ރައީސް އިބްރާހީމް މުހައްމަދު ސޯލިހާއި ސުޕްރީމްކޯޓުގެ ފަނޑިޔާރުން އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ޖަލްސާއެއްގައި ބައިވެރިވެވަޑައިގަންނަވަނީ. މަޖިލީހުން މުސާރަ ކަނޑައަޅާ މަގާމުތަކުގެ މުސާރަ މިހާރު ވަނީ ކުޑަކޮށްފައި.
20 މެއި 2020 - 16:30
66 comments
ކޮވިޑް-19 ފެތުރުން ކޮންޓްރޯލް ކުރަން އެޅި ފިޔަވަޅުތަކުގެ ސަބަބުން ދައުލަތަށް ލިބޭ އާމްދަނީ ދަށްވެފައި ވާތީ ރައީސް އިބްރާހީމް މުހައްމަދު ސޯލިހު ވެސް ހިމެނިވަޑައިގަަންނަވާ ގޮތުން، ބޮޑެތި މުސާރަ ލިބިވަޑައިގަަންނަވާ މަގާމުތަކުގެ މުސާރަ ތިން މަސް ދުވަހަށް ކުޑަކުރަން ރައްޔިތުންގެ މަޖިލީހުން މިއަދު ފާސްކޮށްފި އެވެ.
މަޖިލީހުން މުސާރަ ކަނޑައަޅާ މަގާމުތަކުގެ މުސާރަ ކުޑަކުރަން ސަރުކާރުން ހުށަހެޅި މައްސަލަ ދިރާސާކޮށް، މާލިއްޔަތު ކޮމިޓީން އެކުލަވައިލި ރިޕޯޓް ފާސްކުރީ މިއަދުގެ ޖަލްސާގައި ބައިވެރި ވެވަޑައިގެންނެވި 64 މެމްބަރުންގެ އިއްތިފާގުންނެވެ.
ރައީސްގެ މުސާރަ އަކީ ކުރިން 100،000ރ. އެވެ. މަޖިލީހުން މިއަދު ފާސްކުރި ރިޕޯޓްގައި ކަނޑައަޅާފައި ވަނީ ރައްޔިތުންގެ މަޖިލީހުން މުސާރަ ކަނޑައަޅާ މަގާމުތަކުގެ ތެރެއިން މުސާރަތަކުގެ އަސާސީ މުސާރައިގެ ގޮތުގައި 60،000ރ. އަށް ވުރެ ގިނައިން ލިބިވަޑައިގަންނަވާ ބޭފުޅުންގެ މުސާރައިން 35 ޕަސެންޓް ކުރިއަށް އޮތް ތިން މަސް ދުވަހު ކެނޑުމަށެވެ. އެހެންވެ ރައީސްގެ މުސާރައިން 35،000ރ. ކެނޑި، އެމަނިކުފާނަށް މި ތިން މަހު ލިބިވަޑައިގަންނަވާނީ މަހަކު 65،000ރ. އެވެ.
މިއަދު ފާސްކުރި ރިޕޯޓުގައި ވަނީ 20،001ރ. އާއި 30،000ރ. އާ ދެމެދުގެ މުސާރަތަކުން 20 ޕަސެންޓް، 30،001ރ. އާއި 60،000ރ. އާ ދެމެދުގެ މުސާރަތަކުން 30 ޕަސެންޓް އަދި 60،001ރ. އިން ފެށިގެން މަތީގެ މުސާރަތަކުން 35 ޕަސެންޓް ތިން މަހަށް ކެނޑުމަށެވެ. އެ އުސޫލުން ކެނޑުމުން ރައްޔިތުންގެ މަޖިލީހުގެ މެމްބަރަކަށް ލިބިވަޑައިގަންނަވާނީ 42،000ރ. އެވެ. އެކަމަކު ކޮމިޓީ އެލަވަންސާ އެކު 69،750ރ. ހޯއްދެވުމުގެ ފުރުސަތު މެމްބަރުންނަށް އޮންނާނެ އެވެ.
ރައީސްގެ މުސާރަ އަކީ ކުރިން 100،000ރ. އެވެ. މަޖިލީހުން މިއަދު ފާސްކުރި ރިޕޯޓްގައި ކަނޑައަޅާފައި ވަނީ ރައްޔިތުންގެ މަޖިލީހުން މުސާރަ ކަނޑައަޅާ މަގާމުތަކުގެ ތެރެއިން މުސާރަތަކުގެ އަސާސީ މުސާރައިގެ ގޮތުގައި 60،000ރ. އަށް ވުރެ ގިނައިން ލިބިވަޑައިގަންނަވާ ބޭފުޅުންގެ މުސާރައިން 35 ޕަސެންޓް ކުރިއަށް އޮތް ތިން މަސް ދުވަހު ކެނޑުމަށެވެ. އެހެންވެ ރައީސްގެ މުސާރައިން 35،000ރ. ކެނޑި، އެ މަނިކުފާނަށް މި ތިން މަހު ލިބިވަޑައިގަންނަވާނީ މަހަކު 65،000ރ. އެވެ.
