ވިޓެވެލި
18 ޖޫން 2020 - 16:41
10 comments
އޮޒެން މާދޫގެ ކާމިޔާބު ތަޖުރިބާއަށް ފަހު 2016 އިން ފެށިގެން ފުޅާކުރަމުން އަންނަ އޮޒެން ބްރޭންޑަށް އިތުރުވާ ބޮޅެއްގެ ގޮތުގައި "އޮޒެން ރިޒާވް ވިޓަވެލި" ހުޅުވަން، އެޓްމޯސްފިއާ ހޮޓެލްސް އެންޑް ރިޒޯޓްސް އިން ތައްޔާރުވެއްޖެ އެވެ.
އިންޑިއާ ކަނޑުގެ ސަރަހައްދުގައި ހިތްގައިމު ރިސޯޓްތަކެއް ހިންގަމުން އަންނަ އެ ގްރޫޕުން ދެކޭ ގޮތުގައި "އޮޒެން ރިޒާވް ވިޓަވެލި" އެ ކުޑައިގެ ދަށަށް އައުމަކީ ވެސް ލިބުނު ޝަރަފެކެވެ.
"އެޓްމޯސްފިއާގެ އޮޒެން ކަލެކްޝަނަށް މި ރިސޯޓް އިތުރުވުމަކީ އަޅުގަނޑުމެންގެ ބްރޭންޑް ފުޅާކުރުމުގެ ހުވަފެނެއް ހަގީގަތަކަށް ވުން،" އެޓްމޯސްފިއާ ހޮޓެލްސް އެންޑް ރިޒޯޓްސްގެ މެނޭޖިން ޑިރެކްޓަރު ސަލިލް ޕަނިގްރާހީ ވިދާޅުވި އެވެ.
އޭނާ ވިދާޅުވި ގޮތުގައި، ކުރިން ޔޫއޭއީގެ ޖުމެއިރާ ގްރޫޕުން ހިންގި ރިސޯޓް އަލުން ހުޅުވާނީ އިންޑިއާ ކަނޑުގެ ހިތްގައިމު މެހެމާންދާރީއަށް ގެނބިލެވޭ ފަދަ "ލަގްޒަރީ ލައިފް ސްޓައިލް ރިސޯޓެއް"ގެ ގޮތުގަ އެވެ. އަތްވާއި ވިހުރުވެމުންދާ ރުށްތަކުގެ ރީތި މަންޒަރު ވިޓަވެލީގައި ފެންނާނީ ލަގްޒަރީ ހިދުމަތްތަކާ އެކު އެވެ.
"އޮޒެން ރިޒާވް ވިޓަވެލިން ލިބޭނީ ޖާގަ ތަނަވަސް، ހަމަޖެހުން ގެނެސްދޭ އަދި ހަމަ އެއާ އެކު މުއްސަނދި ޖަޒީރާ ދިރިއުޅުމެއް،" ޕަނިގްރާހީ ވިދާޅުވި އެވެ.
ވިޓަވެލީގެ 89 ވިލާ އާއި އެއަށް ވުރެ މަތީ ފެންވަރުގެ ގެތަކުން ގެސްޓުންނަށް ފުރިހަމަ އަމިއްލަވަންތަކަން ލިބިދޭނެ ކަމަށް، މެނޭޖްމަންޓުން ބުނެ އެވެ. އެއިން ކޮންމެ ތަނެއްގައި ޕްރައިވެޓް ޕޫލެއް އޮންނަ އެވެ. ވޯޓާ ސްލައިޑް ވެސް ގެއާ ގުޅާލާފައިވެ އެވެ. އަދި 85 ފޫޓުގެ ވިޓަވެލި ޔޮޓަކީ ވެސް ގެސްޓުންނަށް އޮތް ވަރަށް ބޮޑު ފުރުސަތެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެއްކަލަ މީހާ ދޯ
20 June 2020
ތިޔަ އޮޒެން ކުންފުނިން ބަރި ބަރިއަށް ރާޖޭގައި ރިސޯޓްތައް ހުޅުވަމުން ދާއިރު ތިޔަ ކުންފުނިން މިރާއްޖޭގެ އެއްވެސް ސަޕްލައަރަކަށް އަދި ކުއްޔަށް ނަގާ އުޅަނދަކަށް ފައިސާއެއް ނުދައްކާ. މިހާރުވެސް ތިޔަ ކުންފުނިން އެކި އެކި ފަރާތްތަކަށް ދައްކަންޖެހޭ ފައިސާ އެތައް މިލިއަނަށް އަރާ . މީން އެއްވެސް ކަމެއް ބެލޭނެ ގާނޫނެއްނެތް. މިރާއްޖޭގެ ކުދި އަދި މެދުފަންތީގެ ވިޔާފާރިވެރިންނަށް ރައްކާތެރިކަމެއް ނެތް.
އޮޒެން ރިޒާރވް ބައި ބޮލިފުށި
01 December 2020
އެޓްމޮސްފިއާރ ވާނެ އެންމެ ޕޭމަންތް ރަނގަޅު އެއްތަނަށް. އެނގިގެންހުރެ މިބުނީ. މީއެތާ މުއައްޒަފެއް. ދުވާލަކު އެތައް ސަޕްލަޔަރަކަށް ޗެކް ދޫކުރަން މަގޭ 2 އަތުންވެސް!!!!
