ކައުންސިލް އިންތިހާބުގެ 250 އަށް ވުރެ ގިނަ ފޯމް ލިބިއްޖެ: މައުމޫން ފެކްޝަން

ޕީޕީއެމްގެ އޮފީހުގައި މައުމޫން ފެކްޝަނުން މިއަދު ބޭއްވި ނޫސްވެރިންގެ ބައްދަލުން.-- ފޮޓޯ: ޕީޕީއެމް

އާސިމާ ނިޒާރު، މިހާރު

18 އޮކްޓޯބަރ 2016 - 19:44

ލޯކަލް ކައުންސިލް އިންތިހާބުގައި ވާދަކުރުމަށް 250 އަށްވުރެ ގިނަ ފޯމް ހުށަހަޅާފައިވާ ކަމަށް ޕީޕީއެމްގެ ރައީސް މައުމޫން އަބްދުލް ގައްޔޫމުގެ ފެކްޝަނުން މިއަދު ބުނެފި އެވެ.

އެ ފެކްޝަނުން ލޯކަލް ކައުންސިލް އިންތިހާބަށް ކުރަމުން އަންނަ މަސައްކަތްތަކާ ގުޅޭ މައުލޫމާތު ދިނުމަށް ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން އެ ފެކްޝަނުން ޕީޕީއެމްގެ ސެކްރެޓަރީ ޖެނެރަލްގެ މަގާމަށް އައްޔަންކުރައްވާފައިވާ އަބްދުﷲ އަލީމް ވިދާޅުވީ އެ އޮފީހަށް 250 އަށްވުރެ ގިނަ ފޯމް ހުށަހަޅާފައިވާ ކަމަށާއި އަދި އެ ފޯމުތައް ޕްރޮސެސްކުރަމުން އަންނަ ކަމަށެވެ.

ޕީޕީއެމްގެ މައުމޫން ފެކްޝަންގެ ފަރާތުން ކައުންސިލް އިންތިހާބަށް ކުރިމަތިލާ މީހުންގެ މެދުގައި ބާއްވާ ޕްރައިމަރީ އަންނަ މަހުގެ ކުރީކޮޅު ބާއްވަން މަސައްކަތް ކުރަމުން އަންނަ ކަމަށް ވެސް އޭނާ ވިދާޅުވި އެވެ.

އެ ޕާޓީގެ ޓިކެޓުގައި ވާދަކުރާ މީހުންނަށް ޓިކެޓު ހަވާލުކޮށްދެއްވާނީ ރައީސް މައުމޫން ސޮއިކުރައްވުމަށް ފަހުގައި ކަމަށް އަލީމް ވިދާޅުވި އެވެ.

މި ނޫސްވެރިންގެ ބައްދަލުވުމުގައި ވާހަކަދައްކަވަމުން ޕީޕީއެމް އިންތިހާބީ ކޮމެޓީގެ މެމްބަރު އަލީ ރަޝީދު ވިދާޅުވީ ލޯކަލް ކައުންސިލް އިންތިހާބުގެ މަސައްކަތްތައް ވެސް ހިނގަމުންދާނީ އެ ޕާޓީގެ އިންތިހާބީ ކޮމެޓީ އަދި ބައި އިލެކްޝަން ކޮމެޓީގެ ބެލުމުގެ ދަށުން ކަމަށެވެ. އަދި އެ އިންތިހާބުގައި ވާދަކުރައްވަން ބޭނުންވާ މީހުން، އަންނަ އާދިއްތަ ދުވަހުގެ ކުރިން ޕީޕީއެމްގެ މައި އޮފީހަށް ފޯމު ހުށަހަޅައިގެން ކުރިއަށް ގެންދިއުމަށް އެ ފެކްޝަނުން ވަނީ އެދިފަ އެވެ.

ޕީޕީއެމް އިން 2013 ވަނަ އަހަރު ރިޔާސީ އިންތިހާބު ކާމިޔާބުކުރީ އެމްޑީއޭއާއެކު ކޯލިޝަނެއް ހަދައިގެންނެވެ. އެ އެއްބަސްވުމުގެ ދަށުން، އެންމެ ފަހުން ބޭއްވި ލޯކަލް ކައުންސިލް އިންތިހާބާއި މަޖިލިސް އިންތިހާބުގެ ގޮނޑިތައް ބަހާފައި ވަނީ ދެ ޕާޓީ ގުޅިގެންނެވެ. މިއަދުގެ ނޫސްވެރިންގެ ބައްދަލުވުމުގައި އަލީ ރަޝީދު ވިދާޅުވީ މައުމޫން ފެކްޝަނާ ގުޅިގެން އިންތިހާބު ކުރިއަށްގެންދަން އެމްޑީއޭ އިން މީގެ ހަފުތާއެއްހާ ދުވަސް ކުރިން ސިޓީއެއް ފޮނުވާފައިވާ ކަމަށާއި އަދި އެކަމުގެ މަޝްވަރާތައް ޕީޕީއެމްގެ މައުމޫން ފެކްޝަނުން ކުރަމުން އަންނަ ކަމަށެވެ.

