ދަނގެތި ދާއިރާގެ މެމްބަރު ނާޒިމް: .---ފައިލް ފޮޓޯ: މިހާރު
18 ޖޫން 2020 - 16:32
13 comments
ކުރީގެ ޑިފެންސް މިނިސްޓަރު މުހައްމަދު ނާޒިމް ހައްޔަރު ކުރުމާ ގުޅިގެން، ޕްރިމިއާ ޗެމްބާސް އިން ފޯރުކޮށްދިން ގާނޫނީ ކަންކަމަށް ލިބެންޖެހޭ 1.3 މިލިއަން ރުފިޔާ ހޯދަން އެ ލޯ ފާމުން އޭނާއާ ދެކޮޅަށް ދައުވާކޮށްފި އެވެ.
ގ. އެނިފްގޭގައި ހުންނަ ނާޒިމްގެ ކޮޓަރިން ހަނގުރާމަވެރި ހަތިޔާރު ފެނުނު މައްސަލައިގައި ފެބްރުއަރީ 10، 2015 ގައި އޭރުގެ ޑިފެންސް މިނިސްޓަރު ނާޒިމް ހައްޔަރުކުރި ހިސާބުން ފެށިގެން، އެ މައްސަލަ އިސްތިއުނާފުކުރަން ހައި ކޯޓަށް ހުށަހެޅުމާ ހަމައަށް އޭނާގެ ގާނޫނީ މަސައްކަތްތައް ކުރަމުން ދިޔައީ ވަކީލް މައުމޫން ހަމީދުގެ ހިއްސާ އޮންނަ ޕްރިމިއާ ޗެމްބާސް އިންނެވެ. ނަމަވެސް އެ މައްސަލައިގެ އިބްތިދާއީ އަޑުއެހުން ބޭއްވި ފަހުން ނާޒިމް ވަނީ އެ ލޯ ފާމު ދޫކޮށްލައްވައިފަ އެވެ.
އެ މައްސަލައިގައި މާޗު 27، 2015 ގައި ކްރިމިނަލް ކޯޓުން ވަނީ ދަނގެތި ދާއިރާގެ ޖުމްހޫރީ ޕާޓީގެ މިހާރުގެ މެމްބަރު ނާޒިމް 11 އަހަރަށް ޖަލަށް ލުމަށް ހުކުމްކޮށްފަ އެވެ. ހައި ކޯޓުން ވެސް ވަނީ ދަށު ކޯޓުގެ ހުކުމަށް 2016 ގައި ތާއިދުކޮށްފަ އެވެ. ނަމަވެސް ސުޕްރީމް ކޯޓަށް ހުށަހެޅުމުން އެންމެ މަތީ ކޯޓުން ނިންމީ މައްސަލަ ބަލައިނުގަތުމަށެވެ. އެކަމަކު، އެ މައްސަލަ ރިވިއުކުރަން ސުޕްރީމް ކޯޓަށް ފަހުން ހުށަހެޅުމުން އެ ކޯޓުން ވަނީ 11 އަހަރުގެ ޖަލު ހުކުމް ބާތިލްކޮށްފަ އެވެ.
ޕްރިމިއާ ޗެމްބާސްގެ ފަރާތުން މި މައްސަލަ ކޯޓުގައި ތަމްސީލު ކުރައްވާ ވަކީލް މުހައްމަދު ޝާކިރު މިއަދު ވިދާޅުވީ، އެ ލޯ ފާމު ދޫކޮށްލިއިރު ބޭރުގެ އެކި ފަރާތްތަކާ ބައްދަލުކޮށް، ނާޒިމްގެ މައްސަލައިގެ މައުލޫމާތު ހިއްސާ ކޮށްފައިވާ ކަމަށެވެ. އޭގެ އިތުރުން ވެސް އެ މައްސަލައާ ގުޅޭ ގިނަ ކަންތައްތަކެއް ކޮށްފައިވާ ކަމަށާއި އެ ހިދުމަތްތަކަށް 977،353ރ. ދެއްކުމަށް އެދި އެތައް ފަހަރެއްގެ މަތިން ނާޒިމަށް އަންގާފައިވާ ކަމަށް ވިދާޅުވި އެވެ.
