ސުޕްރީމް ކޯޓު: ޑީއާރުޕީގެ 1.1 މިލިއަން ރުފިޔާގެ ދަރަނީގެ މައްސަލަ އިސްތިއުނާފް ކުރުމުގެ ހުއްދަ ނުދޭން އެ ކޯޓުން ވަނީ ނިންމާފައި -- ފޮޓޯ/މިހާރު
10 ޖޫން 2020 - 21:31
14 comments
އެމްޓީސީސީ އަށް 1.1 މިލިއަން ރުފިޔާ ދައްކަން ޑީއާރުޕީގެ މައްޗަށް ކޮށްފައިވާ ހުކުމް ސުޕްރީމް ކޯޓުގައި އިސްތިއުނާފް ކުރުމުގެ ހުއްދަ ނުދޭން އެ ކޯޓުން މިއަދު ނިންމައިފި އެވެ.
ކުރިން ރާއްޖޭގެ އެންމެ ބޮޑު ސިިޔާސީ ޕާޓީގެ ގޮތުގައި އޮތް ޑީއާރުޕީ އިން 2007 ވަނަ އަހަރާއި 2009 ވަނަ އަހަރާ ދެމެދު އެމްޓީސީސީން ހޯދި ޚިދުމަތްތަކަށް 1.1 މިލިއަނަށް ވުރެ ގިނަ ރުފިޔާ ދައްކަން ސިވިލް ކޯޓުން 2014 ގައި ކުރި ހުކުމަށް 2017 ގައި ހައި ކޯޓުން ވަނީ ތާއީދުކޮށްފަ އެވެ. އެ މައްސަލަ ޑީއާރުޕީން ސުޕްރީމް ކޯޓަށް އިސްތިއުނާފަށް ހުށަހެޅުމުން އެ މައްސަލަ ބަލައިގަތުމުގެ ކުރިން އިޖްރާއީ އަޑުއެހުމެއް ބާއްވަން 2018 ގައި ސުޕްރީމް ކޯޓުން ނިންމާފައިވެ އެވެ.
އިޖްރާއީ އަޑުއެހުމުގައި ދެކެވުނު ވާހަކަތަކަށް ބިނާކޮށް ސުޕްރީމް ކޯޓުގެ ފަނޑިޔާރުންގެ މަޖިލީހުން މިއަދު ނިންމެވި ނިންމުމުގައިވަނީ ޑީއާރުޕީން އެ ފައިސާ ދައްކަން ޖެހޭ ކަމަށް ހައިި ކޯޓުން ކުރި ހުކުމް ރަނގަޅު ނޫން ކަމަށް ބުނާ ބުނުން ފިޔަވައި އެކަމަށް ބާރު ދޭ އެއްވެސް ގާނޫނީ އަސާސެއް އެ ޕާޓީގެ ފަރާތުން ހުށަހަޅާފައި ނެތް ކަމަށެވެ. އަދި ކޯޓުތަކާ ބެހޭ ގާނޫނު އޮތްގޮތުން ހައި ކޯޓުގެ ނިންމުންތައް ސުޕްރީމް ކޯޓުގައި އިސްތިއުނާފް ކުރެވޭނީ ވަކި ހާލަތްތަކެއްގައި ކަމަށާއި އަދި އެ މައްސަލާގައި އެފަދަ ގާނޫނީ ބަހުސެއް އޮތްކަން ޑީއާރުޕީއަށް ނުދެއްކޭތީ އެ މައްސަލަ އިސްތިއުނާފް ކުރުމުގެ ހުއްދަ ނުދެވޭނެ ކަމަށް އެ ނިންމުމުގައިވެ އެވެ.
އެ މައްސަލަ ބެއްލެވީ ފަނޑިޔާރު އައިޝާ ޝުޖޫން މުހައްމަދުގެ އިތުރުން ފަނޑިޔާރު ހުސްނުއްސުއޫދު އަދި ފަނޑިޔާރު ޑރ. އަޒްމިރަލްދާ ޒާހިރެވެ.
ޑީއާރުޕީގެ ތެރޭގައި އުފެދުނު ޚިޔާލު ތަފާތުވުންތަކުގައި އެ ޕާޓީގެ އިސް ބޭފުޅުން ޕާޓީ ދޫކުރައްވައި، ވަޑައިގަތްއިރު އެ ޕާޓީއަށް އޮތީ މާލީ ބޮޑެތި މައްސަލަތަކަކާ ކުރިމަތިވެފަ އެވެ.
