އުލިގަމުގައި އިންޖީނުގެ އެޅުމާއި މާޅެންދޫގެ ކޭބަލް ބަދަލުކުރަން ބަޔަކާ ހަވާލުކޮށްފި

މާޅެންދޫ ކަރަންޓް ކޭބަލް މަސައްކަތް ކުރުމުގެ އެއްބަސްވުމުގައި ފެނަކައިގެ އެމްޑީ ޝަރީފް (މ) އަދި އެމްއެމް އެކްސްޕޯޓުގެ އޮފިޝަލަކު ސޮއިކުރެއްވުމަށްފަހު އެއްބަސްވުން ބަދަލުކުރައްވަނީ.-- ފޮޓޯ: މުހައްމަދު ޝަރުހާން\ މިހާރު

އާސިމާ ނިޒާރު، މިހާރު

17 އޮކްޓޯބަރ 2016 - 17:34

6 comments

ނ. މާޅެންދޫގެ ކަރަންޓް ކޭބަލް ނެޓްވޯކް ބަދަލުކުރުމަށާއި ހއ. އުލިގަމުގައި އިންޖީނުގެއެއް އަޅަން މިއަދު ބަޔަކާ ހަވާލުކޮށްފި އެވެ. މި ދެ މަސައްކަތުގެ ޖުމްލަ އަގު ހަަ މިލިއަން ރުފިޔާ އަށް ވުރެ ބޮޑެވެ.

މާޅެންދޫގެ ކަރަންޓް ކޭބަލް ބަދަލުކުރުމުގެ މަސައްކަތް ހަވާލުކުރީ އިންޑިޔާގެ އެމްއެމް އެކްސްޕޯޓް ކުންފުންޏަށެވެ. އެ މަސައްކަތަށް 1.8 މިލިއަން ރުފިޔާ ހަރަދުކުރާނެ ކަމަށް ފެނަކަ ކޯޕަރޭޝަނުން ބުންޏެވެ. އެ މަސައްކަތް ހަވާލުކުރީ 35 ދުވަހުގެ ތެރޭގައި މަސައްކަތް ނިންމާ ގޮތަށެވެ.

އުލިގަމުގައި އިންޖީނުގެއެއް އަޅަން ހަވާލުކުރީ ވެލްޑިން އެންޑް ކޮންސްޓްރަކްޝަން ކުންފުންޏަށެވެ. އެ މަސައްކަތް ނިންމަން ހަވާލުކުރީ 196 ދުވަހުގެ ތެރޭގަ އެވެ. އެ މަސައްކަތުގެ އަގަކީ 4.7 މިލިއަން ރުފިޔާ އެވެ.

އުލިގަމުގައި އިންޖީނުގެ އެޅުމުގެ މަސައްކަތް ކުރުމުގެ އެއްބަސްވުމުގައި ފެނަކައިގެ އެމްޑީ ޝަރީފް (މ) އަދި ވެލްޑިން ކޮންސްޓްރަކްޝަން ކުންފުނީގެ އެމްޑީ ސޮއިކުރެއްވުމަށްފަހު އެއްބަސްވުން ބަދަލުކުރައްވަނީ.-- ފޮޓޯ: މުހައްމަދު ޝަރުހާން/ މިހާރު

އެއްބަސްވުންތަކުގައި ސޮއިކުރެއްވުމަށްފަހު ނޫސްވެރިންނާ ވާހަކަދައްކަވަމުން ފެނަކައިގެ މެނޭޖިން ޑިރެކްޓަރު އަހުމަދު ޝަރީފު ވިދާޅުވީ އެ ކުންފުނިން މަސައްކަތް ކުރަމުން އަންނަނީ މީހުން ދިރިއުޅޭ ހުރިހާ ރަށެއްގައި ވެސް 24 ގަޑިއިރު ކަރަންޓް ޔަގީން ކުރުމަށް ކަމަށެވެ. އެގޮތުން މިއަދު ހަވާލުކުރި ދެ މަސައްކަތަކީ ވެސް އޭގެ ތެރޭގައި ހިމެނޭ މަސައްކަތެއް ކަމަށް އޭނާ ވިދާޅުވި އެވެ.

