޮޓަރިއަކާއި 84 މީހުންގެ ޖާގައިގެ ފާހަނާ ބްލޮކެއް ވެސް ހުރެ އެވެ.
ކޮވިޑް-19 ފެތުރުން ހުއްޓުވުމަށްޓަކައި ސަރުކާރުން އަންނަނީ ދަތި ތަންތަނުގައި، ތޮއްޖެހިގެން ދިރިއުޅެމުން އަންނަ ބިދޭސީން ރައްކާތެރި ތަންތަނަށް ބަދަލުކުރަމުންނެވެ އެގޮތަށް މިހާރު ވެސް ބައެއް ތަންތަނަށް ބިދޭސީން ބަދަލުކޮށްފައި ވެ އެވެ. އެކަމަކު ދެ ވަނަ ފިޔަވަހީގައި ހެދި ފެސިލިޓީއަށް ބިދޭސީން ބަދަލުކުރަން ފަށާނެ ތާރީހެއް އަދި ނުނިންމަ އެވެ.
ރާއްޖޭގައި ހާހަކަށް ވުރެ ގިނަ މީހުންނަށް ކޮވިޑް-19 ޖެހިފައި ވާއިރު އޭގެ ތެރޭގައި ގިނައި ބިދޭސީންނެވެ. އަދި ބިދޭސީންގެ ތެރޭގައި ވެސް، އެއް ތަނެއްގައި ތޮއްޖެހިގެން އުޅޭ މީހުން ގިނަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޭސީ
20 May 2020
އެޗްޑީސީގެ ޓްވީޓްގަ ތިތަނައް ކިޔަނީ ލޭބާ ކުއާޓާ. އެހެން ކަމަށްވާނަމަ ނޫސްވެރިން ސާފު ކޮށް ދެއްވާ ކިހާ ދުވަހަކަށް ހެދި ތަނެއްތޯ؟ ދާއިމީ ކޮށް މީހުން ބައިތިއްބާ ތަނެއް ނަމަ ކޮންތަނެއްގެ ކޮން މުވައްޒަފުންނެއް ކޮން ގޮތަކަށްތޯ އެތަންތާ ބައިތިއްބަނީ. މިވެސް މާރުކޭޓު ގޮޅިތައްހެން މަޖިލިސް މެންބަރުންތައް ނަގައިގެންފަ އެހެން މީހުންނަށް ކުއްޔައްދޭ ތަންތަނަށްވުން ގާތް
ކެކެކެ
20 May 2020
ޝުކުރިއްޔާ އިންޑިއާ!
ޙަސަނާ
20 May 2020
މިހާހިސާބައް ދިޔައިރުވެސް އިންޑިއާ އިން އަންނަ ފުލޯޓިން ހޮސްޕިޓަލްގެ ހަބަރެއްވެސް ނުވޭތަ މިރާއްޖޭގަ ބޮޑުންގެމީހަކު މާފޯރިލާފަ ދެބޯގެރިދުއްވާ އިންޑިއާ ޗައިނާ ދެމެދުފިތުނަނުކުރެވިގެން އުޅޭތީ ބޯހަލާކުވާވަރުވޭ
ށިނަދާމި23
20 May 2020
ޗައިނާ އިންޑިޔާ ކިޔަންވީކީނޫން. ބަންގާޅިން ބޭރު ކުރަންވީ. ސިޔާސީ ވީވީނުން އިޖުތިމާއީ ބޮޑެތި ކަންތަ ހައްލު ނުވެގެން މިޅެނީ.
ާއެޗް
20 May 2020
ތިތަންތާ ވަށައިގެން ފެންސް ނުޖަހާ ބަންގާޅީން ބޭއްތިއްބީމަ ފިލާކަމެއް ނޭނގޭތަ..
އޮނަރަބްލް އަފީފު ދީދީ
20 May 2020
އިންޑިޔާ އަދި ޗައިނާގެ އެހީނުލިބެނީ އެހީހޯދާންޖެހޭ ކަންކަންނޫން އެހެން ޒާތުގެކަންކަމަށް ހިލޭ އެހީހޯދާންއުޅޭތީ. މާލެއާއި ހުޅުމާލެ ގުޅާލަން 300މ އަދި މާލެއާއި ގުޅިފަޅާއި ގުޅާލަން 800މ ޑޮލަރުގެ ހިލޭ އެހީ ބުއްދި ސަލާމަތުން ތިބިބަޔަކު ނުދޭނެ. # އޭގެ ބަދަލުގައި ހަނިމާދޫއާއި، ލ. އަތޮޅު އަދި އައްޑޫސިޓީފަދަ ވަސީލަތް ޤާއިމްވެފައިނެތް ބިންބޮޑު ތަންތަން ދައްކާފަ ހިލޭ އެހީއަށް އެދިބަލަ. އެކަމަކު މާލެ ވީއްޔާ މިމީހުންގެ ތަނަކީ. ބޭނުމެއްނުވާނެ އެހެންރަށަކަށް ކަމެއްވާކަށް.