އެ މުއްދަތުތަކުގެ ތެރޭގައި ފައިސާ ނުދެއްކުމުން މިދިޔަ މާޗު 18 ގައި އެ މައްސަލަ ސިވިލް ކޯޓަށް ހުށަހަޅާފައިވަނީ ޖޫރިމަނާތަކާ އެކު 1.3 މިލިއަން ރުފިޔާ ހޯދައިދިނުމަށް އެދި އެވެ. ޑިސްޕިއުޓު މަރުހަލާގައި ފުރަތަމަ އަޑުއެހުން މިއަދު ވަނީ ބާއްވައިފަ އެވެ.
ޝާކިރު ވިދާޅުވި ގޮތުގައި، ހައި ކޯޓުގައި އިސްތިއުނާފުގެ މައްސަލަ ކުރިއަށް ގެންދިޔައީ، އެ ވަކީލުން ހުށަހެޅި ފައިލަށެވެ. އެ މައްސަލައިގައި އިސްތިއުނާފުކުރަން ޕްރިމިއާ ޗެމްބާސް އިން 75 ސޮފްހާ ހުށަހެޅި އެވެ.
"ނާޒިމް ދައްކަންޖެހޭ ފައިސާ ދައްކަން އެތައް ފަހަރެއްގެ މަތިން ދެއްކުމަށް އެދުމުން ވެސް ދައްކާފައި ނުވާތީ ކޯޓަށް މައްސަލަ ހުށަހެޅީ،" ޝާކިރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢިންނަ
20 June 2020
ދަރަނިވެރިން މަޖިލިސް މެމްބަރުކަމަށް ސަރުތުހަމަވޭތަ؟ކޮސްވެއްޖެ!!!
އެހެންޏާ
20 June 2020
ދަރަނިވެރިންނަށް ހައްޖަށްނުދެވުނަސް މެމްބަރަކަށްވާން އެކަމުގެ ޝަރުތު ހަމަވާނެ. ގާނޫނު ހަދާ މީހުންނަށް ގާނޫނު އެނގޭކަށްނުޖެހެޔޯ އަދި ތައުލީމީ ފެންވަރެއްވެސް ހުންނާކަށްނުޖެހެޔޯ. މަސްވެރިން ނޫނަސް މަސްބާނާ އުޅެޔޯ. ދަނޑުވެރިން ނޫނަސް ދަނޑުވެރިކަން ކުރެވެޔޯ.. އެހެންވީމަ...
އައްމަޑޭސ
18 June 2020
ދުނިޔޭގެ ހުރިހާ ތަނެއްގަވެސް ވާން އޮތިއްޔާ އެއްވެސް ކަމެއްގަ ކޯޓައް ނުގޮސް މައްސަލަނިންމޭތޯބަލަނީ މިހެންވެ މިހާރު މިގައުމުގަވެސް މިހާހިސާބައް ކަންތައްގޮއްސަމިއޮތީ. މިހާ ހިސާބައް ގޮއްސިއްޔާ އެއްވެސް ހަސްމަކައް މާބޮޑު ފައިދާއެއްނެތް ހުރިހާ ފައިދާއެއްއޮތީ ވަކީލައް. ގެއްލުމަކައް ދެލައްކަ އަރަންޏާ ކޯޓުމަރިހަލާ ނިމޭއިރު 2 މިލިޔަން އަރާފަ އޮންނާނީ.
ހައިޝަން
18 June 2020
ލޯޔަރުންނައް މީނާ ދޭން މިލިޔަން ގިނައެއް ނޫން.. ލޯޔަރުން މަސައްކަތް ކޮއްދީގެންނޫންތަ އެހެރީ ކުޑަގޮޅީގެ ތޭރިތަކުގރ ފަހަތުން ނެރެވިފަ...
ދަޒީލާ.
18 June 2020
ތިހިރީ ތިތިބަ މީހުންގެ ކަންކަން ހުންނަ ހިސާބު... އަދިވެސް ރައްޔިތުން ކުރިމަތީ މާ އޮމާން މީހުންނައް ހެދިގެން ތާއީދު ހޯދަން ނިކުންނާތި..