މުހައްމާފުތާ
19 June 2020
ދިވެހިންގެ ބިންތަށް. ޚާއްސަ ތިކުޑައިގެ ދަށުން ހިންގާ ރިސޯޓް ތަކުގަ %90 މުއައްޒަފުންނަކީ ބޭރުމީހުން. ޓޮޕް މެނޭޖްމަންޓް އާއި މިޑްލް މެނޭޖްމެންޓްގަ ދިވެއްސަކު ނުހުންނާނެ. ހުރިހާ ލާރިއެއް ބޭރު ގައުމުތަކަށް. ތިތަންތަން ހުޅުވިޔަކަސް ދިވެހިންނަށް ލިބޭ މަންފާއެއް ނެތް، ލިބޭ ފައިދާއެއް ނެތް. ވަރަށް ދެރަ. އެއްވެސް ސަރުކާރަކުން އަޅައެއް ނުލާ.
އުދަމުދ
19 June 2020
މިކަހަލަ ކިތަންމެ ރިސޯޓެއް ހުޅުވިޔަސް ރައްޔިތަކައްވާ ފައިދާއެއްނެއް ފުރަތަމަ މުޅިސަރުކާރުވެސް އެހިންގަނީ ރައްޔިތުން އަޅުވެތިކޮއްގެންނަގާ ޖިޒީގެ ރުފިޔާއިން ތިޔަބުނާ ރިސޯޓްތަކައްލިބޭ ރުފިޔާ ވާތަނެއް އެނގޭ މީހަކުނެއް ބޮޑުންނޫނީ އެސުވަސް ވަރެއްގެ ސަރުކާރުގަތިބޭ ބަޔަކު އަރާމާ އިޝްގަ އުޅެނީ ރައްޔިތުންބަޑައް ރައްޔިތުން ކުރާމަސސައްކަތުން ފާޑު ފާޑުގެ ޓެކްސް ނަގައިގެން ވެރިން ބޮޑުމުސަރައިގައި ނާޗަރަންގީ ކުޅެނީ
ޙަބީބު
18 June 2020
ކާކު ތިތަނައް އަންނަނީ މިއުޅެނީ 19 ޔަކުން ސަލާ މަތްނުވެވި ރިސޯޓު މުވައްޒަފުން ނިކަ މެތި ހާލަކައް ވެއްޓި ޕެންޝަންފަންޑު ވީތަނެއްނޭނގި
ބޮޑުމީހާ
18 June 2020
ދިވެހިންގެ ހުރިހާ މުދަލެއް ބޭރު މީހުން ނަގައި ހުސްކޮށްފި
ޝަފީގު.
18 June 2020
ޖިންނި ޓޫރިސްޓުންތަ ތިތަނައް ގެންނާނީ..
އަބްދުލް މަލިކް
18 June 2020
ޔައްޓޭ އަށް ޓެގް ކޮށްލަބަލަ ކޮންމެވެސް ކުއްޖެއް.
އޮނަރަބްލް އަފީފު ދީދީ
18 June 2020
މިފަދަ 200 ރިސޯޓް ތަރައްޤީކުރާނެ ރީތިރަށްތައް ހުވަދޫ އަތޮޅުގައި އެބައޮތް. # ކޮވިޑް 19 އަށްފަހު ޓްއަރިޒަމް ސިނާއަތު މިއޮތްގޮތަށްގެންގުޅެން މާލޭސަރުކާރުން ވިސްނުމުގެބަދަލުގައި ހުވަދޫއަތޮޅުން 80 ރަށް މިފަދަ ރިސޯޓް ތަރައްޤީކުރުމަށް ބައިނަލްއަޤުވާމީބިޑަށް ހުޅުވާލަންޖެހޭ. # އަދި ދިވެހި އިންވެސްޓަރުންނަށް އަމާޒުކޮށް 15 ހާސް އަކަފޫޓް ބިންތަކުގައި 50 ކޮޓަރީގެ 75 ސިޓީހޮޓާ ތަރައްޤީކުރުމަށް ގެސްޓްހައުސް ވިލެޖް ޕޮރޮޖެކްޓެއް ލ. ގުޅިފައިވާ ރަށްރަށުގައިހިންގާ ވޮލިއުމްވިޔަފާރިހަދާންވެއްޖެ.
ބަނޑޮސް
18 June 2020
މާލޭ މީހުން ތިކަމެއް ނުކުރާނެ. ހުވަދޫ އަތޮޅުގައި ހުރިރަށް ރަށުގައި ރިސޯޓް ހަދައިފިނަމަ މާ ބޮޑު އަގުގައި ރޫމް ވިއްކޭނެ. ޔޫރޮޕް މީހުން މިތަނުގެ ވެށި ކަނޑު އަޑި ފެނިފައި މޮޔަވާނެ. މާލެ އެއީ ގޮނޑެއްކަމަށް އެމީހުނަށް އިގޭނީ މިތަން ފެނުނީމަ.