ޖެންޑާ މިނިސްޓްރީގެ ޑެޕިއުޓީ މިނިސްޓަރު ފާތިމަތު ޔުމްނާ މިރޭގެ މީޑިއާ ބްރީފިން ގައި ވާހަަކަ ދައްކަވަނީ.
02 ޖޫން 2020 - 01:00
34 comments
ކޮވިޑް-19 ފެތުރޭތީ އެޅި ރައްކާތެރިކަމުގެ ފިޔަވަޅުތަކާ އެކު، މަސައްކަތް ހުއްޓި އާމްދަނީ ނުލިބޭތީ ގޭގެ ކުލި ނުދެއްކިގެންނާއި އާއިލާތަކަށް ހަރަދު ކުރެވޭނެ ގޮތެއް ނެތިގެން މިއަދާ ހަމައަށް 220 މީހަކު އެ މައްސަލަަ ހުށަހަޅާފައިވާ ކަމަށް ޖެންޑާ މިނިސްޓްރީން ރޭ ބުނެފި އެވެ.
ނެޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) ން ބޭއްވި މީޑިއާ ބްރީފިންގައި ޖެންޑާ މިނިސްޓްރީގެ ޑެޕިއުޓީ މިނިސްޓަަރު ފާތިމަތު ޔުމްނާ ވިދާޅުވީ، އާމްދަނީ ދަށްވެގެން އާއިލާތައް ބަަލަަހައްޓަން އުނދަގޫވުމުގެ މައްސަލަ ވަރަށް ބޮޑުވަމުންދާ ކަމަށެެވެ. އެގޮތަށް ހާލުގައި ޖެހޭ މީހުންގެ ތެރެއިން އެތައް ބަޔަކު ރަށަށް އެނބުރި ދާން ވެސް އެދެމުންދާ ކަމަށް އޭނާ ވިދާޅުވި އެވެ.
"އަޅުގަނޑުމެންނާ ހަަމައަށް މި ފަރާތްތަައް މި އަންނަނީ މިހާރު މާލޭގައި ކުއްޔަށޭ ތިމަންނަމެން މިއުޅެނީ އެކަމަކު މި ހާލަތު އައިމާ ތިމަންނަމެންނަކަށް ނެތޭ އިތުރަށް އެފޯޑް ކުރެވޭކަށް. އެހެންވީމާ ތިމަންނަމެން ރަށަށް ފޮނުވަން [އެދެމޭ ބުނެ]،" ޔުމްނާ ވިދާޅުވި އެވެ.
ހާލުގައި ޖެހިގެން ޖެންޑާ މިނިސްޓްރީ އަށް ދިޔަ މީހުންގެ ތެރޭގައި ޔުމްނާ ވިދާޅުވިގޮޮތުގަައި، މާލޭގެ ރަށްވެހިން ވެސް ހިމެނެ އެވެ. އާމްދަނީ ހޯދަން ކުރަމުން އައި މަސައްކަތް ހުއްޓުމުން، ވަޒީފާ ގެއްލިގެން ހާލުގައި ޖެހިގެން އެ މިނިސްޓްރީގެ އެހީތެރިކަމަށް އެދުނު މީހުންގެ ތަފާސްހިސާބުތައް ހިމެނޭ ސްލައިޑެއް ޔުމްނާ ދައްކަވައިލެއްވި އެވެ.
އެ ޗާޓުން ފެންނަ ގޮތުގައި މާލެއިން ކޮވިޑް-19 އަށް މީހަކު ޕޮޒިޓިވް ވެގެން މާލެ ލޮކްޑައުންކުރި ފުރަތަމަ ހަފުތާގައި ޖެންޑާ މިނިސްޓްރީގެ އެހީއަށް އެދުނީ ތިން ފަރާތަކުންނެވެ. އެކަމަކު ޖެހިގެން އައި ހަފުތާގައި 19 ފަރާތެއް ހާލުގައި ޖެހިގެން ހުށަހެޅި އެވެ. މިދިޔަ މޭ ފުރަތަމަ ހަފުތާގައި 11 ފަރާތެއް އެހީއަށް އެދުނު އިރު އެންމެ ގިނަ މީހުން ހާލުގައި ޖެހިގެން ހުށަހެޅީ މޭ މަހުގެ ފަހުކޮޅު އެވެ. އެގޮތުން، އެ މަހުގެ ދެވަނަ ހަފުތާގައި 71، ތިން ވަނަ ހަފްތާފައި 75 މީހުން ދިޔަ ކަމަށާއި ފަހު ހަފުތާގައި 41 މީހަކު ހާލުގައި ޖެހިގެން ޖެންޑާ މިނިސްޓްރީގެ އެހީތެރިކަމަށް އެދުނު ކަން ތަފާސްހިސާބުން އެނގެ އެވެ.
