އެޗްއާރުސީއެމްގެ ރައީސް އީނާސް: މީގެ ތިން އަހަރު ކުރިން ހަދަންޖެހޭ ގަވާއިދެއް އަދި ވެސް އޮތީ ނުހެދި.-- ފޮޓޯ: ނިޝާން އަލީ/ މިހާރު
07 ޖޫން 2020 - 22:05
9 comments
ޖިނާއީ އިޖްރައާތުގެ ގާނޫނުގެ ދަށުން ތަހުގީގު ކުރުމާއި ޝަރީއަތް ކުރުމާ ގުޅޭ ގޮތުން ހަދަން ޖެހޭ ގަވާއިދު ނުހަދައި ހިއުމަން ރައިޓްސް ކޮމިޝަން (އެޗްއާރުސީއެމް) އިން ތިން އަހަރު ހޭދަކޮށްފައިވާތީ، އެއް މަސް ދުވަހުގެ ތެރޭގައި އެ ގަވާއިދު ނިންމަން ޕްރޮސެކިއުޓާ ޖެނެރަލް (ޕީޖީ) ހުސެއިން ޝަމީމް އެ ކޮމިޝަނަށް މިއަދު އަންގަވައިފި އެވެ.
ޕީޖީ އޮފީހުން ބުނީ، ގާނޫނުއަސާސީން ޕީޖީ އަށް ލިބިދޭ ބާރުގެ ދަށުން، އެ ގަވާއިދު 30 ދުވަހުގެ ތެރޭގައި ހަދައި ސަރުކާރުގެ ގެޒެޓުގައި ޝާއިއުކުރަން އަންގާފައިވާ ކަމަށެވެ.
އެ ގާނޫނަށް އަމަލުކުރަން ފަށާފައިވަނީ ޖުލައި، 2017 ގަ އެވެ. އެކަމަށް ތިން އަހަރުވާން ކައިރި ވިއިރު ވެސް އެޗްއާރުސީއެމުން ހަދަންޖެހޭ ގަވާއިދު ނުހަދައި ވަނީ ދިގުލައިގެން ގޮސްފަ އެވެ.
ޖިނާއީ އިޖުރާއަތުގެ ގާނޫނުގެ 211 ވަނަ މާއްދާ ބުނާގޮތުން އެ ގާނޫނުގެ ދަށުން ތަހުގީގު ކުރުމާއި ދައުވާ ކުރުމާއި އަދި ޝަރީއަތް ކުރުމާ ގުޅޭގޮތުން ހަދަން ޖެހޭ ގަވާއިދުތައް އެ ގާނޫނަށް އަމަލުކުރަން ފަށާތާ ތިން މަސް ތެރޭގައި ހަދައި ނިންމަންޖެހޭނެ އެވެ. އެ މުއްދަތު ހަމަވިއިރު ގާނޫނު ހެދީ ޕްރޮސެކިއުޓާ ޖެނެރަލްގެ އޮފީހާއި އެންޓި ކޮރަޕްޝަން ކޮމިޝަން (އޭސީސީ)ން އެކަންޏެވެ.
އޭގެ ފަހުން ކޯޓުތަކާ ބެހޭ ގަވާއިދު ސުޕްރީމް ކޯޓުން 2018 ވަނަ އަހަރު ހެދިއިރު ފުލުހުން ހަދަންޖެހޭ ގަވާއިދުތައް ހަދައި ސެޕްޓެމްބަރު 2، 2019 ގައި އެއަށް އަމަލުކުރަން ފަށާފައިވެ އެވެ.
އެ ގާނޫނު ބުނާގޮތުން ތަހުގީގުކުރުމާ ގުޅޭ ގޮތުން ހަދަންޖެހޭ ގަވާއިދުތައް ހަދަން ޖެހޭނީ ގާނޫނު ތަންފީޒުކުރާ އިދާރާތަކުންނެވެ. ގާނޫނު ތަންފީޒު ކުރާ އިދާރާތަކުގެ ތެރޭގައި ފުލުހުންގެ އިތުރުން ޖިނާއީ ކުށްތައް ތަހުގީގު ކުރުމުގެ ބާރު އޮންނަ އެހެން މުއައްސަސާތައް ވެސް ހިމެނެ އެވެ. އޭގެ ތެރޭގައި ވަކި ގާނޫނަކުން އުފައްދާފައިވާ އެޗްއާރުސީއެމް ވެސް ހިމެނެ އެވެ.
