ފޮރިން މިނިސްޓްރީގައި ބޭއްވި ރަސްމިއްޔާތުގައި މިނިސްޓަރު ޝާހިދު (ކ) އާއި ޗައިނާ ސަފީރު ޖާން ލިޖޯން ވާހަކަދައްވަނީ، --ފޮޓޯ:ފޮރިން މިނިސްޓްރީ
17 ޖޫން 2020 - 13:15
37 comments
ރާއްޖޭގެ ދަރަނީގެ 45 ޕަސެންޓް ދައްކަން ޖެހިފައިވަނީ ޗައިނާގެ ބޭންކްތަކަށް ކަމަށް ވޯލްޑް ބޭންކުން ބުނެފި އެވެ.
ރާއްޖޭގެ އިގްތިސާދީ ހާލަތާ ގުޅޭ ގޮތުން ވޯލްޑް ބޭންކުން ނެރެފައިވާ "އިން ސްޓޯމީ ސީސް" ރިޕޯޓުގައި ވާ ގޮތުން މި ހާލަތުގައި ވެސް ރާއްޖެއަށް ދިމާވެފައިވާ އެންމެ ބޮޑު އިގްތިސާދީ ގޮންޖެހުމަކީ ދައުލަތުގެ ދަރަނި އިންތިހާއަށް ބޮޑުވުމެވެ. އެގޮތުން މި އަހަރު އެކަނި ވެސް މާލީ އިދާރާތަކަށް 219 މިލިއަން ޑޮލަރު ރާއްޖެއިން ދައްކަން ޖެހެ އެވެ. މީގެ 45 ޕަސެންޓް ހިއްސާވަނީ އެކްސްޕޯޓް-އިމްޕޯޓް ބޭންކް އޮފް ޗައިނާ އާއި އިންޑަސްޓްރިއަލް އެންޑް ކޮމާޝަލް ބޭންކް އޮފް ޗައިނާ އާއި ޗައިނާ ޑިވަލޮޕްމެންޓް ބޭންކަށެވެ.
އެކަމަކު ކޮވިޑް-19ގެ ހާލަތާ އެކު ޗައިނާ އިން މިހާރު ވަނީ މި އަހަރު ދައްކަން ހުރި ލޯނުތައް ސަސްޕެންޑް ކޮށްދީފަ އެވެ.
މި އަހަރު ނިމޭ އިރު ރާއްޖޭގެ އުފެއްދުންތެރިކަމުގެ ނިސްބަތުން ދަރަނީގެ މިންވަރު 79 ޕަސެންޓަށް އަރާނެ ކަމަށް ވޯލްޑް ބޭންކުން ލަފާކުރެ އެވެ. މީގެ އިތުރުން ދައުލަތުގެ ދަރަންޏާއި ދައުލަތުން އެކި ލޯންތަކަށް ދީފައިވާ ގެރެންޓީއާ އެކު ދަރަނީގެ މިންވަރު އުފެއްދުންތެރިކަމުގެ ނިސްބަތުން ހުންނާނީ 93.8 ޕަސެންޓްގައި ކަމަށް ވެސް ވޯލްޑް ބޭންކުން ބުނެ އެވެ.
ކޮވިޑް-19ގެ ކުރިން ވެސް ރާއްޖެ ހުރީ ނިސްބަތުން ވަރަށް މަތީގަ އެވެ. އަދި މިހާރު ކުރިމަތިވެފައިވާ އިގުތިސާދީ ބޮޑު ވެއްޓުމާ އެކު ގައުމު ހިންގުމަށްޓަކައި ބޭރުގެ މާލީ އިދާރާތަކުގެ އެހީއަށް ބަރޯސާވާ މިންވަރު ވަނީ މަތިވެފަ އެވެ.
ރާއްޖޭގެ ދަރަނީގެ ބޮޑު ބައެއް ޗައިނާގެ ބޭންކްތަކަށް ދައްކަން ޖެހެނީ ރާއްޖޭގައި ހިންގި އަދި ހިންގަމުން އަންނަ ބޮޑެތި ޕްރޮޖެކްޓްތަކަށް ކުރީ ސަރުކާރުން ނަގާފައިވާ ލޯނުތަކުގެ ސަބަބުންނެވެ. މިގޮތަށް އެންމެ ގިނަ ލޯނުތަކެއް ނެގީ ކުރީގެ ރައީސް އަބްދުﷲ ޔާމީންގެ ސަރުކާރުގަ އެވެ.