"ކުލި ނުދެއްކިގެން ނޫނިއްޔާ އެ ފަރާތުގެ ވަޒީފާ ގެއްލިގެން އާއިލާ ބެލެހެއްޓޭނެ ގޮތެއް ނެތި މާލީ ދަތިކަމެއް އައިސްގެން ނިކުންނަން ޖެހޭ ފަރާތްތައް ވަރަށް ގިނަ. މިހާރު އަޅުގަނޑުމެން ޔޫތު ފެސިލިޓީގައި ހަތަރު އާއިލާއެއްގެ 26 މީހުން މިހާރު އަޅުގަނޑުމެން މި ބަލަމުން މި ގެންދަނީ މި ދެދުވަސް ތެރޭގައި،" ޔުމްނާ
"މި އަދަދުތައް އަޅުގަނޑުމެންނަށް އެބަ ފެނޭ އިތުރުވަމުން އެބަދާކަން،" ތަފާސްހިސާބުތައް ހިއްސާކުރެއްވުމަށް ފަހު ޔުމްނާ ވިދާޅުވި އެވެ.
ޔުމްނާ ވިދާޅުވީ، އެގޮތަށް ރަށަށް ބަދަލުވާން އެދޭ މީހުން ފޮނުވެން ނެތީ ހެލްތު ޕްރޮޓެކްޝަން އެޖެންސީން ހުއްދަ ނުދޭތީ ކަަމަށެވެ. ކުލި ނުދެއްކިގެން ސަރުކާރުގެ އެހީތެރިކަމަށް އެދުނު މީހުންގެ ތެރޭގައި ގެއިން ނުކުންނަން ޖެހުނު މީހުން ވަރަށް ގިނަ ކަމަށާއި ބޯހިޔާވަހިކަން ފޯރުކޮށްދޭން މިނިސްޓްރީން މަސައްކަތް ކުރަމުން އަންނަ ކަމަށް އޭނާ ވިދާޅުވި އެވެ. ޔުމްނާ ވިދާޅުވިގޮތުގައި، އެހާ ގިނަ މީހުންނަށް އެހެން ދިމާވާނެ ކަމަށް މިނިސްޓްރީން އަންދާޒާއެއް ވެސް ނުކުރެ އެވެ.
"ކުލި ނުދެއްކިގެން ނޫނިއްޔާ އެ ފަރާތުގެ ވަޒީފާ ގެއްލިގެން އާއިލާ ބެލެހެއްޓޭނެ ގޮތެއް ނެތި މާލީ ދަތިކަމެއް އައިސްގެން ނިކުންނަން ޖެހޭ ފަރާތްތައް ވަރަށް ގިނަ. މިހާރު އަޅުގަނޑުމެން ޔޫތު ފެސިލިޓީގައި ހަތަރު އާއިލާއެއްގެ 26 މީހުން މިހާރު އަޅުގަނޑުމެން މި ބަލަމުން މި ގެންދަނީ މި ދެދުވަސް ތެރޭގައި،" ޔުމްނާ ވިދާޅުވި އެވެ.
ހާލުގައި ޖެހިފަިއވާ އާއިލާތަކަށް އެހީތެރިވެވޭނެ ގޮތްތައް ހޯދަން މަސަައްކަތް ކުރަމުން އަންނަ ކަމަށާއި ކުލި ނުދެއްކިގެން ގެއިން ނުކުންނަން ޖެހިގެން ހުށަހެޅި މީހުންނަކީ ކައުންސިލްތައް މެދުވެރިކޮށް، ކަށަވަރުކުރަމުން އަންނަ ކަމަށް ވެސް އޭނާ ވިދާޅުވި އެވެ.