އެޗްއާރުސީއެމަށް ވެސް މައްސަލަތައް ތަހުގީގުކޮށް ދައުވާކުރުމުގެ ބާރު ލިބެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަސް
08 June 2020
ގާނޫނު އަސާސީގެ ދަށުން ހަދަންޖެހޭ 45 ވަރަކަށް ގާނޫނު ހެދިއްޖެތަ؟ 12 އަހަރު މިވަނީ. އެޗްއާރުސީއެމް ގެކުރިން މަޖިލިހާ ސުވާލުކުރަންޖެހޭ. އެމީހުންނާ ގާނޫނު އަސާސީ މަތިނުކުރާ ކަންތަކުގެތެރެއަށް ވަންނަމުންގޮސް މިހާރު ރައީސުގެބާރާއި ފަނޑިޔާރުގޭގެ ބާރާ އަދިވެސް ބާރެއް އޮތިއްޔާ އޮތީ ކޮންބައެއްގެ ދަށުގައިތަ؟
ލުތުފީ
08 June 2020
އަދިވެސް ހައްގޭ ކިޔައިގެން މިމީހުން ވާހަކަދައްކާނެ.
ޖައިސާމް
08 June 2020
ޖީހާން، އިންތި، ވީހާވެސް އަވަހަށް އެޗްއާރސީއެމުން ތިފަސް މީހުން ބޭރު ކޮށްދީބަލަ.
ފޫހި
08 June 2020
އަޅެ ދެން ކަމެއް އޮންނަ ތަންތަނެއްވެސް ނޫނޭ މީކީ
އެންދެރި
07 June 2020
ރާއްޖޭ ގެ ޒުވާނުން ހަލާކު ކުރީ ޑްރަގް ވިއްކާ މީހުންނެވެ. ފުލުހުން ހައްޔަރު ކުރާ ބައެއް ޑްރަގް ގެ ބޮޑުން ޕީޖީ އޮފީހުން ދޫކޮށްލާ ސަބަބު ބުނެ ދީބަލާށެވެ.
ކޮސްގޮވާ
07 June 2020
ތިމެމްބަރުން ބޭރުކުރަންވީ. އާއިލާ އެއްމެންނަށް ވަޒީފާ ދީ އަދި ނުވީތާކަށް ރާއްޖޭގެ ހިއުމަން ރައިޓްސް އާއި ގުޅޭ އެކިއެކި ދާއިރާގެ ކަންކަން ގޮސްފައިވާ ހިސާބު އެގޭނޭ ގޮތަށް ރިޕޯރޓް ގަޑެއްވެސް ހަދައެއް ނުލެވޭ. ނަސްލީ އިމްތިޔާޒް ގެންގުޅެނީއަކީ ހަމައެކަނި ކަޅުމީހުންނާއި ދޮންމީހުން ނާއި އެކަންޏެއް ނޫން މިރާއްޖޭގައި އެކަން ވަރަށް ބޮޑު. ރަށްރަށުމީހުންނާއި މާލޭ މީހުންނާއި މާލޭބޮޑުންނާއި ރަށްރަށުގެ ބޮޑުން ގެ މެދުގައިވެސް.
އީނާސް
07 June 2020
ޤާނޫނު އަސާސީ އިން ބޮޑެތި ޒިންމާތަކާއި ބާރުތައް އެޗްއާރުސީއެމް އަށް ދީފައިވާއިރު ފާއިތުވި 5 އަހަރުތެރޭ ތިތަނުން ކުރި އެންމެ ކަމެއްވެސް އެބައޮތްތޯ. އެކަމަކުވެސް 5 އަހަރުގެ ދައުރު އެ ނިންމާލަނީ. ޖަވާބުދާރީވެސް ކުރުމަކާނުލައި. މަޖިލިސް ފެއިލް.
ހުސް ގޮނޑި ހޫނުކުރާ
07 June 2020
ކުރަންޖެހޭ މަސައްކަތެއް ނުކޮށް ބޭކާރު ބަޔާން އެބަ ނެރޭ އެޗްޕީއޭ ފޯނު ނަންބަރު އެނގެނީ ކިތަށް މީހުންނަށްތޯ ބަލަން ސާވޭ ހަދާފައި. މި ހުރިހާ ދުވަސް ވަންދެން މި މީހުން ގޮނޑީގައި ތިބެގެން ކުރީ ކޮން ކަމެއް ބާވައޭ ހިތަށްއަރާ. އާންމު ސިއްހަތު ގާނޫނުވެސް ވުޖޫދަށް އައީ 2012 ވަނަ އަހަރު. އެކަމަކު އެވެސް އިއްޔެ މީހަކު ހެދީމަ ނިމުނީ. ފާއިތުވި 6 އަހަރު އެމީހުން ކުރި ކަމެއްވެސް ނޭނގެ.
1828
07 June 2020
މިހިރީ މިމީހުންހެ ޒިންމާދާރުކަން. މުސާރަ ހަލާލުވާނެބާ؟