ބަންގްލަދޭޝްގެ އަސްކަރީ މަތިންދާބޯޓުގައި ފުރި އެ ގައުމުވެ މީހަކު އިމިގްރޭޝަން ކައުންޓަރު ކައިރީގައި: ވީސާ ފީ ނުދެއްކުނު މީހުން ޖޫރިމަނާ ނުކުރަން ނިންމީ މި ދުވަސްވަރު ސަރުކާރު އޮފީސްތައް ބަންދުކޮށްފައި ހުުރުމުން ފީ ދައްކަން އުނދަގޫވުމުން ކަމަށް އިމިގްރޭޝަނުން ބުނި ---ފޮޓޯ: އިމިގްރޭޝަން
21 މެއި 2020 - 11:56
7 comments
ކޮވިޑް-19 އިން ރައްކާތެރިވުމަށްޓަކައި ސަރުކާރު އޮފީސްތައް ބަންދުކޮށްފައިވާ ދުވަސްވަރު، ވިސާ ފީތައް ނުދެއްކުނު މީހުން ޖޫރިމަނާ ނުކުރަން އިމިގްރޭޝަން އިން ނިންމައިފި އެވެ.
އިމިގްރޭޝަނުން ކުރި އިއުލާނެއްގައި ބުނީ، މިދިޔަ މާޗު މަހުގެ 19 އިން ފެށިގެން ޖޫން 30 ގެ ނިޔަލަށް ވިސާ ފީ ނުދެއްކޭ މީހުން ޖޫރިމަނާ ނުކުރާނެ ކަމަށެވެ. މިއީ ސަރުކާރު އޮފީސްތައް ބަންދުކޮށްފައިވާތީ އާއި އޭގެ ފަހުން މާލެ ސަރަހައްދު ލޮކްޑައުންކުރުމުން ވީސާ ފީ ދައްކަން ގިނަބަޔަކަށް އުނދަގޫވުމުން ނިންމި ނިންމުމެއް ކަމަށް އެ ތަނުން ބުންޏެވެ.
އިމިގްރޭޝަނުން ބުނީ ޖޫރިމަނާ ނުކުރަން ނިންމާފައި ވަނީ ޓޫރިސްޓް ވިސާ އާއި ޑިޕެންޑެންސީ ވިސާ އާއި އެހެނިހެން ވިސާގައި ރާއްޖޭގައި އުޅޭ މީހުންގެ ވިސާ ފީ ނުދެއްކުނު މީހުންނާއި ވިސާ މުއްދަތު އިތުކުރަން ހުށަނޭޅުނު މީހުން ކަމަށެވެ. އިމިގްރޭޝަނުން ބުނީ މި ކަންކަމުގައި އާންމުންނާއި ވިޔަފާރިތަކަށް ގޮންޖެހުންތަކެއް ކުރިމަތިވެފައިވާ ކަމަށެވެ.
ކޮވިޑް-19 އިން ރައްކާތެރިވުމަށްޓަކައި ސަރުކާރު އޮފީސްތައް ބަންދުކުރީ މިދިޔަ މާޗު މަހުގެ 12 ވަނަ ދުވަހު ސިއްހީ ނުރައްކަލުގެ ކުއްލި ހާލަތު އިއުލާންކުރުމަށް ފަހު އެވެ. އޭގެ ފަހުން އިމިގްރޭޝަންގެ ހިދުމަތްތައް ފަސޭހައިން ހޯދޭނެ ގޮތް ހެދުމަށް، މެޑިކަލް ރިޕޯޓަކާ ނުލައި ވިސާ އަށް ހުށަހެޅޭނެ ގޮތް ހަމަޖެއްސި އެވެ. މި ހިދުމަތް ދޭން ނިންމީ ވޯކް ވިސާ އަށް އެދޭ ފަރާތްތަކަށެވެ. ބޭރު ގައުމުތަކުގައި އުޅޭ ދިވެހިން، ޕާސްޕޯޓް އާކުރަން އޮންލައިންކޮށް ފައިސާ ދެއްކޭނެ އިންތިޒާމް ވެސް އިއްޔެ ވަނީ ހަމަޖައްސައިފަ އެވެ.