ޙުސަންބޭ
18 June 2020
ޖުރިމާނާއޭ... ޖުރިމާނާ އަކީ ޝަރީޢަތުން މީހުންނަށް ކަނޑައަޅާ އަދަބެކެވެ. އަމިއްލަ ފަރާތްތަކަށްވެސް މީސްމީހުންގެ މައްޗަށް އަދަބު ކަނޑައެޅޭހެއްޔެވެ؟
ދަމާކަޑާ
18 June 2020
މަކުރިން ހީކުރީ އިންސާނީ ހައްޤަށް ޓަކައި ނުވަތަ ޤާއުމީ ކަމެއްގެ ގޮތުގައި ބަޔަކު ނިކުމެ އެދުވަސް ވަރި ނުހައްޤުން ހައްޔަރު ކުރި މީހުންގެ ހައްޤުގާ ތެދުވި ތެދުވުމެއް ކަމަށެވެ. އަދި ކިރިޔާ މިއެގުނީ ލާރިއަށް ކަން..ވީކަމެއް ކުރެވުނު ކަމެއް އޮތީކީ ވެސް ނޫނެވެ.
އިސްލާހު
18 June 2020
މިކަމުގައި ކޮމެންޓެއް ކުރަން އެނގޭނީ ނާޒިމް ވެސް މިކަމުގައި އެއްޗެއް ބުނީމައެވެ. ޤަބޫލު ކުރަން ދަތި އަގުތަކެއް ދައްކަން ޕްރިމިއަމް ޗެމްބަރ އިން އަންގާނަމަ ނާޒިމް ވިޔަސް އެހެން މީހެއްވިޔަސް އެގޮތައް ޢަމަލު ނުކޮއްފާ ނެއެވެ. އެހެންވީމާ ބުއްދިވެރި ގޮތަކީ ކޯޓަށް ދިއުން ކަމަށް ފެންނާތީ ލޯފާމުންވެސް ކަންތަށް އެކުރަނީ ރަނގަޅެށެވެ.
ކޮމެންޓޭ1
18 June 2020
ލޯފާމޭ ކިޔާފެ ހިތި ހުރި އަގަކު އިންވޮއިސް ފޮނުވިޔަކަސް ނުދައްކާނެ ދޯ
އަހުމަދުބޭ
18 June 2020
ފެލައިލަން ފުރުސަތު ލިބިއްޖިއްޔާ ހަމަ މިއޮންނަނީ ފެލައިލުންދޯ
ކުޑަމޯޑީގެ ޗާބީ
18 June 2020
މިހިރީ ދެން ވެރިކަމަށް ފައިނަގައިގެން އުޅޭ މީހުންގެ ފެންވަރަކީ، ލަގޮނޑީގަ ނާށި ލައިފަ އެހުންނަނީ، ނާޒިމު އަތު ގައިމު ފައިސާ ހުންނާނެ، ދެން ރައްޔަތުންނަށް މިމީހުން ދޭނީ ކޯއްޗެއް. ޔާމޯނު ހެދީ ހަމަ ރަނގަޅަށް
ބުނަންތަ!
18 June 2020
އަހަރު މެން ވޯޓު ދީގެން މަޖްލީހަށް، މެމ މްބަރުން ހޮވީ މައި، އެ މީހުންގެ މަޞްޢޫލިއްޔަތަކަށް ވާންޖެހޭނީ، އެ މީހަކު ހޮވިފައިވާ ދާއިރާއަކަށް ކަންކަން ފަހިކޮށްދިނު މަށް، ސަރުކާރުން މަދަދު ހޯދައި ދިނު މެވެ. އެ މީހުންގެ ޖީބުން ރައްޔިތުންނަށް ޚަރަދު ކުރާކަށް ނުޖެހޭނެ އެވެ. އެއީ އެ މީހުންގެ އިޚްތިޔާރުގައި ވާކަ މެކެވެ. ބައެއް މީހުންނަށް ހީވެފައި އޮންނަނީ، ވޯޓުދީގެން މަޖްލީހަށް ހޮވޭ މެ މްބަރަކީ، ތި މާ މެންގެ ގޭގެ ބިލްތައް ދައްކަން ޖެހޭ، މީހާ ކަ މަށެވެ.