ވަލީވެރިޔާ
20 May 2020
ތިބުނީ އިންޑިއާ ޗައިނާގެ ވެރިން ބުއްދި ސަލާމަތުން ނެތީއޭތަ؟ ބަލަ އެއޮތީ ތިޔަ ބުނި ދެކަންތަކަށްވެސް އެހީ ދީފައެއްނޫންތަ؟
މިވަރެއްނެތް
20 May 2020
މިހިރީ ޚަރަދުކުޑަކޮށް އަވަހަށް ކަންކަންކުރާގޮތް! ރައީސުއިބޫ އަށް ފެނިލައްވާތޯ؟ މަނިކުފާނުގެ ސަރުކާރުގެ ރޯނުއެދުރުން އިސްވެ ފެށިތަންތަން ސަތޭކަމިލިޔަން ހޭދަވިއިރު އަދިވެސް ނުނިމިގެން ތިއުޅެނީ! އަދިވެސް ކޮރަޕްޝަނާއި ނާޤާބިލު ވެރިންގެ ސަބަބުން ޤައުމާއި ރައްޔިތުން އުފުލަންޖެހޭ ބުރަ ނުފެންނަނީތޯ؟ އާޚިރު އެންމެންވެސް އިނގިލިދިއްކުރާނީ ވެރިމީހާއަށް - މަނިކުފާނަށް. ހިމޭނުން ނުހުންނަވާ. އިސްނަންގަވާ. މިހާރު މިސްރާބުހުރީ ޑައުންދަ ޑްރެއިންއަށް. ވަގުތު ކުޑަ
އަޒާ
20 May 2020
ޤަބޫލުކުރިޔަސް ނުކުރިޔަސް އިންޑިއާ އަކީ ދިވެހިރާއްޖެއަށް ހެޔޮ އެދޭ ބައެއްނޫން، އެކަން މި ސަރުކާރު ހިންގަން ތިބި ގުނބޯއިންނަށް ނެންގުން އެއި ރައީސް ޔާމީނުގެ ކުށެއްނޫން.
އިސްރޯ
20 May 2020
އެހެންވެއްޖެއްޔާ ޗައިނާ ހެޔޮއެދޭތަ؟ ނުވަތަ ﷲ އަށްޓަކައި ކަންތައްކޮށްދޭ މީހުން މިހާރު އެބަތިބިތަ؟ ޚޮންމެ މީހަކީ އަމިއްލަ އެދުމާގެން އުޅޭމީހެއް.
އަޒާ
20 May 2020
އެހެންވިމާ އިންޑިއާ އަށް ސަނާ ކިޔާފަ މިހާރު ނޫހުން ވަރަށް ސަޅި އާރޓިކަލް އެއް ލިޔެލަން ފެނޭ..
މަންނާނު
20 May 2020
4.3 މިލިއަން ރުފިޔާ ޗައިނާ ކުންފުނިން ޚަރަދު ކުރިކަމަށްވަންޔާ އެޗްޑީސީން 10 މިލިއަން ޚަރަދުވެފަހުންނާނީ ވަރަށް ހުށިއާރުވާނެ ރާއްޖޭގެ ކުންފުނިތައް ކޮރަޕްށަން ހިނަގާލަން
ކަޅުމަރިޔަނބު
20 May 2020
ޝުކުރިއްޔާ އިންޑިއާ!
ރާއްޖެ.
20 May 2020
ޗައިނާ އިން ކިތައްމެ އެހީ އެއް ވިޔަސް އިބްރާހީމަކަށް ނުކެރޭ ޝުކުރިއްޔާ އޭ ބުނެލާކަށް ވެސް. ޢެކަމަކު މި ކަމެއް ދިމާވި ފަހުން 3 ފަހަރަށް އިންޑިއާޢަށް މޮދީ އަށް ސަނާ ކިޔާ ޓްވީޓް ކޮއްފި.