މި އަހަރުގެ ފުރަތަމަ ކުއާޓަރުގެ ތަފާސްހިސާބުތަކުން ފެންނަ ގޮތުން ރާއްޖޭގެ ދަރަނި 55.7 ބިލިއަން ރުފިޔާއަށް އަރަ އެވެ. ކޮވިޑް-19ގެ ސަބަބުން، މި އަހަރު ނިމޭ އިރު، އެ އަދަދު 70 ބިލިއަން ރުފިޔާ އަށް އަރާނެ ކަމަށް ބެލެވެ އެވެ.
ވޯލްޑް ބޭންކުން ލަފާކުރާ ގޮތުގައި ކޮވިޑް-19 އިން ދިމާވި އިގުތިސާދީ ވެއްޓުމުން އަރައިގަތުމަށް ދުވަސް ނަގާނެ އެވެ. އެގޮތުން 2004 ގައި ކުރިމަތިވި ސުނާމީ ކާރިސާއާ ގުޅިގެން ރާއްޖޭގެ އިގުތިސާދު ވެއްޓުނު ވެއްޓުމުން އަރިގަތުމަށް ހޭދަވި ދުވަސްތަކަށް ވުރެ މި ފަހަރު އިގުތިސާދު ހަމަޔަކަށް އަޅުވަން ނަގާ މުއްދަތު އިތުރުވާނެ ކަމަށް ވެސް އެ ބޭންކުން ލަފާކުރެ އެވެ.
މި އަހަރު ރާއްޖޭގެ އިގުތިސާދުގެ ކުރިއެރުން މައިނަސްގައި ހުއްޓަސް، އަންނަ އަހަރު 8.5 ޕަސެންޓްގައި ކުރިއަށް ދާނެ ކަމަށް ވެސް ވޯލްޑް ބޭންކުން ވަނީ ލަފާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލޯނު
18 June 2020
އެމެރިކާގެ ދަރަނީގެވެސް ފުދޭވަރެއްގެ ބޮޑު އެއްޗެއް އެއީ ޗައިނާގެ އެއްޗެއް. އިންޑިޔާއިންވެސް ޗައިނާގެ ލޯނު ނަގާ. ފައިސާ ހުރި ބައެއްގެ އަތުން އެ ލިބޭނީވެސް އަދި އެބަޔަކަށް ދަރަނި އަނބުރާ ދައްކަން ޖެހޭނީވެސް.
އަލީ އަހްމަދު
18 June 2020
ޗައިނާއިން ލޯނު ދޭގޮތާއި އިންޑިއާލޯނުގެތަފާތު މިސަރުކާރު ގެނައި ކުދިން ދިރާސާކޮއްލަބަ! ޗައިނާއިން ބުރިޖު އަޅަން ނެގިލޯނުގެ އަދަދކީ 170 މިލިއަން ޑޮލަރު އޭގެން އަބުރާދައްކަން ޖެހެނީ70މިލިއަން ޑޮލަރު..މިހާރު އަޅާ އިންޑިއާ ބުރިޖު ސާވޭއާއި އެކުލޯނުގެ އަދަަދަކީ450މިލިއަން އޭގެން ދައްކަންޖެހޭ ލޯނު އަދަކީވެސް 450މިލިއަން ޑޮލަރު..ދެން ހަމަ ބޭކާރު ވާހަކަ ދޯ މިދެއްކެނީ ދަރައްޏޭ ނޫނީ ޔާމީނު ކެއީއޭ ކިޔައިން..މިފެންނަ އަދަދު ތަކަކީ ހަގީގަތް ބުނެދޭ އެއްޗެއް.
ހަސަންފުޅު
18 June 2020
ކޮބާ މައްސަލަ އަކީ. ނަސީބެއްނު ޗައިނާ އިން ލޯ ދޭކަން
ޖކލބ
17 June 2020
ލޯނު ނަގާއިރު އެންމެ އަގުހެޔޯކޮށް ލޯނުދޭ ބަޔަކު އަތުން ނެގުން މުހިންމީ. އެމްނެކުޑަ ފައިނެންސް ކޮސްޓް ހުރީ ގިނައިން ޗައިނާގެ ލޯނުތަކުގައި. ބޮޑުއަގުގައި ޔޫރަޕާއި އެމެރިކާއާއި ގުޅިފައިވާ މީހުންގެ އަތުން ނޫނީ އިންޑިޔާ އަދުންނެގުން ކޮންމެހެން މުހިއްމެއްނޫން. މިކަހަލަ އާޓިކަލް ލިޔާއިރު މިކަންކަމަށް ބަލަންޖެހޭ. ވާހަކައިގެ އެއްބައި ލިޔުނީމަ ކަމަކުނުދާނެ.