"އެހެންވީމާ އެލްޖީއޭއަށް ވާނީ 97 ނަމެއް، 12 އާއިލާއެއްގެ ހިިއްސާ ކުރެވިފައި،" ޔުމްނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދރސ
02 June 2020
ޢެގޭ މީހަކު ބުނެބަލަ މި ޔުމްނާ މިނިސްޓަރ ނަހުލާއާ ހާދަވައްތަރޭ. މިއީ ނަހުލާ ފެމެލީ މީހެއްތަ
ޣޯސް
02 June 2020
ބޭރުގައި އުޅޭމީހުންނަށް އާސަންދަ ވެސް ދީގެންނުވާނެ ތިޔައީ ޓެކްސް ދައްކާ ބައެއްނޫން.
ބައިތު
02 June 2020
އަޅުގަނޑު ބަލަހައްޓާ 2 އެޕާޓްމަންޓެއްގެ ކުލިނުދޭތާ 3 ވަނަ މަސް މިއީ. 14 ހާހަށް ދީފައި ހުރި 2 ކޮޓަރީގެ މިތަންތާގެ ކުލި 10 ހާހަށް މިދުވަސްވަރު ބަދަލުކޮށްފައި ވާނީވެސް. ކަރަންޓާޢި ފެންބިލްވެސް ނުދައްކާ. މިކަންތައްގަނޑު ނިމޭތަނުން ހީވަނީ މިމީހުން އެހެންތަންތަނަށް ބަދަލުވާނެހެން. ﷲ އަށް ވަކީލުކޮށްގެން މިހުންނަނީ.
ބައިތު އަށް
02 June 2020
ނެތް އެއްޗެއް ނުދެވޭނެ ދޯ ބައިތު؟ މިއޮއްހާ ދުވަހު 28000 ރިފުޔާ އެއްވެސް ކަމެއްނުކޮށް ލިބުނިއޮރު ވަރަށް އުފަލުން ދޯ އުޅުނީ. ތިތާ ކުއްޔައްއުޅޭ ކޮންމެ އާއިލާއަކުން 14000ރ ދީފަ އަދި ބާކީ މިލިއަނެއްހާ ރުފިޔާ އޮންނާނެ ކަމަށްދޯ ހީކުރީ. ދެން އެމީހުން ސޭވް ކުރިހާ ފައިސާތައް ހުންނާނެތާ ދޯ ތިޔަ ކުޑަކޮއްދިން 10000ރ ދޭން. އެމީހުންގެ މުސާރަތައް ވީ ބޮޑު ދޯ މި ކާރިސާގަ.
ޚުރުބ
02 June 2020
އަލުގަޑަކީ ގޭގެ ވެރިފަރާތް.. ކުލިނުދެއްކިގެން އަބަދު މައްސަލަ ޖެހި ލަސްވެގެން އުޅެނީ ދެއެޕާރޓްމަންޓަކުން. އެކުދިންގެ ފޯނު އަޅުގަޑަށްވުރެ އެޑްވާންސް، ސައިކަލު އެންމެފަހުގެ، ސެންޓުވަސް މުޅިގޭގަ.. މައްޗަށް އަރާ ކޮންމެފަހަރަކު ބްރޭންޑްތަކުގެ ބޫޓުތަކާއި ފައިވާންތައްވެސް ފެނޭ.. ހަމަ ބުނެލީ
ތިގޭގަ ކުއްޔައް އުޅޭ މީހާ
02 June 2020
ތިއީ މަދު ބައެއްގެ ވާހަކަ. ބުނެދީބަ ތިގެއަށް ލިބޭ ކުލީގެ ޖުމްލަ. ގޭގެ ލޯނު އޮތިއްޔާ އޭގެ އަދަަދު. ތިޔަ ނަގާ ބޮޑު ފައިދާއަކީ އަލިފާން. ބައެއްމީހުންނަކީ ދެއްކުނެތެރި މީހުން. ނުލިބޭ ވަރުން އުޅޭ މީހުން. އެކަމު ގިނަ މީހުންނަކީ ކުލި ދައްކާފަ ދެން އިންނަ ބައިރުފިޔާ މުޅި މަހަށް ބަހާލައިގެނެ އެއްދުވަހު ކައިގެން އަނެއްދުވަހު ނުކާތިބޭ މީހުން. މުސާރަތައް ކެނޑީމަ ސޭވިންގ އެއް ނެތިއްޔާ ކިހިނެއް އުޅޭނީ. ލިބޭ މުސާރައެއްކޮށް ކަލެއައްދިނީމަ އެނިމުނީތަ.