މި އުސޫލުން މުސާރަ ކުޑަކުރުމުން ސުޕީރިއާ ކޯޓުތަކުގެ ބައެއް ފަނޑިޔާރުންނަށް ވުރެ ދަށް ރޭންކްގެ ބައެއް ފަނޑިޔާރުންނާއި މެޖިސްޓްރޭޓުންގެ މުސާރަ މަތިވެ އެވެ. އެހެންވެ، ދަށު ކޯޓުތަކާއި މެޖިސްޓްރޭޓް ކޯޓުތަކުގެ ގާޒީންގެ މުސާރައިން ވަކި ޕަސެންޓެއްގެ ބަދަލުގައި ވަކި އަދަދުތަކެއް ކަނޑަން ކޮމިޓީން އޮތީ ރިޕޯޓްގައި ހިމަނާފަ އެވެ. އެއީ ކްރިމިނަލް ކޯޓުގެ އިސް ގާޒީގެ މުސާރައިން 7،100ރ. އަދި އެ ކޯޓުގެ އެހެން ގާޒީންގެ މުސާރައިން 6،300ރ. ކެނޑުމަށެވެ. ޑްރަގް ކޯޓުގެ އިސް ގާޒީގެ މުސާރައިން 8،600ރ. އަދި އެހެން ގާޒީންގެ މުސާރައިން 7،800ރ. ކަނޑަން ވެސް ރިޕޯޓްގައި ވެ އެވެ. ރިޕޯޓް މިއަދު ފާސްކުރީ އެގޮތަށެވެ.
މުސާރައިގެ މި ބަދަލު ކޯޓްތަކުގެ ފަނޑިޔާރުންނާއި މިނިވަން މުއައްސަަސާތަކުގެ މެމްބަރުންނަށް ވެސް އަންނާނެ އެވެ. މަޖިލީހުން ކަނޑައަޅާ މުސާރަތައް ކުޑަކުރި އިރު ސަރުކާރުން މުސާރަ ކަނޑައަޅާ މަގާމުތަކުގެ ތެރެއިން 20،000ރ. އަށް ވުރެ މަތިން މުސާރަ ލިބޭ މަގާމުތަކުގެ މުސާރަ ވެސް ކަނޑާފައި ވަނީ ހަމަ މި އުސޫލުންނެވެ. މުސާރައިން ކަނޑާނެ ވަރު މަޖިލީހުން ކަނޑައެޅީ ސަރުކާރުގެ ހުށަހެޅުމާ ދާދި އެއްގޮތަކަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަބީބު
30 July 2020
ރައްޔިތުންނާ ހެދި ލޯބިވާވަރުން ނިދިނައިސްގެން އުޅުނުމެންބަރުން މުސާރަ ނުނަގާގޮތައް ފާސްކޮއްލަބަލަ އެއީނޫންބާ ރައްޔިތުންދެކެ ލޯބިވުމަކީ
ޢަލީ ބަނާތު
21 May 2020
ބަލަގަ މި މަޖިލީހޭކިޔާ މިމީސްމީުންގެ ބަޔަށް ބޮޑުނުވާނެ ގޮތަކަށް މިމީހުން އެއްވެސް ކަމެއް އެބަކުރޭބާ ؟ މިއޮއްފަދަ ހާލަދުގައިވެސް ރައްޔިރުންގެ ފައިސާއިން އެމީހުނަށް ބޮޑުބައި އެޅޭގޮތަކަށެއް ނޫންތެ އެހެދީ ! އަޅުގަނޑަށް އެއްގޮތަކަށްވެސް އަޅުގަނޑުމެންގެ ޓެކްސްފައިސާ އިން އެހާބޮޑުމުސާރައެއް ދޭންޖެހޭ މަޖިލީހެއް މިރާއްޖޭގައި އޮއްކަމަކަށް ޤަބޫލެއްނުކުރެވޭ އެކަން އެނގޭނެ އެމީހުންގެ އުޅުމަށް ބަލާލުމުންވެސް އަވަހަށް ތިމަޖިލީހުގެ ކޮމިޓީ އެލަވަންސް ކަނޑާލަ
ބޮޑުމީހާ
21 May 2020
ޓީޗަރުންނަށްވެސް މީގެ ފަހުން ކޯޑިނޭޝަން މީޓިންގ އެލަވެންސް ދޭންވާނެ، އޮފީސްތަކުގެ މީހުންނަށް ޑިޕާޓްމަންޓު މީޓިންގް އެލަވެންސް
އޯކޭ
21 May 2020
އަދިވެސް ރައީސް އަށްވުރެ މުސާރަ ބޮޑު މީހުން ކުންފުނިތަކުގަ ތިބޭނެ 60% ކުޑަކުރިއަސް، މޯލްޑިވިއަން އަމިއްލަޔަށް މުސާރަބޮޑުކޮށްގެން އެތިބީ، ލަދުގެ ކަންފުޅެއްވެސް ނެއް. ދެން ސްޓެލްކޯ ފައިނެންސް ޕާފޯމަންސް އެލަވަންސް އަކޯ، މިދެން ދެރަކަމެއް، އަމީރުމެން އަނގަިން އެކަނި ނުވިސްނާ ބޯބޭނުންކޮށޤ ސިކުނޑިން ވިސްނުން އެދެން.