އަށް ގޮދާ
17 June 2020
ތަރައްޤީ ކުރެވެން އަންނަނީ ލޯނުނަގައިގެން. ލޯނުލިބެން އަންނަނީ ފައިސާ ހުރިމީހުން އަތުން. ވީމާ ވަރަށް ސާފު ޗައިނާ އަތުގައި ފައސާ ހުރިކަން، ޔޫރަޕްގެ ގައުމުތަކައް ވުރެ ގިނައިން. ރ.ޔާމީން ލޯނު ނަގައިފައި ހުރީ %6 އިންޓަރަސްޓް ރޭޓުގައި... މިއީ މިހާރުގެ އެމްޑީޕީ ސަރުކާރައްވެސް ނުވާ ކަމެއް.
ޔާނު
17 June 2020
ރާއްޖޭގެ ދަރަނީގެ ބޮޑު ބައެއް ޗައިނާގެ ބޭންކްތަކަށް ދައްކަން ޖެހެނީ ރާއްޖޭގައި ހިންގި އަދި ހިންގަމުން އަންނަ ބޮޑެތި ޕްރޮޖެކްޓްތަކަށް ކުރީ ސަރުކާރުން ނަގާފައިވާ ލޯނުތަކުގެ ސަބަބުންނެވެ. މިގޮތަށް އެންމެ ގިނަ ލޯނުތަކެއް ނެގީ ކުރީގެ ރައީސް އަބްދުﷲ ޔާމީންގެ ސަރުކާރުގަ އެވެ.
ނަން
17 June 2020
އިންޑިޔާއަށް ދައްކަން ޖެހޭވަރު ސާފު ކޮއދީބަލަ. ވަކި ކުޑައެއް ނުވާނެ. އެމީހިހުން އުޅެނީ އަޅުވެތި ނުކުރެވިގެން.
ްއަދުރޭ
17 June 2020
މިކިޔާއެއްޗަކީ ލޯނުނުނަގާ ތަރައްގީކުރާށޭ... ޗައިނާ ދަރަނި ބޮޑުވާހަކަ ބުނީމަ އެބުނަނީ އިންޑިޔާއިން ލޯނުނަގާށެކޭނޫން
ރައްޔިތު ސޮރު
17 June 2020
ހަޤީޤަތުގަ އެދުމެއްނެތި މިޤަޢުމަށް އެހީތެރިވެދިންޤަޢުމަކީ ޖަޕާން. ޖަޕާނުން ވެދިންއެހީއާ ގާތައްވެސް އެއްވެސް ޤަޢުމަކަށް އަދި މިރާއްޖެއައް އެހީވެދީފަކަ ނޯންނާނެ! ވަކިޗައިނާއެއް އިންޑިޔާއެއް ކިޔާނެ ކަމެއްނެތް! މިހާރު ތިއެހީވެދޭ ޤަޢުމުތަކުގެ އަސްލު މަޤުސަދަކީ އިޤްތިސޯދީގޮތުން އަޅުވެތިކުރުން. ޖަޕާނުންކޮށްދިން ބައެއް ކަންކަމުގެތެރޭގަ މާލޭތޮށިލާދިނުން، މާލެއާރާއްޖޭގެގިނަ ސުކޫލުއަޅާދިނުން، ފުލެޓްއަޅާދިނުން ސިއްހީއެހީއާ ޓީވީއެމްގެހުރިހާސާމާނަކާ އަދިވެސް.
އާދަނު2
17 June 2020
ރާއްޖެ ފަދަ ކުދި ޤައުމުތަކަށް ޗައިނާއިން އަތްގަދަކުރަނީ އެކަހަލަގޮތަކަށް. މިސާލަކަށް ޕަޕުއާނިއުގިނީއާ އެއޮތީ ލޯނު ނުދެއްކިގެން ޗައިނާގެބާރުދަށަށް ޤައުމުދާހިސާބުގަ.
އާދަނު2
17 June 2020
ދަރަނި ނުދެއްކުނީމަ ޗައިނާއިން ދެން އަތުލާނީ ޤައުމުގެ ރަޖިސްޓްރީ..!! އެހިސާބުން ޤައުމުގެ މިނިވަންކަން ގެއްލި އެހެންބައެއްގެ ބާރު ގަދަވެގެންދާނެ.