އެމްޓީސީސީ އަށް ދައްކަންޖެހޭ 1.1 މިލިއަން ރުފިޔާގެ އިތުރުން ރައްޔިތުންގެ މަޖިލީހުގެ ކުޑަހުވަދޫ ދާއިރާގެ މެމްބަރު އަހުމަދު އާމިރުގެ ސްޓޫޑިއޯ އިން ހޯދި ޚިދުމަތްތަކަށް ވެސް ހަތަރު މިލިއަނަށް ވުރެ ގިނަ ރުފިޔާ ދައްކަން ހައި ކޯޓުން އޮތީ ޑީއާރުޕީގެ މައްޗަށް ހުކުމްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑު މަހުޖަނު
11 June 2020
ޕާރޓީ ގެ ދަރަނި އެހާ ބޮޑެވެ. ދާއިރާގެ ރައްޔިތުންނަށް ވަނީ ދަރާފައެވެ. ލޭންދޭނަށް ނެގިފައިސާ އަބުރު ނުދައްކައެވެ. ޓެކްސް ފައިސާއެއް ނުދައްކައެވެ. ދައުލަތުގެ ދަރަނިން ސަލާމަތް ވެވޭވަރެއް ނޫނެވެ. މުވައްޒަފުންނަށް މުސާރައެއް ނުދެއެވެ. ޕެންޝަން ފަންޑަށް ހަދަނޫ ހުސް މަކަރެވެ.
ހަމަވިސްނާ
11 June 2020
ކޭބަލް ކާރު ޕްރޮޖެކްޓް އިހަށް ފަސްކޮށްލައްވާފައި ޕާރޓީ ގެ ދަރަނި އަދާކޮށްލަން ޖާބިރު ދަންނަވަން
އޭކު ސަވާލް
11 June 2020
ސްޕްރީމް ކޯރޓުން ތިގޮތަށް ނިންމީ މަޖުލީހުގެ ރުހުން ލިބިގެންތޯ؟
މޫސާ5
11 June 2020
ނޫން. ލިބިގެނެއް ނޫން. މިއީ މަޖިލީހުގެ ރުހުން ހޯދަން ޖެހޭ ކަމެއް ނޫން. މަޖިލީހުގެ ރުހުން ހޯދޭނެ ނުވަތަ ހޯދަންޖެހިދާނެ ކަންކަން ހުންނާނެ ޤާނޫނު އަސާސީއާއި ޤާނޫނު ތަކުގައި ބަޔާންވެފައި. މިހާރު ހުރި ކަންކަމުގެ އިތުރު ކަންކަންވެސް ޤާނޫނުން ކަނޑައެޅިދާނެ. އެއީއެކަން ޔުނިޓަރީދައުލަތް އޮންނަ ތަންތާނގައި ހިނގާ ގޮތަކީ. ޚާއްޞަކޮށް ރައްޔިތުންގެ ޢާންމު މިނިވަންކަމުގެ ޙައްޤަށް އަސަރުކުރާކަހަލަ އެގްޒެކެޓިވް ނިންމުންތަކުގައި ރުހުން ހޯދަން އެކަށައެޅިދާނެ. އޯކޭ؟
ޖޯކުބެއްޔާ
11 June 2020
ދިވެހި ރައްޔިތުންގެ ޕާރޓީ އޭ ބުނީމާ ވަނީ ބޮޑު ޖޯކަކަށް
ދަރަނިބެއްޔާ
11 June 2020
ދަރަނި ފައި މައްޗަށް ފޮއެ ވެއްޓެނީ ހަމަ
ސިއްދީޤު
11 June 2020
ޖާބެ ޕާރޓީ އާ ޙަވާލުވީ ދަރައްޏަށް ޒިއްމާވާ ގޮތަކަށް ނޫނޯ
ފިތުރޯނު
11 June 2020
ސްޕްރީމް ކޯރޓް ބޮޑުކޮށް ކުރަން ޖާބިރު ޤަރާރެއް ލާނެ ކަމަށް ފެނއނަނީ
ފިތުރޯނު
11 June 2020
ދެން ތިޔަ ޕާރޓި ޖެހޭނީ ވަޅުލަން
ވިސްނާލުމަށް އެދެމޭ
10 June 2020
ދެން ތިޕާޓީ އުވާލަބަލަ..އިލެކްޝަނުގެ ދަފްތަރުން އުވާލަންވެއްނެނުން ދެން...ޖާބިރު ކޭބަލް ކާރާ ހެލިކޮޕްޓަރާ އެއްޗެހި ގެންގުޅޭ މަހުޖަނުގެ ޙަރަދުގަ ތިފައިސާ ދައްކާލަބަލަ..ޖާބިރޫ..
އަން ބަރާ
10 June 2020
އަހަރެމެން މިހާރި ބޭނުންވަނީ ނިއު އެމްޑީޕީ އެއް ހަދާށެވެ.