މާޅެންދޫގައި ކަރަންޓު ދެމުން އަންނަނީ އެންމެ ކުރިން ބޭނުންކުރަން ފެށި ކޭބަލްގެ އެހީގައި ކަމަށް ވުމުން އެ ރަށުގެ ކަރަންޓުގެ ހާލަތު ރަނގަޅު ކުރަން ކޮންމެހެން މަސައްކަތް ކުރަންޖެހޭ ކަމަށް ޝަރީފް ވިދާޅުވި އެވެ.

އުލިގަމުގައި އިންޖީނުގެ އެޅުމަށް މީގެ ކުރިން ވެސް މަސައްކަތް ކުރި ކަމަށާއި ނަމަވެސް ބޭނުންވާ ބިން ހަމަޖެހުމުގައި މައްސަލަތަކެއް ދިމާވެގެން އެކަން ދިގުދެމިގެން ދިޔައީ ކަމަށް ޝަރީފް ވިދާޅުވި އެވެ. އެ މައްސަލަތައް ހައްލުކޮށް ހުރިހާ ކަމެއް ނިމިފައިވާ ކަމަށް އޭނާ ވިދާޅުވި އެވެ.

ހއ. އުލިގަން މެމްބަރު އަހުމަދު ޝަރީފް ފެނަކަ ކޯޕަރޭޝަން ކަރަންޓު

6 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަފީރު

18 October 2016

އެމްއެމް އެކްސްޕޯޓް މީ ކޮން ބައެއްތަ. ޞޮޑުހިލަވެސް އެތެރެކުރެވެނީ މިމީހުންނައް އެކަންޏޯ. މިޒާތުގެ ބިޑައް ނުލާ ހަވާލުކުރާ ކަންކަން ބެލެންޖެހޭނެ. މީ ކޮރަޕްޝަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުންބޮ

18 October 2016

ރ. މީދޫގެ އަލަށް އާބާދުވާ ސަރަހައްދުގެ ކަރަންޓް ނުލެވި ކިތަށް ދުވަސް. ދިރިއުޅެން ނުދެވިފަ ކިތައް މީހުން އެކަމުގެ ހިތާމާގަ.. މިކަމާ އަޅާލާނެ ބަޔަކުނެތީތޯ..24 ގޑިއިރު ޔަގީންތޯ އަދިވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢ.އ

18 October 2016

މަހީކުރީ ސަރީފު ތަންކޮ ޅެއް ރަގަޅު ވާނެކަމައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

GAN Island

18 October 2016

ދައުލަތެއް ހިންގުމަށް ''ހުސް އިކޮނޮމިސްޓުން'' ހަވާލުވެއްޖެނަމަ ފެންނާނެ މަންޒަރުތައް މިރާއްޖެއިން މިދަނީ ފެންނަމުން. . . . އިހައްދުވަހު އިކޮނޮމިކް މިނިސްޓަރ ވިދާޅުވި މިސަރުކާރުން ދެން ރާއްޖެ އަށް ތައިލެންޑް އިން ހަނޑޫ އެތެރެ ކުރާނީ ތައިލެންޑް ދަނޑުވެރިން އަތުން ގަނެގެން ''މެދުވެރިއެއްނެތި'' ސީދާ ސީދާ ހިންގޭ ވިޔަފާރީގެ މުއާމަލާތް ތަކުގެ ތެރެއިން ކަމަށް. . . އޭނާ އަކަށް ނޭގޭ އެއީ ''ތައިލެންޑް އެކްސްޕޯޓް ޤަވާއިދު ތަކާއި ހިލާފް ކަމެއްކަން. . . މިގޮތުން ފެނަކަ އަށް ބޭނުންވާ ކޭބަލް އާއި ޖަނެރޭޓަރ ވެސް އެންމެ ގިނައިން އުފައްދާ ކުންފުންޏަކީ ''އެމް އެމް އެކްސްޕޯޓް'' ކަމުގައިވާތީ ''މެދުވެރިއެއްނެތި'' ސީދާ ސީދާ ގަންނާން ވެގެން އެމީހުން އަތުން ގަންނަ ކަމަށް ވާނަމަ ބިޑް ކުރާކަށް ނުޖެހޭނެ.