އަލީބެ
21 May 2020
ސޭޓް ސަންއައިލެެންޑް މެނޭޖަރަށް ވެސް 100000 ރ މަހަކުދޭ ހަރާން ކުރާކަ މެއް،
ޢަހުމަދު ބެ ، ބޯގަންވިލާ
20 May 2020
އައި ޖީ އެ މް އެޗް ގަ ވެސް ތިބޭ ކަ މެއްނޭގުނަސް ބޮޑު މުސާރަ ދީފަ ތިބޭ ބަޔަކު ، އެނުކަޑާނެބާ
އިބިރިހިންބެއްޔާ
20 May 2020
ކުޑަކުޑަ ފެށުމެއް. ދެންވެސް ސިވިލްސާވިސް އަށް އުދަގޫކުރަން ފޮނުވާފައި އެތިބޭ ސިޔާސީ މަގާމުތަކުގައި ތިބޭ އެކްޓިވިސްޓުންގެ މުސާރަ 1/2 ކުޑަކޮއް، ކުރިޔަށް އޮތް 6 މަސްދުވަހުގެ ތެރޭގައި އެހެން ވަޒީފާއެއް ހޯދަން އަންގަވާ. އަދި ސިވިލްސާވިސްގެ ޤާނޫނު ބޮޑަށް ހަރުދަނާކުރަން ދަންނަވަން.
އެހެންތަ
21 May 2020
ތި ކޯލިސަނެއް ބޮލުގަ އަޅައިގެން މަތި ބަރުވެ ހިންގުންތެރިކަމެއް ނެތި ގައުމު މިއްއް އޮޔާދަނީ.
ފޫހި
20 May 2020
މެމްބަރުންނަށް ރައީސް ގެ މުސާރަ ކަޏޑައަޅަންޏާ މެމްބަރުންގެ މުސާރަ ކަނޑައަޅަންޖެހޭނީ ރައީސް ނޫނީ ރައްޔިތުން. ޚޮމެޓީ އެލަވަންސް ކަނޑާލާ. ރައީސަށްވުރެ ގިނައިން އެންމެ ލާރިއެއްވެސް ނުދިނުމަށް ފިިނޭންސް މިނިސްޓްރީ އަށް,ގޮވާލަން. އަމިއްލައަށް އަމިއްލަ ދައުރުގައި މުސާރައާއި އެލަވަންސް ކަނޑައެޅުމީ އަމިއްލަ އެދެމުގެ އިންތިހާ. ދިމޮކްރަސީގެ ބާނީއަތުގަ މިހާރު ބާރު އޮތްއިރު ފެންނަނީ ހުދުމުހުތާރުކަން.
ޕޮކަޑި
20 May 2020
މަޖުލިސްމެމްބަރުންގެ މުސާރައިން ހާދަ ކުޑަޔޭ ކަނޑަށް އެއްބަސްވިވަރު ރައްޔިތުން ދިޔަފެލައިގެންވެސް ތިމީހުންނަން ރަނގަޅުމުސާރައެއް ދެވޭތޯ ބަލަންވާނެ
ފީއަލީ
20 May 2020
އަމިއްލަ މުސާރަ ކަޑއަޅައިގެން 86 މެމްބަރުން އެތަނަށްވަދެ ތިބެ ކޮންސަކަރާތެއް ޖަހާކަށް ސިޔާސީވެރިން ދުވަސްކޮޅަކުން ހަދާލަފާނެ ކޮންމެ 2000 މީހަކަށް މެމްބަރެއް ހުންނަންޖެހޭނޭ ކީއްކުރާހާބައިވަރު މެމްބަރުންނެއްތޯމީ