އުއްމީދު
02 June 2020
ތިތަނަށް ހުށަހެޅިން މަވެސް ތިކަމާ އަދި ރަށަށްދާން އެދިވެސް. ހަމަ ޚަބަރެއްވެސް ނުވޭ. ދެވަނަ ފަހަރަށް ގުޅީމަ ބުނީ ބަލާލާފަ ގުޅާނަމޭ. އަދި އަދައްދާންދެންވެސް ޚަބަރެއްނުވޭ. މިހާރު މިކަމާ ގޭގަ ހުރެ ބޯގޮވާފި. ބޯ ހަމަޖެހޭތޯ، ކުރާނެ ކަމެއްލިބެތޯ ބޭރަށް ނިުކުމެލަން ފުލުހުންގެ ޕޯޓަލްގަ އެދުނީމަ ރިޖެކްޓް ކުރަނީ. ކިހާ އުފާވެރި ދިރިއޫލުމެއް ތިބޭފުޅުން އެންމެން ވެގެން އަޅުގަނޑުމެނަށް ތިޔަ ދެއްވަނީ.
ސަވާދުބޭ
02 June 2020
ރާއްޖެއިން ބޭރުގަ ކުލި ނުދެއްކިފަ ތިބި ދިވެހިންނަށްވެސް ސަރުކާރުން އެެއްޗެއް ދިނުން ރަގަޅެއްނޫންތަ؟ ރަށް ރަށުން މާލެ އައިސް ބޮޑެތި އިމާރާތް ތަށް ނަގައިގެން ތިބެ ކުލި ނެދެއްކެވޭތީ، ދެން އެމީހުން އަމިއްލަ ރަށަށް ފުނުވާނުލާ ގޮތެއް ހާދާދޭނަމަ، ދެންވެސް ބޭރުގަވެސް ތިބީ ހަމަ ދިވެހިން. ދެކޮޅުނުޖެހޭ ސިޔާސަތެއް.
ޑހދހ
02 June 2020
ބޭރަށް ދަނީ މިޤައުމު ކަޑަ ވެގެން ނޫޅެން ނޫނީ ހިދަމަތް ނުހީދަން ވެގެން. ޢެހެންވީމަ އެމީހުނއ ޤއުމަށް ޓެކްސް ވެސް ނުދައކާ .އެމީހުނއ އާއި އަޅާލަން ޖެހޭނއ ކަމަކަށަ ނުދެކެން...
ޑހދެ
02 June 2020
ބޭރަށް ދަނީ ރާއްޖެ ކަޑަވެގެނެއްނޫން.. މާލެ އަންނަނީ އުފަންރަށް ކަޑަވެގެނެއްނޫން.. ފިތުނަ އުފައްދަން ނޫޅޭ.
ނަސްރު45
02 June 2020
ޢެހެންވީމަ ކުލި ނުދެއްކޭމިހުން އަމިއްލަ ރަށުގަ އޭނާ އަށްލިބިފައިވާ ގޯއްޗަށް ދިއުމުގެ ހަރަދު ދީފާ ފޮނުވާލުން މުހިންމު.
ސުރާސް
02 June 2020
ހިތުން ކުއްޔަށް އުޅޭ މީހުންނަށް ބުނި މޮޅު އެއްޗެއްތަ ތީ. އަހަރެމެން ރަށަށްދާން ބޭނުންވެގެން އެދުނީމަ ހުއްދަނުދޭތީ އޭ ނުދެވިފަ މިތިބީ. އެހެންނަމަ މިހާރު ތިބޭނީ ރަށުގަ.