ކޮވިޑް-19 އިން ރައްކާތެރިވާން މާލެ ސަރަހައްދު ބަންދު ކުރީ މިދިޔަ މަހުގެ 15 ވަނަ ދުވަހެވެ. މިހާތަނަށް 1،186 މީހަކު މި ބައްޔަށް ޕޮޒިޓިވްވެފައިވާ އިރު 91 މީހަކު ވަނީ ރަނގަޅުވެފަ އެވެ. އަދި ހަތަރު މީހަކު ވަނީ މަރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އީމާންއަލީ
21 May 2020
ފުރަތަމަ ބިދޭސީންގެ މައްސަލަ ހައްލު ކުރޭ! ބިދޭސީން ހައްދެއް ނެތި އެެތެރެކުރިއިރު އެ ސެކްޝަނުގެ ވެރިޔާ މިހާރު އެހެރީ ބިދޭސީން މޮނިޓަރ ކުރާ ސެކްޝަނުގެ ވެރިޔަކަށް ލާފަ. ލަދުގެ ކަންފުޅެއްވެސް ނެތީތަ؟
ބޭބެ.
21 May 2020
ކޮށްކޯ ދެންފަހަރަކުން އިއުުލާނަކާއި ގުޅިގެން ހަބަރު ލިޔާއިރު އަޅެ ގެޒެޓްގައި ޝާއިރުކޮށްފައި އޮންނަ އިއުލާނުގެ ލިންކުވެސް ހަބަ ރުގައި ހި މަނާލަ ދީބަލަ
ައަހުމަދު
21 May 2020
ތި ބޭރުމީހުންގެ ވީޔާފާރިއަކީ މިހާރުވެސ އިމިގްރޭޝަންތެރެއިން ހިންގާ ބޮޑުވައްކަމެއް މިހާރުވެސް ވިސާއާކުރުމާއި ވަގުވިސާ ހެއްދުން ކުރިޔަށްދޭ ރައްޔިތުންނަށް ހީވަނީ މިހާރު އެއްކޮށް ހުއްޓުނީހެން އަދިނުހުއްޓޭ މިކަމެއް، ސަރުކާރުން އެބަޖޭހޭ މިކަންތައް ރަނގަޅަށް ބަލައި ބޮޑުތަހުޤީޤެއް ހިންގަން . އެނޫނީ މިޤައުމު ސަލާމަތްވާކަށް ނެތް.
މޯޑް
21 May 2020
ހުރިހާ މޮޅެއް ބިދޭސީން ނަށް. ދިވެހި ރަށްއިތުންނަށް މި އުޅެނި ސައިކަލުގަ ޖަހާ އިސްޓިކާވެސް މާފް ނުކޮށްދީގެން
އެންދެރި
21 May 2020
އެސްޕެޓް އަކީ އޮންލައިން ސިސްޓަމް އެކެވެ. ބައެއް ހިދުމަތް އޮންލައިން ކޮށް ދެވޭނެ އެވެ. މިވީ ގޮތެއް ނޭގުނެވެ.
ލުކި
21 May 2020
ވިސާފީ ދައްކަން ޖެހޭ ގައުމެއްނޫންމީ މިގައުމަކީ ދެލައްކައެއްހާ މީހުން ފިލައިގެން އުޅޭގައުމެއް މިސަރުކާރަކީ ފިލައިގެން އުޅޭ މީހުންގެ ބަލަދުވެރި ސަރުކާރު އެމީހުނަށް ގެދޮރުއަޅާދީ ހިލޭބޭސްކޮށްދީ ކާންދީ ހެދުމުހައި ދިވެހިންނަށްވުރެ ބޮޑު އިސްކަމެއްދީގެންއެކަން ކޮށްދޭ އެހެންވީމާ ދެންފެންނާނީ ތި މާފުކޮށްދޭތަން
ގަޓް ބްރޯ
21 May 2020
ޤާނޫނަށް އިހުތިރާމް ނުކުރުން އާދަވެފަވާ ގައުމެއްގަ ވިސާ ފީ ނުދެއްކުނަސް ސައްހަ ލިޔެކިޔުމެއް ނެތަސް ވަގަށް ރާއްޖެ އެތެރެވެފަ ވިޔަސް ޖޫރިމަނާކޮށް އަދަބު ދިނުމެއް ނޯންނާނެ.