ރައީސް އަބްދުﷲ ޔާމީނަށް ތާއީދު ކުރައްވާ ބޭފުޅުން ވަނީ ލޯކަލް ކައުންސިލް އިންތިހާބަށް ތައްޔާރުވުމަށް ދަރުބާރުގޭގައި އާ އޮފީހެއް ހަދައި އެ އޮފީހުން ފޯމު ބަލައިގަންނަން ފަށައިފަ އެވެ.

ރައީސް މައުމޫން އަބްދުލްގައްޔޫމް ލޯކަލް ކައުންސިލްތައް ޕީޕީއެމް ރައީސް އަބްދުﷲ ޔާމީން ލާމަރުކަޒީ ހިންގުން ރަށު ކައުންސިލް އަތޮޅު ކައުންސިލް

10 ކޮމެންޓް, 43 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރީނދޫ

19 October 2016

މިހާރު ކަންތައްތައް ދާ ގޮތުން، ޕީޕީއެމް ކެންޑިޑޭޓުންގެ ގޮތުގައި ޔާމީން ފެކްޝަން އިލެކްޝަންސް ކޮމިޝަނުން ބަލާނީ ޔާމީން ފެކްޝަން ކެންޑިޑޭޓުން. އެހެން ނަމަވެސް މައުމޫން ފެކްޝަން ކެންޑިޑޭޓުންވެސް ކުރިމަތިލާނެކަމަށް ބެލެވެނީ. ޢެހެންވެއްޖެނަމަ، ގިނަ ގޮނޑިތަކެއް އިދިކޮޅު ކޯލިޝަނަށް ލިބުމުގެ ފުރުސަތު ބޮޑު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

19 October 2016

ޕީޕީއެމް ބޭފުޅުން ދެ ފޯމު ހަދާ، އަިޑީކާޑުގެ ދެކޮޕީ ހަދާ ދެފަހަރު ސޮއިކޮށް ދެ އޮފީހަށް ލާން އެބަޖެހޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފުތު

19 October 2016

" ރަހަފޮނިކަން ވެރިކަމުގާ ހުރި ޖާޒުބީ އަރާމާ ފެނިމަސްތީ ދަހިވެތިކަން ނުފިލާ އަރާމާ. "

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަފަލޯ

19 October 2016

ނޭނގުނޭ ނޭނގުނޭ މިފެންނަ މަންޒަރުގެ މާނައެއް!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެން

18 October 2016

މުއާޒުމެން ތިބަލައިގަންނަ ފޯމުތައް އާޚިރު ވާނީ ބާތިލް. އެންމެ ބުއްދިވެރި ގޮތަކީ މައުމޫން ފެކްޝަނާ ފޯމް ހަވާލުކުރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

18 October 2016

އިލެކްޝަންސް ކޮމިޝަންގައިވެސް މައުމޫން ފެކްޝަންއެއް ހަދަންވީނޫންތޯ ؟؟؟ އޭރުން ތިޔަކަން ބަރާބަރަށް ކުރެވޭނީ ،، ހުރިހާ ކޯޓެއްގައިވެސް ޔާމިން ފެކްޝަންއާއި މައުމޫން ފެކްޝަން އޮވެގެން ދެން ގައުމުގައި ކަންކަން ހިނގާނީ ، އެހެންނޫނީ ހުއްޓޭނީ ،،،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަޖާވަނީ

18 October 2016

ބަލަ މައުމޫން ފެކްޝަނުން އިލެކްޝަންސް އަށް ހުށަހަޅާ ފޯމް ބަލައިނުގަންނާނެ. ކިތަންމެ ފޯމެއް ޕްރޯސެސް ކުރިޔަސް ތީބޭކާރު މަސައްކަތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރޭ

18 October 2016

ޔަގީންތާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

18 October 2016

ދަރުބާރުގެއިން ޓިކެޓް ހޯދައިގެން ކުރިމަތިލާ އެއްވެސް ކެންޑިޑޭޓަކަށް ރައްޔިތުން ވޯޓުނުލުން މިއީ މިދަނޑިވަޅުގައި ވަރަށް މުހިންމު ކަމެއް. ކޮރަޕްޝަނާ ފަސާދަ އާންމުވެފައި ވިޔަސް ފަރުދީ ޒިންމާ އަދާކުރަންވާނެ! ނަތީޖާ ނިކުތަސް ނުނިކުތަސް ހެޔޮ ނިޔަތުގައި ކުރާ ހެޔޮ އަމަލުތަކަށް ހެޔޮ ޖަޒާ ލިބޭނެކަމަށް ދީނީ އިލްމުވެރިން ބުނޭ.