ބާދަގަނޑަށް
02 June 2020
ފުރަތަމަ ހަފްތާގަ 3 މީހުން ހުށައެޅި ކަމަށް ދެއްކިއަސް އެންމެ ތިންމީހުނެއްނޫނޭ ދުވަހުގެ އާއްމުދަނީއަށް ބަރޯސަވާނީ .ސަރުކާރެއްގެ ނާގާބިލް ކަމުން ރައްޔިތުންނަށް ޖެހުނު ގިލަން .އަދިވެސް އަރާބައިސާކަޑާއަދިވެސް ތިބިހާލަތުންވެސް އަރައި ނުގެނިވި އުޅެނީ ރައްޔިތުންނަށް އެހީނުވެވޭތީ ރާއްޖޭންބޭރުގަ ތިބިހާމުއްސަދިން ރާއްޖެގެނެސް އެބަޔަކު ކަރަންޓީނު ކޮއްގެން ތިބޭތަނަކަށް 700 ރުފިޔާ ދައްކާބަޑުފުރާކާންދެނީ.ނިކަމެތި ވީމީހާއެހާލަތުގަ .އިންސާފުކޮބާ؟
ނޫސްކިޔާ މީހާ
02 June 2020
2008 ގައި އެމްޑީޕީ ވެރިކަމަށް އައިސްފާ ވެސް، އޯވަރސީޒް ސްކޯލަރޝިޕްތައް ހުއްޓުވާލި! އޯޓީ، އެލަވަންސްތައް ކަނޑާލުމުގެ އިތުރުން މުސާރަތައް ކުޑަކޮށްލި! ކޮންސްޓަޝަން އިންޑަސްޓްރީ ވަރަށް ހީނަރުވި! ވިޔަފާރިތަށް ހީނަރުވި! ދިވެހި ރުފިޔާގެ އަގު ދަށްވީ ވީނުން 18 ރުފިޔާއަށް ޑޮލަރުގެ އަގުއެރި! އެހާ ހިސާބުން ސަރުކާރު 'ބަދަލުވީގޮތަކަށް' ބަދަލު ވެއްޖެ! އޮޑިޓް ރިޕޯޓްތަކުން ދެއްކި ގޮތުގައި 430،000،000،000ރ ޚިޔާނާތުގެ ގޮތުގައި ވަނީ ގޮސްފައި! ދިވެހި ނަޔާ ދިރިއުޅުމުގައި އުޅެނިކޮށް، ހަމަ އެ އެމްޑީޕީއާ ގުޅިގެން އަމިއްލަ ފައިދާ އަށް ޒަޢީމު، ސޭޓް އަދި ޝޭޚް ހެއްދެވިހާ ދޮގުހަދާ ވޯޓްހޯދައިގެން އެތިބީ ވެރިކަމަށް އަރާ! ތަކުރާރު މިވަނީ އެއް މަންޒަރެއް! ދެން 'އޯގާވެރި' ސަރުކާރުގެ ރަހަ ރަގަޅަށް ދެކެން ތިބޭ!
މައްޔާ
02 June 2020
އަޅުގަނޑުމެންގޭ އޭސީ ހަލާކު ވެގެން ދިވެހި މެކޭނިކަކަށް ގުޅީމާ ބުނީ 'ހުއްދަ' ނުލިބިގެން ކަމަށް. ދެން ލަސްވާތީ އިންޑިޔާ މެކޭނިކަށް ގުޅާ އިރަށް 3 ގަޑި އިރު ތެރޭ އައިސް ހަދައިފި. ދިވެހި އަމިއްލަ މަސައްކަތުން ދިރިއުޅޭ މީހުންނަށް ހުއްދަ ނުދިނަސް، އިންޑިޔާ، ބަންގލަދޭޝް ބޭފުޅުންނަށް ފަސޭހަ މިގައުމުގަ ހުރިހާ ކަމެއް.
އަލީ!
02 June 2020
ދިވެހިމީހާ ހުއްދައޭކިޔާއިގެން އުޒުރެއްދައްކަނީ. ގިނައިން ކަންތަށް ވެފަހުންނަނީ އެހެން.